يوميات عضو مأثر فيه الفراغ

مطــرود · November 20, 2008

بسم الله الرحمن الرحيم

السلام عليكم ورحمهـ الله

صباح / مساء الخير

كيف القواطي والقوارير ..؟!
ان شاء الله تكونوا اكووس مني يارب

قلبي تولع بجده .. شوقي وحنيني لجده

وآآآآآآآآآآآآآآآآآآآآآآآآآآآآآآآهـ يا جده

ـــــــــــــــــــــــــــــــــــــــــــــــــــ

بدخل بالموضوع على طول << تقل واحد بمسلسل رايح يخطب

أنا جاء براسي انزل موضوع يعني بنزل
قلت مالي إلا اسرد لكم يومي المليء بالمغامرات والأكشن
ومختوم بقلق وعصبيهـ ونرفزهـ وكل ابو شيء وع بالحياة
والسبب زي كل ابو دايم (الفرااااااااااااااااااغ)

أول شيء اني صحيت بدري يعني تقريبا 5 العصر
صحيت بس للأفس مافيهـ إلا انا اللي بالبيت
الوالدهـ كانت مدري وينهـ
والورعان طالعين مع الوالد

وأنا اجي وانبطح على ذيكـ الكنبهـ (أم ثلاث) << عشان تدرون انه طويل
وأشغل غصب 1 وكان فيها برنامج ( افخم القصور في أوروبا )
و غصب 2 فيها مباراة من الدوري الفرنسي واعادهـ بعد

قلت يا ولد مالك إلا ترجع وتخمد
وهذا اللي صار
إلى بعد صلاة العشاء
غطيت في سبات عمييييييق
صحيت بعدها على شويت تهزيأهـ خفيفهـ يحبها قلبي

..

وبعدها بدأ مشوار الملل والطفش والفراغ
رقيت فوق الاااب قلت خليني أدور لي أكلات سريعهـ اسويها وإلا حلى سريع وإلا شيء يبعد الملل
جلست أفرفر بالمنتديات بس ماحصلت شيء
اللي حصلتهـ رول تونهـ
قلت خلوني أسويهـ
يوم نزلت تحت لقيت مافيهـ توست

<< لاحظوا اني وصلت 11 الحين

تعشيت مع الوالد والوالدهـ شوربهـ وسمبوسهـ << تذكرت ايام رمضان

قلت ابي شيء باااااااااااارد
دورت في الثلاجه ماحصلت شيء
رحت وسويت لي كوب كابتشينو << لاحظوا من شهوة بارد لحار

..

بعدهـا من الطفش جلست اشوف مسلسل ( مشرط ) سوري قصدي ( لحظات حرجه) على غصب 1
<< مشرط .. اتظنز عليهم اذا جلسوا بالعمليات اقالهم صدق مختبين ويصدقون اعمارهم

بعداها جان الخبر الصاعقهـ
خبر هد كل قواي العقليهـ والبدنيهـ
خبر قتلني إلا خمس دقايق << يسوي اثارهـ
ألا وهو :

سفرنا لجده (تقريبا) تكنسل

انا:

وربي ان كل شياطين البشر طلعت قدامي من القهر
كل شيء إلا روحهـ لجده

بعد هالسالفهـ بديت أحط حرتي باللي قدامي

وفيه من ضمن الضحايا
اصدقاائي اللي حاطين توبيكاتهم بالمسن عن جده والرياض
دخلت عليهم وهزأتهم .. وش تبون بالرياض وجده من زينها
هم :
بعدين اسكت وهم مايتكلمون لانهـ عرفوا ان بي شي لو يتكلمون كلمه يعرضون انفسهم وايميلاتهم للـ ( بلوكـ )

لااااااااا واللي زاد الطين بلهـ
انهم قالوا فيهـ عزيمهـ بعد كم يوم والناس أنا من زماااااااااااااان ماشفتهم من سنين
حاولت ادور لي أعذار منا وإلا منا
لكن رفضوا وغصب علي أروح
يا عالم ما ابي هو الدنيا غصب
خلقهـ ما أحب العزايم لا وكملت الناس ما اعرفهم وروحهـ لجده مافيهـ
أوالله حالهـ بعد

حالتي استعصت بقوووووووووة
رحت اغسل وجهي وأهدي من روعي
مادريت إلا أنا صاير تقل خبل
احط صابون بيديني وافركهـ بايديني لحد مايصير ابيض بعدين أبدأ اطبع على المرايا
حسيت بشعور غريب
وناااااااااااااسهـ
بس لحقت على عمري وربي ستر ما أحد شافني وغسلتهم
ولا كاني سويت شيء

..
بعدين قلت بنزل الاخبار وأحط حرتي فيها
لكن جاء ابو ناصر مشبب وقال انهـ هو يبي ينزلها
قلت أوكي مافيهـ مشاكل أنا انزل يومياتي أجل

رحت وصليت وتعوذت من الشيطان
ونزلت سويت لي سكشوكهـ << انطقوها
وافطرت وتقهويت وعينت من الله خير
وجلست اكتب لكم يومياتي وأمخمخ عليها

والحين اتركـكم في حفظ الله ورعايتهـ << اصلح مدرسة لغهـ عربيهـ
أدري طولت الهذرهـ عليكم

كل أحد وأحدهـ ودهـ يعطي(نن) كف
لكن بعيد عنكم تطولوني < الشر للحين براسهـ

أدري موضوعي ما لأمهـ داعي
بس الطفش يعمل العمايل
القوا لي حل .. وماراح تشوفون رقعة وجهي
وشوفوا من شد الطفش بديت أسمع لــ محمد عبدهـ