ارغب فى معرفه المزيد عن كليه الاداب

[Sarah 2009 0]

اصدقائى الجدد فى المنتدى ، كل عام و انتم بخير، رمضان كريم

انا عضوه جديده فى المنتدى و ارغب فى معرفه المزيد عن كليه الاداب قسم اللغه الانجليزيه وهل الدراسه سهله ام صعبه و ماذا عن التقديرات ؟ و هل يمكن ان اكمل دراسات عليا بعد التخرج ام لا؟ و هل من يدرس فى هذا البرنامج اداب انجليزى استفاد فعلا ام هى مجرد شهاده؟
معذره ان اسئلتى كثيره و لكنى اريد ان اعرف كل شئ قبل ان اقرر التقديم للتيرم القادم .
و ماذا عن الامتحان التحريرى هل هو صعب ام سهل.
ارجو افادتى جزاكم الله عنى كل خير
ارجو افادتى فالامر هام جدا بالنسبه لى و ارجو الاستفاده من خبراتكم السابقه فى التعليم المفتوح وشكرا

[darkbluesky75 0]

Dear Sarah

I would like to welcome you to the open universtiy, and I will be glad answer some of your questions based on my experiance.

I'm in the 4th term, and I'm convenced that studying languages require personal desire to earn the knowledge, and countinuing research to improve your skills. The department of English provide the students with good courses and the means to learn the English language.

The exams are normally easy, but you should always remember that language is a broad subject that has no limits. The more vocabulary you earn the easier it gets, and the gammer is the key to make correct sentences.

I consider the translation degree vauable in todays market specially if you support the future degree with computer skills. I hope I was able to provide you with the answers you were looking for, and I wish you the best luck.

Sherif

[toto xp 0]

اهلا بيكى يا سارة معانا فى المنتدى وكل سنة وانتى طيبة
بالنسبة للامتحان التحريرى سهل جدا انا لسة ممتحنة السبت اللى فات وكان عبارة عن سؤالين
الاول كان اكتب براجراف 5 جمل عن اهمية دراسة اللغات الاجنبية
والتانى كان ترجمة وبيتكلم عن التجارب اللى بتنفذ على الحيوانات كحقل تجارب بدلا من الانسان
والامتحان الشفوى عادى جدا وسهل بيسألوكى عن سبب اختيارك للبرنامج دة (اداب انجليزى)
واذا كنتى بتشتغلى ولا لا واثر التدخين على الانسان ومدى خطورتة
هى طبعا اسئلة كتير بس الاسئلة دى اللى اتسألتلى النهاردة وان شاء الله مستنى النتيجة كمان يومين او تلاتة
معلش طولت عليكى بس حاولت اوضحلك وافيدك بالمعلومات اللى عرفتها
وبتمنالك التوفيق

[أسامة1 0]

أختى سارة :
دراسة اى لغة اجنبية عموما بتتطلب حبك ليها و الصبر لأن دول هيبقوا الدافع ليكى للمذاكرة و التدريب . يعنى غالبا دراسة اللغة بتعتمد بنسبة كبيرة جدا على التدريب الشخصى . ربنا يوفقك.

[nour_cota 0]

على فكرة انا كمان امتحنت اداب ترجمة ونتيجة المقابلة الشخصية ظهرت انهاردة وعلى فكرة انا نجحت الحمد لله بس مش عارفة اعمل اية بعد كدة

[om_maram 0]

اهلا بيكى معانا .... و كل سنة و انتى طيبة

بالنسبة للدراسة سهلة و لا صعبة ... اعتقد دا يعتمد عليكى و على حبك للمادة و مذاكرتك

و عموما مفيش حاجة فى الدنيا سهلة ... كله حاجة لازم يطلع روحنا فيها

حتى رغيف العيش ..... و لا ايه رايك ( محدش بياكلها بالساهل )

[Honey Bunny 0]

اقتباس :

( محدش بياكلها بالساهل )

منورة يا ريا وكل سنة وانتي طيبة
بالنسبة لسؤال سارة بكل بساطة تقدري تحملي مواد الترمات المختلفة والمحاضرات والامتحانات وتحددي بنفسك هل هي صعبة او سهلة لانه مدي الصعوبة دي مسألة قدرات فردية كما تفضل الزملاء
اما عن مدي جدوي هذة الدراسة مرة تانية الموضوع نسبي لكن وفي كل الاحوال اللغة هي مفتاح الاطلاع علي تقافة الاخر و وهي بالنسبة لي شخصيا كزاد المسافر ومعين لا ينضب ابدا و مهما تعمقتي فيها لن تسبري غورها كل ده اذا كنتي ممن يتخذها هواية وشغف ولا تملين الاستزادة منها
اما اذا كان الموضوع بالنسبالك خلاف ذلك فلا داعي للعناء....

[nour_cota 0]

معلش يا جماعة انا لسة داخلة الترم الاول جديد وانا لسة ناجحة فى الاختبار الشخصى ولى استفسار بخصوص المصروفات الدراسية هل يتم دفعها كل ترم على حدا ام مصروفات العام الدراسى باكملة مرة واحدة
وشكرا ارجو الرد للاهمية

[Hamdy Tawfik-manar9 0]

تدفعين مصاريف التيرم فقط علي حسب عدد المواد التي اخترتها في التيرم

[nour_cota 0]

شكرا يا اخ حمدى على تعاونكم مع كل اعضاء المنتدى وجزاك الله خيرا