النحو على مستوى النص

[ايمى_دودى 0]

انا لقيت على الموقع 7 محاضرات للدكتور سعد عبد الرحيم وبعدين اكتشفت ان فيه 7 محاضرات تانية للدكتور محمد أحمد خضير برده لنفس المادة ودلوقتى بافتح الموقع تانى لقيت ان لا توجد ملفات للتحميل مش عارفة هو فعلا فى دكتورين للمادة ولا هو دكتور واحد ياريت اللى يعرف يقولنا عشان بجد الواحد اتلخبط .

[sweet_love 0]

لا يا إيمى هو دكتور واحد و بس سعد عبد الرحيم ودى أكيد تخاريف الموقع أوقات بيبقى عنده هسهس بيطلع علينا حاولى تحملى بليل أوى أو الصبح بدرى يكون الضغط قل وممكن تستنى شوية لأنه أكيد معظم الناس بتحمل حاليا يعنى نزلى المحاضرات و الكتاب وإيدئى فيهم

[اماني1 0]

يس انا كمان تخربطت
بس ياسويت لاف
مكتوب على محاضرات الدكتور محمد احمد خضير انها للتيرم الثاني
بالضبط هيك:
كود 121
الترم الثاني
المحاضرة ((رقمها طبعا))
فشو الحل؟؟
وعلى فكرة برضو القراءة والفهم نفس الشي
فيه دكتورتين
الاولى اتوقع نهلة حلمي (6 محاضرات)
الثانية الدكتورة زينب مصطفي عبد العال (6 محاضرات)
وبرضو نفس الشي مكتوم رقم المادة 123 وللترم الثاني

[اماني1 0]

على فكرة محاضرات الدكتور محمد احمد خضير من الكتاب
يعني كلها اقرأ واستخرج من القصيدة صفحة...
معناتو صح المحاضرات هاي لازم ندرسها

[sweet_love 0]

بصراحة يا أمانى أنا مكنش عندى اللغبطة دى خالص فى الترم عندى ودىحلها الوحيد تشوفى حد بيحضر ويقولك على أسامى الدكاترة اللى بيدوكم وهمه اللى تلتزموا بمحاضراتهم أو بقى لو عندكم وقت ذاكروا كله

[اماني1 0]

انا شكلي حدرس كلو..
بس انا مو مشكلتي انو اكتر من دكتور
بس انا خايفه من المقرر والملغي
التيرم الماضي
درست دروس كتير بالمادة الثقافيه وضيعت عليها وقت وماكانت مقررو
ونفس الشي بالنسبة للترجمة

[ايمى_دودى 0]

هى المشكلة كده ان المقرر بتعرفيه يادوب قبل الامتحان بس مش مشكلة اهو الواحد بيستفيد برده

[waleed_101 0]

الدكتور سعد هو اللى بيدرس النحو على مستوى النص فى التيرم الثانى والدكتورة نهلة هى اللى بتدرس المادة الثقافية وبالنسبة للامتحان فده لسة بدرى عليه يا جماعة بس انا رأى انكم تكونو على اتصال بحد بيحضر علشان تقدرو تعرفو ايه هى المواضيع المقررة والملغية

[اماني1 0]

مين اللي بيدرس مادة القراءة؟؟

[Rehab SISAQ 0]

ممكن حد يقولي المادة دي صعبة وللا سهلة وهل فعلا لازم ناخدها مع قراءة وفهم ؟

[waleed_101 0]

يا جماعة ما تخشوا على الصفحة بتاعتكم على سايت المركز واشوفو بنفسكم

[ايمى_دودى 0]

شكرا ليك ياوليد هى امانى قصدها ان برده فى لخبطة فى القراءة والفهم برده

[ايمى_دودى 0]

yallah27 اهلا بيك
هى المادة تقيلة بس مش صعبة كل حاجة بالمذاكرة بتبقى سهلة وبيتهيألى مالهاش علاقة بالقراءة والفهم يعنى عادى ممكن تاخدى القراءة والفهم من غيرها.

[waleed_101 0]

والله يا ايمى انا حضرت المحاضرة الاولى من القراءة والفهم فى التيرم التانى وشايف ان الموضوع مش صعب ولا حاجة هو بس عاوز شوية تركيز على المحاضرات والمواضيع اللى فيها لو امكن يا ريت تحضر اخر محاضرتين فى التيرم علشان تلم كل حاجة

[sweet_love 0]

كلامك صح يا وليد الموضوع مش بالصعوبة اللى متخيلبنها المهم تبقى فاهمة القطعة وهتلاقى الأسئلة إجابتها فى القطعة وبطريقة مباشرة جدا وكمان الترم اللى فات كان علينا 4 قطع و بس تصورى المنهج كله كان 4 قطع والله مفيش داعى للقل أو التوتر السلبى ده إعملوا اللى عليكوا و الباقى على ربنا ربنا لا يضيع أجر من احسن عملا

[اماني1 0]

تمام
يعني هلأ ايمي ووليد ممكن يروحو الجامعه
حلو كتير
خلص انشاءالله قبل الامتحانات بشهر تكونو عرفتو المقرر والملغي
علشان لما ندرس للامتحان نعرف على شو نركز
وعلى فكرة المواد انا لهلأ شايفاها سهلة
ماعدا العربي مو عاجبني شرح الشعر
يعني مو عارفه كيف بدي الخص كل قطعة شعر

حد عندو تلخيص او شرح علشان نكتب متلو بالامتحان؟؟

[sweet_love 0]

بالنسبة لشرح الشعر الترم اللى فات كان ملغى وعامة لو جه هيبقى نفس اللى فى الكتاب لأنك لو بصيتى على الإمتحانات المحلولة هتلاقى الحل زى الكتاب

[اماني1 0]

gooood
يارب يكون ملغي هلتيرم ايضا
لانو مو نازلي من زور

يسلمو سويت لاف على جهودك معنا..

[waleed_101 0]

حد حضر محاضرات النهاردة ؟

[flower 0]

الزملاء اللى بيحضروا يفيدونا


ماذا قال الدكتور سعد عبد الرحيم بخصوص شرح أبيات الشعر ....

مقررة ولا ملغية ؟؟؟؟؟؟؟

[waleed_101 0]

انا اخيرا حضرت محاضرة النحو على مستوى النص وواضح انى حمتحنها مع النحو على مستوى الجملة مع التيرم 8 وعليكم خير الدكتور سعد ممتاز بس اخوكم مالوش فى النحو على المستويات دى ))))

[ايمى_دودى 0]

ليه كده ياوليد ايه اللى حصل عمل فيك كده

[waleed_101 0]

اتحسدت

[اماني1 0]

يؤيؤيؤ

حرام ياوليد

[اماني1 0]

بشروا
شو صار معكم بالعربي..؟؟
والقصائد مقررة ولا ملغية؟