dalia

Michael, I agree with you that whoever feels comfortable to write in English in this forum, should do so. It would be a great practice for all of us.

Al Salamu Aleikom, Welcome back Tota, hope all is well with you. How are you doing in your exams? Well, regarding the CD's, I think that the whole purpose might not be clear to a lot of people. The whole idea is that we exchange the CD's sometime next week, or maybe the following week. We do not need to wait till we register for the new term to start studying or even just to take an idea about the courses. Hope you are happy and lively as your usual self

عندك حق يا مايكل... أنا عن نفسي بحاول أشوف ازاي أكمل ماجستير إن شاء الله بعد ما أخلص عموماً، أهم بيحاولوا

ده من على موقع مركز الجامعة النهاردة: قرار تاريخى بشرى لطلاب الثانوية العامة دفعة 2009 لتخفيف الأعباء عن الأسر المصرية و طلاب الثانوية العامة فى البحث عن مكان للحصول على شهادة جامعية تزامناً مع صدور قرار السيد الرئيس محمد حسنى مبارك بإنشاء وبدء الدراسة بالجامعة الإلكترونية الجديدة إتخذ المجلس الآعلى للجامعات برئاسة السيد الأستاذ الدكتور/ هانى هلال وزير التعليم العالى و الدولة للبحث العلمى قراراً تاريخياً بالسماح لطلاب الثانوية العامة (بشعبتيها الأدبية و العلمية) لدفعة 2009 دون غيرهم بالتقدم مباشرة إلى برامج التعليم المفتوح فى جميع التخصصات بحد أدنى 50% فى كافة برامج التعليم المفتوح بالجامعات المصرية تابعووووووونا للتعرف على مواعيد التسجيل و الأوراق المطلوبة

السلام عليكم، أنا حاولت أكمل على موضوع كنت طرحته في 11 مايو في قسم الاقتراحات والدعم الفني، بس لقيته locked وبما إني من الأعضاء اللي ماكانوش خدوا بالهم إن الأقسام اتقفلت لغاية أخر الامتحانات، كنت فاكرة إن الاقتراحات والدعم الفني ده له دعوة بالدراسة برضه إنما، معلش، السن بقى.... المهم، أنا راجعت السيديهات اللي عندي للترمات اللي فاتت، وكنت بقترح إن أنا حعمل منهم نسخة وأشوف مين محتاجهم. فمثلاً، لو حد في الترم الثالث حياخد السيديهات يبقى حنقول هو مين، ولو قدر يرفعهم لبقية الزملاء يبقى كتر خيره، لو معرفش، يبقى على الأقل الزملاء ممكن يبقوا ياخدوا منه نسخة وهكذا أنا عندي سيديهات للمواد دي: التيرم الأول: 113و 114 و115 التيرم الثاني: 121 و122 و123 و124 و125 التيرم الثالث:211 و212 و214 و215 التيرم الرابع: 221 و222 و223 و224 و225 التيرم الخامس: 313 و314 و315 ياريت اللي عنده سيديهات التيرم السابع والثامن يقول لي وأنا حعمل منهم نسخ إن شاء الله برضه ويارب الاقتراح ده يلاقى صدى ونشوف كده حركة بالتوفيق في بقية الامتحانات :study:

ما تخافش يا أحمد، أنا متوقعة لك إن شاء الله ناجح باهر...دي كفاية دعوات كل الناس اللي في المنتدى تستاهل كل خير حقيقي

جزاكي الله كل خير يا يسرا وربنا يوفقك إن شاء الله

بالنجاح الباهر إن شاء الله وعقبال بقية الامتحانات يا رب ما تعدي على خير إن شاء الله ونبارك لبعض كده على أعلى التقديرات

ربنا يخليكوا كلكم يا رب، والله انتم رفعتم معنوياتي ربنا معاكم انتم كمان ومعانا جميعاً يا رب العالمين، ونعم بالله

لا والله يا أحمد، الامتحان بالنسبة لي غامض جداً. مش فاهمة الدكتور عاوز إيه... يعني إيه نحدد عناصر الصراع أصلاً؟؟؟ وبعدين أهل القرية، عايزنا نحكي الحدث ولا نقول كان هم دورهم إيه؟؟ علشان كده كنت بسأل علاء أو أي حد امتحن معايا الظاهر مافيش غير أنا وعلاء اللي بنمتحن المادة دي

ربنا معانا جميعاً علاء، أنت إيه رأيك في الامتحان؟

السلام عليكم، امتحنت النهاردة مادة 321 نصوص الأدب العربي المعاصر، واهه الامتحان اكتب فميا يأتي: أولاً: حدد عناصر الصراع التي عاشتها كل من: أ- بريسكا في مسرحية أهل الكهف، ب- الغانية في مسرحية السلطان الحائر ج- وضح الفرق بين هاتين الشخصيتين من حيث طبيعة الصراع التي واجهتاه ثانياً: أ- لعب أهل القرية دوراً مهماً في تطور الحدث في كل من رواية الحرام وقصة الهجانة. وضح الفرق بين طبيعة الحدث في كل منهما

لا يا أحمد، أنا لسه حمتحن يوم الاتنين إن شاء الله...سيبك بقى من امتحان النهاردة، خلاص أهه عدى الحمد لله، وركز في اللي جاي، ربنا معاك

ربنا معاك يا أحمد إن شاء الله ومع الجميع أنا عارفة إن أسلوبك شيق وأكيد حيعجب الدكتور...امتياز إن شاء الله!

كده برضه يا توتا؟ برضه بتفهميني غلط...أنا جبت سيرة الشبه يا بنتي؟ بقول "محسساني" كأنك الجدة بطة، بتاخلدي بالك من العيال وكده يعني وبعدين أنا مقدرش أوقف حالك يا جميلة أنتي...سيد الرجالة يمتنى ضوفرك يا قمر أنا نفسي أفرح بيكي وليكي عليا زغروتة كبيرة ورقصة في الزفة كمان...ياللللللللللللله، أظن عداني العيب أهه وقزح

توتا، محسساني إنك الجدة بطة (أفرح بيكم وحدعيلكم) وانتي ان شاء الله بقى مش حتخشي الامتحان ليه ومش بتذاكري من الأول ليه يا بنوتة؟ هه؟ لأ ركزي في الامتحانات علشان احنا كمان عايزين نفرح بيكي ان شاء الله

رحاب كل عام وانت بخير وصحة وسعادة ويارب كل اللي نفسك فيه يتحقق إن شاء الله

حلوة قوي يا سارة، وكونك اخترتي الكلمات دي فده بيعبر عن رقة مشاعرك وعن نضج شخصيتك

حلوة قوي الحكمة دي يا رحاب... أنا كمان بحب "عامل الناس كما تحب أن تعامل" والمثل الشعبي الجميل "اللي بيته من إزاز ما يحدفش الناس بالطوب" ويالا نحاول نذاكر

انتوا بتلاقوا وقت تذاكروا امتى؟؟

"الصدق، أقرب الطرق لتحقيق الود"

ربنا يبارك فيك يا أحمد، أنا مش معاكم في التيرم الأول، بس يا بخت زمايلك بيك بالتوفيق لينا كلنا يا رب!

السلام عليكم رحاب، آية جميلة فعلاً توتا، إيه موضوع التوتر المنتشر في كل المواضيع ده؟ أسامة، حلوة قوي، عجبتني جداً

أنا عن نفسي في آية دايماً بحب أفتكرها بسم الله الرحمن الرحيم "وعسى أن تكرهوا شيئاً وهو خير لكم وعسى أن تحبوا شيئاً وهو شر لكم والله يعلم وأنتم لا تعلمون" صدق الله العظيم وخصوصاً إننا أوقات بنتعلق بحاجات وندعي ربنا إنه يجعلها من نصيبنا أو ينولهالنا وما يكونش فيها الخير لينا وما بنبقاش فاهمين إلا بعدين.

السلام عليكم، أنا حضرت النهاردة المحاضرة بتاعة الدكتور هاني بشير، مادة 323، وقال إن محاضرة بكرة حتبقى مهمة جداً وحيتكلم فيها عن الامتحان المحاضرة من الساعة 5:30 في مدرج 161 اللهم بلغت، اللهم فاشهد