اذهب الي المحتوي
أحلى نادي لأحلى أعضاء
البحث في
  • المزيد من الخيارات...
عرض النتائج التي تحتوي على:
إيجاد النتائج في:

مجموعة عامة  ·  24130 اعضاء

حفظ
نادي جامعة القاهرة للتعليم المفتوح
hend nga

فوائد النميمة

Recommended Posts

ما تستغربوش من العنوان أأه النميمة لها فوائد .......... ليه لأ

ما هو أي شئ هذه الأيام له فوائد

من فوائد النميمة

أن الطفل الصغير أثناء مراحل تعلمه واكتسابه الخبرات وكفطرة طبيعية فيه يلجأ إلى
النميمة فى شكل حكاية الأحداث (بصورة برئية) لأمه أو للأشخاص المقربين إليه لأنه
بذلك يتعلم التفاعل مع الآخرين.

بل وتساعد النميمة فى بناء مجتمعات فى إطار
السلوك المقبول من التحدث عن الآخرين بشكل لائق. وكما يقول البروفيسور "فرانك ماك
أندرو": "إذا تحدث اناس عن الأشياء الحسنة التى يفعلها الآخرون، فنحن بحاجة إلى
محاكاة هذا السلوك الطيب .. لأنه سيخلق مواطنون لهم ضوابط اجتماعية".
وأثناء
قيام الإنسان بالنميمة، يتم تحفيز إفراز مادة الإندورفين (Endorphins) التى تخفف من
حدة الضغوط وتقوى جهاز المناعة.

ومن الفوائد التى أوضحها الطب النفسى والتى تعود على الشخص من خوضه فى مجال
النميمة:
- تقوية الروابط الاجتماعية والتفاعل مع الاخرين.
- كسر روتين
العمل، ولإعطاء فترات للراحة (مثل راحة تناول القهوى أو الشاى مع الزملاء).
-
تجديد الطاقة، والعلاج من الضغوط التى قد يعانى منها أى فرد من أفراد العمل.
-
النميمة تعطى فرصة أكبر لفهم قواعد العمل من خلال المشاركة فى تبادل المعلومات ..
كما أنها تبنى الثقة عند تعلم المزيد عن مجال العمل.
- بنقد الآخرين، فنحن نتعلم
قيمة الرأى ومشاركته مع الآخرين.



لكن مش معني كدة اني بانم مع وعلي الناس علشان فوائدها .......... طبعا لأ خالص

لكن بحب اسلي وقتي اعمل كدة مسلسل درامي علي كوميدي ........... احلي به قعدتي

اول ما ابتدي في موضوع نميمة ماقولكش ....... كل الموجودين بينتبهولي ويفتحولي ودانهم وينتبهولي

وبتحول في ثانية لنجمة الجلسة ( جلسة النميمة )

قولت ابتدي بنفسي ........... وابطل حكاية النميمة

وعاهدت نفسي فياي جلسة تانية مش هنم ولا هاسمح لحد ينم وانا قاعدة
رحت لصحباتي وقلت في نفسي بسم الله


واول ما صاحبتي جلست قالت شوفتوا يا بنات ايه اللي حصل مع مني وجوزها ...........


وللأسف نسيت العهد والنية ..........وسألتها بلهفة إيه ........ إيه اللي حصل احكي لي


يعني كان لازم اسألها ............ كان لازم اعرف ............ وايه اللي استفدته


خلاص يا رب اغفر لي وسامحني توبة ما اعمل كدة تاني توبة ما اسمع ولا اقول نميمة


واتجمعنا الأسبوع التاني .......... بس المرة دي كانت النية زيادة عندي حبتين


وكل ما تبتدي صحبتي ....... موضوع هيجرنا للنميمة ........... اغير الموضوع


طيب اعمل ايه علشان تتلهي وتسبني في حالي ومتحكليش اللي حصل مع مني او مهي


خطرت في بالي فكرة ........... قولتلها شوفتي اللي حصلي معايا امبارح انا وجوزي

وافضلت احكي واشكي ......... لساعة .........


وانا في الطريق ......... قولت يعني بدل ما انم علي الناس

رحت انم علي روحي ......... إيه الخيبة دي !!!!!!!

دلوقتي حكايتي انا وجوزي هتبقي .......... حديث الساعة معاهم

اعمل إيه .......... في نفسي ........




شارك هذه المشاركه


رابط المشاركه
شارك
ههههههههههه مبارك على المدونة جعلها الله بداية طيبة لفضفضات ستار بالنسبة للنميمة بمارسها كتير وخصوصا لما برجع من الشغل غالبا نم شرعي على اللي حصل معايا ولاخواتي

شارك هذه المشاركه


رابط المشاركه
شارك

وياتري ايه اخبار مني وجوزها دلوقتي

مش الميه ررجعت لمجاريها

ولا لسه برضه بيعمل الحركات اياها .؟!!

فضفضي يااختي

ماتشليش في قلبك


شارك هذه المشاركه


رابط المشاركه
شارك
بس ايه اللي حصل معاكي ومع جوزك قولي ياحبيتي كلي اذان صاغيه هو حصل ايه بالضبط ومين اللي ابتدا و و و هههههههههه نايس الموضوع...

شارك هذه المشاركه


رابط المشاركه
شارك
اشكر مروركم الجميل ............ النميمة حرام سيبوا مني وجوزها في حالهم صدقنا ما اتصالحوا

ورجعوا لبعض والحمد لله

شارك هذه المشاركه


رابط المشاركه
شارك
ميمة عمر الشئ الى حرمة ربنا عز وجل مايكون فية فايدة ابدا ابدا
اظن اختى ستار بمداخلتى دى فى الموضوع دة يكون عمل توازن مع هدفك الى اظنة على خير الاوهوة ان النميمة حراااااااااااام
انا الحقيقه يا ستار العنوان استنكرتة جدا ودخلت اشوف هايقول اية والحال وصل بينا لاية انتى عايزة تقولى ان النميمة حرام وعايزة تعالجى مشكلة النميمة عندك وعند غيرك فى شكل اطار كوميدى كل دة هدف جميل
لكن طرح الموضوع بالصورة دى بالمعلومات الى انتى كاتبة فيها فايدة النميمة وكمان العنوان لا كدة مينفعش لانة هنا اتحول هدفك الى ممكن يكون خير لشر مع بعض الناس ضعاف النفوس
لانة مينفعش امر ما حرمة ربنا سبحانة وتعالى نيجى احنا نقول لا دة لية فوايد وتكتبى الفوايد طويلة عريضة وتيجى فى اخر كلامك تقولى كلمة واحدة دة حرام
نصيحتى ليكى اختى بتقوى الله فى الكلام المكتوب وصياغتة واسلوبة حتى وان كان هدفك خير لكن بالصورة دى لا واحب ان اذكرك واذكر نفسى وكل من يدخل هذا الموضوع بكلمات الله عز وجل فى موضوع النميمة
فى سورة الحجرات
بسم الله الرحمن الرحيم
(9) انما المؤمنون اخوة فاصلحوا بين اخويكم واتقوا الله لعلكم ترحمون (10) يأيها الذين امنوا لا يسخر قوم من قوم عسى ان يكونوا خيرا منهم ولا نساء من نساء عسى ان يكن خيرا منهمن ولا تلمزوا انفسكم ولا تنابزوا بالالقاب بئس اسم الفسوق بعد الايمان ومن لم يتب فأولئك هم الظالمون (11)يأيها الذين امنوا اجتنبوا كثيرا من الظن ان بعض الظن اثم ولا تجسسوا ولا يغتب بعضكم بعضا ايحب احدكم ان ياكل لحم اخية ميتا فكرهتموة واتقوا الله ان الله تواب رحيم (12) يأيها الناس انا خلقناكم من ذكر وانثى وجعلناكم شعوبا وقبائل لتعارفوا ان اكرمكم عند الله اتقاكم ان الله عليم خبير (13) صدق الله العظيم
سورة الاحزاب بسم الله الرحمن الرحيم
وما كان لمؤمن ولا مؤمنة اذا قضى الله ورسولة امرا ان يكون لهم الخيرة من امرهم ومن يعص الله ورسولة فقد ضل ضلالا مبينا (36) صدق الله العظيم
سورة النور بسم الله الرحمن الرحيم
ولولا فضل الله عليكم ورحمتة فى الدنيا والاخرة لمسكم فى ماافضتم فية عذاب عظيم (14)اذ تلقونة بالسنتكم وتقولون بأفواهكم ماليس لكم بة علم وتحسبونة هينا وهو عند الله عظيم (15)ولولا اذ سمعتموه قلتم مايكون لنا ان نتكلم بهذا سبحانك هذا بهتان عظيم (16) يعظكم الله ان تعودوا لمثلة ابدا ان كنتم مؤمنين(17)ويبين الله لكم الايات واللع عليم حكيم (18) صدق الله العظيم
اظن بعد الايات الكريمة دى بمعانيها الجليلة تنسف الكلام الفارغ عن فوايد النميمة عمر ما اى شئ حرمة ربنا سبحانة وتعالى علينا ممكن يكون فى فايدة لينا فية ابدا
وبكدة اختى ستار بمداخلتى دى فى موضوعك دة تكون حصل توازن وقيمة فعلا الى انتى عايزة تقوليها اتحققت والهدف الى اظنة خير عندك اتحقق الا وهو النميمة حرام
واى حد هايقرا الموضوع سواء كانت نفسة قوية او ضعيفة تكون وصلتة الرسالة النميمة حرااااااااااااااااااااااااااااااااااااااااام
وربنا يهدينا جميعا لما يحبة ويرضاة

شارك هذه المشاركه


رابط المشاركه
شارك
بداية اختي الكريمة اشكر مداخلتك الطيبة والنصيحة الغالية

ثانيا وضعت عنوان الموضوع هذا لسببين

الأول لأنه عنوان موضوع في احدي كتب النفس لدكتور مشهور الموضوع وما قرأتيه في بداية

عن فوائد النميمية صحيح علميا من وجهة نظر الكاتب ولم اقم بتأليفه

اما السبب الأخر هو اجتذاب القاريء بعنوان يثير الفضول لقراءة الموضوع وهو صميم الموضوع

وهذا شيء تعلمته في الجامعة لدراسة مادة فن كتابة المقال

اما بالنسبة للطرح الساخر الذي قمت بيه وهو من خيالي وليس واقع وهو امر قصدت ان اقوم به

لأنه في هذه الأيام وخاصا في عالم النت اغلبية الشباب لا يحبون النصيحة بالإطار التقليدي والتذكير
فأردت ان اضع النصيحة بشكل خفيف وبسيط ويؤدي للمعني الذي نقصده جميعا ونعلمه بأن النميمة حرام وكل شخص له وجهة نظر
وفي النهاية هي مدونة خذعبلاتية يضع فيها الشخص كل ما يخطر بباله

اشكر اهتمامك

شارك هذه المشاركه


رابط المشاركه
شارك
سورى يا جماعة بصرف النظر عن وجهات النظر لاصدقائى عنوان الموضوع صعب جدا وكان لابد يكون غير كده لان النميمه من اسوء العادات وحسابها كبير جدا عند ربنا وملهاش اى فوائد اما المحتوى مقبول جدا

شارك هذه المشاركه


رابط المشاركه
شارك

انشئ حساب جديد او قم بتسجيل دخولك لتتمكن من اضافه تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل ؟ سجل دخولك من هنا.

سجل دخولك الان

×
×
  • اضف...

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.