m.abdalla

سعادة الباشا مدير الموقع ازاي ما اغلطتش يعني هي سالت وانا رديت عليها وكاني ما رديت ولا افدتها وراحت شكرتك عشان وضحتلها جزئية من كلامي انا بدل ما تشكرني انا تاني حاجة بعديها جايا بتسال تاني نفس السؤال؟؟؟؟؟؟؟؟؟؟ بعدين بتتريق بتقول لاخ هنا روح اسأل ترم سادس يعني لا شكرت ثم تجاهلت ثم اتريقت عموما حصل خيييييييييييييييييييييييييييييير ومش زعلان من حد انا فقط عايز افيد مش اكتر مع المحافظة علي مستوي مقبول من التفاعل انتظري يا اختي يوم 17/1 اخر محاضرة واي حد يفيدني ان لم اكن موجود تحياتي..

يا استاذة (محبة نور الايمان) رغم تجاهل حضرتك لكلامي بعد ما رديت عليكي بمعلومات عن اربع مواد من خمسة وتجنبتي شكري حتي وبدل ما تشكريني شكرتي استاذ حمدي اللي وضحلك انا اقصد اية من الاسطوانات .......... ............. كويس افكر حضرتك بكلامي ان اخر محاضرة هي اهم محاضرة واللي هاتعرفي فيها شكل الامتحان بالضبط يعني ما كان عليكي غير الصبر واحب اقولك ان الدكتورة المحاضرة اللي فاتت ( ماقبل الاخيرة) عرضت نموذج امتحان لكن ما كملتهوش لانها كان بتتناقش معانا طول المحاضرة في اول سؤال فقط واقول لحضرتك باختصار اول سؤالين اللي كانوا واضحين علي البروجيكتور السؤال الاول اكتب mini-dialouge or conversation عن احد المواضيع التالية (3مواضيع وانتي تختاري) السؤال التاني باختصار برضو: حضرتك قابلتي اصحابك في Cyber Cafe وقعدتوا تدردشوا وظهر في نص الكلام موضوع Talent Tv Shows المطلوب من سعادتك تكتبي عن الموضوع دة من اربع وجهات نظر مختلفة (اللي هما اربع اصدقاء يعني) تحياتي ليكي ولكل اصدقاء المنتدي لكن اعتذر لحضرتك ان كلمتك بهذا الاسلوب والمعلومات دي ما قلتهاش الا لاني قلت اي جديد هاكتبه هنا وخوفاً اني اكون كتمت علم عن حد لكن انا متأكد ان اي حد من الزملاء هيقدر يفيدكم في الباقي خاصة بعد اخر محاضرات ما تخلص ......... افكر سعادتك اني قلتلك ان امتحانات د/عبير عمر بتكون General English يعني تعتمد علي مستوي سعادتك العام في اللغة والسلام.

الووووو ايوة انا هنا الترم دة نايم الناس كسلانة بما فيهم انا مش عارف لية هاقولك علي اللي انا عارفه عن المادة انا حضرت 3 محاضرات من اصل 5 للدكتورة واحب اقولك انها كالعادة بتعك وما بتديش اي علم نهائياً وكمان استغلت ان المادة اسمها استماع ومناقشة بتقعد ترغي وتتكلم في اي هبل والسلام المهم اللي اقدر افيدك بيه انها قالت ان الاسطوانات مهمة جداً ( اللي بتنزل من علي الموقع ) لكن اتوقع الامتحان هايكون general مالوش علاقة بمنهج الا حاجات بسيطة زي الانترفيو ( من المحاضرات علي ما اعتقد) لكن الخلاصة اقولك استني اخر محاضرة في الجامعة هاتقول فيها الامتحان شكله بالضبط هايبقي اية. ولو فيه جديد هاكتبه هنا ---------------- بخصوص مادة الترجمة الدكتور بيوزع ورق كل محاضرة وبيدي مفردات كتير ( اظن انها مهمة) والامتحان ثلاث اجزاء اول جزء من الكتاب والتاني قطعة ترجمة والثالث ما ركزتش هو قال اية ---------------- مادة العربي اول اربع دروس من الكتاب واتنين من المحاضرات ---------------- نصوص ادبية: المحاضرات اللي علي الموقع (اتحدثت) --------------- مادة نصوص علمية ما حضرتش اي محاضرة نهائياً وارجو ان حد يفيدني عن شرح الدكتورة والمقرر. --------------- اي جديد هاضيفه ان شاء الله

انا مش عارف ازاكر يا جماعة ربنا يستر.

الحمد لله الامتحان اتأجل

لو حد عنده امتحان البيني يا ريت يرفعه

امتحان مادة علم الترجمة: السؤال الاول اذكري عدة سياقات لمعني كلمة هتلاقيهم في المحاضرة الاولي والتانية مثال: Figure: 1- Unemployment figures. 2- He is a public figure. 3- A bronze figure of a horse. 4- The results are illustrated in figure 3. 5- That is what I figured. السؤال التاني هيجيبلك عشرة مصطلحات من ثلاثين وانتي تترجميهم وهتلاقيهم في المحاضرة الثالثة. السؤال التالت قطعة عربي وتترجميها انجليزي وهاتتكلم عن سيرة ذاتية يعني هيكون فيها: ولد في ..... تزوج من........ سافر .........انضم في عام.....

مادة قراءة وفهم بتعتمد علي مستواكي عامة في الانجليزي زي مادة الترجمة كل اللي انتي محتاجاه تحفظي كلمات كتيير وتتدربي علي فهم القطعة والحل بشكل صحيح ولو فيه كلمات مش عارفاهاهاتبقي مشكلة . يعني احفظي كلمات كتيير وتتدربي علي امتحانات والاولي انك تحفظي كلمات التطبيقات اللي كانت شغالة منها الدكتورة بعدين احفظي اي كلمات من اي مكان،عشان كدة انا بسأل حد عنده التطبيقات يرفعهالنا؟ تمام حليت كويس الحمد لله الدكتورة ما اتكلمتش عن تفاصيل الامتحان غير انها قالت هيكون سؤالين (قطعتين) علي ما اتذكر

حسب كلام الدكتورة في اخر محاضرةالامتحان Unseen لكن سهل اسهل من التطبيقات اللي كانت بتشتغل منها في المحاضرة ياريت لو حد عنده التطبيقات يرفعهلنا او علي الاقل الكلمات

يا ريت لو حد عنده تطبيقات قراءة وفهم 3 يرفعها

شكراً يا أختي محبة نور الايمان علي المعلومات

اة حاجة تاني هل المنح للمتفوقين سارية علي الدارسين في الخارج؟

ياريت لو حد يقدر يفيدني عن الرسوم وخطوات التحويل واي معلومات عن اماكن الامتحان اي معلومة الله يبارك فيكم ان شاء الله تحديدا سانتقل لمكه

يا جماعة حد عنده تطبيقات قراءة وفهم .. هي مش موجودة علي صفحتي الشخصية؟؟

متشكرعلي ردك الكافي والوافي لكن علي صفحتي موجود 7 محاضرات بس.. ممكن ترفع المحاضرات الثامنة لوعندك؟ علي depositfiles

ياريت حد يوضح اسماء القطع المقررة علينا في مادة الترجمة وشكل الامتحان ان امكن

شكرا لردك .... ياريت حد يقولنا اخر محاضرة كان فيها اية

اسف نسيت اوضح : نحو ترم ثاني.

ما هو المقرر المحاضرات أم الكتاب وما هو شكل الامتحان وياريت لو حد راح اخر محاضرة يقولنا اية اللي حصل؟ وشكراً