غرائب ادم من وجهة نظر حواء -متجدد-

[shahnda 0]

 

كل سنه وانتم طيبين،،
حبيت اشارككم انهارده في فكره جميله هي "غرائب ادم من وجهة نظر حواء"
طبعا باختلاف اعمارنا واختلاف تجاربنا واختلاف تفكيرنا اكيد كل واحده فينا بتستغرب
حاجات في الرجل بوجهه عام او بشكل خاص بمعنى تانى نسميها "عيوب ادم"
 وانا هنا حابه نتكلم عن غرائب ادم وتصرفاتهم
يعني بشكل اوضح ومن حق كل عضوه توافق راي عضوه او تعترض عليه يعني تحاول توضح وجهه نظرها والله اعلم يمكن تختلف ارائنا اذا اتناقشنا سوا واختلاف الرأي لا يفسد للود قضيه
~~~~~~~~~~~~~~
~~~~~
كل عضوة من حقها تعلق علي الجمله او تضيف شئ جديد نتناقش فيه
في انتظاركم،،سلآمي شآهندة
 

[shahnda 0]

وانا هبدء اشارك بأول جمله من غرائب ادم،،
\
بنظر ادم
"كل النساء جميلات حتى يتزوجهن "
\

ياتري ايه اللي وصلكم من الجمله دي؟
لما قرأتوها؟ وموافقين عليها ام معترضين ؟

[nora1 0]

 
يااااه ياه يا شاهندة موضوع ملفت وجديد..
غرائب آدم في كتير..
في الحلو..
وفي عكسه..
حكـــــــــــــــاية الجملة هستنى شوية أشوف آراء غيري بعدين هقول..
ان شاء الله..


شدني الموضوع من عنوانه...
شكرا علــ الموضوع..


في أمان الله..

[KoTTa Koky 0]

 بصى هو طبعا أولا التوبيك فكرته رائعة
و اعتبريه مثبت بإذن الله مشان يفيد الكل ويبقى واضح فى أول المنتدى

****

رأيى شخصيا عن الجملة وعن آدم بوجه عام

أنها عينه فارغة حتى وإن كان شخص كويس .. حتى و إن كان متدين وملتزم ..

دى غريزة موجودة جواه منذ الأذل

لم يكتفى بواحدة فقط .. ولكن بييجى على نفسه بعد جوازه الأول حتى ولو كان بيحبها

مشان مايضايقهاش بحاجة زى دى

فيه نوع .. ممكن يكتفى بواحدة وعينه طول حياته معاها متشوفش غيرها .. ودا قليل أوى

وفيه نوع تانى .. بيحب التجديد حتى لو اللى معاه مش مقصرة فى حاجة .. ودا كتير أوووى

و فيه نوع ثالث .. ممكن ييجى على نفسه مشان ميحسش انه بيقصر اتجاه اللى بيحبها .. ودا نادراً ما تلاقيه

***

بنظر آدم

الحب أصعب شئ عنــده

[shahnda 0]

ميرسي كوتا حبيبتي // مبسوطه انه عجبتكم الفكره

رايك جميل اوي

وانا بتفق معاكي في رايك نااااادر جدا لما بلاقي راجل تكفيه انثي واحده وسبحان الله يمكن علشان كد ربنا

منحهم فرصه الزواج بأكثر من واحده
وعلي الرغم من ده في رجال لما بتحب بجد بتكون مخلصه بس اكيد العيون الزايغه دي شئ طبيعي ههههه

صعب تمنعيهم

،،

بس عشان نكون منصفين \

كلامنا دائما عن الجزء وليس الكل//

سلامى

[shahnda 0]

nora كتب:

 
يااااه ياه يا شاهندة موضوع ملفت وجديد..
غرائب آدم في كتير..
في الحلو..
وفي عكسه..
حكـــــــــــــــاية الجملة هستنى شوية أشوف آراء غيري بعدين هقول..
ان شاء الله..


شدني الموضوع من عنوانه...
شكرا علــ الموضوع..


في أمان الله..

شكرا ليكي نورا
 تمام ياقمر في انتظارك طبعا
وقت متحبي هنتظر رايك
سلامي ليكي

[shahnda 0]

shahnda كتب:

وانا هبدء اشارك بأول جمله من غرائب ادم،،
\
بنظر ادم
"كل النساء جميلات حتى يتزوجهن "
\

 انا نزلت الجمله دي بالذات لان شيفاها قريبه جدا من الواقع دايما اي راجل بيقارن بين زوجته
وبين اي واحده تانيه متزوجه او غير متزوجه اذا فرقت عن زوجته في حاجه بسيطه
 الاساس في ملل اي راجل من الزواج هو الروتين وعدم التجديد ودا سببه الراجل والست في نفس الوقت
الاتنين لازم يستوعبو ان الحياه لازم تتجدد دايما والاتنين يحاولو عشان مش يلقوا اللوم علي بعض
ويوفرو الوقت للي هيتخانقوا فيه ويفكرو فيه في اشياء جديده ،،، ودا محتاج شرررررررح طوييييل هههههه
دا مجرد وجهه نظر بسيطه

[mor 0]

 

[KoTTa Koky 0]

 وجهة نظرك مظبوطة يا شاهى

لكن الفكرة ان الراجل بينظر للمرأة بعد الزواج على إنها الآلة الوحيدة اللى فى إمكانها تعمل كل حاجة

عاوز اغير الروتين فى ايديكى مش فى ايدى انا آدم

فزى ما قلتى لازم بمشاركة من الاتنين

[shahnda 0]

 هههههه والله حبيبتي واخدين في نفسهم مقلب زي مايكون بمجرد ما اتجوزناهم يبقي هما عملو اللي عليهم واكتر
مع ان المهم كله بعد الزواج ازاي الراجل الذكي يقدر يشارك زوجته ويكونو أسره متعاونه ومتفاهمه ومترابطه والاهم سعيييده
واغلب الازواج والزوجات وقت ما يتخنقوا جدا يقولو جمله معروفه ومشهوره"اختيار كان غلط" او تسرع
ودي المشكله ان الاغلب بيتسرعوا وبيختارو مواصفات علي حساب مواصفات اهم ودا بيسبب مشاكل كتيره
ومفاجأت بعد الجواز الله اعلم بيها

[shahnda 0]

 الجمله الجديده انهارده:

(( الرجال هم السبب في عدم حب النساء للرجال.))

 ايه رايكم في الجمله دي هنتظر رايكم؟؟ وتعليقكم عليها

[KoTTa Koky 0]

 لا مش موافقاكى فيها ..

لأن لو كدا يبقى برده المرأة هى السبب فى عدم حب الرجل ليها ودا غلط

الفكرة بتكمن فى تصرفات .. أسلوب .. طريقة حوار .. رد فعل لموقفٍ ما .. معاملة .. تبادل الحب الأخوى و الأسرى

حاجات كتير .. صفات بشكل عـــام وخاص ..

ممكن يبقى وحش جدا فى تعامله معاها بس بتحبه .. وهنا بيكون شدها شئ معين فى الصفات دى

ممكن يبقى كويس معاها .. بس متحبوش برده لصفات معينة مريحتهاش

بنظرى إن الموضوع مسألة ذكــاء .. اللى عاوز يحبب حد فيه وات إيفر رجل أو ست

هيقدر يحببه فيه و من الغبـــــــــــــــاء وقلتها قبل كدا أىٍ من الطرفين ميعرفش يحبب التانى فيه

 

[shahnda 0]

 ههههه بصي لو بصيتي لردك هتلاقيكي موافقه علي الجمله مش معترضه
كل اللي انتي اضفتيه توضيح للجمله وتعميم انها تجوز علي الرجال والنساء
بس انا كلامي خص الرجال فقط عامتا انا متفقه جدا مع الجمله
انا لما بسمع حاجات كتير غريبه في الرجاله"عيوب"  بسرعه
 بناقضهم ودا ميزه اني اسمع عنهم عيوب كتيره علشان لما يجي وقت الاختيار اقدر كويس اعرفهم بسهوله والحمدلله
استفدت كتير من حاجات سمعتها من بنات انسات وايضا سمعتها من مدامات وامهات اي كلام بسمعه بيفيدني في تكوين فكره عن اي راجل

(( الرجال هم السبب في عدم حب النساء للرجال.))
بتفق معاها جداااااااااا لان في الزمن ده كثير الذكور قليل الرجال

\

[KoTTa Koky 0]

 والله حسيت كدا وانا بكتب

هههههههههههههههههههههههههه

هو طبعا اللى بتسمعيه وبتشوفيه بيفيد كتير جدااااا

ويمكن دا من حظنا الحمدلله اننا نقابل دا مشان نقدر نختار صح

منجيش بعد كدا زى ما قولتى نقول للأسف اختيارنا كان غلط

[shahnda 0]

ههههههههههه تمام هستنا منك بقي جمله ،،

[KoTTa Koky 0]

بنظــر آدم

/

كل الأشياء التى تراها الأنثى كبيرة وتمسها فى نظر آدم صغيرة

/

[shahnda 0]

 معاكى جداااااااااا فيها هههههههه قد ايه تفكيرهم مختلف وقد ايه بيستهترو بافكارنا واحيانا مشاعرنا
وكتيييييير حواء تحس بأدق التفاصيل و ادم ولا على باله دا لاننا عندنا احساس يفوق احساسهم بمرااااااااااحل

[nora1 0]

 أي نعم...
مش هقول بيستهترو..
لكن بيطنشو..
وكتير..

[shahnda 0]

 انا اضيف جمله وقولو رايكم ،

يشعر الرجل بغيره قاتله من نجاح المرأه في عملها ،، !!

متفقين ولا معترضين؟

[KoTTa Koky 0]

 برأيى مش كلهم لكن هناك أغلبية كبرى

فعلا بيغيروا وبيبقى على اعتبار مثلا إن أنا رب الأسرة يعنى المفروض أنا الأقوى يعنى أنا الأعلى

يعنى متبقيش انتى اعلى منننى وحوارات كدا بيعملوها مشان يكبتوا نشاط وحيوية المرأة

ممكن يكونوا بيحسوا باحراج مثلا اما اصحابهم ان المدام هى الاعلى سلطة او منصب او مركز

[shahnda 0]

 تمام وانا معاكي في دي مش هنقول الكل لكن البعض
وخاصتا اني شفت رجاله كتير بتحترم المرأه الناجحه وكمان في اقوال كتيره
عن ان المرأه الناجحه اكثر اثاره من اي امرأه اخري بالنسبه للرجل
يعني بتثير اهتمامه وتلفت انتباهه لذكائها وتفوقها
وانا عن نفسي بحترم جدا الراجل اللي بياخد المرأه منافس قوي
 من غير اي غيره او حقد تجاه شخصها كأنثي

[KoTTa Koky 0]

shahnda كتب:

وانا عن نفسي بحترم جدا الراجل اللي بياخد المرأه منافس قوي
 من غير اي غيره او حقد تجاه شخصها كأنثي

عندك حق و الله يا شاهى

كمان دا يديها باور انها تنشط اكتر وتجتهد اكتر

ربنا يكتر منهم الرجالة دى

[shahnda 0]

اميييييييييين ياقلبي ،،

[Khaled Fekry 0]

المراة فعلاً منافس للرجل بس ماني واثق اذا قوي !!!

[shahnda 0]

طالما مش واثق يبقي مقابلتش الصنف ده لسه

[KoTTa Koky 0]

 الفكرة ان الرجل بيحب يكون الأول والأخير فى كل حاجة

يعنى حتى لو الرجل اقتنع ان المرأة منافس قوى للرجل

عمره ما هيعترف

دى غريزة يبنتى

ههههههههههههههه

[shahnda 0]

 جمله جديده/

اكثر مايجذب الرجل للمرأه شكلها ثم ضعفها ــ،، فالمرأه القويه بنظره بداية لجدال لن ينتهي !!

ايه رايكم؟؟
\
\
انا عن نفسي متفقه مع الكلام لان شايفه ان الاغلبيه العظمي وليس الكل يفضل الزوجه اللي متعارضوش في حاجه
متجوزها عشان تفضل في البيت ويمشيها بمزاجه

[shahnda 0]

KoTTa Koky كتب:

 الفكرة ان الرجل بيحب يكون الأول والأخير فى كل حاجة

يعنى حتى لو الرجل اقتنع ان المرأة منافس قوى للرجل

عمره ما هيعترف

دى غريزة يبنتى

ههههههههههههههه

 ههههههههههههه بصراحه هي حاجه حلوة بحب الراجل القوي يعني مفهاش حاجه احس انه اقوي مني
دا اجمل وحاجه ممتعه ولذيذه بس لازم يكون مقتنع بحاجه مهمه اني ليا عقل واقدر افكر ويكون ليا راي في اي شئ واقدر انجح في مجالات كتيره مش شرط نفس مجالاته بس في النهايه هكون مميزه وهنا المشكله هل هيتقبل المنافسه ولا لا ؟؟

[KoTTa Koky 0]

صح

[shahnda 0]

---

 جمله جديده/

اكثر مايجذب الرجل للمرأه شكلها ثم ضعفها ــ،، فالمرأه القويه بنظره بداية لجدال لن ينتهي !!

ايه رايكم؟؟
\
\
انا عن نفسي متفقه مع الكلام لان شايفه ان الاغلبيه العظمي وليس الكل يفضل الزوجه اللي متعارضوش في حاجه
متجوزها عشان تفضل في البيت ويمشيها بمزاجه

[KoTTa Koky 0]

 كلامك مظبوط جدا وبالرغم من أنهم بيحبوا المرأة الضعيفة

لكنهم بيتلذذوا أكثر بالمرأة القوية .. لآنهم بيحبوا الجدال بشـــــــــــــــدة

يعنى الرجل اللى يقوللك محبش الزن اه تمام .. لكن فى نفس ذات الوقت ميحبوش المرأة اللى تسمع وتسكت

بالعكس بيتلذذوا جدا بالجدال مع المرأة ويا سلااااام لو اتهزم ادامها بيحس انه ..

اللى هو نظام مش هسيبك ووراكى وراكى

هههههههههههههه

يمكن نوع من المتعة الجدال مع المرأة

زى بالظبط المرأة فيه كتير بيجبوا الرجل الغامض

بيشعروا بنوع من المتعة فى معرفة الرجل الغامض او الجدال معه

[shahnda 0]

 تمام حبيبتى رغم ان الخناق والجدال شئ متعب نفسيا بس احيانا بيكون وسيله للتفاهم والتقارب واحيانا كتيره العكس لو في طرف مش متعاون ومتفاهم
بس دا مينفيش ان نسبه كبيره وقت الجواز بيختار المرأه اللى يقدر يثبت قوه شخصيته امامها وانا قادر على الغاء رايها
دا واقع بنعيشه يوميا وقليل اوى الراجل اللى عكس كد

[KoTTa Koky 0]

 ودا بيكون لأنه خايف ان بسبب ان تكون شخصيتها اقوى مننه

تبقى هى المتحدث الرسمى فى البيت الأول و الأخير

[Khaled Fekry 0]

 يقال .....

ان حواء وادم تاهوا من بعضهم عندما نزلو الى الارض وقضوا سنوات يبحثون عن بعضهم البعض

ويقال ان حواء هي اول من وجدت ادم .. فلما رأته اختبأت ...

واخذت تلمس اوراق الاشجار والحصى حتى تصدر اصواتاً لكي يراه ادم

ويكون هو اول من وجدها

[KoTTa Koky 0]

 يعنى احنا غلابة من يومنا اهه

بنعمل نفسنا مش فاهمين حاجة عشانكم

وياريت بينفع ههههههههههههههههههههههههههه

[shahnda 0]

Khaled Fekry كتب:

 يقال .....

ان حواء وادم تاهوا من بعضهم عندما نزلو الى الارض وقضوا سنوات يبحثون عن بعضهم البعض

ويقال ان حواء هي اول من وجدت ادم .. فلما رأته اختبأت ...

واخذت تلمس اوراق الاشجار والحصى حتى تصدر اصواتاً لكي يراه ادم

ويكون هو اول من وجدها

 ممممم يعني الكلام مفهوش اي شئ غريب عشان اتكلم عليه
بس ميرسي علي الاضافه الحلوة
واكيد حواء وادم اتخلقوا لبعض الحياه هتفضل دايره بينهم وحد فيهم هيبحث عن التاني
حسب شده احتياج كل طرف للتاني الطرف الاكتر احتياج هيبدأ البحث

[shahnda 0]

KoTTa Koky كتب:

 يعنى احنا غلابة من يومنا اهه

بنعمل نفسنا مش فاهمين حاجة عشانكم

وياريت بينفع ههههههههههههههههههههههههههه

 الرجاله بالذات متفهميش هما عايزين ايه اذا بقيت هاديه يمل واذا بقيت مش هاديه يزعلو
ولو بقيتي ملكيش رايي يضايقو ولو شقيه يقول دا مجنونه ههههههههه الله يصبرنااااااااااااا

[KoTTa Koky 0]

 اه يا أوختشى لا بيعجبهم العجب ولا الصيام فى رجب هههههههههههههههه

[shahnda 0]

هههههههههه   

[shahnda 0]

 جمله جديده ومنتظره ارائكم//

إن كل فلسفة الرجال لا تعادل واحدة من عواطف المرأة

[KoTTa Koky 0]

 بصى هو صح بس مش متفقة معاها اوى لأنى شايفة إن فيه

فلسفة تكسرها العواطف وفيه وعواطف تكسرها الفلسفة

[shahnda 0]

صح ياكوتا ،، لكل قاعده شواذ

[shahnda 0]

جمله /

الراجل فتره الخطوبه من كوكب تاني وبعد الجواز كائن تاني

[shahnda 0]

الرجل ينظر إلى عقد الزواج كما لو كان عقد ملكية

؟؟
ايه رايكم