Jump to content
أحلى نادي لأحلى أعضاء
Search In
  • More options...
Find results that contain...
Find results in...
Save
نادي جامعة القاهرة للتعليم المفتوح
نورهان الملاك

انتي عارفة انتي بتعملي ايه في عينك ... مصيبة سودا اسمها العدسات؟

Recommended Posts

بصو بقي يابنات
بصراحة انا شوفت النهارده كارثة من كوارث الزمن بجد انا مش فاهمه البنات بتعمل في نفسها كدا ازاي
اني ادخل محل النهارده عشان اشتري مبرد ظوافر و مانيكيرات و اكسيسوريز الاقي
عدسات بتتباع هناك
بصراحة فوجئت ان بنت داخله تشتري العدسات عادي جدا وبنتقي لونها كأنها اكسسوار هتلبسه
طيب بكام العدسات يا عسل
العدسات بالمحلول بتاعها ب 17 جنية

قولتله عدسات ايه اللي ب 17 جنية دي
قالي دي
وطلعلي عدسات اصلا مش مكتوب عليها ماركات و كمان اللي مكتوب عليها فريش لوك ون داي
انا بصراحة مش عارفه انتو بتعملوا في نفسكم كدا ليه
اولا مافيش عدسات في الدنيا محترمه تبقي بالسعر دا ... دا اولا
ثانيا ازاي تجيبي عدسات من الشارع كدا مش من مركز متخصص او دكتور !!!
انت عارفه انك كدا بتموتي عينك بالبطئ او الله اعلم بالسريع انتي وحظك
المكان اللي انتي بتحطي عليه العدسة دا اسمة القرنية
والقرنية دي بتتحكم في تلتين قوه الابصار في العين في حين ان العدسة اللي جوا العين بتتحكم في تلت قوه الابصار بس
فلو لاقدر الله حصل حاجه للقرنية كدا شكرا هتدخلي في دوامات احنا في غنا عنها
القرنية تغذيتها من الاكسجين من العين ضعيفه جدا جدا و بتستعين تعرضها المباشر للهواء انها بتاخد احتياجها من الاكسجين من تعرضها المباشر للهواء
فلما حضرتك بتلبسي عدسات رديئة انتي كدا بتعزليها عن مصدرها من الاكسجين دا اولا
ثانيا لبسك للعدسات الردئية دا عمل علي بطال هيخليكي بعد فتره يبقي عندك جفاف في العين(Dry eye) و هتضطري تمشي بدموع صناعية )Artificial Tears) ... و دا عشان تحافظي برده علي القرنية
ثالثا ان العدسات الرديئة دي نفسها ممكن تعمل خدوش في القرنية و دي هتبقي (media) حلوه اوي للبكتريا وهتدخلي في مشاكل التهابات العين
رابعا المصيبة الكبيرة بتاعت العدسات الون داي دي بتبقي عشان تتلبس وتترمي ... و البعض بيبيعها علي انها ممكن تتنظف وتتعان في علب العدسات و طبعا بيبقي معاها محلول ردئ جدا جدا



كل دا ممكن يدخلك في مشاكل كتير اوي ممكن توصل لاقدر الله ان بعد الشر ان القرنية بتاعت العين تموت و تضطري تزرعي قرنيه
وعلي فكره برده الموضوع مابينتهيش بكدا عمر ما القرنية دي بتبقي زي قرنية العين العادية و ممكن كمان الجسم يرفضها
فأرجوكم بجد رجاء خاص ماحدش يشتري العدسات دي ابدا
لو عايزة روحي المراكز المتخصصه او الدكتور وهو ينصحك تلبسي ايه
انما كدا حرام
مش لازم يعني تفاجئ الناس ان عنيكي زرقا و لا بنفسجي
اللهم هل بلغت اللهم فاشهد و ياريت تعرفوا اصحابكم لو حد بيعمل العملة السودا دي
ربنا يستر علينا ويحفظ علينا العافية

Share this post


Link to post
Share on other sites
نشكرك علي الموضوع الهام وعلي النصائح المفيدة .

Share this post


Link to post
Share on other sites

Create an account or sign in to comment

You need to be a member in order to leave a comment

Create an account

Sign up for a new account in our community. It's easy!

Register a new account

Sign in

Already have an account? Sign in here.

Sign In Now

×
×
  • Create New...

Important Information

We have placed cookies on your device to help make this website better. You can adjust your cookie settings, otherwise we'll assume you're okay to continue.