فرصة للتعارف لطلبة الخارج

[sweet_love 0]

أتمنى كل واحد فى الخارج يدخل يعرفنا بنفسه فى كلمات بسيطة زى مثلا البلد اللى هو فيها والترم والمشاكل اللى بتواجه كده هيبقى فى تواصل بينا أكتر وأهلا وسهلا بكل واحد يدخل و أتمنى يفيد ويستفيد ونحاول نحل مشاكلنا مع بعض

[منى بنت مصر 0]

أنا منى انتهيت من امتحانات الترم الثالث و في انتظار النتيجة أعيش في قطر وأنا من بنات الإسكندرية و مشكلتي هنا تأخر وصول الكتب و المحاضرات و الموجود على النت بينزل جزء جزء فنضطر لبدأ الدراسة متأخر و لا يكون لدي سعة من الوقت كما أن المحاضرات التليفزيونية بقوم بتحميلها بصعوبة ووقت طويل جدا و بضطر لطلب المواد الإضافية من الجامعة و هم يقوموا بشحنها عن طريق أرامكس ولكن كل مادة لا يزيد عن ثلاث محاضرات أو أربعة و بعض المواد لا يوجد فهل يوجد موقع أستطيع أحمل منه من بداية الترم

[Hamdy Tawfik-manar9 0]

الموقع الرسمي هو فقط الذي يوجد علية المحاضرات المقررة عليكي في كل تيرم

واذا تاخر تحميل المواد او المحاضرات علي صفحتك الدراسيه فقومي بالاتصال بهم من خلال

الايميل او من خلال الموظف المسئول عنك من خلال صفحتك الدراسية او من حتي من خلال

التليفون اذا لزم الامر:::

[b.bonbona 0]

انا بوني21 سنه وعايشه في السعوديه بمدينه جده فايت عليا 4 سنين وانا بدور عل جامعه للاسف بالرغم من ان مجموعى عالي في الثانويه العامه وبالرغم من انى كنت علمي وللاسف ملقيتش غير الجامعه المفتوحه انا بس خايفه من المقابله لانى هسجل ترم مارس اعلام بمكتب التسجيل التابع للجامعه بجده ومش عارفه اي حاجه عن نظام الدراسه او الامتحانات هنا فنفسي بس لو حد يقدر يطمنى او يساعدني باي معلومه اكون شاكره له جدا جدا

[eamy 0]

انا إيمي 18 سنة عايش بالسعودية في جدة انا قدمت تيرم اول و اختباراتي خلاص باقي عليها اسبوع و كم يوم هتبدأ في 2010\6\2 لكني بجد خايفة شويه ومعرفش اي حد معايا أعتقد أنا الوحيد داخلة أداب قسم ترجمة بجد صعب الواحد يكون وحيد أتمنى تساعدوني أو عالأقل تطمنوني شوية .... و شكرا للجميع و سعيدة بالإنضمام للمنتدى ^^

[eamy 0]

بوني متخافيش يا عسل المقابلة هتعديها لو انتي عندك سرعة بديهة في الأجابه هههههههه أقولك حاجة هنا في جدة مفيش مقابلة أصلا دا انتي هتكلمي الدكتور بالتليفون و هيسألك بس معرفش هيسألك ايه لأني انا داخلة ترجمة انجلش ... و بالنسبة للأختبار التحريري أنا مختبرتهوش أصلا لأنو اتلغى عشان أعتقد مفيش حد مسجل معايا ....يمكن بنت وحدة أو .... بجد معرفش المهم ربنا يوفقك يا قلبووو .....
اما الدراسة و الإمتحانات فهقولك عليها بعد ما أخلص اختبارات لأني لسه مجربتش .ههههههه المهم بلييييز ادعيلي عشاان بجدانا خايف من الاختبارات دي و بتمنى حد يساعدني او يقوللي عالنظام لكن للأسف مفييش ...........

[b.bonbona 0]

اكيد ربنا معاكي الحال من بعضو ههههههههههههه هنعمل ايه كلنا هنا لوحدنا بس بجد خفت اوي وافتكرت ان الامر صعب لكن شكرا ليكي انتى طمنتيني وعل العموم ربنا معاكى ويوفقك ويسهل الامتحان عليكي وانا دايما موجوده ف اي وقت وان شاء الله هنبقى مع بعض دايما
ومتخافيش ان شاء الله هيجي سهل وتسلمي اوي وانا سعيده بمعرفتك

[hend nga 3]

اتمنى لإيمى كل التوفيق والنجاح بالنسبة للإمتحان التحريرى

لا تخافى منه اجتهدى وتوكلى على الله

اما بالنسبة للإختبار فحاولى فى المراجعة قبل النهائية تحلى

امتحانات الأعوام السابقة وسوف تجدى الكثير منها على موقع الجامعة

وعلى هذا المنتدى

اتمنى ليكى االنجاح

اما بالنسبة لإيمى فأنا معاكى سجلت الترم الأول مارس لسة المقابلة الشخصية لى تحددت يوم

15/ 3/2010 وانا مقيمة فى الرياض وعند بدأ الدراسة فى الترم بأذن الله نتعاون معا

ونتواصل من خلال هذا المنتدى

وانصحك بأن تدرسى بعض الملفات التى ارفقتها بموضوعاتى وهى موجودة على الروابط الأتية اتمنى تعجبك وستفيدى منها مثلى هى سهلة وبسيطة وهتفيدك جدا بعدين لأنها تعتبر اساسيات

4shared.com/file/188091991/3f2c54c5/___online.html


4shared.com/file/205148231/ced4d80/____.html


4shared.com/file/207711209/dd35a4bf/___online.html

[eamy 0]

شكرا ليكي نجمة هند ... أنا الإختبار التحريري خلاص مش هختبرو لأنو مفيش ناس يختبرو معايا أصلا ... أنا قصدي اختبارات التيرم الأول النهائية و مش عارفة لسه النظام هيكون ازاي .. أنا لما نزلت المحاضرات و ألختبارات من موقع الجامعة كان في اختبارات لكن مش في كل المواد فيها اختبارات سنوات سابقة يعني مثلا في مادة فيها بس اختبار واحدو كمان مش بتاع السنوات السابقة لكنو اختبار تجريبي بس ... عالعمووم ربنا يسهل ... و شكرا ليكي مرة تانية عالإهتمام ....

[hend nga 3]

مش فاهمة قصدك ايه يعنى لو مفيش عدد كفاية مفيش امتحان ويضيع عليك الترم

هو الوكيل فى جدة قال لك كدة معتقدش ان العدد يكون مانع لأنه فى العام الماضى امتحن 15 شخص فقط من كل الترمات ولم يلغوا الأمتحان هنا فى الرياض

[eamy 0]

لا لا يا نجمة انا قصدي عالإمتحان اللي بعد المقابلة هوا دا اللي اتلغى .... أما الإمتحان النهائي ف لسة هنختبرو بعد اسبوع ...... أسفة لو لخبطتك معلييش...

[b.bonbona 0]

انا متشكره اوى ليكي يا نجمه
بس ممكن اعرف منك انتى ازاى عرفتي ميعاد المقابله لان الوكيل هنا ف جده قال هيتصل بينا ومحدش اتصل لحد دلوقت وانا بجد قلقانه
وحاجه كمان كنت عايزه اعرفها منك هو عدد المسجلين هنا وفي الرياض من بنات واولاد كتير ولا لا وكمان الامتحانات هتبقى مختلطه ولا لا
وبالنسبه لميعاد مقبلت بتبقى صبح ولا بليل ولا ايه بالظبط يا ريت لو عرفتي ترديلي ف اسرع وقت
وشكرا اوى لاهتمامك وزوقك

[eamy 0]

بوني أنا هقولك عالمقابله عشان الإختبارات لسة معرفش عنها حاجة و عندي نفس سؤالك عنها انا كمان ..... ياستي المقابله بتكون الصبح حوالي الساعه عشرة أو 11 يعني في الحدود دي .. ولازم تتصلي بالوكيل كل شويه و إلا تفوتك المقابلة هو صح هتتأخر شوية لكن في الأخير هتتعمل يعني و هو لو عندو معلومات هو كمان هيتصل بيكي هوا عندو رقمك او رقم اهلك أكيد .. متخفيش و اهدي و استعدي و ربنا يوفقك و يوفقني و الجميع ...

[b.bonbona 0]

بس وكيل الجامعه لحد دلوقتى متصلش بي وبعدين هو قلي ان المقابله هتكون ف اول مارس وانا خايفه ان الكلام ده يكون مش صح وكنت عايزه حد يكون عارف عن الموضوع
وشكرا.

[hend nga 3]

بووونى انا اقصد وكيل الجامعة فى الرياض ثم هو قال ان التحديد بعد الأمتحانات الحالية

اللى هتبتدى يوم 6/2/2010

ان شاء الله خير كل الزملاء فى المنتدى طمنونى وقالوا ان المقابلة سهلة وشئ روتينى
اتمنى ان التواصل بينا يدوم للأستفادة للجميع

[b.bonbona 0]

or=blue]][/size]

يا جماعه انا عرفت ان يوم السبت 6 مارس هيكون يوم التسجيل للترم التانى اللى هو ترم مارس طيب
هو ده ميعاد المقابله يعنى نروح يوم السبت نسال ولا ايه النظام بالظبط ياريت لو حد يعرف يقولى ضروري

[hend nga 3]

لم يتصل بى مسؤول المكتب بالرياض سوف يقومون بالأتصال بكى ان شاء الله قبل الموعد بفترة

ولكن اريد ان اعلم منك سوف تلتحقين بأى فرع الأعلام ام اللغة الأنجليزية واذا كان هناك من

تعرفيه سيدخل قسم اللغة الأنجليزية معنا حتى نستطيع التواصل من اول الترم اما الأن استمتعى

بالأجازة القصيرة قبل البدء فى الدراسة وهمها انا عن نفسى سأحاول فى الأيام القادمة ان

اسرق زوجى من العمل ونذهب الى مكة للعمرة والأستمتاع بالسفر الطويل بالسيارة فى الصحراء

فكما تعلمين فمكة تبعد عن الرياض تقريبا الف كيلو متر وهذا رائع

سلالالالالالالالالالالالالالالالالالالالالالاممممممممممم مؤقت

[منى بنت مصر 0]

أحب أطمنكم بالنسبة لإمتحان القبول فنحن خارج مصر لا يوجد امتحان فعلي ، لكن كل إل بيحصل إنك بتتصلي بالوكيل لتحديد موعد عن طريقهم مع الجامعة وبيتم التواصل مع أحد الدكاترة هناك على الهاتف ، وبيعطيكي كام سؤال بسيط جدا مثل تكلمي عن نفسك ولماذا اخترتي هذا التخصص وطبعا الكل ناجح بسبب قلة العدد .

الله يوفقكم

[hend nga 3]

مرحبا اختى الكريمة

الله ىيطمنك اختى منى لكن لم تخبرينا بأى ترم انتى

[b.bonbona 0]

شكرا ربنا يوفقكم انا عرفت ان بكره 22 مارس مقابله اعلام في جده ويوم 23 مارس مقابله اداب انجليزي وبالنسبه ليكي يا نجمه هند انا اختى هتدخل انجليزي ولو حبيتى ممكن اوصلك مع بعض عشان تستفيدو وشكرا ليكم على اهتمامكم

[hend nga 3]

الشكر ليكى عزيزتى بوونى واكيد الشرف لى بالتعرف على اختك واتمنى ان نتعاون اثناء الدراسة

ويا رب النجاح للجميع ان شاء الله

[محمد.م 0]

السلام عليكم معاكم اخوكم محمد من الامارات تجارة سنة اولى اتمنى احصل حد من الامارات نفيد بعض ونكون على تواصل

[karampro 0]

انا كرم من القاهرة وبشتغل فى الكويت وقدمت فى تجارة تعليم مفتوح ومش عارف اتواصل ازاى مع الجامعه ولا بعرف حد

[sun_shine 0]

اهلا باخ كرم ..ممكن تواصل الجامعة عن طريق صفحتك الدراسية ( البريد الادراي _والبريد التعليمي) راسلهم وسيقوم المسئول بالرد عل استفسارك.

[m7trf 0]

أنا محمد أعمل بالكويت ...

سجلت تجارة ...

أتمنى للجميع دراسة سهلة وميسرة ... وناجحة بإذن الله رب العالمين ...

[m7trf 0]

بالنسبة لتسجيل المحاضرات من القناة التلفزيونية ..


انا اشتريت ريسيفر بإمكانية التسجيل على الفلاشة أو الهارد ديسك الخارجي ...

وأقوم حالياً بتسجيل المحاضرات تباعاً ... وسماعها في أي وقت ...

بجد الموضوع ده سهل عليه حاجات كتيرة ...

طرحت الفكرة للاستفادة منها ...

لكم التحية وخالص التقدير

[somya 0]

منى بنت مصر كتب:

أنا منى انتهيت من امتحانات الترم الثالث و في انتظار النتيجة أعيش في قطر وأنا من بنات الإسكندرية و مشكلتي هنا تأخر وصول الكتب و المحاضرات و الموجود على النت بينزل جزء جزء فنضطر لبدأ الدراسة متأخر و لا يكون لدي سعة من الوقت كما أن المحاضرات التليفزيونية بقوم بتحميلها بصعوبة ووقت طويل جدا و بضطر لطلب المواد الإضافية من الجامعة و هم يقوموا بشحنها عن طريق أرامكس ولكن كل مادة لا يزيد عن ثلاث محاضرات أو أربعة و بعض المواد لا يوجد فهل يوجد موقع أستطيع أحمل منه من بداية الترم

زيي بالظبط نفس مشكلتي

[somya 0]

منى بنت مصر كتب:

أحب أطمنكم بالنسبة لإمتحان القبول فنحن خارج مصر لا يوجد امتحان فعلي ، لكن كل إل بيحصل إنك بتتصلي بالوكيل لتحديد موعد عن طريقهم مع الجامعة وبيتم التواصل مع أحد الدكاترة هناك على الهاتف ، وبيعطيكي كام سؤال بسيط جدا مثل تكلمي عن نفسك ولماذا اخترتي هذا التخصص وطبعا الكل ناجح بسبب قلة العدد .

الله يوفقكم

لا انا ادوني كم جملة اترجمها
بس كانت صعبة بس ربنا ستر

[سماء1 0]

صباح الخير عليكم جميعا انا عضوه جديده واول يوم ليا واول مره اكتب انا مصريه الاب وسعوديه الام عايشه طول حياتي بجده وقدمت تلات اترام انا في كلية الحقوق ولو حد احتاج مساعده يبعتلي وانا انشاء الله مش حتأخر لو في ايدي حاجه وحابه كمان اتواصل مع اي حد في نفس تخصصي من الاخوات او الاخوه الي في مصر عن طبيعة الدكاتره يدوني فكره عن الموضوعات الي بيركز عليها الدكتور او الملغي وشكرا

[fulla 0]

انا فى الكويت ترم اول فى حد للتعارف

[somya 0]

كلية ايه يا فلة

[احمد لسيد القصاص 0]

السلام عليكم انا احمد عايش فى الكويت وعايز ادخل الجامعه المفتوحه والله ومش عارف ايه هيا التفاصيل ياريت لو حد يعرف يا ريت يقولى انا لسه جديد فى المنتدى

[Hamdy Tawfik-manar9 0]

احمد لسيد القصاص كتب:

السلام عليكم انا احمد عايش فى الكويت وعايز ادخل الجامعه المفتوحه والله ومش عارف ايه هيا التفاصيل ياريت لو حد يعرف يا ريت يقولى انا لسه جديد فى المنتدى

أسئلة وإجابات عن الدراسة في التعليم المفتوح

البرامج الدراسية المتاحة بالتعليم المفتوح جامعة القاهرة

[lovely_meho 0]

منى بنت مصر كتب:

أنا منى انتهيت من امتحانات الترم الثالث و في انتظار النتيجة أعيش في قطر وأنا من بنات الإسكندرية و مشكلتي هنا تأخر وصول الكتب و المحاضرات و الموجود على النت بينزل جزء جزء فنضطر لبدأ الدراسة متأخر و لا يكون لدي سعة من الوقت كما أن المحاضرات التليفزيونية بقوم بتحميلها بصعوبة ووقت طويل جدا و بضطر لطلب المواد الإضافية من الجامعة و هم يقوموا بشحنها عن طريق أرامكس ولكن كل مادة لا يزيد عن ثلاث محاضرات أو أربعة و بعض المواد لا يوجد فهل يوجد موقع أستطيع أحمل منه من بداية الترم

السلام عليكم .انا عندي نفس مشكلة (منى بنت مصر) ياريت تتواصلي معايا عالخاص يمكن أقدر أساعدك أنا بقيت بجيب بعض المواد من اسكندرية و الباقي من النت ..وأنا ترم 3 اعلام ..ان شاء الله خير يا منى متقلقيش

[هيثم الشمرى 0]

انا هيثم من سلطنة عمان وانا ادرس فى جامعة القاهرة لتعليم المفتوح وامتحن فى القاهرة بسبب عدم وجود مكان للامتحان فى عمان وانا جيت من مصر اول امس وان شاء الله اعدى الترم دة عشان ادخل فى الترم الثامن واحصل على الشهادة وانا يشرفنى معرفتكم ووجودى وسطكم

[somya 0]

اهلا هيثم نورتنا

[nader refaat 0]

انا نادر من القاهرة واعيش في الامارات ( دبي) 25 سنة وان شاء الله هقدم في كلية الاداب قسم انجليزي
في 15/9
وياريت لو في اي حد في اداب انجليزي يساعدني باي معلومة عن المقابلة الشخصية..
وشكرا على هذا المنتدى الجميل وربنا يوفق الجميع

[شادي بهاء 0]

انا شادي من القاهره ومقيم في السعوديه في اولى تجاره وبمتحن في مصر ومقيم في الرياض

[suha020 0]

انا سهى مصرية مقيمة بالكويت بس بمتنحن في مصر ... اداب انجليزي سنة اولى...

[bader 0]

انا ابو بدر من الكويت ترم ثاني واود التعرف على مجموعة من الاصدقاء انا كلية تجارة

bador_78@(( ممنوع وضع البريد الالكتروني )).com الخاص

[bader 0]

هل الشهادة معتمدة بالاردن وباقي دول الخليج لانها بالكويت غير معتمدة بالقطاع الحكومي الرجاء الرد ولماذا لا تسعى ادارة الجامعة بالحصول على موافقة لاعتمادها بالقطاع الحكومي

[somya 0]

انا نفسي أتعرف على بنات من آداب انجلش في اي ترم مش ضروري يكونو نفس تيرمي
ان شاء الله ممكن نتعرف على بعض في الامتحانات هتكون في مدرسة زينب المستقلة زي السنة الي فاتت
بالتوفيق

[somya 0]

انا في قطر

[Om Habiba 0]

مين عندها امتحان حاتمتحن معايا في الرياض في مدرسة مينا العالمية و تكون اداب انجلش

[hend nga 3]

انا بامتحن بالرياض ........اداب انجلش ترم خامس وسادس

ممكن بعد ما تخلصي امتحانك تقولي لي عنوان المدرسة بالظبط اول يوم عندي يوم الجمعة وقولي لي اتواصل معاكي ازاي

[hend nga 3]

هوانتي تقصدي مدرسة مينا اللي

قريبة من مستوصف العليا الطبي خلف المطعم اللبناني لشارع الثلاثين

ولا مدرسة تاني سوري بتعبك...... نضال مبيردش عليا

[نوسه نادر 0]

صباح الخير
أنا نوسه مصرية ومقيمه في الامارات بدرس اعلام اول ترم في الامتحانات وبصراحه لسه سامعه عن الموقع وعاوزه حد يساعدني في ماده العلاقات العامة واللغه الانجليزية قبل الامتحانات

[moka koka 0]

انا وسام مقيمة في الامارات بدرس زراعة لسه تيرم اول

و هموت و اتعرف على بنت في زراعة ملقتش غير بنتين في دفعتي و مقدرتش اتعرف عليهم

[Miro_Potta 0]

hend nga كتب:

هوانتي تقصدي مدرسة مينا اللي

قريبة من مستوصف العليا الطبي خلف المطعم اللبناني لشارع الثلاثين

ولا مدرسة تاني سوري بتعبك...... نضال مبيردش عليا

السلام عليكم انا مروه مقيمه فى السعوديه فى الرياض وقدمت اداب انجلش وده اول ترم ليا بس لسه معملتش المقابله وبردوووووو نضال مش بيرد خالص غير لما اتصل 10000000000 مره ويرد بعد اسبوع او اضطر اروحله ياريت ياجماعه اللى مقدم معايه يتواصل معايه لانى حاسه انى لوحدى خالص وكمان ياريت اللى جرب المقابله يقولى عمل ايه وشكرا لذوقكم

[Miro_Potta 0]

Om Habiba كتب:

مين عندها امتحان حاتمتحن معايا في الرياض في مدرسة مينا العالمية و تكون اداب انجلش

السلام عليكم اهلا بيكى انا اسمى مروه ولسه مقدمه ده اول ترم ومعملتش المقابله لسه عشان ماتحددش معادها ياريت ياجماعه نتواصل مع بعض ونتكلم وطمنونى عشان انا خايفه اوى