واحد وخلاص

طالما الواحد خد بالاسباب وعمل اللى عليه .. ( حتى لو مش واثق انه مجاوب صح ) . يتوكل على الله وما يتوترش .. ربنا مبيضيعش تعب حد وحتى لو مذاكرش ومعملش اللى عليه اساسا .. بردو ما يتوترش .. على راى المثل ( سخطوك يا قرد هيسخطوك ايه يعنى ) .. خير باذن الله ..محدش يقلق ع الفاضى

الاجابة على سؤالك فى الفرق بين الاتنين بيوضحها الفيديو دا .. ان شا الله يكون الفرق وضح دلوقتى ..

يا طير يا عالى فى السما طز فيكـ .. متفتكرش ربنا مصطفيك .. بردو بتاكل دود وللطين تعود تمص فيه يا حلو ويمـص فيك ( رباعيات صلاح جاهين )

النفس كالطفل ان تهمله شب على حب الرضاع وان تفطمه ينفــطم

توظيف رائع جدا للكلمة فعلا .

مش عارف يا سمية بس انا شفته صدفة فى موسوعة معارف القرن العشرين , كان تذييل لمعلومات مكتوبة عن الاسد , وايا كان فهو فعلا بيعبر عن عزة نفس العربى القديم اللى قليل لو شوفناها بالجمال دا فى العصر ( المنيل ) اللى احنا عايشين فيه دا

موضوع شيق جدا ومن اجمل ابيات الشعر اللى قريتها اترك حبها من غير بغض وذاك لكثرة الشركاء فيه اذا وقع الذباب على طعام رفعت يدى ونفسى تشتهيه وتجتنب الاسود ورود ماء اذا ما الكلاب ولغن فيه

ياريت متقلقش لان الحكاية اكيد باذن الله مش سايبة كدا .. واى منتدى فى العالم حتى لو مجانى بيبقى ليه نسخة احتياطية .. فما بالك المواقع الحكومية ؟؟ وبالمناسبة انا اشك ان الهاكر دا سعودى ..يمكن حد من بلد تانية وعملها ولزقها فى السعودية بجملة الاحداث الحالية اللى بتحاول تفرق بين افراد الشعب الواحد وحتى بين الشعوب العربية وبعضها ..

السلام عليكم انا اولا عايزاشكر بجد كل الاعضاء اللى هنا واللى كانو مهتمين بالرد على مشاركة وكل استفسار بكل نبل وكرم ثانيا انا بعتذر يا جماعة ليكم كلكم اذا كنت بكتفى بالمتابعة المرات القليلة اللى كنت بدخل فيها بسبب ظروف شغلى .. وبسبب كمان انى كمان مكنتش بذاكر اوى فمكنش عندى حصيلة كويسة تؤهلنى انى اقدر اساعد حد بشكل كويس شكرا ليكم كلكم واتمنى تتقبلو اعتذارى واعتزازى بالفترة اللى تابعت فيها مشاركاتكم وباذن الله لو قدرت اكون متواجد معاكم فى موضوع التواصل على السكاى بى يكون خير

جالنا قطعتين اول قطعة nuclear weapons ثانى قطعة عن احمد زويل ودى اللى قالو عليها unseen وبالنسبة للترجمة الى الانجليزية شوية جمل خفيفة ومصطلحاتها سهلة متقلقيش

الحمد لله الف حمد والف شكر ليك يارب .. الامتحان جه فى مستوى غير اللى انا كنت عامل حسابه خالص الحمد لله امتحان سهل وفى مستوى الطالب اللى مفتحش الكتاب زى حالاتى .. هو بس اول قطعة يمكن فيها تركيبتين كدا شطحو من الواحد شوية لكن الباقى الحمد لله سهل على فكرة بقى التطبيقات التلفزيونية دى من اول مادة لحد اخر مادة هنمتحنها هيجى منها جزء كبير من الامتحان عموما الحمد لله بعبع التيرم عدا على خير ومنزلناش الارض ولا قولنا انا بضيع يا وديع

لو الترجمة جت بالمستوى دا يبقى كويس ..

انا لله وانا اليه راجعون .. جاتلك الترجمة يا منفض للكتاب من اول السنة المشكلة ان الواحد فعلا عنده حصيلة كويسة وبيعرف يركب الجملة كويس بس الكلمات زى النمل اللى اتلم على حتة سكر ومخلاش فيها فتفوتة كل اللى مفتحش الكتاب الا امبارح زيى كدا ربنا يتولاه برحمته ادعولنا ياللى فتحتو الكتاب والبقاء لله

انا الحمد لله المادة الثقافية اقدر باذن الله اضمنها .. بس الترجمة دى شكلها هتبقى عاملة زى الدبة اللى قتلت صاحبها بالنسبالى .. طب ياجماعة انا شايف ان نظام الامتحان السنة دى غير كل السنين اللى فاتت بالنسبة لشكل الاسئلة فى المواد اللى امتحناها اقدر اعرف نظام امتحان الترجمة هيبقى عبارة عن ايه السنة دى ؟ ولا هو هو اللى فى الامتحانات القديمة ؟؟

والله يا فادى انا مكدبش عليك مفتحتش الكتاب بتاع الترجمة دا الا مرتين بالعدد .. بالنسبة لللكلمات انا عندى حصيلة كويسة كسماع انما ككتابة اشك انى اقدر اكتبها سبلينج صح .. طيب ممكن اعرف الدكتورة قالت ايه بخصوص امتحان الترجمة وهييجى ازاى وارشادتها ايه وكده ؟