ليها ماضى

[احمد ياسين 0]

قصيده.: ليها ماضى
كلمانت احمد ياسين

قلبى عاشق بنت كان ليها ماضى
رغم كل التعليقات وبرده راضى
يمكن فكرت انى ارجع بس قولت
هو انا يعنى اللى كان قلبى فاضى
----------------------------------------
ما انت بردو ياقلبى ياما عشقت قبلها
كان سعاتها حلال تحب وهى لا مش حقها
قالى عقلى ازاى تحب وحده كان ليها حبيب
رد قلبى الحب يعنى حلال عشانى
ولما يبقى عشانها عيب
-----------------------------------------------
بصت الناس للى حبتها كات غريبه
يعنى بتحب وحده كانت لحد قبلك حبيبه
اللى شافها سذاجه فيا واللى شافها فيا طيبه
واللى قال والله عيبه واللى قالى انا مصيبه
-----------------------------------------------
ليه الولد ان حب الف واحده
نقول دا راجل ايه الغريب
وان لئينا بنت حبت قبل منه مره واحده
يبقى بنت مش تمام وسلوكها عيب
-------------------------------------------------
يالى عايز تبقى عاشق مره واحده بنت واحده
قبل ماتحب اى واحده او تقابل اى واحده
ابقى فكر مره واحده
انت هتكون سر عذاب انهى واحده فى كل دول
وابقى روح قبل ما تعشق عن مضيك بوح وقول

[nora1 0]

قصيدة : ليها ماضـــي...
الشاطر الذكي اللي يحكي عن ماضيه...وهي كذلك بس في حدود...عشان ميبقاش في مشاكل..


المقطع ده:
ليه الولد ان حب الف واحده 
نقول دا راجل ايه الغريب 
وان لئينا بنت حبت قبل منه مره واحده 
يبقى بنت مش تمام وسلوكها عيب

،،،،،،،،،،،،،،،،،،،،،،،،،،،،،،،،،،،،،مش عارفة ليه كده...طب ممكن نقول قسمة ونصيب متوفقتش انفصلو..


يالى عايز تبقى عاشق مره واحده بنت واحده 
قبل ماتحب اى واحده او تقابل اى واحده 
ابقى فكر مره واحده 
انت هتكون سر عذاب انهى واحده فى كل دول
وابقى روح قبل ما تعشق عن مضيك بوح وقول

،،،،،،،،،،،،،،،،،،،،،،،،،،،،،،،،،،،،،،،،،،،،،المقطع ده تحفة لا تعليق..مش عارفة أأقول ايه..الكلام بيوصف نفسه..


برضو أقولك مبدع...
تســــــلم...
ربنا يوفقك...وفي مزيد من النجاح والابداع المستمر..


في أمان الله..

[KoTTa Koky 0]

الاجابة لأننا مجتمع شرقى مش غربى

فالكل عامل سبوت لايت على البنت  اوى ..

البنت مينفعش تحب اكتر من مرة والا هيطلع عليها كلام وسمعة وحشة

البنت مينفعش تحب أصلا غير اللى تتجوزه برده مشان الكلام والسمعة

والناس مبترحمش ومبتبطلش رغى عن اى حد

البنت مالهاش انها تقول دا حلو ودا وحش عندها بابا وماما يحبوها اكتر من اى حد ويخافوا عليها اكتر من اى حد و يهمهم مصلحتها عن اى حد

فـ هما اللى ليهم القرار فى حياتها

حتى لو جالها عريس احنا شايفين اكتر منك واحنا شايفين انه دا كويس ليكى

البنت : طيب اوكى على البركة لما اجرب (  بينها وبين نفسها )

للأسف المجتمع مش شايف ان البنت ليها الحق فى كل حاجة زى الرجل وأكتر كمان

انت قبل ما تحب واحدة ضامن انك هتتجوزها .. ضامن ومتأكد مليون فى المية انك مش هتسيبها ؟

طيب نفترض محصلش نصيب المفروض انها تموت نفسها من بعدك مشان مينفعش انها تحب تانى بعدك ؟

انا شايفة ان البنت مش يعيبها انها تحب مرة واتنين وتلاتة كمان

لأن ممكن جدا متلاقيش نفسها مع الشخص دا فمينفعش انها تكمل معاه

ممكن تكتشف فيه حاجة متقدرش تأقلم نفسها عليها

والراجل الحقيقى مواقف دا اللى انا اعرفه .. الرجولة مواقف ..

فمش سهل انك تعرف اللى ادامك كويس

وكذلك مع الولد مش سهل يعرف البنت غير بالمواقف

دا رأيى وطبعا كالعادة القصيدة تجنننننننننن

[yassmin 0]

[احمد ياسين 0]

دائما ليكى مرور مميز نورا

وتعليقات بناء

ونا اعشق تعليقات

تخياتى

فعل ياسمين كلامك كله جميل

وعشان كدا انا كتابت القصيده دى

مرورك رائع

اسعدنى مروركم

[KoTTa Koky 0]

ههههههههههههههه على فكرة يا يس انا اللى قلت كدا مش ياسمسن

[احمد ياسين 0]

ههههههههههههههههههههههههههههههههههههههههههههههههههههههههههههههههههه
سورى سورى سورى خالص
يا كريمه بجد اسف
انا باين عليا كدا عجزت
نظرى خانى
امسحيها فيا
انا بردو قولت ياسيمن ايه اللى حصلها
بقيت تنقض وكدا
ههههههههههههههه
معلش  ودائما متالقه ف تعليقات
اسعدنى مرورك

[KoTTa Koky 0]

ايون ايون انقذ نفسك بسرعة ههههههههههههه

لا ياسمين اخرها رائع روعة تسلم الايادى

ههههههههههههههههه

بس مرورها يجنن بصراحة زى العثل