Hussein1974

الف مبروك ياجلال على التخرج وان شاء الله موفق دايما.

الفكرة ان ايام التحميل لكلية التجارة السبت والاحد والاثنين وباقي الكليات باقي الايام عشان كده طلاب اي كلية غير كلية التجارة يفتحوا صفحاتهم في الايام التلاتة دي مش بتفتح معاهم اي حاجة.

الحمد لله يا مريم استلمتها يوم الخميس اللي فات عقبالكم كلكم.

أعلن أحد متخرجي كلية الآداب أنه تسلم اليوم شهادة التخرج،أرق التهاني لكل المتخرجين،وإلى مزيد من النجاح والتوفيق.

كان معكم مراسلنا man_reda من موقع الاحداث.

انا ياجماعة شايف انكم بتحلموا احلام وردية ومتخيلين المعنيين بالامر هايفضلوا يفكروا في تفادي التاجيل عشان مصالح الطلاب.اذا كانوا الترم اللي فات الامتحانات اتاجلت وبدل ما يشتغلوا باجتهاد شوية عشان يطلعوا النتايج في وقت اقل خدوا وقت اطول وطلعوا عين الطلاب لحد ماطلعوا النتايج وطلاب حقوق لسة نتايجهم ظاهرة من قريب.

تعالى ياحواس اسكن عندنا وخصوصا ان الطقس عندي في الشقة راااااائع(حار مولع صيفا ساقع متلج شتاءً). 

مبروك للمنتدى وجودك ياحواس كمشرف عام وفعلا ده مكانك المناسب من زمان.

بالنسبة للتسجيل بتروحي الأول تدفعي 50 جنيه للمقابلة وبيحددولك يوم للتحريري ولو نجحتي بيحددولك يوم للشفوي بعده تقريبا بيومين ولو نجحتي بتقدمي اوراقك في أي يوم في فترة التسجيل وفي نفس اليوم اللي بتسجلي فيه بتاخدي الكتب وممكن بعد كده متروحيش غير في الامتحانات.ولا شكر على واجب احنا تحت أمرك في أي سؤال وربنا يخليلك التوأم وتشوفيهم دكاترة يارب.

عليكم السلام ورحمة الله وبركاته.
أهلا بيكي أستاذة رانيا في المنتدى،وبالنسبة لأسئلتك أولا الدراسة في التعليم المفتوح فصلين دراسيين واحد يسمى دور مارس امتحاناته في يونية أو يوليو والتسجيل فيه بيبدأ في مارس تقريبًا لحد مايو والتاني يسمى دور سبتمبر امتحاناته في يناير والتسجيل فيه بدأ الفصل ده أواخر أغسطس ومستمر لحد الخميس 12/5. 

بالنسبة للحضور طبعًا يفيدك لكن لو متقدريش سهل تكتفي بالمواد العلمية اللي بتنزلك على صفحتك الشخصية بعد التسجيل وهي بتكون محاضرات وتطبيقات تليفزيونية وكذلك مكتوبة وامتحانات مكتوبة للتدريب وكمان في ناس بتحضر بتحاول بالقدر المستطاع تنزل اللي خدوه هنا.

وبالنسبة للمواد الدراسية بتكون عبارة عن 40 مادة مقسمين على 4 مستويات كل مستوى فصلين دراسيين كل فصل 5 مواد يعني الخلاصة انهم 8 فصول كل فصل 5 مواد وفي ميزة اسمها الترم البيني ممكن يسمحلك انك تقسمي ال 5 مواد على ترم أساسي وترم بيني للتخفيف عليكي.أتمنالك التوفيق.

الله يبارك فيكم جميعًا.

بصراحة مش عارف أقولكم ايه.ألف شكر ياجماعة على الاحتفال الرائع ده وعلى الدعوات الجميلة دي ويارب كل اللي نفسه في حاجة ربنا يحققهاله ويفرحكم كلكم بالذرية الصالحة.وألف شكر ياحواس وعقبال مانهنيك بميلاد أحفادك وأنت في أحسن صحة وأحسن حال.

Moon.lilcandy كتب:

Hey Guys, How are you doing ? and how is studying with you ?
I'm so Lost and I wasn't able to attend the last lectures at University But I hope I can come this Friday
So Please, Could you tell me about anyways I can use in order to study , specially at Arabic Grammar 
I don't Understand Anything on it
And If anyone Could tell me about what did you take at the last lectures , I'll be so grateful
Thank You Mates

بالنسبة لقواعد اللغة العربية تعتبر أكثر المواد إمتاعًا للي يحبها.واللي يقدر يتعامل معاها ويفهمها يقدر يتعامل مع قواعد أي لغة بل يقدر يتعامل مع أي علم لان قواعد اللغة العربية أكثر العلوم احتياجًا للفهم والموهبة والتذوق والإحساس.عشان كده بقولك ركزي عليها أوي وسيبك من موضوع الامتحان والمقرر وحاولي تبدئي دراستك بكلية الآداب بفهمك لقواعد لغتك الأم اللي من خلالها هتقدري تفهمي قواعد اللغة الإنجليزية.أنا شخصيًا مقدرش أتخيل حد قوي في قواعد اللغة الإنجليزية وهو أصلا ضعيف في فهم قواعد لغته الأم إلا إذا كان بيتبع في دراسته الحفظ والتلقين مش الفهم والتذوق وطبعًا هنا ممكن نلاقي الشخص ده عنده كم مش كيف بمعنى انه ممكن يجاوب عشرين سؤال محتاجين مجرد حفظه للمعلومة ويقف عند سؤال محتاج منه فهم وموهبة وتذوق وميعرفش يجاوبه ونلاقي شخص تاني ربما كم مايحفظه أقل بكتير ولكنه يقدر يجاوب السؤال ده بسهولة.وطبعًا ده يطبق على قواعد كل اللغات وعلى رأسها اللغة العربية.فنصيحتي ليكي ابدئي بفهمك لقواعد اللغة العربية وصدقيني البداية دي هتسهل عليكي حاجات كتير في المستقبل.

shahnda كتب:

هههههه اكيد اول مرتب للمنتدى،
شكرا جدا على الموضوع ده وعلى اعلان الوظيفة بجد انا نفسي ابدأ اني اتدرب بس حاليا الظروف في مصر صعبة
خاصة ليا في السفر للقاهرة لاني عايشة في المنوفية بس بإذن الله بعد سنة كده هبدأ افكر خاصة تكون الظروف السياسية والامنية افضل
سلامي ليك شكرا جزيلا ،

نصيحة ياشاهندة حاولي تركزي في الأخطاء الإملائية لأنها أكيد هتفرق في عملك في المستقبل كإعلامية بإذن الله.ربنا يوفقك.

المحاضرات في المبنى التعليمي 2 جنب الملاعب(المبنى اللي فيه المكتبة اللي بيسلموا فيها الكتب).لما تدخلي من بوابة مركز التعليم المفتوح الرئيسية تمشي على طول تلاقيه على شمالك.

لا شكر على واجب وان شاء الله ربنا يوفقك.

الف مبروك ياشاهندة وعقبال التخرج.

أسهل مادتين الأولى والرابعة(تدريبات في الاستماع والتدريب الشفوي ونصوص ومصطلحات علمية).

هما قالوا في المركز لحد اخر 11 وغالبا بيمدوه حوالي اسبوعين تاني.

hadie elashrey كتب:

Hussein1974 كتب:

hadie elashrey كتب:

ضرووووووري جدااااااااا....
انا ضميت ترم اول وتانى على بعض وانا خارج مصر والكتب لسه فى طريقها ليا 
ففتحت صفحتى علىموقع الجامعه لقيت ال10 مواد بس منهم  ..
ماده الصوتيات مكتوب فى ورق المحاضرات ترم 4
وماده نصوص من الادب العربى ترم 8
علم اللغه والتراكيب والدلاله ترم 6
وانا اصلا ترم اول وتانى مش عارفه بقى كده فى ايه هما منزلين لى حاجات غلط ولا ايه 
حد يقولى

الله يعينك ياهدى على ال 10 مواد وان شاء الله موفقة.بالنسبة للمواد واختلاف الترمات هي اكيد مش غلط ولا حاجة لسببين اولا ان في مواد ليها متطلب بمعنى انك لازم تنجحي في مادة من الترم عشان تاخدي اختها من الترم اللي بعده والسبب التاني ان في مواد بتتعارض مع مواد في ايام الامتحانات عشان كده الموظف بيضطر يديكي مواد من ترمات اعلى.

متشكره جدااااا اشتاذ حسين لذوقك ...ياريت تفيدينى ازاى اوفق بين المواد دى فى المذاكره واذاكر منين من الكتب ولا المحاضرات المكتوبه اللى على صفحتى ولا منين بالظبط 

ياعزيزتي لا شكر على واجب وبالنسبة للمذاكرة أكيد الأفضل ليكي تلتزمي بالمحاضرات التليفزيونية والمكتوبة والتطبيقات اللي على صفحتك لانك معاكي مواد كتير.

hadie elashrey كتب:

ضرووووووري جدااااااااا....
انا ضميت ترم اول وتانى على بعض وانا خارج مصر والكتب لسه فى طريقها ليا 
ففتحت صفحتى علىموقع الجامعه لقيت ال10 مواد بس منهم  ..
ماده الصوتيات مكتوب فى ورق المحاضرات ترم 4
وماده نصوص من الادب العربى ترم 8
علم اللغه والتراكيب والدلاله ترم 6
وانا اصلا ترم اول وتانى مش عارفه بقى كده فى ايه هما منزلين لى حاجات غلط ولا ايه 
حد يقولى

الله يعينك ياهدى على ال 10 مواد وان شاء الله موفقة.بالنسبة للمواد واختلاف الترمات هي اكيد مش غلط ولا حاجة لسببين اولا ان في مواد ليها متطلب بمعنى انك لازم تنجحي في مادة من الترم عشان تاخدي اختها من الترم اللي بعده والسبب التاني ان في مواد بتتعارض مع مواد في ايام الامتحانات عشان كده الموظف بيضطر يديكي مواد من ترمات اعلى.

مبروك التسجيل ياجلال وإن شاء الله نباركلك قريب على التخرج.

مليون مبروك يا أخي العزيز وربنا يوفقك في كل خطوة في مستقبلك وتحقق كل اللي تتمناه.

تفاعل رائع وإن شاء الله يكون في تعاون مثمر بينكم وتلاقوا في المنتدى اللي يسهل ليكم الطريق للنجاح والتفوق بإذن الله.

عمرو الدبيكي كتب:

حسين عملت اية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

اديني مستني ياعمرو.ألف مبروك ليك وعقبال التخرج.