حرامى الحياه

[amaal1 0]

حرامي الحياة !!

شخص زيه زي حرامي العيال الصغيرة كدة ..
لو ركزت شوية هتلاقيه اسوأ الاشخاص في حياتك على الاطلاق ..
ببساطة لانه الشخص اللي بيستنفذ مشاعرك وطاقتك وانت مش حاسس ..
هو الشخص اللي كل دوره في حياتك انك تلف في دايرة رضاه بلا نهاية ..
تلاقيك طول الوقت بتعمل المستحيل عشان ترضيه وهتتفاجئ انك وصلت للمستحيل بس موصلتش لسة لرضاه ..
واقولك سر ..
ولا عمرك هتوصل حتى ..
مبتدورش معاه على سبب او منطق كأنه ساحبك بحبل سحري وانت مش حاسس ..

تلاقي نفسك ماشي وراه زي العيل الصغير التايه اللي لقى حد اخده من ايده وهو مطمن انه هيوصله لاهله وبعد ما يمشي معاه في الطريق يلاقي الطريق بيتغير واحدة واحدة لحد ما يحس انه رايح للمجهول.. وعلى ما يفوق انه بيتخطف ويبدأ يصرخ ويعيط ويقول الحقوني .. يكون خلاص .. اتخطف .. ومش راجع !!

راجع دايرة حياتك كل فترة...
وشوف فيها كام حرامي كل دوره انه يسرق من وقتك وطموحك واحلامك وطاقتك ومش هاقولك اقبض عليه ولا احبسه ولا عاقبه ..
حرامي الحياة كفاية عليه بس انك تهرب وتجري بعيد عنه بكل قوتك ..
مكسبك مش في عقابه وتأهيله ..
مكسبك وغنيمتك الحقيقية في بُعده عنك للابد ...

[medo1983 0]

[amaal1 0]

ميرسى جدااااااا يا أ\ ميدوو

[lolo m a 0]

فعلا عقابه الوحيد الهروب منو
تسلمي ياقمر

[عادل الجمل 0]

اللى بالشخصية دى لاااااااااازم اشطبه من حياتى