وعلي رأي المثل .......

[Hamdy Tawfik-manar9 0]

علي نفس طريقة موضوع اكتب حكمة او مقولة اعجبتك

ايه رايكم يكون الموضوع ده للامثال الشعبية وماكثرها عندنا

بمعني لو فيه مثل شعبي عجبك تضعه هنا في هذا الموضوع

ويكون بمثابة موسوعة للامثال الشعبية

بس طبعا امثال تكون لائقة ولا تحتوي الفاظ او اشياء خادشة للحياء


حد عاوز يبدأ بمثل

طيب ابدأ انا

اللي بيته من ازاز ميغيرش هدومة في الصالة



قصدي

اللي بيته من ازاز ميحدفش الناس بالطوب

[Hamdy Tawfik-manar9 0]

صباح الخير يا جارى.....صباحوا عنب يا مان (الجار الروش)

صباح الخير يا جارى.....صباحك زي وشك... (الجار العصبى)

صباح الخير يا جارى.....ياصباح كل حاجه حلوة (الجار ابو عين زايغه )



طبعا المثل الاصلي

صباح الخير ياجاري ... انت في حالك وانا في حالي

[enigma_sinai 0]

هههه
أعرف واحد مبيتكلمش فى موضوع الا يقوله مثلين ولا تلاتة..والمثل بيجى على مقاس الموضوع أو الحدث بالظبط...معرفش حفظهم ازاى!
عندنا مثل بدوى بيقول...اللى ما يعرف الصقر بيشويه

[sun_shine 0]

enigma_sinai كتب:

هههه
أعرف واحد مبيتكلمش فى موضوع الا يقوله مثلين ولا تلاتة..والمثل بيجى على مقاس الموضوع أو الحدث بالظبط...معرفش حفظهم ازاى!
عندنا مثل بدوى بيقول...اللى ما يعرف الصقر بيشويه

طب احمد ربنا انه بيقول الامثال في موضعها انا العكس اعرف ناس بيقولوا حكم وامثال مش مناسب للموقف

الفكرة جميلة ...سعات بسمع امثال ولا اعرف لها معاني

واكثر مثل عجبني هو
اللى يشتري اللى مالهوش لازمة يجي يوم يبيع اللى ليه لازمة

[sun_shine 0]

امثلة محرفة بس رووووووعة

قال يا قاعدين ... والله مانتو قايمين

وبكره ترجع ريما من عند خالتها فى مارينا

ياداخل بين البصله وقشرتها حط قطرة علشان هاتدمع من ريحتها

من خرج من داره مينساش يأخد المفتاح معاه

الباب اللى يجيجلك منه الريح شيله وركب قبنورى

إصرف ما فى الجيب ... يأتيك خراب البيت

يا واخد القرد على ماله .... بكره يروح القرد وتقعد لنا إنت بداله "

يا مأمنه للرجال .....يا مأمنه للقرد فى السنغال

ياخبرالنهارده بفلوس بكره ينزل عليه أوكازيون

اللى معاه قرش محيره يجيب حمام ويحمره

قال يامحشحشين يكفيكوا شر الكمين

لو حبيبك عسل ما تحطلوش طحينة

اللى يتلسع من الشوربه يتصل بالمطافى

اللى ياكل لوحده يشبع

اقلب القدره على فومها ... يدلق الفول منها

تأتى الرياح محمله بالأتربة

[Hamdy Tawfik-manar9 0]

حلوين الامثال المعدلة دي

وعلي رأي المثل

ناس لها يخت .. وناس لها اتوبيس

[راقي بأخلاقي 0]

صباااحو للفرفشة وخفة الدم ياااااحلوين

الأمثال كلها حكاية وعظات ياااا بخت إلي يتعظ بغيره ولا غيره يتعظ بيه

المثل إلي عندي شوي على قدي
((( من فات قديمه تاااه)))
:flower

:

[أسامة1 0]

جوعة على جوعة تخلي الصبية زوعة .

[dream 0]

السلام عليكم

على رأى المثل
يا مغير فى نوافذ الارسال
غيرك بقى حالته حال

[sweetface90 0]

صباح الخير يا جارى.....صباحوا عنب يا مان (الجار الروش)

صباح الخير يا جارى.....صباحك زي وشك... (الجار العصبى)

صباح الخير يا جارى.....ياصباح كل حاجه حلوة (الجار ابو عين زايغه )

جميلـــــــــــــــــــه قويه بعملها كتير وبالاخص بتاع صباحك زي وشك هههههههههههههههههههههههههههههههههههههههههه نايس والله

[mohammad 0]

يقول
المثل الروسي عندما يتكلم المال يصمت الصدق .

[dream 0]

السلام عليكم

على رأى المثل

حسدوا الغجر على ضل الشجر

[om_maram 0]

اللي بيته من ازاز ميغيرش هدومه في الصالون


اللي مابيشوفش من الغربال يكشف نظر


المضطر يركب تاكسي


اللي مايعرفش يقول what

اكل العيش يحب الطعميه


العين عليها لانسز



مع احترامى للامثال القديمة

[mohammad 0]

الظاهر العنوان المفروض يكون امثال ريمكس

مثل بقى معفن بس جااااااااااااامد
(اتلم تنتون على تنتن والاتنين انتن وانتن)

[enigma_sinai 0]

فى مثل كنت بسمعه كثير بيقول"ما أكذب من شاب تغرب الا شايب ماتوا أجياله"
طبعا فهمينه؟

[Hamdy Tawfik-manar9 0]

لا انا لم افهم معناه ولم اسمعه من قبل

دا اكيد مثل عربي وليس مصري

[Hamdy Tawfik-manar9 0]

مثل بمناسبة رمضات وارتفاع اسعار اللحوم

قليل البخت يلاقي العضم في الكرشه

[enigma_sinai 0]

هههه والله دا فقرى فقرى يعنى
ما أكذب من شاب تغرب الا شايب ماتت أجياله يعنى الشاب اللى بيحب الكذب بيلاقى فرصته فى الكذب أكثر لما بيكون راجع من غربة..محدش كان معاه فى الغربة وطبعا بيكذب براحته عن اللى عمله هناك.
والشايب"العجوز" اللى مات جيله بيكذب براحته برضوا..بيقول أنا كنت فى شبابى بعمل كذا وكذا وهو بيكذب ومافى حد من جيله موجود علشان يكذبه أو علشان العجوز يستحى منه..فطبعا بياخد راحته فى الكذب
وصلت؟

[Hamdy Tawfik-manar9 0]

حلو المعني

وصلت

تسلم علي الشرح

[Hamdy Tawfik-manar9 0]

ماتخدش السهتانه ام قصه ولبانه ... تاكل وتعمل عيانه

[om_maram 0]

اللى خدته القرعة .... تخده ام الشعور

على قد لحافك .... مد رجليك

برة و جوة فرشتلك ... و انت مايل وايه يعدلك

يا مأمن الرجال ... يا مأمن المية فى الغربال

[sun_shine 0]

لو كان فيه خير .. ما رماه الطير:
يقال هذا المثل للذي يريد أن يأخذ شيئاً قد تركه أحد قبله ، فالشيء المتروك لا خير فيه ولذلك استغنى عنه صاحبه

الضرب في الميت حرام:
يدل على أنه لا فائدة ترجى من الضرب والإهانة في الشخص الذي لا يحس ولا يتألم ، فهو أشبه بالميت ولذلك يكون الضرب والكلام فيه بلا فائدة

نوم الظالم عباده:
يقال هذا المثل للشخص الظالم المستبد ، لأن في نومه راحة وسعادة لغيره ، ولأنه بابتعاده ونومه يكف بلاه وشره عن الناس ، ولذلك يكون نومه كالعبادة التي يجني منها هو وغيره الخير الكبير.


*يموت الزمار وايده تلعب:
يدل على أن الإنسان الذي اعتاد على شيء في حياته لا يستطيع الاستغناء عنه أبداً أبداً ، حتى ولو بلغ منه المشيب مبلغاً ولذلك هو أشبه بالزمار (عازف المزمار) الذي سيظل يعزف عليه حتى يموت والمزمار بين أصابعه

أنا واخويه على ابن عمي ، وأنا وابن عمي على الغريب:
وهذا مثل عربي في كثير من البلدان العربية يدل على أن الأقربون أولى بالمساعدة والمعونة من غيرهم ، فالأخ أولى من ابن العم بالمساعدة والنصرة ، وابن العم أولى من الغريب

اللي ما يعرفك يجهلك:
يقال للشخص الذي لم يعاشرك ولم يجرب طباعك لا يعطيك حقك ولا يقدر مكانتك.

*أذنك من وين يا جحا ؟
يقال هذا المثل :للشخص الذي يريد أن يسلك طريقاً بعيداً ، بالرغم من وجود طريق أسهل يوصل إلى نفس الهدف ، فهو أشبه بجحا الذي سأل عن أذنه فأشار بيده اليمين من فوق رأسه على أذنه اليسار البعيدة متخطياً الأذن اليمين القريبة .

العلم في الصغر مثل نقش في الحجر ، والعلم في الكبر مثل نقش في المدر:
وهذا مثل يحث على طلب العلم في الصغر ويشبه العلم في الصغر بالنحت في الصخر ولذلك يبقى ولا يختفي ، أما العلم في الكبر فهو أشبه بالكتابة على المدر وهو الطين الذي لا يبقى إلا بمحافظة عليه ورعاية.


*ردت حليمة لعادتها القديمة(بالمصري رجعت ريمة لعادتها القديمة ):
يقال هذا المثل للشخص الذي ترك عادة ثم عاد إليها من جديد

[عمرو الشاعر 0]

صاحبك من صادقك ولا صدقك

[KoTTa Koky 0]

و قال على رأى المثــل

من برا هلا هلا و من جوا يعلم الله

***

نايــس توبيكـ أستاذ حمدى

جامد جداااااااا

[yassmin 0]

هههههههههههههههههه

[mor 0]

هههههههههههههههههههه موضوع رائع جدا هههههههههههههههههه
ههههههههههههه وعلي راي المثل الفاضي يعمل قاضي هههههههههههه

[mor 0]

[googoo111 0]

>> القرش الأبيض بيعوم فى البحر الأحمر ¦
>>
>> ضربوا الأعور على عينه قالهم كسرتوا النضاره ¦
>>
>>اللى ميشفش من الغربال يكشف نظر ¦
>>
>>المال السايب يعلم الطلبه ¦
>>لاتبكى على اللبن فى البسكوت ¦
>>
>>اقطع عرق و حته بتلو ¦
>>
>>اطبخى ياجاريه الأنبوبه فاضيه يا سيدى ¦

>> نام وارتاح وكل عسل نحل التمساح ¦

[googoo111 0]

معلش امثالي على قدي

[nora1 0]

من فات قديمه تاه


،،،

[nora1 0]

كتـــر الأســــى يقطع عروق المحبــــــة...


،،،

[Ayiah 0]

الدنيا مراية وريها توريك

وجع ساعة ولا كل ساعة

        

[medo1983 0]

وانا بقول ...كثرة البكاء بيعلم الحزن .....وتانى بقول ...كل ماتمشى اكتر تشوف وتعلم اكتر

[ام منتظر 0]

السفينه اذا كثرت ملاليحها تغرك

ملاليحها(بالعراقي)=ملاحوها(بالعربيه الفصحى)

تغرك=تغرق

الفكر على البعيره وعظه الكلب من اذنه

الفكر =الانسان المنحوس(قليل الحظ)

البعيره=الجمل

ودع البزون شحمه

ودع =ائتمن

البزون=القط

شحمه=من الشحم اي شحم ولحم الحيوان

العين ما تعله على الحاجب

تعله=تعلو

مصارين البطن تتعارك

امشي شهر ولا تعبر نهر

لا تكول سمسم الا تلهم

تكول=تقول

اتعب اجدامك ولا تتعب السانك

اجدامك=اقدامك

حجاره المتعجبك تفشخك

المتعجبك=لا تعجبك

تفشخك=تضربه في راسه