أمتحان المقابلة الشخصية

[خليك فاكرني 0]

هاي ازيكم جميعا ويارب تكونوا كلكم بخير
لو سمحتم انا عايز اعرف معلومات عن المقابلة الشخصية وياتري الامتحان بيبقي سهل ولا صعب وعبارة عن أية الأسئلة .... وشكرا جدا ليكم

[أمجد1 0]

السلام عليكم ورحمة الله وبركاته

السؤال الدكتورة بتسألك عايز تبقى ايه في المستقبلWhat would you like to be in the future?
دة السؤال اللي سالته في المقابلة بتاعتي والعيال اللي كانت معايا

[خليك فاكرني 0]

اولا شكرا لردك يا جميل
وثانيا هي الدكتورة بتسألني سؤال واحد بس ؟
وياتري التحريري بيكون عبارة عن أية

[أمجد1 0]

اه هو سؤال واحد بس اللي هو عايز تبقى ايه في المستقبل انت ممكن تجاوب كدة مثل
هاتقولها
I would like to be a teacher

هاتسالك تقولك

Why?

هاتقولها

Because I like this job a lot and i would teach students about life and enlighten their path and teach them what is good and what is evil /or what's bad for them.


وعلى فكرة دة اللي انا قلته للدكتورة يوم الامتحان


والتحريري عبارة عن

1- اكتب موضوع تعبير / براجراف فيما لا يقل عن 10 سطور بتتكلم فيه عن شخصية مشهورة (ودة اللي جالي في الامتحان) وانا كتبت عن حسني مبارك ساعتها


2- ترجمة قطعة من انجليزي لعربي وجاتلنا عن الكمبيوتر


ان شاء الله هاتنجح فيه يا عسل


واتمنى ان اكون افادتك

[خليك فاكرني 0]

ميرسي يا باشا تسلملي ربنا يخليك وأسف بجد لو كنت تعبتك شكرا جدا لذوقك....AHMED

[marina 0]

/t1250-topic

الرابط دا لبعض اللى امتحنوا للمقابلة ممكن تبص علية وتاخد فكرة

[خليك فاكرني 0]

ميرسي يا مارينا ربنا يخليكي الف الف شكرا ليكي

[أمجد1 0]

انت امتحانك امتى؟

[Nemesis 0]

يا جماعة أنا مكنتش حذاكر > كنت فاكرة إن الأمر بسيط
بس لما قريت موضوعات خاصة بكيفية اجتياز المقابلة قلقت جداااااا
تنصحوني أعمل غيه يساعدني لأنجح في المقابلة !
دعواااااااتكم

[Hussein1974 0]

شوفى الامتحان ده بيكون سهل وبيعتمد على كونك بتعرفى تكونى جملة انجليزية ولالا.ممكن يجيلك ترجمة وغالبا بتكون فى موضوع عام وسهلة وممكن يقولك اكتبى براجراف مثلا وبرضو عن موضوع سهل.المهم تكونى بتعرفى تصوغى جملة صح.والشفوى ممكن يسالك اسئلة بسيطة يعنى مثلا عن نفسك وليه دخلتى كلية الاداب وحاجات بسيطة برضو بتعتمد على تكوين الجملة.وربنا يوفقك.

[Nemesis 0]

شكرا حسين على الرد والاهتمام
أتمنى يكون الامتحان سهل
ربنا يسهل

[Hussein1974 0]

لاشكرعلى واجب.ربنا يوفقك.

[بهيثة 0]

[Hussein1974 0]

اهلابيكى بهيثة فى المنتدى.وشكرا ليكى على تشجيعك.

[*maryam 0]

انا روحت قدمت النهاردة وحددولي معاد المقابلة 24 مارس بعيد قوي السبت اللي بعد اللي جاي ده انا قلت هيحددولي بعد بكرة او السبت الجاي مثلا يااااا هفضل على القلق ده طول الوقت ده

[RФMaйt!c_QuêN 0]

اهلااا بيكى بهيثة

[RФMaйt!c_QuêN 0]

ربنا معاكى يامريم يارب والتأخير ده اكيد خير ليكى

[nona.mostafa3 0]

انا لسه هقدم مش عارفة اعمل ايه او اذاكر ازاي انا كنت براجع الكلمات بس بعد ما قريت الموضعات مش عارفة اذاكر اذاي
وكمان عايزة اعرف بدفع فلوس لما اروح اقدم ولا ايه الي بيحصل
ممكن حد يساعدني من فاضلكوا

[RФMaйt!c_QuêN 0]

لو انتى اداب انجليزى المواصيع دى هتفيدك



المقابلة الشخصية كلية الاداب

اختبار الالتحاق بكلية الاداب E

نماذج امتحانات عن المقابلات الشخصية في كلية الاداب قسم الترجمة

[RФMaйt!c_QuêN 0]

اهلااا بيكى وبالتوفيق

[marina 0]

اهلا بيكى فى المنتدى لما بتروحى علشان تقدمى بتدفعى بس 50 جنية ثمن الاستمارة وبيكون معاك بطاقتك وصورة منها وصورة شخصية بالاضافة لاصل شهادة الثانوية والميلاد او مايعادل الثانوية

[nona.mostafa3 0]

شكرا علي الرد
بس معليش ممكن تقوللي اذاكر اذاي ممكن اعمل ايه الاول علشان اعدي في المقابلة

[*maryam 0]

nona.mostafa3 كتب:

شكرا علي الرد
بس معليش ممكن تقوللي اذاكر اذاي ممكن اعمل ايه الاول علشان اعدي في المقابلة

اسمحولي انا هجاوب عليها لاني انا بصراحة زهقتهم بالسؤال ده وبجد كانوا متعاونين معايا جدا

بصي يا نونا ذاكري القواعد كويس جدا لان اهم حاجة تعرفي تكوني جملة صح وهايجيلك تكتبي براجراف عن موضوع معين و السؤال التاني ترجمة

انتي امتحانك امتى يمكن نتقابل ؟

[nona.mostafa3 0]

لسه مش عارفة انا خايفة اقدم لاني لسه مفصولة من حقوق ومش مستحملة فشل تاني خالص

[*maryam 0]

لا قدمي واللي فيه الخير يقدمه ربنا ما انا برضه مقدمة وخايفة لفشل بس ان شاء الله هننجح تفائلوا بالخير تجدوه

[nona.mostafa3 0]

شكرا جدا ربنا يكرم ان شاء الله

[نوران مسعد 0]

بالنجاح والتوفيق ان شاء الله