زعلانه جدا

[shahnda 0]

ازيكم جميعا

الترم ده فعلا صعب علي اعلام كلها بجد شئ غريب اللي بيحصل ده

وربنا يستر لسه يوم 30 يونيو السنه دي شكلها كد مش هتعدي علي خير

ربنا معانا

حتي المزاكره بزاكر بالعافيه الضغوط كتيره اوي وكل شويه قرارات مفاجأه

انا تعبت ياجماعه والله مش عارفه اركز حتي في المزاكره كويس ولايام بتعدي

ومش مطمنه للترم ده

الماده كمان الي اتأجلت دي انا هخدها السنه الجايه 2014 مش هفكر تاني اخد اي حاجه السنه دي

الواحد علي اعصابه لما نشوف اخرتها وكفايه الشلل اللي في اختلاف الفيديوهات عن المقرر والمحاضرات نظام التعليم المفتوح في مصر في عيوب كتيره ودا اللي بدأت احسه الايام دي

اني مش عارفه ادرس قبل كد لما كنت بدرس في كليه تجاره تعليم عادي كان كل شئ منظم

مش عرفه ليه كل شئ ملخبط هنا

ربنا يوفقكم جميعا ويعدي الترم ده علي خير والسنه الجايه يكون في تنظيم اكتر من كد من الدكاتره والمركز اتمني

[KoTTa Koky 0]

ربنا معاكى يا شاهى ومعاكم جميعا يارب

وربنا يعديها علينا كلنا على خير

ربنا يسترها

[princess sarah 0]

بجد ترم خنييييييييق وربنا يعديها على خيير


بخصوص التأجيل هيكون للطلبة الي جوا وبرا مصر كمان صح ؟

[ayonah2020 0]

يب يب للكل

[Soli1 0]

انا ماليش نفس للمذاكره من ماقريت عن الحذف والاضافه والاصافه والحذف !! لخبطه خلتنى بدال ما كنت عامل معسكر للمذاكره من يوم ماجيت
خلتنى اخرج واكبر
مفيش حماس

[shahnda 0]

ربنا معاكم انا كمان كنت زاكرت الماده دي وخدت مني وقت كتير وقرفتني والاخر تتلغي وتتاجل
الواحد مش عارف يزاااااااااااااااااااكر

[Soli1 0]

حاولى تتخطى الموقف
بالذات انتى انا ملاحظ انك مهتمه جدا ومتابعه فمتخليش الموقف ياخد منك الحماس كله
انا بالنسبه لى لسه ببدأ القرايه مش المذاكره وفعلا كانت اللغه الاعلاميه اخدت منى 3 ايام متتاليه ودلوقتى ماعنديش حماس بس انا من عادتى بذاكر قبل الماده بيوم

[lole adel 0]

ولله وانا نفس حالتك بس ايه حوار الماده الي اتأجلت دي واخدها السنه الجايه ازاي ؟ وهندفع رسوم تأجيل بقى ؟

[shahnda 0]

مفيش رسوم ولا حاجه هتدفع عايزه تدرسيها في الترم البيني او الترم الجاي 2014 زي متحبي

[shahnda 0]

Soli كتب:

حاولى تتخطى الموقف
بالذات انتى انا ملاحظ انك مهتمه جدا ومتابعه فمتخليش الموقف ياخد منك الحماس كله
انا بالنسبه لى لسه ببدأ القرايه مش المذاكره وفعلا كانت اللغه الاعلاميه اخدت منى 3 ايام متتاليه ودلوقتى ماعنديش حماس بس انا من عادتى بذاكر قبل الماده بيوم

والله انا فعلا كنت ماشيه كويس بس انهارده مفتحتش اي حاجه من كتر الزهق عشان حسيت باهمال كبير لنظام التعليم المفتوح وزعلت فعلا ان في ناس اتسببت في لخبطة الترم لينا واحنا ملناش ذنب بس هما اللي اتسببو في كد مبيفكروش الا في نفسهم والعلم عندهم مش هدف محترم لا دا وسيله للفلوس وخلاص

[رباب احمد 0]

ياجماعة من فضلكم بلاش الحالة السيئه دى اصبروا وحاولوا عشان تحسوا انكم مرتاحين انكم عملتوا كل اللى تقدوا عليه
وان شاء الله ربنا هيعينكم ويقويكم بس ذاكروا واستعينوا بالله واحسنوا الظن بالله (انا عند ظن عبدى بى ...)
واقسم بالله جميعنا هنموت من القلق والخوف وقلة التركيز بس بنحاول ونجتهد والباقى على الله
مع اطيب واجمل الامانى بالنجاح والتوفيق يارب للجميع

[saherramadan 0]

رباب أحمد ، خذوا منها النصيحة الصح ، اعتمدوا على الله بحق ، قل لن يصيبنا الا ما كتب اللهُ لنا ، و لا تنسوا أن الملائكة تضع أجنحتها لطالب العلم رضا بما يصنع ، و على فكرة استحضار النية هام جداً ، لماذا نتعلم الأعلام و ندرسه ؟ المفرض أن العلم و تعلم لله أساساً ، و لخدمه الدين و البلد ثم نفسى ، علينا جميعاً ألا نُحبط لأى سبب ، علينا أن نجعل التعلم عبادة ، وهذا المعنى الذى حثنا عليه الرسول صلى اللهُ عليه و سلم من أن جميع الكائنات _ حتى الحيتان فى البحرتستغفر لطالب العلم ، هل هناك ما هو أعظم من ذلك ، و أيضاً علينا أن لا نُحبط بعض بكلام غير مسئول من نو ع خنيق و غيره ، التعلم فى الظروف المُحيطة بنا فى كلية الأعلام الأن نوع من أنواع الجهاد الذى سوف يكون عاقبته _ ان شاء اللهُ _ كل خير ، وعلينا أخيراً أن نتذكر أن السُم الذى لايُمتُنى ، يزيدنى مناعة .
شكراً للجميع
ساهر رمضان

[shahnda 0]

شكرا ياجماعه لروحكم الجميله اللي بترفع معنوياتنا هزاكر ان شاء الله ربنا يسهل واتابع من بكره تاني ونشجع بعض

[saherramadan 0]

برافو عليكى يا شاهندة أهه ده الكلام .
سُقوط الانسان ليس فشلاً.. ولكن الفشل أن يبقى حيث سقط .
توماس أديسون

[lole adel 0]

ان شاء الله خير ياجماعه وربنا يعوضنا عن اللي بيحصلنا ده ربنا كريم اوي

[shahnda 0]

انا هبدء مزاكره وارجعلكم ان شاء الله ونتابع سوا
ربنا معاكم جميعا ويوفقكم

[lole adel 0]

انا شكلي مش هزاكر بقى لحد ما الامتحنات تبتدي وتتاكد كل حاجه

[shahnda 0]

لا انا بزاكر المضمون اللي اتحدد وقالو عليه بالنسبه لماده 190 وماده 180 تمام
وماده 170 زاكرت جزء بركات وماده 150 اهو كل شويه بزاكر قطعه من حته وزي متيجي هزاكرها اكتر من المراجعه النهائيه
مع ان عارفه ان القطع هتيجي من بره بس بدرب نفسي واحفظ كلمات كتيره ودا كويس

[lole adel 0]

الفن الاعلاني فيه محذوف صح ؟

[ebn_elshady 0]

دى الاسئلة المهمه فى مادة كود رقم 180 ((فن الاعلان الصحفى)) اللى مش هيخرج منها الامتحان ان شاء الله كما قال الدكتور صفوت العالم النهارده الجمعه 14/6/2013

1_ اشرح سبعا من الابواب الاعلانيه الثابته مع اهم انواعها ؟

2_ اشرح اشكال الاعلانات المجمعه ؟
...
3_ اشرح العوامل االمؤثره فى ادارة وتنظيم الاعلان الصحفى موضحا اهم انماط التنظيم ؟

4_ اشرح اهم وظائف وواجبات مندوب الاعلانات ؟

5_ اشرح سبعا من العوامل المؤثره فى حجم الاعلان ؟

6_ اشرح الاهداف النفسيه والوظيفيه للالوان فى الاعلان ؟

7_ اشرح دور الالوان فى جذب الانتباه فى الاعلان؟

8_ اشرح فعالية استخدام الالوان فى عملية الاثصال الاعلانى ؟

9_ اشرح وظائف العنوان موضحا خصائص العنوان الفعال؟

10_ اشرح الاساليب المستخدمه فى كتابة العناوين ( االتصنيفات المختلفه فى كتابة العناوين ) ؟

11_ اشرح الوظائف الاساسيه للنص الاعلانى موضحا اهم خطوات كتابة النصوص الاعلانيه؟

12_ اشرح سبعا من الاساليب المستخدمه فى كتابة النصوص الاعلانيه ؟

13_ اشرح القواعد الخاصه بنشر الاعلانات التحريريه ؟
منقول من صحفة ( امتحانات كلية الاعلام تعليم مفتوح ) علي الفيس بوك

[shahnda 0]

شكرا ليك جدا علي المتابعه بالتوفيق للجميع

[saherramadan 0]

يا شاهندة : مجهودك رائع جداً ، و لكن يعيبه .... تفتكرى .. ماذا ؟
ساهر رمضان

[shahnda 0]

؟؟؟؟؟؟؟؟؟؟