ماذا لو كنت تريد التحويل من جامعة إلى جامعة أخرى (2015).

[Mysterious Destiny 0]

السلام عليكم و رحمة الله

في الأول حابب ارحب باعضاء المنتدي بما أني لسة عضو جديد معاكم، و أتمنى اني اكون ضيف خفيف عليكم :-)

كان عندي سؤال كدة فى موضوع اني حالياً مُقَيَّدٌ في كلية تجارة جامعة الاسكندرية بس كنت عايز احول لكلية آداب قسم ترجمة بالقاهرة بس لما سألت قالولي اني لازم استني 5 سنين بعد إلتحاقي بجامعة بعد الثانوية العامة.

دلوقتي بقى انا شايف علي موقع جامعة القاهرة ان الدفعة اللى كان عليها الحق في التقديم (دفعة 2010) و انا دفعة 2011.

هل يا ترى هقدر اقدم في سبتمبر 2015 ولا هضطر استني مارس 2016 ؟

مع العلم اني سألت شئون الطلبة جامعة القاهرة بفرع الإسكندرية بس الظاهر والله اعلم انهم معندهمش خلفية عن حاجة =))

ياريت لو حد حصلت معاه المشكلة دي فى سنة من السنين يفيدنا في الموضوع ده و بعد اذن الجميع بلاش فتي علشان بصراحة بصراحة ! الواحد اتهري فتي فى البلد دي.  

شكراً وبالتوفيق جميعاً .. ^.^

[Mysterious Destiny 0]

64 مشاهدة للموضوع و محدش فكر يرد ... إخص

[mor 0]

معلش مهو ممكن ال 64 الي شاهدوا موضوعك

محصلش  معاهم نفس مشكلتك

وكمان ممكن فيه حد عنده منهم معلومة بس مش متاكد منها 

فمحبش يفتي .

انصحك بالتوجه لمركز جامعة القاهرة للتعليم المفتوح

وتاخد المعلومة الصح والاكيدة

[size=41]موفق ان شاء الله [/size]

[Mysterious Destiny 0]

اااه تمام، انا افتكرت المنتدي هنا فعال زى منتديات اخري بتابعها بدون زكر اسماء..

عموماً شكراً و بتمنى إن المنتدى يكون ديماً فيه اعضاء متميزة تقدر تفيد و تستفيد ;-)

وبالمناسبة انا هدرس في الأسكندرية ف مش محتاج اروح القاهرة علشان اسأل، لأني بالتأكيد هلاقي نفس الرد هناك ^^

وبالتوفيق للجميع.