مش عارفة ...

[KoTTa Koky 0]

 


أوقات حاجات بتحصل فى حياتنا بنحس أننا مش فاهمين حاجة ..


ولا فاهمين هو ليه بيحصل كدا .. أكيد عارفين ان ربنا له حكمة فى دا ..


وهنعرفها عاجلا أم آجلا .. لكن اللى يحير بئة .. إن حاجة تحصل عكس ماتوقعت تماما


وقتها بتبقى مش عارف تتصرف إزاى ..


تصدق الكلام اللى بيتقاللك ؟
و لا تصدق عقلك وتفكيره ؟
ولا تصدق الموقف نفسه اللى ادامك ؟


ولما تقرر أنك تصدق عقلك .. ييجى اللوم عليك إنك عملت عكس ما حد تانى متوقع منك


طيب وقتها هتفكر فى إيه ؟ ..


أكيد فى إنك ترجع لوراء وتصدق الكلام اللى اتقالك
لما تصدق الكلام تلاقى نفسك بتقول لاء أنا كدا غلط المفروض كنت أصدق الموقف نفسه 


حيــــــــرة غائبــــة .. !!!

يمكن صح يمكن غلط .... مش عارفة !!!

أوقات ممكن نخسر حاجة بنحبها أوى بسبب كلمة نقولها .. أو أسلوب .. أو رد فعل لشئ معين

أو حكاية نحكيها مشان نحمى اللى بنحبه دا من أى ضيق يحصلله أو مشاكل

( أو احنا فى اعتقادنا أننا كدا بنحميه ) ممكن نكون مش عارفين السبب الحقيقى إيه هو

بس المؤكد أننا بنحب الحاجة دى أو الشخص دا أوى ...

يمكن احنا اللى بنتألم وبنتوجع أوى من اللى بنعمله فى نفسنا بإيدينا بــــس .... مش عارفة !!!!

[*maryam 0]

( أوقات حاجات بتحصل فى حياتنا بنحس أننا مش فاهمين حاجة ..)

اه والله فعلا من الصدمة بتحسي انك فقدتى عقلك ساعتها مبتعرفيش تفكري فى اي حاجة

 موضوع جميل من بنوتة اجمل

[nora1 0]

 
ايـــــه الكلام ده يا كوكي..
جبتي منين..؟
بس حلو..
وفي لفظ جديد يمكن أول مرة أسمعه "حيرة غائبة" جديد..


مـــش عــارفة...كلام جميل...وفي احساس حلو بالنفس وبالآخرين..


شكرا كوكي تسلم يارب...
ومستنيين اللي جاي..


في أمان الله..

[KoTTa Koky 0]

 المشكلة يا مريم إن فى الوقت دا بيبقى مطلوب مننا إننا لاااااااازم نرد

لاااااااااااااازم يكون فيه رد فعل و قتها رد الفعل ممكن جدا يكون فى غير محله

ممكن نندم عليه بعد كدا .. بس فى الآخر بنقول الحمدلله ..

ميرسى روما نورتينى .. تحياتى يا قمر

****

و الله يا نور هى الكلمة لقيتها كدا مرة واحدة على لسانى حيرة غائبة فضلت أفكر فيها كتير
لقيتلها معانى كتيرة ..

نورتينى يا قمر  

[nora1 0]

 ميرسي كوكي علـ الوردة...
وكل سنة وانت طيبة.. 


في أمان الله..

[KoTTa Koky 0]

 وأنتى بصحة وسلامة ويعود علينا بخير جميعا

[mor 0]

 

[حواس 0]

ولا انا عارف ..طيب والحل؟

[KoTTa Koky 0]

 ههههههههههههههه

والله يا استاذ محمد ولا أنا .. بس بقول نسيبها تمشى كدا ونشوف أخرتها هتودينا لفين

المهم نبقى حذرين جداااااااااااااا

وربنا معانا
***

ميرسى عمرو

[حواس 0]

قال الله تعالى‏:‏ ‏{‏‏وَمَن يَتَّقِ اللَّهَ يَجْعَل لَّهُ مَخْرَجًا وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا‏} ‏[‏الطلاق‏:‏ 2- 3‏

[KoTTa Koky 0]

 ونعم بالله

الحمدلله دايما عندى ثقة فى ربى كبيرة إن كل حاجة هتبقى أفضل

والحال هيبقى غير الحال

ميرسى أستاذ محمد بجد الآية دى طمنتنى أوى

[man_reda 0]

Petunia كتب:

ولا انا عارف ..طيب والحل؟

 أتصل بـ 140 الدليل  

[KoTTa Koky 0]

 أهااااااا انت فطرت بئة وفوقت علينا
ههههههههههههه
ماشى يا رضا