dalia

السلام عليكم مريم، ما تخافيش، زي ما قالوا لك كل الزملاء، الامتحان بسيط والغرض منه إن الدكتور يشوف نقطك في الانجليزي وانك بتفهمي عامة اللي مكتوب. مش مطلوب منك تبقى أستاذة في الترجمة من الأول بس خللي عندك ثقة في نفسك، واقري القطعة كويس وما تخافيش. لما انا امتحنت كان معايا في الأوضة حوالي عشرة بيمتحنوا برضه، فما تتخضيش بالتوفيق وابقي طمنينا

مبروك علينا العضو رقم 500 وعقبال ما يبقوا 5000 إن شاء الله

عامل الناس كما تحب أن تعامل و Put yourself in other people's shoes لو بطلنا نحكم على الناس من غير ما نفهم ظروفهم، حنبقى مجتمع جميل جداً ولو بطلنا ندي مواعظ وننقتد الناس على حاجات احنا بنعملها، حنستريح قوي شكراً

كلام جميل قوي...وأقلام أكثر من رائعة...أتمنى أن يتوفر الورق للكتابة عليه

أنا عجبتني الترجمة التانية أكتر، رغم إني مش بفهم في الشعر خالص، بس حاسة إن الترجمة التانية أقرب للشعر. أما الترجمة الأولى (رغم إني من المعجبين جداً بدكتور عناني) حاسة إنها ترجمة أكتر منها شعر

والله انت أوقات بتختفي وبتطلع بحاجات زي الفل شكراً يا أحمد، ولعلمك، الشكر واجب لأن ده كله من وقتك ومجهودك

الله يسلمك يا توتا كانت رحلة مرهقة شوية بس الحمد لله عدت على خير

السلام عليكم، منى، أنا لسة واصلة حالاً من السفر، هلكانة جداً طبعاً بس حبيت أقولك اديني يومين بس وحبعتلك كل اللي عندي للمادة دي إن شاء الله سؤال: انتي نزلتي أي حاجة من موقع الجامعة ولا معندكيش حاجة خالص للمادة دي؟

أحمد أقولك إيه؟ قصة جميلة ومؤثرة جداً...ربنا يخلي كل الأمهات ويرحم اللي مش موجودين معانا في أولاد ماعندهمش أمهات، وفي ستات ماعندهاش ولاد...يا سلام لو نعرف نوفق الاتنين مع بعض، الثواب يبقى كتير جداً

منى، أنا مش مصدقة نفسي إن شاء الله نساعد بعض وربنا يوفقنا كلنا

الله يا توتا...جميل جداً عارفة، كلامك طالع من القلب وبيدخل القلب بسهولة...مختصر، في الصميم، وكله مشاعر

عارفة يا رحاب، عندك حق طبعاً...بس أنا عندي نظرية...الفنانين الكبار دول كانوا مع بعض كلهم في مرحلة معينة، بمعنى إن الظروف برضه بتساعد على إن الفنان يبدع، بتفجر جواه طاقات فنية...وأنا أعتقد إن في ناس بتحاول برضه في الجيل الموجود حالياً، بس محتاجين فرصة لكن ماظنش إننا ممكن نكرر أم كلثوم ولا عبد الحليم ولا صلاح جاهين ولا رياض السنباطي مثلاً، إنما ممكن يطلع جيل جديد...

السلام عليكم، أنا حبة أعرف مين معايا في الترم السادس...المنتدى فيه المفروض حوالي 450 عضو، مش معقول مفيش معايا غير اتنين أهه نساعد بعض في المذاكرة، حل التدريبات اللي مش محلولة، كده يعني

ودي كمان، لما ببقى متضايقة، بحاول أفتكرها ويا سلام لو أفتكرها بصوت علي الحجار...الله! حاسب من الاحزان و حاســـــــب لها . حاسب علي رقابيك من حبلـــــــــــها. راح تنتهي و لابد راح تنتهــــــــــي. مش انتهت أحزان من قبلهــــــــــا؟ . عجبي

تسلم إيدك يا شيماء، موضوع جميل جداً صلاح جاهين مش بس شاعر عظيم، لأ ده فيلسوف، لو دورنا حنلاقي إنه له رباعية تناسب تقريباً كل موقف بنقابله في الحياة. أنا شخصياً بحب كده الرباعية دي: علم اللوع اضخم كتـــــــــاب في الأرض. بس اللي يغلط فيه يجيـــــــــبــه الأرض. أما الصراحة فأمرها ســـــــــــــــــاهل. لكن لا تجلب المال و لا تصون العرض عجبي

قول...أنا مستنية أهه اصل أنا صبورة قوي :lol!:

اشمعنى؟ هذا لا ينفي إنه يكون لي الشرف يا فندم...بس برضه اشمعنى؟

مشهد يرفع الضغط وبيتكرر كتير قويييييييييييييي: مرحلة الرسم والتسبيل: أكتر حاجة بحبها فيكي انك على طبيعتك ومجنونة وطاقة ومش بتمثلي وكل اللي في قلبك على لسانك. أنا بحبك زي ما أنتي ومش عايزك تتغيري مرحلة الخطوبة: انتي انسانة مافيش منك، بس عيبك الوحيد انك شعنونة، يا سلام لو تهدي شوية، كنتي بقيتي أحسن واحدة في الدنيا مرحلة الجواز: مش نهدى بقى؟ إيه، مش حنعقل؟ مرحلة الخلفة وفي أطفال: يا ابني مامتك دي مجنونة، سيبك منها يا حبيبي (أو يا حبيبتي) وطنشها خالص، أنا حاولت أغيرها كتير وفشلت ********************************************************** خزعبولة مالهاش أول من آخر، بس أهيه طلعت في راسي

لا هيئة أمم متحدة ولا حاجة، بس جواز الأجانب كتر شويتين وربنا يرزقك ببنت الحلال اللي تسعدك وتسعدها (حلوة دي؟ طليانية، ارجنتينية، يابانية، بوروندية، نيجيرية، كله خلقة ربنا :lol!:

لا، لا، لا دي خزعبلة دالياوية أصيلة من وأنا في أولى إعدادي وهو فعلاً من الكاريبي...انت تعرفه ولا حاجة؟ يا سويت والله صدقيني، يعني أقولك أساميهم وعناوينهم يعني؟ :D بس أحب أطمن الجميع، إن الرجالة عامة زي بعض...عندي صاحبة متجوزة طلياني، وواحدة متجوزة هولندي، وواحدة متجوزة أمريكاني، والباقي طبعاً متجوز مصري، والله مافيش فرق كبير كلهم زي الفل الحمد لله...المشاكل واحدة، فلو حد حيفكر يتجوز أجنبي علشان يهرب من المشاكل التقليدية...ماوعدكوش يا بنات

السلام عليكم، متشكرة على المجاملة الرقيقة يا توتا، وإذا كان على الخزعبلات، والله أنا خايفة عليكم بس علشان أنا بالظبط اللي يتقال عليها "دماغها فيها 7 قطط بيجروا ورا خمستاشر فار وعشرين نملة"

Dear Maye, No need for apology pleaseeeeeeeeeeeeeee:) We are all colleagues, brothers and sisters. You will not need a dictionary in the exam, as a matter of fact we are not allowed to have any dictionaries in the exams. There will be a photocopy for a page or two from the dictionary, with several meanings for the development of the word. If I recall correctly, as I took this course over a year ago, normally there are more than 6 or 7 different meanings and you will be asked to translate 4 of them. Usually they are words that you can understand their meanings, or in worst case scenario, you can guess it:) I hope this explanation is sufficient, and if you still need any more clarification, please do not hesitate to ask. We are all here trying to help each other, and God is there to help us in doing so. Take care, Dalia

السلام عليكم، قررت أشارك بخزعبلاية صغننة وفي الأغلب فاشلة من أكون؟ سؤال أبحث عن إجابته من سنين... والمؤسف بل المؤلم أن الإجابة كانت معي وأنا طفلة ثم ضاعت مني في زحام الحياة اليومية ماذا أصبحت؟ هل أنا هي الفتاة التي كنتها؟ هل أصبحت امرأة غير التي كنت أحلم بها؟ هل هناك أمل في أن أصل إلى الصورة لنفسي رسمتها؟ أين الطريق؟ لماذا أشعر أنني ضللته، رغم أنني أعرف كل ما حولي لماذا أشعر بأنني في قاع البئر وحدي وأنا محاطة بالحب والحنان والدفء؟ كفاية عليكم كده

السلام عليكم، توتا، حلو قوي قوي الكلام اللي انتي بتكتبيه ده...بجد فنانة رقيقة جداً وكلامك في الصميم ربنا يوفقك دايماً يا رب

Hi Maye, Actually I was just adding to what enigma has already written. You do get a photocopy of one or two pages from the dictionary, with the development of the word. And then you will be asked to translate the meaning, as per the example I put. Hope this answers your questions and explains what you need to be explained. Good luck