لماذا ؟؟؟؟؟؟

[ريم مصطفى 0]

الموضوع الي انا هتكلم عنوا موضوع مهم اووي ودايما بيصدر منا كلنا بدون ما نفكر فيه او نديه اهتمام
وياريت كلنا نتفاعل فيه عشان نقدر نعرف المشكله هنا هي ايه ونحلها مع بعض
ونعرف عواقيها فينا وفي باقي الاشخاص
.................................................................
مى: ألو قلت لك اسمعني
محمد: لا لا مللت من تصرفاتك
مى: أقولك اسمعني

محمد: لا .. لاا لا اريد أن اسمعكى
طوووووووووط

وأغلق محمد الخط في وجه مى

هذا الخطأ معظمنايقع به هو إذا تشاجرنا عبر الهاتف نقوم بأغلاق الخط بوجه من نحادثه دون إن ننبه بأننا سننهي هذه المكالمه

يا ترى ما هو السبب؟؟

كم مره أغلقت الهاتف في وجه صديق او أخ ...اواخت او زوجه الخ

ماذا تفعل بعد إن تغلق الهاتف بوجه؟؟
هل تغلق الهاتف نهائيا؟؟ هل تتصل بعدها عليه لتعتذر؟؟

هل تندم على هذه الفعله أم لا؟؟

هل أغلاق الخط في وجه يعتبر هروب من المواجه؟؟

هل تعتبر هذه الصفه قلة تهذيب؟؟

هل تعتبر من الانتقام, او رد للاعتبار؟؟
متى يستحق هذا الصديق إن نغلق الخط في وجهه ومتى لا يستحق إن نغلق الخط فى وجهه ؟
ماهى ردة فعلك إن أغلق أحدهم الهاتف بوجهك؟؟

وياريت بجد نقدر نفيد بعض في الموضوع ده

[nora1 0]

الصراحة محصلتش معايا قبل كده..
ولا أسمح ان هي تحصل الصراحة أنا بسمي ده عدم تقدير للشخصية..
ان الواحد يقفل في الموبايل أو الهاتف أو أي حاجة قبل ما تخلص المكالمة..
يلا ربنا يهدي الجميع..
لا إله إلا أنت سبحانك إني كنت من الظالمين..

[ريم مصطفى 0]

بس في كتير بيحطوها تحت عذر انوا انا مكنتش اقصد بس اتعصبت ومقدرتش امسك نفسي او محبتش اكبر الكوضوع اكتر من كدا ايه رايك في الرد او السبب ده ممكن يكون دا سبب كافي

[nora1 0]

لالالا مش عذر انه يقول أو تقول اتعصبت أو محبتش أكبر الموضوع..
الصراحة الواحد في عقل يفكر بيه حتى لو متعصب يقول معلش هكلمك في وقت تاني عشان مش رايق دلوقت أو اتصل في وقت تاني أكون هديت أو أي حاجة غير انه يقفل السكة في وشه..
الواحد لازم تكون تصرفاته برضو مهذبة شوية حتى لو اللي قدامه استفزه..أصل في ناس تحب تستفز الواحد..

[ريم مصطفى 0]

اكيد وعموما تسلمي على المرور والكلام الجميل ده

[nora1 0]

الله يخليك وشكراً لإختيارك الموضوع..
لا إله إلا أنت سبحانك إني كنت من الظالمين..

[*maryam 0]

قال تعالى (والكاظمين الغيظ والعافين عن الناس والله يحب المحسنين ) صدق الله العظيم

الحمد الله عمري ما عملتها في حد ولا حد عملها فيا وانا مع كلام نورة

واكيد طبعا ده قلة تهذيب منه واذا حد عملها فيا ويكون شخص عزيز وغالي فا اكيد هيرجع ويكلمني ويعتذرلي فا ساعتها طبعا هسامح لكن لو حد ميهمنيش فا هشيله من دماغي لانه ميهمنيش في حاجة

[mor 0]

[nora1 0]

شكراً شكراً مريم..

لا إله إلا أنت سبحانك إني كنت من الظالمين..

[*maryam 0]

الشكر لله انا عدلت على ردي فوق

[KoTTa Koky 0]

موضوع جميل جداا
ومستفز جدااااا
بصراحة يعنى .. أقصد الموقف نفسه

هو طبعا كلام نورا ومريم صح جداا هى فعلا تعتبر عدم تقدير
عدم إهتمام .. لو هو فكر أنها لو اتعملت معاه هو مش هيقبلها على نفسه
ان حد يعمل معاه كدا ..

اللى اعرفه سورى انا مش هعرف اتكلم وانا متدايق نتكلم بعدين سلام سلام
حاول الطرف الآخر انه يتكلم برده مش من حقه أنه يقفل الفون فجأة

ساى بئة حد عزيز أو مش عزيز .. قريب بعيد

المبادئ ما بتتجزأش .. التصرف نفسه غلط

بصراحة الموقف دا حصل معايا مرة واحدة
انا اللى اتقفل فى وشى ..
لما جيت اتناقش فى النقطة دى اتقالى سورى بئة ما انا كنت متعصب
مهما كانت عدم قدرتك على سيطرة نفسكـ مينفعش تتعامل زى الغوغاء

فيه أصول .. فيه احترام للشخص و للكلام و للى بينكم أيا كان
صداقة .. حب .. أخوة
أقل ما فيها إنذار بالقفل لكن مش كأن الطرف التانى دا هوا مش موجود

وهرجع أكرر لو الموقف دا حصل بالعكس الطرف التانى مش هيقبل بيه

شكرا ريمو

[ريم مصطفى 0]

بجد شكرا على كل الردود والاراء الجميله دي ومشاركتكم ليا بجد دا فرحني اوي واكيد انا معاكوا في رايكم ده وانا عن نفسي حصل معايا الموقف ده مره برضو بس عديتها وسامحت بس ساعات الطرف التاني بيعتبرها ضعف ودا ممكن ساعات يدايق ويجرح

[KoTTa Koky 0]

عمر السكوت ما كان ضعف يا ريـم
من رأيى أنا إن الطرف التانى هو اللى ضعيف

[ريم مصطفى 0]

انا عارفه بس ساعات الطرف التاني لو هوا شخص غير مسؤول او غير مقدر ليا اكيد هيقول ان دا ضعف او ممكن يرجع ويكرر الموقف دا تاني وتالت ورابع

[KoTTa Koky 0]

بالظبط أنه غير مسئول و بما أنه مش مقدرنى يبقى المفروض أنا ما أزعلش و زى ما بيقولوا أكبر للموضوع زى ما قالت مريم

[ريم مصطفى 0]

بالظبط يا قمر انا معاكي