dalia

Good morning girls, Hope all is well with you. Follows please find an example regarding tracing meanings of a word and the answer, from one of the lectures: 3. Trace the historical development of the meanings of the word “brave ” as given in the following extract of the Oxford English Dictionary. Give only four different meanings with an Arabic translation of each meaning. Brave: breIv Model Answer: 3. The word “brave”: breIv has undergone changes of meaning through its history. The OED gives the following meanings, among others: 1. [1485] courageous, daring شجاع، جرئ 2. [1568] finely-dressed مهندم، حسن المظهر 3. [1600] excellent, good, رائع، ممتاز 4. [1617] brave-hearted, brave-minded شجاع، قوى (القلب، العقل، الخ) I hope you find it helpful. Best of luck

أستاذ حمدي، مافيش اعتراض خالص على اللي بتقوله، لكن أنا بقول إنه في حالة مالقتش كلام يقنعك من العلماء والمتخصصين، ساعتها تعمل إيه؟

السلام عليكم ورحمة الله وبركاته أنا متفقة مع الأستاذ حمدي والأستاذ أسامة وربنا يرحم الأمة دي يا رب ويهديها بس أنا متفقة تماماً مع توتا، لأن بصراحة لما تسمع آراء كتيرة متناقضة وكل واحد والتاني ينصب نفسه المسئول عن الدين والرعية والدنيا واللي عايشينها، يبقى لازم تحكم عقلك وقلبك وتدعي ربنا إنه يهديك للطريق الصواب وأعتقد أن الواحد لو بذل مجهود إنه يفهم ويقرا القرآن والأحاديث الشريفة ويستشف هو المعنى، حيكون أفضل من إنه يمشي ورا العلماء زي الخروف كده، وخصوصاً لو مش مقتنع

" السلام عليكم ورحمة الله وبركاته، الحقيقة أنا في الترم السادس، بس لقيت عندي تطبيقات الترم الرابع، وأعتقد إنها موجودة في ملف المادة 221 هنا في المنتدى...بس المهم، لقيت إجابة السؤال: " تعرض هذه الفقرة لأحد المزاعم التي وجهت إلي الأدب العربي في محاولة للهجوم علي هذا الأدب، وهو خلوه من النثر الفني أي الكتابة الأدبية التي تقصد إلي الإمتاع وتتوفر بها المعايير الفنية للكتابة الجمالية يرد الكاتب علي هذا الزعم بأن هذا الكلام لا يخرج إلا عن إنسان لم يقرأ الأدب العربي ولم يعرفه" ودي كانت إجابة الموضوع نفسه في تطبيق تاني: " تبدأ الفقرة بغرابة الحكم بخلو الأدب العربي من الشعر القصصي وبيدي المتكلم خوفه من تعمد الهجوم علي الأدب العربي بإطلاق هذا الإدعاء ويرد علي هذا الزعم بأن قراءة الشعر العربي الجاهلي أو الأموي تؤكد تمتعه بكثير من خصائص الشعر القصصي لأنها تزخر بالشعر المعبر عن حياة الجماعة والذي يصورها بدقة تجعل القارئ يلمس هذه الحياة" على الله تكون الإجابة دي مفيدة بالنسبة لك، وربنا يوفقك إن شاء ويوفقنا جميعاً

السلام عليكم ورحمة الله وبركاته للأسف يا أخ علاء، أنا مش في مصر وغالباً حجي على الامتحانات إن شاء الله. ربنا يستر بقى ويوفق الجميع

بسم الله ما شاء الله يا توتا على فكرة أنا والدي وأخويا محاميين يعني طلعنا قرايب من ناحية المهنة وأنا موافقة جداً على اقتراحك

وبعدين في مسلسل The bold and the beautifulده؟؟ أنا عايزة أنام ومش عارفة نهاية الفيلم الهندي الياباني ده إيه توتا، سيبك منهم، انتي تستاهلي واحد يفهمك ويقدرك لكن عندي سؤال، دكتوارة إيه؟؟

"شكرا ياداليا علي التحليل الجامد ده تقريبا كله صح" الحمد لله طمنتني، أنا كده معايا بكالوريوس تجارة وربنا يسهل ناخد بكالوريوس ترجمة وبعدها على طول أدخل كلية علم نفس أو مستشفى المجانين أيهما أقرب

أنا شايفة إن الموضوع ده حيخلص في القسم بس للأسف أنا مش في مصر، اصبروا لغاية ما أجي علشان أنا أحب الخناقات قوي (والأفراح برضه، حتى لو قلبت ضلمة) أستاذ حمدي، معلش، انت اللي جبته لنفسك...حد يسأل سؤال زي ده برضه، وأنا عارفة وانت عارف الردود ممكن تبقى عاملة ازاي؟؟ عموماً أنت قدها وما تخيبش أملنا ورأينا فيك، اصمد يا بطل توتا بجد انت شخصية تجنن وربنا يسعدك يا رب

ده يكون لينا الشرف يا فندم:D

السلام عليكم، الموضوع كده ابتدى يحلو قوي (حاسة إني سخان أوليمبيك) 1) سويت: اعذريني على الغلطة دي، سماح والنبي ثانياً، أنا مش عاقلة قوي كده، ده أنا طاقة تماماً، ولو سألتوا اللي يعرفوني كويس حيقولوكوا هي فعلاً بتوزن الأمور قوي وده بيتعبها جداً، بس في نفس الوقت مجنونة على الأخر أديني حذرتكم أما سؤالك المهم جداً بتاع بعد الجواز ولا قبله، أقدر أقولك إني بعد الجواز هديت شوية "قد ربع كيلو كده مثلاً"، بس الحمد لله ربنا كرمني بزوج طيب وبيقدر يحتوي جناني وطققاني...ربنا يخليه ويعينه على ما ابتلاه (ده دعاء مامتي وبابايا ليه على فكرة 2) أستاذ حمدي، ماتخافش مافيش منافسة يا فندم بس ارحم البنية، مش كده... 3) توتا، ما تخليش حد يستفزك كده يا جميلة، انتي قدها وقدود، حتردي رد يفحم الجميع! ما تعمليش زيي أوقات لما حد يستفزني وأروح منفجرة وكاتبة كل اللي عندي وبعتاه من غير ما أراجعه بعد دقيقة ولا حاجة..دي نصيحة أخت لأختها مش أكتر والله

أنا تاني 1) أستاذ أسامة: شخصية متزنة وبسيطة وواضحة واجتماعية وأعتقد ثقة بالنفس عالية (مش حاجة وحشة خالص) وده بس حكمي لأنه حاطط صورته 2) Sweet Love: فعلاً اسم على مسمى. حالمة وهادية وحساسة جداً 3) رحاب: شخصية متزنة تميل أكتر للتحفظ 4) A.H. Ismail: شخص مرح وبسيط ومش بيحب يعقد الأمور واجتماعي، وممكن يكون شكله واخد الدنيا ببساطة بس أعتقد إنه لما بيواجه مشكلة بينعزل عن الناس ويفكر تفكير عميق في الأمور... على الله يكون رأيي صح

السلام عليكم ورحمة الله وبركاته، أولآً، أستاذ حمدي أشكرك على رأيك اللي أعتز به لأنه صادر من شخص زيك، دي حقيقة ثانياً، أنا مع الزملاء في أنك شاعر وفيلسوف بس كمان محلل نفسي مش طبيعي ده أنت فصصت البنت حرام عليك توتا، أنا مستنية بفارغ الصبر ردك، وحاسة بنفس حماس اللي بيحبوا الكورة وهما مستنيين المباراة بين مانشستر يونيتد وبرشلونة

السلام عليكم ورحمة الله وبركاته، أنا الحقيقة ما بقاليش كتير في المنتدى، بس أقدر أقول إن السمة العامة في الأعضاء إنهم بيحبوا يساعدوا بعض وفي خفة دم عالية طبعاً وده شيء لطيف جداً ومستوى عالي من الثقافة والاحترام. بس عندي تعليقين على العضوين المتواضعين جداً جداً توتة والأخ حمدي: 1) توتة، مش ممكن أصدق إنك كشرة أبداً. أنتي مش بس دمك خفيف، لا كمان عندك سرعة بديهة عالية وعندك رد حاضر لكل كلمة وجملة طبعاً مش معنى كده إنك فاتحة بقك أربعة وعشرين ساعة ابتسامات يعني، بس انتي فعلاً من اللي أنا لمسته من كتابتك هنا إنك مرحة وبتحبي تسعدي الناس وربنا يسعدك يا رب 2) أستاذ حمدي، انت مش اجتماعي؟؟ طب ازاي يعني لأ أنا فاهمة قصدك طبعاً، بس أنا متفقة مع الكلام اللي كتبوه عنك بقية الزملاء، واضح أولاً انك شخصية ناضجة، أنا معرفش سنك أد إيه، بس كلامك وآرائك عاقلة وموزونة ومش متطرفة لا يمين ولا شمال، وربنا يجازيك كل خير على المساعدات اللي بتقدمها وبكل ود ومحبة

السلام عليكم ورحمة الله وبركاته لأ هي مشكلة طبعاً نابعة من حاجات كتير في المجتمع، بس أنا شايفة إن في ناس كتير برضه لسه متمسكة إنها تعلم ولادها عربي كويس وفي ناس برضه متمسكة تتكلم عربي البركة فينا وفي الأجيال الجاية إننا نحب اللغة العربية ونحبب غيرنا فيها وربنا يكفينا شر مدرسين اللغة العربية المملين واللي بيكرهو الناس فيها

السلام عليكم ورحمة الله وبركاته سويت يا حبيبتي، أحب أطمنك ان في رجالة كده في الدنيا فعلاً...هما قليلين، بس في رجالة كده، وربنا يرزقك بواحد فيهم يا رب وبالنسبة للشباب اللي خايفين إن حالهم يقف، ما تخافوشششششششششششششش، في بنات كتير، وفي بنات مش بتحب الراجل اللي حنين وطيب ورومانسي...كل فولة ولها كيال، واللي يصبر ينول دي حقيقة فعلاً

السلام عليكم ورحمة الله وبركاته السؤال ده أكيد ناس كتير بتسأله لينا وأكيد أسبابنا مختلفة ومتعددة... أنا حبدأ وأجاوب، أنا عندي بكالوريوس إدارة أعمال ولكن زي ناس كتير التنسيق هو اللي حدفني على تجارة خارجية وأنا مش بحب الحساب أصلاً! المهم، اشتغلت في كذا مجال وابتديت أجرب في الترجمة من كذا سنة وقررت إني أخد المجال ده كمجالي...وبما إني بحب دايماً إني أعمل كل حاجة زي ما الكتاب بيقول، قررت إني أدخل أداب ترجمة علشان أولاً أتعلم حاجات تفيدني في شغلي وفي معلوماتي العامة وأوسع مداركي بدراستي للأدب العربي والإنجليزي أولاً، وثانياً علشان أقوي نفسي في قواعد العربي والانجليزي... إيه اللي اتحقق لغاية دلوقتي، أنا شايفة إني حققت 60% من اللي كنت نفسي أحققه وأتعلمه، وشايفة طبعاً إني استفدت كتير، ولسة بتعلم وحتعلم، وطول ما احنا عايشين، أدينا ...بنتعلم

ربنا معاك إن شاء الله ويا رب تلاقي الوقت علشان ترفع الرواية...انت معايا في الترم السادس، مش كده؟

متشكرة جداً وجزاكم الله كل خير

السلام عليكم ورحمة الله وبركاته كنت شفت من كام يوم في المنتدى إن الأستاذ حمدي كان حاطط روابط لأعمال شكسبير وأدباء تانيين وكتب أدبية، بس الحقيقة مش عارفة أوصل للرسالة دي تاني...هل هي اتشالت ولا أنا بس مش عارفة أوصل لها؟ شكراً مقدماً

السلام عليكم ورحمة الله وبركاته من المقرر في مادة اللغة العربية 321 في التيرم السادس قراءة مسرحيتي أهل الكهف والسلطان الحائر، وأنا لقيت المسرحيتين على الإنترنت. دول الروابط ليهم مسرحية السلطان الحائر: http://www.scribd.com/doc/137226/- مسرحية أهل الكهف: http://www.marefa.org/images/a/ad/%D8%A3%D9%87%D9%84_%D8%A7%D9%84%D9%83%D9%87%D9%81.pdf وربنا يوفق الجميع

جزاك الله كل خير يا أستاذ حمدي وألف شكر، أنا اتلخبطت بس لأني لقيت الموضوع الخامس والسادس في المحاضرات مش هما اللي في الكتاب، وللأسف السي دي بتاعهم مش موجود لا على الموقع ولا في المكتبة. أشكرك شكراً جزيلاً مرة أخرى وربنا يكرمك على كل المجهود الرائع اللي بتعمله في المنتدى

أنا بذاكر مادة 311 للتيرم البيني وكنت عايزة أعرف لو حد أخدها التيرم اللي فات يقدر لو ممكن يقولي إيه اللي كان محذوف فيها وإيه المقرر؟ ولكم جزيل الشكر

مساء الخير على جميع الأعضاء، وأتمنى للجميع النجاح والتوفيق. هل يعرف أحد لو أن الدكتور قد حذف شيء من المقرر أو ركز على أشياء معينة للامتحان؟ أشكركم جميعاً على هذا المجهود الرائع في هذا المنتدى، وفي انتظار الرد