لحظة يا ريس مخنوقة

[*maryam 0]

لحظة ياريس مخنوقة



ونفسى اتكلم معاك شوية كلام

يا ترى اتكلم براحتى وهتدينى الامان

عارفة انك طيب بس عيبك انك ماشى ورا الاخوان

عيبك كمان انك بتسمع لحبة غلان

مش مبارك كان فاسد بس كان محاسيسنى بالامان

على الاقل فى عهدة مشفناش واحد جعان

ليك عندى حبة وصايا

( معلش ) تعالى على نفسك واسمعها

يمكن تنفعك فى يوم من الايام

( اوعة ) من الازهر ومن الكنيسة دول اهم البنيان

عمر ما شعبك هيسمحك

علشان دول اهم ركن فى المسيحية والاسلام

اقولك على حاجة كمان

عارف يا ريس لو عايز تصلح هتقدر

بس المهم اتكل على شباب وطنك الجدعان

هما حماك وسندك على مر الزمان

( كلمة اخيرة هقولهالك )

فى يوم هتروح لربك ساعتها هيسالك عملت اية

انا خليتك راعى

ياترى يا مرسى صنت الراعية

هترد تقولة انا صنت بس اللى لية

اهلى وعشيرتى هما بس اللى باقين عليا

هيسالك والباقى يا مرسى

دول كمان مش امانة بين ايديك

ياترى قمت علشانهم بالواجب اللى عليك

هترد يا مرسى وتقولة العيب مش فيا

العيب فى وزير الداخلية

هو اللى مش عارف يلم البلطجية

هو اللى مخلى شهدا فى كل مكان

هو اللى مالى قلوب الامهات احزان

اقولك عموما انا خلصت كلامى

ومش هعيدة عليك من تانى

انتة فى الاخر حاسك راجل طيب

واكيد عارف ربنا

فكر بس ازاى ترضى شعبك

وتخلينا نحبك وانتة كمان تحبنا

داحنا فى الاخر مالناش غير بعضنا

واللة العظيم ما فية زينا

ولا هتلاقى اطيب مننا

وعلى فكرة فكرتنى ابعت رسالة صغيرة

لاهل بلدى الكرام انتم يا شعب المحلة يا محترمين

الف تحية ليكم يا اطيب قلب يا ناس يا محبين

احلى وردة اخدتها من ايديكم يوم عيد المسحين

شفتكم واقفين صف واحد قدام الكنايس

كانكم بتقولو محدش فى يوم هيفرقنا

داحنا مصرين مسحين كنا او مسلمين

هو دة شعبنا وهى دى مصرنا اللى على ترابها عايشين

يارب احميها ونجيها من كل العدوين ...
---------------------------------------------
مما اعجبني

[nora1 0]

ياااااااااااااااااااااااااااااااااااااااااااااارب..
احميييييييييييييييها..
من كل شر..
ومن كل العدوين..

جميييييييييييييييييييييييييل..
الكلااااااااااااااااااااااااااااااام..

شكرا مريم..
عجبني أنا برضو الموضوع والكلمات..

في أمان الله..
لا إله إلا أنت سبحانك إني كنت من الظالمين..

[man_reda 0]

مش مبارك كان فاسد بس كان محاسيسنى بالامان

على الاقل فى عهدة مشفناش واحد جعان

[nora1 0]

حضرتك سبت الكلام كله..
وخدت دي..
ما في كلام تاني كتير صح..

في أمان الله..

[sawsaw 0]

الف سلام وتحية علي اهل المحلة الكرام الناس الشغالة الجدعان...احلي سلام علي مفجرى الثورة..ولو كنتوا نسيتو اللي جرى هاتوا الدفاتر ....والله يامريم انتي مسيتي الجرح ربنا يجعل لنا مخرج من اللي احنا فيه .

[nora1 0]

ربـــــــــــــــــــــــي...
اجعل يوم مصر أفضل من أمسها...
وغدها أفضل من يومها...
ولا تحرم أهلها الأمن والأمان...

يااااااااااااااارب..

لا إله إلا أنت سبحانك إني كنت من الظالمين..

[KoTTa Koky 0]

هو دة شعبنا وهى دى مصرنا اللى على ترابها عايشين

يارب احميها ونجيها من كل العدوين ...

[حواس 0]

 

[man_reda 0]

nora كتب:

حضرتك سبت الكلام كله..
وخدت دي..
ما في كلام تاني كتير صح..

في أمان الله..

مبارك = مرسى

وجهان لعمله واحده

بس الفرق ان مرسى جه بالأنتخاب ومبارك خد علينا لدرجه انه مكنش عاوز يسيبنا

و لو مكنش فى عهده واحد جعان مكنتش قامت الثوره اللى مطالبها عيش حرية عدالة اجتماعية

بس فى عهد مبارك الواحد يشهدله فعلا بالأمان

[yassmin 0]

[KoTTa Koky 0]

د مبارك الواحد يشهدله فعلا بالأمان

هو انت ينفع تدخل تتصدر فى خناقة من غير ما حد يتعور
او بتبقى داخل مثلا وانت مطمن انك مش هيجرالك حاجة وبتبقى فرحان ؟؟

[*maryam 0]

اللهم امين تسلمي يانورا وانا كمان عجبني
شكرا لمرورك ياسمين
على رأيك يا كوكي ده الشباب والاطفال ماشيين بمطاوي واي خناقة صغيرة تكبر ويموت فيها ناس وممكن اطفال كمان بذمتكم كان حد يقدر يمشي بمطوة ولا اي سلاح في الشارع عادي كدا

شكرا مرورك اخي Petunia

الظاهر انكم كلكم على اخركم زيي ولما صدقتوا تطلعوا اللي عندكم في الموضوع

ومين قال ان مرسي جيه بالانتخاب اساسا اخي مان رضا كلنا عارفين انه منجحش في الانتخابات وجيه بالتزوير على اخر لحظة وده كان واضح جدااااااااااا

[nora1 0]

فعلا كلامك مظبوط أستاذ محمد..
في عهد مبارك الواحد كان حااسس بالأمااان..
أما دلوقت....؟
يارب اققف معانا يارب..

وان شاء الله يا مريم مان أستاذ محمد يرد عليك في حكاية الانتخابات والتزوير والكلاااااام ده..
ملييييييش خالص في كلام السياسة..
وايه اللي حصل وايه اللي اتعمل...ممكن و...أحب أسمع أتكلم مليش..

في أمان الله..
لا إله إلا أنت سبحانك إني كنت من الظالمين..

[حواس 0]

[reda mostafa 0]

هههههه اه يادماغى فعلا مصريين


ربنا ينجحكم جميعا باذن الله

[man_reda 0]

*maryam كتب:

ومين قال ان مرسي جيه بالانتخاب اساسا اخي مان رضا كلنا عارفين انه منجحش في الانتخابات وجيه بالتزوير على اخر لحظة وده كان واضح جدااااااااااا

ومين اللى قال إنه جيه بالتزوير ؟؟

وما الدليل إنه جيه بالتزوير على أخر لحظه ( دليل رسمى ) ؟؟

أنا معترض على مرسى من ردى الأول .. ولكن لو كان كسب شفيق كان أتقال بالتزوير بردووو

[*maryam 0]

شفيق اللي كان كسبان بدليل ان قبل ظهور النتيجة الحرس الجمهوري راح لبيت شفيق وخلاص كان هو اللي نجح في الانتخابات وبعدها انسحب الحرس فجأة ومتعرفش بقى ايه اللي حصل فجأة كدا اكيد الاخوان هددوهم بخراب البلد وهي كدا كدا خربانا اصلا


انا بس مش عايزة موضوعي يحصل فيه مشادات كلامية واحنا اصلا بنتكلم في حاجة انتهت خلاص وربنا بقى يرحمنا برحمته ويحمي بلدنا يارب والف شكر اخي مان على المناقشة

[man_reda 0]

*maryam كتب:

والف شكر اخي مان على المناقشة

شكرا لكى يا maryam

[Hussein1974 0]

في يوم هتروح لربك ساعتها هيسالك عملت ايه

لو كان عمل حساب الساعة دي مكنش قبل يحط نفسه في الموقف الرهيب ده ادام رب العزة الا اذا كان عامل حسابه انه يقول لربه هما اللي قالولي يارب بس طبعا ساعتها هايشيل الشيلة لوحده.يارب يفوق قبل فوات الاوان ويشتغل بقى لمصر بجد مع ان الواحد مش متوقع ده بس لازم نتمنى الخير لبلدنا لاننا مصريين.

[KoTTa Koky 0]

ههههههههههههههههه آمين يا أستاذ محم
آمين

[*maryam 0]

Hussein1974 كتب:

في يوم هتروح لربك ساعتها هيسالك عملت ايه

لو كان عمل حساب الساعة دي مكنش قبل يحط نفسه في الموقف الرهيب ده ادام رب العزة الا اذا كان عامل حسابه انه يقول لربه هما اللي قالولي يارب بس طبعا ساعتها هايشيل الشيلة لوحده.يارب يفوق قبل فوات الاوان ويشتغل بقى لمصر بجد مع ان الواحد مش متوقع ده بس لازم نتمنى الخير لبلدنا لاننا مصريين.

فعلا الواحد مش متوقع ده بس خلينا نتفائل خير لعله خير ان شاء الله

اللهم امين يارب العالمين