اسال اللي بعدك سؤال

[hwaa 0]

هذا لان المصرى هائج ثائر شتاء
هادىء حائر صيفا

والسؤال تفتكروا مين هيفوز فى الانتخابات
الاخوان ولا الاخوان ؟

[marina 0]

الاخوان اكيد هم اللى حينجوا دا حتى فى اللجنة اللى كنت فيها كان فىناس حط دماغها حد غير جزب الاخوان بكلمتين من الممثلين لهم غيروا كلامهم واختاروا حزب الاخوان دا غير كمان المسئولين عن اللجنة كانت بتقولهم اختاروا جزب الحرية والعدالة وسوالى امتى المصريين حيتخلصوا من العشوائية فى حياتهم وامتى يتعلم الشعب عدم بيع صوتة واصرار ة على اختيارة وان كل واحد يبقى عارف بالضبط هو عايز اية

[hwaa 0]

الماركسين بيقولوا
من ملك قوت يومه امتلك قراره
الفقر يا اختى آفة كل المصائب فما بالك بفقر وجهل
ورحم الله عليا حين قال لو كان الفقر رجلا لقتلته

والسؤال
اذا كان شخصا ما متسامحا
متى يجب عليه ان يتوقف عن السماح ؟

[marina 0]

لو كان التسماح دا حيتسبب فى كارثة تدمر حياتة وحياتة غيرة وخاصة لو كان فى منصب قيادى ممكن لو سامح مجرم معين ممكن يودى بلد فى كارثة



سوالى اية اغرب حاجة فى الحياة وهل حد ندم انة خسر شخص

[heba mohammed 0]

انا هارد على سؤال مارينا:
اغرب حاجة في الحياة انه يكون في تلات اشخاص الأول بيحب التاني والتاني مش بيحبه بيكون بيحب التالت والتالت مش بيحبه يكوون بيحب الأول بتحصل كتير حواليا ...واني ندمانه على خسارة شخص فعلا ندمانه على خسارة واحده من صديقاتي .


سؤالي: لو حد حب واحده جميله جدا وهايتجوزها فعلا ولكن يشاء القدر انه قبل الجواز بفترة تعمل حادثة ويحصل تشوه في وشها في الموقف ده هاتعمل ايه مع انها ما زالت نفس الإنسانه اللي بيحبها بس مش نفس الجمال؟؟

[hwaa 0]

هتعمل ايه هى ولا بيدها حيلة
هتستنى قضاء ربنا
بس هو هيعمل ايه
ده هيتوقف على حبه لها
وان كان جمالها قاسم أكبر فى حبه يبقى الافضل يبعد ويسيبها فى حالها
لانه هيفسد عليها حياتها ولن يجعلها تتقبل الواقع

والسؤال هو
هل انت مستعد لللتخلى عن شخص تحبه لو قال لك مالا تصدقه فى انه لا يحبك

[Hamdy Tawfik-manar9 0]

hwaa كتب:

والسؤال هو
هل انت مستعد لللتخلى عن شخص تحبه لو قال لك مالا تصدقه فى انه لا يحبك

السؤال محتاج مذكرة تفسيرية

اقصد انه مش واضح

[hwaa 0]

خلاص نغيره
ماذا لو صحيت من النوم ولقيت نفسك زهقااااان

[marina 0]

بالتاكيد حتخلى عنة لسبب بسيط لانى بعد كدة مش حابقى سعيدة معاة لانى خدتة غضب عنة لانة مش بيحبنى لانى لازم احترم ارادة وحرية الاخر زى ما انا عايزة اخد اللى بحبة يبقى احترم الشخص الاخر واسيب لة الحرية لو مش بيحبنى



كل يوم الواحد بيصحى زهقان من احداث البلد مفيش يوم من نهاية 2010 الى الان والواحد مش زهقان





سوال هل فى يوم فكرت انك تشكر ماماتك وباباك وتفكر فى مشاعرهم لما كبروا فى السن هل فكرت انهم محتاجين انك تستوعبهم عاطفيا واحيانا ماديا بس بالاكتر معنويا وعاطفيا ولو كان اليوم دا فات هل ندمت وهل بتفكر انك تتمنى متكونيش قصرت ولو كان الوقت ما فتيش وكنت هاملهم هل فكرت بجد انك تكرمهم



سوال تانى وسوال لاشخاص اللى فقدوا احدى والداهم والوالد الاخر ايا كان سواء الام او الاب حرم نفسة من اجل اولادة هل فكرت ان ماماتك او باباك ممكن يبقى مستنين تليفون او زيارة او حتى كلمة حلوة منك هل فكرت فى مشاعرهم هل فكرت فى يوم تنيامهم من غير دموع وتسال عنهم ام ان دموعهم حتفضل ساكنة فى عيونهم بسبب اهمالك وتفكيرك فى نفسك

[hwaa 0]

اللهم ارحم أمواتنا

وبارك فى الاحياء منهم

والسؤال

هل تتوقعون أيام أكثر سوادا مما نحن فيه أم أن البسمة آتيه

[marina 0]

اعتقد الالم قادم لفئة من الناس واكثر الناس لكن فئة قليلة قد تنعم بالامل ولكن وسط كل السودا دايما يوجد ايمان راسخ ان الله هو بيدة كل الكون ويديار بكلمة منة فاذا هناك الله لان الجميع بيرفعون عينهم نحو الله وهو يسمع فاذا سيشرق الامل لان الله لن يخيب امل خلقتة فاكيد البسمة قادمة لا محالة مهما عملوا الاخرين لاطفائها فستوجد البسمة وسيزرع الامل ويشرق من جديد وستتبدد الظلمة ان شاء عن مصر والعالم كلة سوالى هل ممكن صدمة فشل فى حب او فقدان حب ممكن يجعل الانسان قلب يموت ما يحبيش تانى

[hwaa 0]

والله يا مارينا مش عارفه
لكن أقدر اقولك أن القلب مخلوق عشان يحب
ولو الحب دخله مش بيخرج تانى
مهما الحبيب بعد

والسؤال
هل تملك القدرة على الاعتراف بالذنب ؟

[marina 0]

حقيقة مش فى كل الاوقات احيانا تتملك الشجاعة الشخص واحيانا لا فاذا احيانا بيتعرف واحيانا لا سوالى هل الحياة منصفة هل حد حاسس انة فعلا اتعامل بانصاف فى الحياة خد حتى ولو جزء من احلامة او انة اتشكر او تكرم لو عمل حاجة كويسة للبلد

[hwaa 0]

لالالالالالالالالالالالالالالالالا
خاااااااااااااااااااااالص
ولكن الحمد لله على كل حال

وسؤالى
لاى مدى ممكن تواجه الفشل وتصر على النجاح

[marina 0]

اعتقد مدام الانسان عايش يبقى فى كل يوم حيواجة تحدى انى يتصد للفشل ولابد يدور على اى باب للنجاح اصلا انك دلوقتى تلتحق بكلية دا باب للنجاح انك تلاقى اى شغالنة حتى ولو لم تناسب موهلك دا درب من دروب النجاح وتحدى للفشل اعتقد دلوقتى بسبب حالة البلد والركود وفقدان الامل اعتقد ان مواصلة الحياة تعتبر درب من دروب النجاح وتصدى للفشل فى ظل انعدام الامن والامان فى البلد بجد الانسان المصرى حياتة تعتبر سلسلة من النجاحات وتصدى للفشل حتى فى ابسط الامور واولها انة يقدر يحصل على رغيف عيش بعد الوقفة لساعات فى طابور مالويش اخر

[hwaa 0]

فين السؤال يا مارينا

[marina 0]

سورى نسيت هل يشكل النسيان مشكلة فى حياتك وازاى تقدرى تتغلبى علية واية السبب ان احنا مش بنقدر ننسى الالم بسهولة او ننسى الاشخاص اللى بنحبوهم وحتى لو سابونا وجرحونا ولو رجعوا بنقبلهم لية ومكمن نكمل حياتنا معاهم حتى لو متاكدين انهم ممكن يسبونا ويجرحونا لية مش بنقدر ننساهم لية هم مالكين جوراحنا وقلوبنا ونفسنا ياترى اية السبب

[hwaa 0]

مش عندى اجابة
بضم صوتى لصوتك
ايه السبب؟
ياريت حد عاقل يجاوبنا

[marina 0]

ما هى دا احدى عجايب وسخريات القدر وغرائب النفس البشرية واسرارها يا ترى اية السبب

[hwaa 0]

اظن ده أول سؤال فى الموضوع مش لاقى إجابة

عموما اللى يقدر يجاوب عليه فى اى وقت يتفضل

والا ايه رايك يا مارينا

وسؤالى هو

ماذا تفعل اذا فرضت عليك الوحدة ؟

[marina 0]

يبدو ان دا وقت طرح الاسئلة التى لا اجابة لها زى مثلا ازاى تعدل دستور الجميع طالب باسقاط ودم الشهداء يملى عليك اسقاطة وفاءا لدماء الشهداء اللى جابوا الحرية وازاى تعمل انتخابات لمجلس شعب وشورى دون ما يكون عندك دستور





والاجابة لان احنا مختلفين نبتكر انظمة عشوائية علشان البلد تبقى فى عشوائية اكتر ما هى فيها



ما اذا افعل ان فرضت الوحدة اعتقد فى يوم لابد اثور ولا ماقدرتيش اخلص نفسى يبقى يكفنى شرف المحاولة واعتقد مبارك كان فارض على الشعب الوحدة واعتقد حنرجع ليها تانى قريب بس وحدة اشد





سوالى ماذا تفعل اذا ثورت على نظام فاسد واستثرت بالحرية ودعوت بالحرية لكل اطياف الشعب وفجاة جاءت حكومة جديدة اختارها الاغلبية وفرضت عليك قوانين تحد من الحريات العامة والشخصية وعندما تطلب شيئا من الحرية وتقول تريد الديمقراطية والمساواة للجميع يقولوا انها كفرا لان الديمقراطية هى حكم الشعب لنفسة فكيف كفرا وهى من اتت بهم سوالى هل العدالة والمساواة بين جميع المواطنين وحقوق المواطنة الواحدة مهما اختلفت المواطنين فى الدين والاصل ولكن الجميع مصريين هل يبقى حرام وكفرا وجراما انك تطلب المساواة بين جميع المواطنين وتطلب الديمقراطية فى حكمك وحكم الجميع سواسية لافرق بين احد وان القانون هو الذى يسود

[الشخصية 0]

marina كتب:

يبدو ان دا وقت طرح الاسئلة التى لا اجابة لها زى مثلا ازاى تعدل دستور الجميع طالب باسقاط ودم الشهداء يملى عليك اسقاطة وفاءا لدماء الشهداء اللى جابوا الحرية وازاى تعمل انتخابات لمجلس شعب وشورى دون ما يكون عندك دستور





والاجابة لان احنا مختلفين نبتكر انظمة عشوائية علشان البلد تبقى فى عشوائية اكتر ما هى فيها



ما اذا افعل ان فرضت الوحدة اعتقد فى يوم لابد اثور ولا ماقدرتيش اخلص نفسى يبقى يكفنى شرف المحاولة واعتقد مبارك كان فارض على الشعب الوحدة واعتقد حنرجع ليها تانى قريب بس وحدة اشد





سوالى ماذا تفعل اذا ثورت على نظام فاسد واستثرت بالحرية ودعوت بالحرية لكل اطياف الشعب وفجاة جاءت حكومة جديدة اختارها الاغلبية وفرضت عليك قوانين تحد من الحريات العامة والشخصية وعندما تطلب شيئا من الحرية وتقول تريد الديمقراطية والمساواة للجميع يقولوا انها كفرا لان الديمقراطية هى حكم الشعب لنفسة فكيف كفرا وهى من اتت بهم سوالى هل العدالة والمساواة بين جميع المواطنين وحقوق المواطنة الواحدة مهما اختلفت المواطنين فى الدين والاصل ولكن الجميع مصريين هل يبقى حرام وكفرا وجراما انك تطلب المساواة بين جميع المواطنين وتطلب الديمقراطية فى حكمك وحكم الجميع سواسية لافرق بين احد وان القانون هو الذى يسود

عروستى



بسم اللة الرحمن الرحيم

الاجابة الوضع اللى احنا فيه دلوقتى هههههههههههههه

هونى على نفسك يا ميرو واللى عاوز يكفر بيكفر اللى منه اصلا مش فئة معينة بس

ومن اسماء اللة العدل والعدل يعنى المساواة اللى انتى بتطالبى بيها وانا معاكى ومعانا ناس كتير اوى واللى تقريبا مش هنشوفة(العدل) الا فى الجنة ان شاء اللة

[hwaa 0]

نقطة نظااااااااااااااااام

خرجتوا عن محتوى الموضوع يا حضرات

هنا مش مجال مناقشة سياسية

هنا موضوع خفيف وظريف كل واحد يسأل سؤال وإلى بعده يجاوب

ويحط سؤال جديد

ونعود إلى سؤالى

ماذا تفعل لو فرضت عليك الوحدة ؟

[nora1 0]

ليس معنى الوحدة أن تجلس لوحدك ولكن معناها.. أن تفقد من تحب ..

[hwaa 0]

نوره

هذا تفسير وليس إجابة

وان كان غجابه فاين السؤال

مسااااااااااااااء الفل

[marina 0]

كل واحد من حقة يسال اى سوال فى اى مجال مدام طرا على ذهنة وليس الموضوع خفة دم بل لو شفتى فى الصفحات اللى قبل كدة حتلاقى اسئلة متنوعة فى اى مجال مدام تطر على فكر الانسان



اما بالنسبة لاجابة نورة اعتقد ان اجابتها عن سوال الوحدة بليغ جدا لان ممكن شعور الوحدة يفرضة داخل الانسان على نفسة قبل ما يتفرض علية من خارج



اما السوال فماذا تعنى الحياة بالنسبة للشخص

[kassima 1991 0]

المذنب الآكبرهو صاحب المركب بعد ين الشاب بعد ين الرجل الذى اختلى بها بعد ين الفتاة وأخيرا الفيلسوف

[KoTTa Koky 0]

جميلة العبة دى أوى صن شايــن

ما حقيقــة الخــوف فى وجهــة نظــركـ ؟

[abo nooh 0]

marina كتب:

سورى نسيت هل يشكل النسيان مشكلة فى حياتك وازاى تقدرى تتغلبى علية واية السبب ان احنا مش بنقدر ننسى الالم بسهولة او ننسى الاشخاص اللى بنحبوهم وحتى لو سابونا وجرحونا ولو رجعوا بنقبلهم لية ومكمن نكمل حياتنا معاهم حتى لو متاكدين انهم ممكن يسبونا ويجرحونا لية مش بنقدر ننساهم لية هم مالكين جوراحنا وقلوبنا ونفسنا ياترى اية السبب

الجواب

هل يشكل النسيان مشكله في حياتك ؟

النسيان / نعمه من الله سبحانه ولو فقدها سوف تتحول حياته الى حجيم لا يطاق فهو إذا احدى نعم الخالق سبحانه

مثال نسيان الاحباب بعد موتهم كم شخص مات لديه عزيز ثم حزن وحزن وحزن وبكى ثم بكى والى متى يبكي لو لم يكرمك الله بالنسيان

فالنسيان هو نعمه كما قلت اما بالنسبه لنسيان المعلومات والخاصه بالدروس فدا موال اخر ومتعلق باستعدادات الفكريه والعقليه لكل شخص وبتختلف من شخص لآخر

الألم ؟

الألم أحيانا يكون نعمه لأنه الدافع إلى فعل شيء وفي ظروف كثيره يكون الألم أحدى أكبر النعم التي من الله سبحانه على عبده

فحينما يتألم الأنسان فأنه يسعى سعيا حثيثا الى وجود المأوى الذي يزيل هذا الالم

فلولا إحساسنا أحيانا بالألم لربما تركنا كثيرا من مصالحنا بسبب عدم وجوده الألم

الألم يشعرك بضعفك الأنساني فتلجأالى ربك وخالقك ويقول يارب ويأتيك الغيث والمدد

الألم يشعرك بالأنسان المتألم فتشعر بقيمه الصحه والعافيه فتقول بنفسك يارب سبحانك ما أعظم العافيه

فالعافيه والصحه هما تاج الكرامه التي لايشعر بها الناس الى بعد فقدها وأحيانا يأتينا الالم فيذكرنا بتاج الصحه والكرامه

كلنا نتحرك ونمشي لا نشعر بألم المتبور ساقه او الفاقد نعمه البصر

هؤلاء يتألمون ويتألمون كثيرا

فلما ياتينا الألم نحسن بقيمه هؤلاء المتألمون حقا وما قيمه الصحه والعافيه التى نرفل بها ولانؤدي حمدها



الألم يدفع السمك الى العمل والحركه وهذا ينقى بدن السمك ويطيبه

ففي اليابان وصلوا الى وضع حوت صغير في قفص يجعل السمك يتحرك فيطيب لحمه بعدما كان اللحم غير طيب بسبب عدم حركه السمك بالاحواض

اضطروا الى وضع سمك كبيره تطاردهم حتى يتحرك السمك فيطيب لحم السمك بعدالحركه



وهكذا هم بنوا آدم لن تطيب حياتهم الأ بوجود ألم يحركم ويدفعهم الى الانجاز والعمل والتغلب على الآلام

والتحديات التي تنتج عنه هذه الآلام

وهو في سيره للتغلب على هذه الالام فانه يحقق الكثير من النجاح اللي ما كان ليحقق بعضه

لولا



الألم

فالألم هو الأمل فما عليكم إلا ان تغير فيتغير

ألمك هو أملك

[*maryam 0]

حلو الموضوع ده

طيب اسأل سؤال يا خالد بما انك اخر واحد جاوب عشان اجاوب عليه

[yassmin 0]

.......؟؟؟

[abo nooh 0]

ليه ما تصلون على النبي

هو دا السؤال

؟

[abo nooh 0]

اللهم صلى على محمد واله وصحبه وسلم

ماهو ثواب من يصلى على النبي صلى الله عليه وسلم ؟

[*maryam 0]

k.salem كتب:

اللهم صلى على محمد واله وصحبه وسلم

ماهو ثواب من يصلى على النبي صلى الله عليه وسلم ؟

عليه افضل الصلاة والسلام

قال رسول الله صلى الله عليه وآله وسلم:- 'من صلى علي في يوم ألف صلاة لم يمت حتى يبشر بالجنة '

وقال صلى الله عليه وآله وسلم :-'من صلى علي في يوم مائة مرة قضى الله له مائة حاجة :سبعين منها لآخرته وثلاثين منها لدنياه'

وقال صلى الله عليه وآله وسلم :-'من صلى على حين يصبح عشرا وحين يمسى عشرا أدركته شفاعتي يوم القيامة '


وقال صلى الله عليه وآله وسلم :-'من صلى علي واحدة صلى الله عليه عشر صلوات وحط عنه عشر خطيئات ورفع له عشر درجات'


وقال صلى الله عليه وآله وسلم :- 'ما من أحد يسلم علي إلا رد الله علي روحي حتى أرد عليه السلام '


وقال صلى الله عليه وآله وسلم:- 'إن أولى الناس بي يوم القيامة أكثرهم علي صلاة '



سؤال لماذا سميت الدنيا بهذا الاسم ؟؟؟؟؟؟؟؟؟

[abo nooh 0]

لانها الأسفل وهو معنى الدنيا ومعنى الدنيا أي السفلى

هذا ما نعرفه من المعنى الظاهري لكلمه الدنيا فهي أدنى أي أبعد

والله أعلى وأعلم

[yassmin 0]

ماهي طوبي؟؟ولمن ؟؟

[KoTTa Koky 0]

إنها شجرة من الجنة
من ذهب
منها ثياب أهل الجنة
ظلها مسيرة مائة عام للجواد السريع


إنها لمن أكثر الإستغفار

[KoTTa Koky 0]

ما أول هـدية أهديــت إلى الرســـول صلى الله عليه وسلم بالمدينة ؟

[ATOMIX 0]

قصعة خبزاً وسمناً ولبناً وهي هدية من زيد بن حارثة .

[ATOMIX 0]

لو ضاعت منك فردة حذائك وأنت تسير أو وأنت راكب السياره..أو وأنت تصلى بالمسجد ؟

ومــــاذا ستفعل بالأخرى حينها ؟

[KoTTa Koky 0]

أولا يعنى هو موقف محرج أوووى يا محمود بصراحة

بس مضطرة آسفةً أنى أقلع الفرده الثانية وامشى كدا وادور على أى مكان أجيب منه حاجة البسها

بس الا هو الموقف دا حصللك حقيقةً ولا ايه )

[ATOMIX 0]

وأنتى عرفتى منين ؟

الموقف ممكن يحصل لناس كتير جدآ ...

يعنى ممكن يصادف إن فردة تنقطع فمينفعش يتمشى بيها

وممكن والواحد بيصلى فى الجامع يطلع ميلاقيش حاجه يروح بيها

وبالذات لو الواحد بيصلى فى وسط البلد

ولا فى أى مكان بعيد عن بيته وهو رايح مشوار او الشغل



وفى قصه عن رجل حكيم كان راكب القطار ففرده وقع منه والقطار

ماشى فراح جاى رامى الفرده التانيه جنبيها

فالناس إستغربت أوى للعمله ؟

... فرد عليهم وقال عشان الفقير اللى يلاقيها يعرف يستفاد بالأثنين



فالسؤال هنا بقى ياترى اللى هيسرق الحذاء بتاعى من أمام الجامع هيطلع

أخلاقه كويسه ويسبلى أى حاجه بدل الحذاء بتاعى حتى لو معفنه أروح بيها ؟

[KoTTa Koky 0]

هههههههههههههههه

هو والله أوقات كتيرة فى الجوامع بيسيبوا بدل الشوز اللى بياخدوه
شبشب زيكو ولا زنوبة اللى هو بصوباع دا

)

فربنا يكرمك بواحد زوق و أخلاق كدا ويسيبلك واحد

[yassmin 0]

هههههههههههههههههه

[KoTTa Koky 0]

-ما أول ما نزل من التوراة ؟

[*maryam 0]

KoTTa Koky كتب:

-ما أول ما نزل من التوراة ؟

( بسم الله الرحمن الرحيم ) اول ما نزل من التوراة


سؤالي

اذا حصلت على فرصة لتسرق واحدة مما يأتي ماذا تختار؟؟


1- ساعة حلوة من ماضيك ؟

2- ساعة بالقرب من حبيبك ؟

3- ام تسرق يوم من ايام الطفولة ؟

4- ام تسرق جناح وتطير لعالم اخر ؟

5- ام تسرق ورقة امتحان قبل الامتحان بيوم ؟

[KoTTa Koky 0]

أسرق ورقة إمتحان قبل الأمتحان بيـــــوم

هههههههههههههههههههههه


لا بجـــد بئة

لو هى دى بس الأختيارات المتاحة

هاختــار ساعة حلـوة من ماضيـــّا

[*maryam 0]

KoTTa Koky كتب:

أسرق ورقة إمتحان قبل الأمتحان بيـــــوم

هههههههههههههههههههههه


لا بجـــد بئة

لو هى دى بس الأختيارات المتاحة

هاختــار ساعة حلـوة من ماضيـــّا

[*maryam 0]

ممكن حد يجاوبني علي سؤالي ده

رااااااااح فين الامان في بلدنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[khaled38 0]

خرج ولم يعد،وربما لن يعود ثانية إلا إذا اتحدنا،وأصبحنا يدًا واحدة لنقف أمام أي أعمال تخريب،أو بلطجة،أو ظلم،أو طغيان لنحبط أي مخططات خارجية،أو داخلية للإيقاع بين أبناء الوطن الواحد ولنحمي مصرنا ونجعلها تحتل مكانتها الحقيقية بين الأمم.