dalia

السلام عليكم

يا جماعة، بالنسبة لموضوع معتمدة ولا لأ، الشهادة بتعتمد بختم جامعة القاهرة وبعدين تروحوا تختموها من وزارة الخارجية وبعدين تتختم من سفارة البلد اللي أنتوا عايزين تقدموها فيها في مصر. أو من السفارة المصرية في البلد اللي أنتوا فيها. الدول التانية ما تعرفش الجامعات ومالهاش دعوة الجامعة دي إيه، بدام واخدة ختم المجلس الأعلى للجامعات ووزارة الخارجية والسفارة.

بالتوفيق للجميع

السلام عليكم،

الشهادات طلعت والناس تقدر تروح تستلمها

اللهم بلغت، اللهم فاشهد

sun_shine كتب:

السلام عليكم داليا


في الحقيقة ليس لدي فكرة عن الموعد .لكن وددت نصيحتك بمحاولة الاتصال بهم هاتفيا او حتي الذهاب اليهم (الموضوع فيها شهادة ) وبالتوفيق ان شاء الله.

السلام عليكم صن شاين

ما هو أنا لو في مصر كنت عملت كده أكيد ربنا يسهل إن شاء الله ويكرمنا جميعاً، بس هو السؤال هو مافيش حد غيري اتخرج في المنتدى؟ ههههههههههه

متشكرة جداً على اهتماك بالرد وصباح الخير والجمال عليكي يا رب

أنا بعت للجامعة أكتر من رسالة وماحدش رد عليا...يا ترى حد من الزملاء عنده فكرة أمتى حيسلموهالنا؟

السلام عليكم ورحمة الله وبركاته

حد يا جماعة عنده أي فكرة حنستلم شهادات التخرج إمتى؟ وهل ممكن مثلاً ناخد شهادة بالدرجات بتاعتنا والمواد اللي درسناها لحد ما تطلع الشهادة؟

اللي يعرف حاجة يقول لنا، ربنا يكرم الجميع

om_maram كتب:

شكرا يا داليا على النصائح

بس تعرفى ايه المشكلة ان كل دكتورة تدخل تقول الكلمتين دول :

مع احترامى للكتاب و اللى كاتبه بس انا مش هشتغل منه

نعمل ايه بقى ... و طالما ان الكتاب مش عاجبهم

بيدفعونا مصاريف الكتب ليه تصدقى و تامنى بالله

انا عندى كتب بتاعة الترمات اللى فاتت جديدة و لا اتفتحت حتى

و حسبى الله و نعم الوكيل

بصي يا أم مرام، الكتاب حيوضح لك حاجات بتتقال في المحاضرات بطريقة عابرة وممكن تعدي على الواحد، الشرح أكتر في الكتاب، ممكن ما يجيش منه في الامتحان، معرفش، بس الفكرة في إن الواحد بيفهم أكتر الموضوعات لما يقرا الكتب

om_maram كتب:

اهلا يا داليا منورة صفحتنا المتواضعة

اة يا ريت تخليكى معانا كدة و تدينا ارشادات و نصائح

و ازاى نذاكر كل مادة و نركز على ايه

و الحاجات اللى انتى عارفها بقى هههههههههه

الصفحة منورة بكل الناس الجميلة اللي هنا

اللي أنتوا عايزينه وأقدر أساعد بيه عينيا ليكوا

شوفي يا ستي، من ناحية المذاكرة، أنصح بالآتي:
1. تقروا المحاضرات المكتوبة بتاعة كل مادة الأول كده قراية عامة علشان الواحد يعرف المقرر وياخد عليه
2. تقروا التطبيقات المحلولة والامتحانات علشان برضه تاخدوا على شكل الامتحان وشكل الأسئلة وتعرفوا إيه المواضيع اللي بيتركز عليها
3. لازم، بجد لازم، على الأقل تقروا عناوين الفصول اللي في الكتاب، ماعدا طبعاً الترجمة لأنها بتبقى طويلة قوي، بس الحاجات التانية أنصح فعلاً تقروا الكتب
4. ده المفروض على فكرة يعني ما يخدش شهر الكلام ده لكل المواد، بعد كده بقى نمزمز ونأزأز المحاضرات التليفزيونية مع المكتوبة، ونكتب ورا الدكتور الملاحظات بتاعتنا

بالشفا وبالتوفيق

داليا منورة الترم الرابع

واه عايز منك مساعدة
عايزك تدخلي المنتدي كل يوم في وقت معين لو تقدري

اعتبريها وظيفة

المرتب بتاعها شوية بكش حلوين من بتوعي علي دعوتين حلوين مني
وطبعا دعوات من الاعضاء الي هايستفيدوا من خبراتك

قلتي ايه اتكل علي الله وانفذ الي عايز اعمله ولا لا


[/center][/quote]

أنت تأمر بس يا فندم...ممكن تلاقيني هنا كل يوم الساعة مثلاً 4 بعد الضهر، حلو كده؟ والمرتب بصراحة هو اللي أغراني ههههههههههههههههههههه
أنا تحت أمرك وتحت أمر كل الزملاء في اي حاجة أقدر أعملها إن شاء الله

منور يا أحمد!!! كل سنة وأنتم جميعاً بخير وبالتوفيق يارب...أي مساعدة أنا تحت أمركم جميعاً.

ما تختفيش يا أحمد

حمدي، تصدق إنك ممكن يكون عندك حق، يبقى هي دي الفولة يعني؟ يمكن برضه، منكم نستفيد دايماً وربنا يريح قلبك زي ما بتريح قلوبنا كلنا...

أولاً أنا عايزة أشكرك على اهتمامك وعلى كل الموضوعات الجميلة اللي أنت بتضيفها في المنتدى. لو بصيت حتلاقي مكتوب جنب كل مواطن النسبة التراكمية، يعني هي النسبة اللي بتحدد تقديرك كام...ناس كتير جايبة فوق 85% ومش واخدين امتياز على فكرة، فواضح إن الجدول ده اتعدل وإحنا مش عارفين. وأعتقد إن مرتبة الشرف دي حتلاقي ليها شروط تانية غير بس النسبة التراكمية، هي دي اللي أنا كنت بسأل عليها. عموماً، ما تتعبش نفسك أكتر من كده. ربنا يكرمك وأنا حقيقي سعيدة إن في ناس زيك في الدنيا أصلاً. ربنا يبارك لك يا رب

لا يا عمرو، لو بصيت على لوحة الشرف بتاعة الجامعة، ماحدش جايب 100% ومافيش يمكن غير واحد بس اللي جايب امتياز على فكرة. كل الناس جايبة جيد جيداً وكله أقل من 90%، علشان كده أنا بسأل لو حد عنده فكرة إيه هي اللائحة بتقول إيه بالظبط

السلام عليكم ورحمة الله وبركاته،

حد عنده فكرة إيه اللائحة بتقول إيه عندنا في المركز بالنسبة لمرتبة الشرف؟ أصل أنا شايفة إن في كل الكليات (ما عدا آداب إنجليزي) الأول والتاني وفي بعض الكليات التالت كمان والرابع واخدين التقدير مع مرتبة الشرف. حد عنده فكرة إيه الشروط أو أي حاجة عن الموضوع ده؟

كل عام والجميع بألف خير وصحة وسعادة يا رب العالمين، أعاده علينا بالخير واليمن والبركات

جزاك الله كل خير يا حمدي، دايماً بتساعد الناس وتحاول تريح قلبهم...ما الشهادة حلوة وزي الفل أهيه، ومسألة "بنظام التعليم المفتوح" أنا مش شايفة إنها إهانة ولا حاجة...متهيألي برضه لو بناخد شهادة من جامعة أجنبية على الأنتنرت، لازم حيكتبوا إنها On-line learning أو Distance Learning على حسب يعني. وما أعتقدش إن ده بيقلل من قيمة الشهادة، والله أعلم.

HAMDY كتب:

معلش بقي ياداليا ... اقتراحي احسن وعملي

انا خبرة في التعامل مع الامتحانات .. اساسا كنت بذاكر الامتحانات فقط

شوفي يا مي ... انت ادمجي الاجابتين زي ماقولتك واول ما تلمحي اي سؤال منهم

تقومي علي طول لطعه له الاجابه الكاملة في الورقه

وهو هيبقي عنده كل حاجه.. الفترة الزمنية او التاريخية ومعاها السمات والادباء

وهو يختار بقي براحته

بتكلم جد والله ... دي الطريقة المضمونه .. وخديها من واحد كان محترف مذاكرة في اسبوع الامتحانات

والحمد لله كنت فايت في التعليم المفتوح زي السكينه في الحلاوة

بجد فطستني من الضحك وأنا كنت محتاجة أضحك في الأيام اللطيف اللي إحنا عاشينيها دي قبل

الامتحانات...حسستتني إننا اتنين مندوبين مبيعات وبنلزق للبنية أمشاط وفلايات مثلاً

طبعاً نظراً لضيق الوقت، فأنا معاك إن طريقتك أسهل وأأمن

مي، على فكرة، لما بصيت على الكتاب بتاع 411، الوحدة التانية والوحدة الرابعة، هما اللي بيتكلموا على الموضوعين. أعتقد واحد بيتكلم عن الموضوع من وجهة النظر التاريخية، يعني كل مرحلة جت امتى وإيه الأسباب اللي وراها وكده. والتاني بيتكلم عن الموضوع من وجهة نظر خصائص أو العلامات اللي بتميز كل مرحلة، يعني مين أشهر كتابها وإيه ملامح كتابة المقال في كل مرحلة وأمثلة عن الكتاب وطريقة كتابتهم

يارب أكون أفدتك ولو بمعلومة صغيرة...

maye shammout كتب:

جزاكي الله كل خير يا داليا على مجهودك بس ده موجود عندي فعلا في التطبيقات لكن لو قريتي كويس هتلاقي انوه جاوب ع السؤال الاول بالتفصيل اما في التاني ف كتب النقاط لنفس الاجابة بس سيبلنا احنا نكمل التفاصيل مش اكتر هل ده معناه انهم نفس الاجابة ولا هنضيف تفاصيل تانية ؟؟

ده قصدي ف لو فهماني انا في انتظار ردك،،،

لا شكر على واجب

فاهمة قصدك والمشكلة بس إني مش فاكرة بالظبط الدكتور كان قال إيه على الفرق بينهم، بس زي ما حمدي بيقول برضه، الإجابة قريبة جداً في الاتنين، فلو دمجتي الإجابتين على إنك تحطيلك كام حاجة من عندك، يبقى ما تقلقيش

وإن شاء الله خير يا رب

دي الإجابات عن السؤالين من التطبيقات بتاعة الدكتور التيرم اللي فات:

اعرض لأهم الأطوار والمراحل التي مرت بها المقالة العربية.
مرت المقالة العربية بعدة أطوار ، والتي تحددت في أربعة ، هي :
1- طور المدرسة الصحفية الأولي ، على نحو ما يمثلها كُتَّاب الصحف الرسمية التي أصدرتها الدولة أو ساعدت في إصدارها . وهو طور يبدأ من معرفة العرب بالصحافة حتى الثورة العرابية ، ومن أهم أعلام هذه المدرسة رفاعة الطهطاوى. وقد غلب الطابع السياسي على هذه المرحلة . أما من ناحية الأسلوب فقد اعتمدت على الأسلوب الأدبي الكلاسيكي ( التراثي ) القائم على السجع والزخارف اللفظية والمحسنات البديعية .
2- الطور الثاني المرتبط بنشأة الحزب الوطني ، القائم على دعوة جمال الدين الأفغاني ( واحد من أهم مفكري العصر الحديث ) . وأهم أعلامه عبد الله النديم ، إبراهيم المويلحي . وقد تمثلت أهم صحف هذا الطور في صحف " الأهرام " ، "الفلاح" ، " الحقوق " . وقد بدأ الأسلوب الفني في هذه المرحلة يتحرر تدريجياً من الأسلوب الأدبي التقليدي .
3- الطور الثالث ، ارتبط بفترة الاحتلال الإنجليزي ، خاصة مع بداية ظهور النزعات والميول الحزبية . وقد تمثلت أهم صحف هذه الفترة في صحف : " المؤيد " ، " اللواء " ، " الجريدة " . ومن أهم أعلام هذه المرحلة الشيخ على يوسف ، مصطفى كامل ، محمد رشيد رضا ، خليل مطران ، أحمد لطفي السيد ، أمين الحداد ..... . وقد تطور الأسلوب الأدبي في هذه المرحلة كثيراً ، وتخلص تماماً من القيود اللغوية الشكلية التقليدية .
4- الطور الرابع ، ما يسمى بالمدرسة الحديثة . وقد بدأ هذا الطور مع بداية الحرب العالمية الأولى ( 1914 – 1918 ) وقد ارتبط هذا الطور بظهور عدد من الصحف والمجلات المهمة ، مثل : " الاستقلال " ، " النهضة المصرية " ، " السياسة " ، " البلاغ " ، " كوكب الشرق " ، " الأخبار " ، " الأسبوع " ، : المصري " ، " صوت الأمة " ، " الدستور " ، " أخبار اليوم " .
ومن أهم أعلام هذه المرحلة محمد حسين هيكل ، طه حسين ، إبراهيم عبد القادر المازني ، محمد تيمور . وقد ركز هذا الطور على الدقة العملية والجانب الثقافي .

تاريخ فن المقالة:
تعرضنا فيها لتاريخ فن المقالة ، بدءا من التراث الإغريقي، ومرورا باللاتيني ثم العربي. وتوقفنا عند أهم المدارس والأطوار التي مر بها فن المقالة في عالمنا العربي، التي تمثلت فيما يلي:
1- المدرسة الصحفية الأولى
2- مرحلة الإصلاح التي ارتبطت بنشأة الحزب الوطني، وبدعوة جمال الدين الأفغاني
3- طور ارتبط بفترة الاحتلال الانجليزي، وبروز النزعات الحزبية
4- طور المدرسة الحديثة
** ** **
تحدث عن أهم التطورات التي لحقت بأسلوب المقالة على مختلف مراحلها.
التصور المقترح للإجابة، مع ترك التفاصيل للطلاب:
فلقد مرت المقالة العربية بعد مراحل ، طُبعت فيها بعدة خصائص تميزها عن بقية المراحل الأخرى. ومن أهم هذه المراحل، ما يلي:
أولا: مرحلة النشأة أو المحاولات الأولى:
تلك التي تمثلت في كتابات رفاعة الطهطاوي ومعاصريه وتلامذته.
ثانيا:مرحلة الدعوة إلى الإصلاح:
التي بدأت بدعوة جمال الدين الأفغاني، وقد مثلتها كتابات سليم النقاش وسعيد البستاني وعبدالله النديم وإبراهيم المويلحي ومحمد عبده.
ثالثا: مرحلة طلائع المدرسة الحديثة:
التي ارتبطت بالدافع الوطني، متأثرة بأفكار الحزب الوطني، وقد تمثلت تلك الأفكار في كتابات الشيخ علي يوسف ومصطفى كامل وأحمد لطفي السيد.
رابعا: مرحلة المدرسة الحديثة:
تلك التي تزامنت كتاباتها مع ثورة عام 1919، ومن أهم أعلامها : طه حسين ، محمد حسين هيكل ، إبراهيم عبد القادر المازني، عباس محمود العقاد، عبد العزيز البشري، يحيى حقي.
** ** **
السؤالين شبه بعض جداً فعلاً، بس في الكتاب على ما أتذكر، حتلاقي إن في حاجات مختلفة

السلام عليكم

زملائي الأعزاء، مافيش حد تاني في المنتدى حضر المحاضرة يوم الجمعة اللي فات غيري؟؟ اللي مش في مصر وماحضروش عندهم حق يقلقوا وياريت أي حد تاني يكون حضر يأكد كلامي لو سمحتوا...وشكراً

على فكرة، مع إننا ترم تامن والمفروض إن عددنا لا بأس به، إنما في رأيي إحنا أقل مجموعة بتتفاعل وبتساعد بعض وماحدش بيرد خالص تقريباً

بالتوفيق للجميع إن شاء الله

leaderboss كتب:

ارجوكى يا اخت داليا هل انتى متأكده لان لى زميل من القاهره قال لى انها مقرره و انا حتى الان لم اذاكر شىء من الاصل لظروف العمل

زميلي العزيز، ده اللي الدكتور قاله بنفسه في المحاضرة، إنه لضيق الوقت "حعفيكوا" من المسرحية والطلبة سقفوا له وشكروه...حضرتك زميلك اللي في القاهرة ده حضر ولا سمع من حد؟ عموماً يا جماعة، اللي قلقان ممكن يبعت رسالة للبريد التعليمي ويتأكد برضه

[quote="sun_shine"] ثانية ثانوووووي ؟؟؟؟



ألف مبروك يا نور وعقبال ما نبارك لك ونقول لك يا دكتورة نور ونشوفك كده في أحسن مراكز دايماً إن شاء الله

ألف ألف مبروك للزميلة الشيماء وحمد الله على سلامتها هي وملك هانم وربنا يبارك لها فيها ويحفظها ويفرحهها بيها يا رب العالمين، آمين

وعقبال القارئين والحاضرين والسامعين

لا شكر على واجب يا جماعة، دي أمانة وأنا عارفة إزاي لما الواحد تبقى ظروفه ما تسمحلوش يحضر وماحدش يساعده. ربنا يقدرنا جميعاً ونساعد بعض

بالتوفيق والنجاح للجميع

السلام عليكم ورحمة الله وبركاته
أحب بس أقولكوا إن الدكتور سيد البحراوي لغى امبارح مسرحية باب الفتوح من المنهج، يعني مش حتيجي في الامتحان إن شاء الله.

اللهم بلغت، اللهم فاشهد

بالتوفيق للجميع