كلية الهندسة جامعة مفتوحة انضم

[هاني اسلام 0]

السلام عليكم


يا اجماعة ايه رايكم نقوم بجملة وننشرها في كل المنتديات تحت شعار الهندسة والعللوم للتعليم المفتوح ونطالب في ان الناس تشارك معانا ونتصل ببتوع حز ب الوفد والحزب الوطني والدكتور البردعي وكل المسوئلين المختصين ونوصل صوتنا لمجلسس الشعب ونطالب بفتح الهندسة جميع التخصصات لتعليم المفتوح وكلية العلوم ونوجه جهدنا لحاجه ممكن تغير مستقبلنا لو انتا فني لو انتي مش لاقي وظيفة محترمة لو ناوي تسافر وتعيش بره انضم لينا معانا هيكون مستقبلك احسن انضم لجروب هندسة للجميع حياة افضل للجميع ياشباب لو في حد ليه اكونت علي الفيس بوك وتويتر وغيرهم وممكن يسعدنا ويعملنا جروب ماشي اوك واحنا ننشره مستني رددكم بالنسبه لطب وصيدلة انا مستني ارا الاخوة الي درسو فيها عشان يقللنا ايه الي مطلوب عشان نقدر نخليهم يكونو بنظام التعليم المفتوح يعني مش عايزين حد يقول لا مينفعش احنا لغينا الكلامة دي من قاموسنا في جروب الهندسة المفتوحة كلمة مستحيل ملهاش مكان

اخوكم هاني اسلام

[hend nga 3]

هو انتى كمان عايز طب وصيدلة تبقى تعليم مفتوح ..... عن طريق النت مش هندسة بس


ده اخر سمعى عن التعليم ................. دى تبقى ...........


والله انا اظن ان ممكن بعض اقسام فى هندسة تنفع لنظام التعليم المفتوح ........... وليس جميع الأقسام

لكن الطب والصيدلة

[هاني اسلام 0]

اشكرك علي مشركتك ونبتدي بهندسة والله العظيم لو اعملت مراجعه للمناهج لتبقا كل الاقسام متاحة

[هاني اسلام 0]

يا شباب سهمو معانا متبقوش سلبيين يمكن ينفع

ونقدر نفتح الطريق للششباب كتير يعدلو من مستقبلهم

[هاني اسلام 0]

انا بشكر كل من رد علي موضوعي وانا ان شاء الله مش هياس ولا هسكت وهتابع معاكم ويارب ييسر لنا دعواتكم

[Doaa.M.M 0]

هانى فكرتك جميلة على فكرة وياريت
يفتحوا هندسة تعليم مفتوح انا كان نفسى
ادرس فى كلية هندسة جدا.....

الفكرة مش مستحيلة بالعكس دى ممكنة ...
وممكن لان الحضور مهم فى هندسة يعملوا
ايام تانية بالاضافة للجمعة مثلا

استمر ومش هتخسر حاجة يكفيك شرف المحاولة
فى انك تحقق شئ ولو لغيرك.....
ربنا يوفقك

[Maged 0]

والله يا جماعة الفكرة هايلة طيعا بس فعلا مش كل أقسام الهندسة تصلح للتعليم المفتوح لكن الجديد ان الجامعة العربية المفتوحة لأول مرة السنة دي فتحوا فيها كلية الهندسة بس قسم واحد بس و هو تكنولوجيا المعلومات بس للأسف أسعار الدراسة فيها 10 أضعاف الأسعار عندنا بس الهدف ان الفكرة ممكنة و متاحة و موجودة و طبعا لو اتحققت عندنا في الجامعة المفتوحة هتبقي نقلة كبيرة جدا

[هاني اسلام 0]

السلام عليكم
طالمة في امل مفيش يائس انشا الله بس انا عايزكو تكونو ايجابيين يعني ادوني ايميلات الاحزاب الوفد وغيره والوطني ودكتور البردعي ومتقلقوش وانشا الله هنسق مع الناس والامور كلها طيبه انا بحاول والقضية دي بقت هدفي كفاية ان ليا ابن عم زي بيقبض 5 الاف جنيه واان هنا في الغربة مبخدش نصهم بصوا انا مبحسد بس ليه متدنيش فرصة تانيه زي غيري والي عايز هوا الي هيسعا صح يعني مش كل الناس تقدر تصبر علي الدراسة ومن نحيت السكاشن انا بدرس مع الجماعة ايه الاقتراحات الفعالة الي ممكن نطالب بيها عشان السكاشن تكون واقعية وممكن انا عايزكو تسعدوني وكل واحد يقدر يجيب معلومات عن تخصص في الهندسة واقتراحاته ايه ماشي انا مستني مشاركتكم وانا انشا الله هكون اول واحد يشارك وبشكر كل واحد ساهم في الموضوع

[هاني اسلام 0]

كيفكم يا شباب انا متابع الموضوع روربنا ييسر بس في مشكلة بيسالو لو هتكون جامعة مفتوحة هيبقا نظام الترممات ايه انا راي انا السنوات يتم اختصارها لاربعة حيث انا التخصص موجود من اول يوم منتظر ردودكم

[nour_cota 0]

ممكن اشاركم الرد انا وجهة نظر مختلفة ان الهندسة والطب والصيدلة دى لازم يكون لها قدرات مختلفة مش اى حد ممكن تكون موجودة عندة يعنى مش العملية مجرد حب او هواية او امنية بس ممكن نقترح بفتح قسم هندسة تعليم مفتوح يكون اساسة امتحان قدرات ويكون الامتحان دة اصلا داخل كليات الهندسة تعليم نظامى ويشرف علية دكاترة من نفس القسم اقصد يكون اختبار قدرات دقيق جدا وينجح فية فعلا اللى يستحق يدخل الاقسام دى وشكر


ا

[هاني اسلام 0]

السلام عليكم اخباركم ايه يا شباب مصر العظيم البطل اخوكم هاني يحيكم ويحي كل شباب الثورة وابناء ششعب مصر وبكرر ندائي لابطال العلم وشباب الامة الذي يريد العلم والنجاح لنفسه وبلده ساعدونا في ايصال صوتنا لاصحاب السلطة يجب ان نطالب بحق التعليم وان يكون التعليم المفتوح حق في جميع التخصصات ادعوكم لان تستجيبوا وتساهم في الموضوع وفي تحقيق امالكم وامال شباب مصري هنكمل المشوار بيكم ومعاكم انشا الله وانا متابع وارجو مساعدتكم في الموضوع

[marina 0]

ياريت يفتحوا هندسة تعليم مفتوح

[هاني اسلام 0]

السلا م عليكم الحل مش اننا نقول ياريت اقسم بالله انا لولا اني مسافر خارج مصر لكنت ذهبت الي مجلس الوزرا وطالبته بذلك الا يوجد اي مهتم يريد تصحيح حياته وياخذ مطالبنا ويذهب الي التحرير او الي مجلس الوزراء

[هاني اسلام 0]

انضموا وشاركو معانا علي رابط الجروب بتاعنا [url=http://www.ممنوع وضع روابط الفيس بوك /home.php?sk=group_153302254724815]http://wwؤؤؤؤؤؤؤؤؤؤ2254724815[/url]

[marina 0]

ودول لخريخى الهندسة ولا اية ارجو الايضاح

[هاني اسلام 0]

ده جروب لينا الشباب المطالبين بفتح كلية الهندسة للدراسة في التعليم المفتوح يعني لاي راغب في دراسة الهندسة بنظام تعليم مفتوح

[marina 0]

شكرا للرد والايضاح

[هاني اسلام 0]

يا شباب انتوا مش متحمسين ليه عموما انا عامل الجروب علي الفيس بوك وهفضل اطالب بيه

[تحيا مصر 0]

والله يا ريت حتى البلد تتحسن بس ممنكن يوفقوا طب والمعاهد الخاصة هتعمل اية

[هاني اسلام 0]

جاري رفع قضية للحصو علي حكم قضائي

[هاني اسلام 0]

عدت سنتين او اكتر ولسه مافيش جديد المهم اننا حلمنا مع بعض واردنا تحقيق حلمنا اليوم الي هستقر فيه في مصر هحاول احقق حلمي ولو مكنش هجهز جواز سفري تاني واهاجر لكندا او استراليا احسن

[*maryam 0]

السلام عليكم

انا هقول رأيي وياريت تتقبلوه

ان شايفة ان ده هيبقى ظلم للناس اللي جايبين مجموع عالي في الثانوية العامة ودخلوا هندسة

ده كدا مش هيبقى في اجتهد في الثانوية العامة لتدخل كلية من كليات القمة ذاكر ذاكر مذاكرش اهو داخل برضه

يعني كدا اللي جايب 50 % زي اللي جايب 98 و 99 % لا بجد انا شايفة ان كدا هيبقى ظلم للطلبة دي

[max2010s 0]

أؤيد كلامك يا مريم هيبقا فيها ظلم كبير ياهانى
لكن أيضا عايزين طريقه تخلى الناس تتعلم هندسه ولو جامعه مشابهة
بس يبقا نفس المسمى زى مثلا كليه التعليم الصناعى
أعتقد أن الكليه دى بتدى درجه هندسه
لأن الشهاده مكتوب فيها تكنولوجيا وعلوم هندسيه

[عصام محمد مصطفى 0]

السلام عليكم والله العظيم فكرة انشاء كلية هندسة تعليم مفتوح فكرة هائلة وأتمنى تلاقى ترحيب من الجميع ..لانى طول عمرى نفس أدرس هندسة بس للأسف أنا حاصل على دبلوم صناعى ونفسى أكمل هندسة ومش لاقى فرصة خالص عشان الدبلوم قديم من 1993 مع العلم بأننى طالب بالتيرم السادس حقوق ولكن فكرة الهندسة حلم حياتى ربنا يكرمك يا صاحب الفكرة وياريت تلاقى فكرتك النجاح ربنا معانا جميعآ والله العظيم فكرة جامدة جدآ طالما الواحد حابب يدرس حاجة معينة أكيد هينجح فيها ويمكن يكون بارع أكتر من التعليم النظامى لأنة حابب الدراسة مش مغصوب على أمرة

[innet 0]

فكرة انشاء كلية هندسة تعليم مفتوح فكرة هائلة
نداء لجامعة التعليم المفتوح
انا اعمل فى المقاولات لاكثر من 23 سنة واكتسبت خبرات كبيرة وقد استفاد كثيراً من المهندسين حديث التخرج من خبرتى ولاكن للاسف بخبرتة الضعيفة فهو مديرى ويفرق فى الراتب عنى بكثير وياريت الجامعة تعطى الفرصة لامثال هذه الخبرات برفع هذه الفئه المظلومة بعد هذه الخبرة الطويلة
ونحن على اتم الاستعدادات لاى اختبارات علمية او تطبيقية للقبول بالجامعة حالة انشا اللة فتح هذا القسم بالجامعة المفتوحة
ارجو الاهتمام وارجو مساعدة نقابة التطبقين لنا التى هى من اجلنا

[KoTTa Koky 0]

فكرة كويسة جدااااا طبعا وانا بصراحة كان نفسى فيها من بدرى
لكن مسمحليش الوقت انى اتكلم فيها خصوصا انى على علم بان كان الموضوع دا بالفعل مفتوح وبيتم النقاش فيها ولكن للاسف اترفض واتقفل فياريت لو نحاول تانى

[reda mostafa 0]

الفكره مش فى اللى جاب مجموع فى الثانوى وهيتظلم لو فتحوا الهندسه للتعليم المفتوح


لا الفكره ان لو فعلا عندنا تحضر وثقافه كانت اول كليات تتفتح فى التعليم الفتوح كانت هندسه او علوم


وتخصصات بيحتاجها سوق العمل


لكن للاسف شعب مصر لسى قدامه كتير عشان ياخد وضعه الطبيعى بين الشعوب


اه يادماغى


موضوع رائع جدا شكرا لك