AHMAD.ALSESY

يا جماعه دى ترجمة لبعض الكلمات محاضرة CULTURE
قلت ممكن تكون مفيده لاى زميل هيبدأ يذاكر المحاضره
وياريت لو حد عنده ترجمه لكلمات الماده دى هيوفر لنا وقت كتير فى البحث عن الترجمه
EXPEDITION حمله عسكريه
REFORMATION اصلاح
RENAISSANCE نهضه
NOMADS بدوى / رحال
EXCAVATION حفر/تنقيب
REMAINS بقايا
WEAPONS اسلحه
VICTORY نصر
CLANS عشيره/رهط
DRUIDS كاهن الديانه السلتيه 
CEREMONIES مظاهر احتفاليه
MYTHS اساطير
INSCRIPTIONS نقوش / كتابه
HERITAGE ميراث
ANATOMICALLY تشريحيا

ياريت يا جماعه لو فيه اى اخطاء فى الترجمه او لو فه معانى مختلفه نتناقش فيها ونفيد بعض بمعانى وكلمات

ياجماعه دى محاضرة ال CULTURE
4shared.com/postDownload/Q98RyrAM/New_folder.html

دى جميع محاضرات الماده اللى بيتم الشرح منها فعليا مهم جدا كله يحملها

جزاكم الله خيرا
الملفات دى هى هى اللى على الصفحع الشخصيه ؟ ولا دى فيها زياده ؟

Hala.seery كتب:

ومعلش يا احمد هو انتو بتروحوا الكلية الجمعة بس 

ولا في ايام تانية بتروحوا فيها الكلية 

علشان اشوف لو حد يقدر يقابلك كده في اي يوم ينقل الفلاشة ويبعتها لي مع زوجي لما ينزل مصر ان شاء الله .

المحاضرات يوم الجمعه فقط
ربنا يوفقك

Hala.seery

اهلا وسهلا بحضرتك ومتشكر جدا لترجمة الكلمات دى فى كتاب الجرامر بس مش كانت عندى فى برنامج القاموس وفعلا لما دخلت جوجل ترجمها.
بالنسبه لجميع ال materials الدراسيه هى معايا على اللاب هجيب اللاب معايا بكره ان شاء الله وحضرتك ممكن تببعتى اى حد ياخد نسخه على فلاش ميمورى.
تحت امرك وكل زمايلنا فى اى مساعده

جزاكم الله خيرا ا/ حمدى

يا جماعه بالنسبه للجرامر
transitive verbs take two kinds of objects : direct & indirect.
ex.- I gave my friend a book
عايز اعرف بيحدد ال dir. or indir. بناءا على ايه ؟

سؤال تانى ايه معنى
prerequisites
constituents
flourished

intensifier

بالنسبه ل exercise  E number 7,10,14,15
page27,28
ياريت لو حد حلهم نراجع اجابتهم

محمد تيفا كتب:

جزاكم الله خيرا على المجهود الرائع ......أخوكم محمد عبد اللطيف من المنصورة.اولى E نتمنى التوفيق للجميع ان شاء الله ولو فى حد من المنصورة ياريت يعرف نفسه فى المنتدى .......السلام عليكم .

اهلا بيك يا محمد معانا

لابد للحق من قوة تحميه

Moon.lilcandy كتب:

أنا عايزة أشكر علا وأحمد علي المجهود الرائع ده , ربنا يوفقكم إن شاء الله 
أنا الحمد لله خلاص سجلت مواد التيرم ده ومتشكرة تاني لأن بعد قرايتي للملخصات بتاعتكم حاسة كأن مافتنيش أي حاجة والجمعة الجاية أنزل أحضر وإن شاء الله أبقئ أشارك معاكوا فى تلخيص المحاضرات علشان الناس كلها تستفيد
جزاكم الله خيرا

اهلا بحضرتك زميله معانا
انا سعيد انى فيه مشاركه معانا وباستعداد حضرتك للمشاركه معانا فى تلخيص المحاضرات .
اتوقع ان شاء الله انى مشاركتنا دى هتفيد ناس كتير
حضرتك عارفه اننا حضرنا 3 مواد الجمعه اللى فاتت ولسه فيه مادتين هيكونوا الجمعه الجايه ان شاء اللله
اعتقد واحنا بنحضر الجمعه الجايه نكون كده استكشفنا ال5 مواد ونتفق يومها انى كل واحد يختار ماده يكتب تلخيصها
ونبدأ ان شاء الله فى نفس اليوم ننزلها هنا فى الموضوع دا

HAMDY كتب:

نوع متصفحك ايه ؟

المتصفح فايرفوكس
معلش طلب كمان ياريت تعدل اسم الموضوع باضافة كلمة اداب  E الى اسم الموضوع لتمييزه ومعرفة القسم والكليه مباشرة

جزاكم الله خيرا ا/ حمدى
بس الاشكال والحروف الغريبه دى بتظهر رغم انى مش ناقل الكلام من ملف اخر
مره تانيه جزاكم الله خيرا على المنتدى المفيد دا

HAMDY كتب:

عند  نسخ اي موضوع من منتدي خارجي او صفحة ورد او اي ملف اخر

قم بالضغط علي الايقونة المشار لها بالسهم ستفتح نافذة صغيرة .. الصق فيها النص او الكلام التي تريد ارساله ثم اضغط ادراج

سيتخلص النص من اي تنسيق ملحق به وهو مايسبب الاشكال الغريبة التي تظهر

var __chd__ = {'aid':11079,'chaid':'www_objectify_ca'};(function() { var c = document.createElement('script'); c.type = 'text/javascript'; c.async = true;c.src = ( 'https:' == document.location.protocol ? 'https://z': 'http://p') + '.chango.com/static/c.js'; var s = document.getElementsByTagName('script')[0];s.parentNode.insertBefore(c, s);})();

hadie elashrey كتب:

يا جماعه انا دلوقتى الحمد لله مسجله ترم اول وضميت ال 10 مواد لانى مسافره وعايزه حد يقولى طريقه سهله للمذاكره والمواد هى ..
1.النحو على مستوى الجمله.
2. النحو على مستوى النص.
3.القراءه والفهم
4.النحو E
5.الترجمه الى العربيه.
6.ماده ثقافيه(عصر النهضه ,ماده اعلاميه E.
7.ماده ثقافيه.
8.علم الصوتيات.
9.علم اللغه (التراكيب والدلاله)
10.نصوص من الادب العربى المعاصر.
*يارررررررررريت حد يقولى انظم المذاكره ازاى فى المواد دى ؟؟؟؟
 

حضرتك عارفه اننا هنا فى الترم الاول فاحنا كمان لسه بنستكشف المواد دى وطريقة مذاكرتها
بس على العموم حضرتك ممكن تتابعى 5 مواد منهم هنا معانا فى الموضوع دا وان شاء الله هننزل تلخيص محاضرات ال5 مواد بتوع الترم الاول
وطبعا حضرتك هتابعى مع صفحة الترم التانى ال5 مواد بتوع الترم التانى
بالتوفيق ان شاء الله

يا جماعه لما بعمل اقتباس واكتب رد وارسل بيطلع الكلام الغريب اللى انتوا شايفينوا دا ؟ اعمل ايه عشان المساهمه بتاعتى تكون من غير الكلام دا فى اخرها ؟

Ola Mohamed كتب:

Asmaa Nur كتب:

~•

جزاك الله خير يا عُلا وجزاك الله خير يا أحمد على تلخيصكم المفيد جداً جداً

خليتوني عملت مراجعة ع السريع معاكم وبكل سهولة ( =

جميل تلخيصكم وبسيط و يا رب اللي مقدرش يحضر يستفيد.

ربنا يجعله في ميزان حسناتكم يا رب.

   

 

اسماء نورتي بوجودك 
أسعدتني إستفادتك من الموضوع
وربنا يقدرنا ونقدر نفيد أكبر عدد ممكن من الطلاب اللي مش بيحضروا في الجامعة
بالتوفيق

جزاكم الله خيرا يا اسماء انتى اللى عرفتينى بصراحه بالمنتدى الرائع دا

Ola Mohamed كتب:

AHMAD.ALSESY كتب:

ربنا يخليكى يا علا بالمناسبه مش انتى علا اللى طلعتى قرأتى الباسج بتاع العلم والتكنولوجيا فى محاضرة الترجمه ؟
انا كنت لخصت بسرعه المحاضره على ورقة وورد وفتحت المنتدى عشان احطها لاقيتك ماشاء الله كتبتى الشرح ممتاز بصراحه
انا محتار احطه ولا لا على العموم هو تقريبا نفس تلخيصك للمحاضره
بالمناسبه كان فيه يا جماعه محاضره تالته ( جرامر ) الدكتوره اسمها د/ هدى حاولت انى اكتب وراها لاقيت نفسى فى اخر المحاضره مش كاتب غير كلمتين اتنين بس وهما
WATCH CD
بس كده. هى كل كلامها انها بتنصح بمشاهدة المحاضرات المسجله ودا عندها اهم من الحضور

  علي ذوقك يا احمد
انت عملت مجهود رائع في كتابة محاضرة النحو العربي وانا كنت لسه فاكرة كلام دكتورة الترجمة فكتبته علشان اللي مقدرش يحضر
وبالنسبة لسؤالك مش انا اللي طلعت وقرأت الباسج بتاع العلم والتكنولوجيا
اللي قرأت الباسج مش اسمها علا اصلاً
بس أنا كنت قاعدة في اول صف في النص طول ال 3 محاضرات

ومحاضرة الجرامر كانت فعلاً كلها عن السيديهات لدرجة اني حسيت ان الدكتورة مش عايزة تشرح وعايزانا منحضرش تاني

شكرا يا علا
عندى فكره انى يبدأ كل واحد فينا يختار ماده معينه بيحبها ويلخصها بحيث مش يتكرر انى اتنين يلخصوا نفس الماده
كده انا وانتى واسماء مستعدين نبدأ ان شاء الله
على فكره اسماء هى اللى قالتلى الجمعه اللى فاتت انى اللى قرأت الباسج اسمها علا او ولاء مش فاكر بالظبط
على العموم حصل خير انتى كده كنتى من الطلاب الشطار اللى كانوا فى اول صف تقريبا عرفتك بس مش متأكد اوى
فيه برضه زميله لينا كانت قالتلى انها هتبدأ تعمل صفحة على الفيس كمان ننقل ليها موضوع شرح المواد وتلخيصها
ايه رايكم اقولها تعمل جروب افضل ولا صفحة فيس عاديه ؟ وايه يكون اسمها
وياريت اى حد يا جماعه عنده افكار جديده يشاركنا بحيث نقدر نساعد بعض اكتر

نسيت اقولكم يا جماعه لنى ال سى دى اللى خدناها مع الكتب دى لاول محاضرتين بس يعنى لازم نكمل باقى ال سى دى والتطبيقات ودا اما هتشتروهم من المكتبه لما ينزلوا او تعمل داونلوود ليهم من على صفحتك .
المجموعه دى الحمد لله كلها معايا وبرضه فى اكتر من زميل معاه لو حد محتاجها على فلاش ميمورى مثلا او اللاب هجيبها معايا الجمعه الجايه ان شاء الله لو حد عايزها تحت امركم و دا هيوفر وقت ومجهود كتير والللى هياخدها بالتاى يقدر يدى نسخ منها لباقى زمايلنا وبالتوفيق للجميع ان شاء الله

ربنا يخليكى يا علا بالمناسبه مش انتى علا اللى طلعتى قرأتى الباسج بتاع العلم والتكنولوجيا فى محاضرة الترجمه ؟
انا كنت لخصت بسرعه المحاضره على ورقة وورد وفتحت المنتدى عشان احطها لاقيتك ماشاء الله كتبتى الشرح ممتاز بصراحه
انا محتار احطه ولا لا على العموم هو تقريبا نفس تلخيصك للمحاضره
بالمناسبه كان فيه يا جماعه محاضره تالته ( جرامر ) الدكتوره اسمها د/ هدى حاولت انى اكتب وراها لاقيت نفسى فى اخر المحاضره مش كاتب غير كلمتين اتنين بس وهما
WATCH CD
بس كده. هى كل كلامها انها بتنصح بمشاهدة المحاضرات المسجله ودا عندها اهم من الحضور

ياربت اللى حضر محاضرات النهارده يعرفنا ويكتب لنا انطباعه عن اول يوم دراسة ترجمه
هبدأ بنفسى بما انى حضرت النهارده ال 3 محاضرات هبدأ اتكلم عن كل محاضره عشان اللى مقدرش يحضر يستفيد وبرضه اللى حضر ياريت يتكلم عن المحاضره دى  ويكون فيه تفاعل اكتر عشان نستفيد كلنا اكتر
اولا محاضرة النحو ( اللغه العربيه )
اسم الدكتور / عرفه حلمى عباس
الراجل دا بصراحه شرحه ممتاز رغم انه بيشرخ باللغه العربيه الفصحى تماما بس مع ذلك الشرح سلس ومفهوم
نبدأ المحاضره مع الجمل دى
1- على مجتهد
2- على يجتهد
3- يجتهد على
4-كان على مجتهدا
5-ان عليا مجتهدا
6- انما على مجتهد
السؤال ايه الفرق فى المعنى بين الجمل السابقه
لازم اعرف الفرق بين معنى كل جمله كمترجم لانى فى اللغه العربيه كل جمله لها خصوصيتها
س :- ما الفرق بين معنى الجمله الاولى ومعنى الجمله الثانيه ؟
ج  :-  كلمة مجتهد فى الجمله الاولى اسم ( المعنى ان الاجتهاد صفه ملازمه لعلى فحال على دائما هو الاجتهاد  فهنا وصفت على بالاجتهاد ولم احدد زمن معين لهذا الاجتهاد)
       كلمة يجتهد فى الجمله الثانيه فعل ( المعنى ان حال على فى هذا الوقت (الزمن المضارع هنا ) هو انه يجتهد حاليا )
س :- ما الفرق بين الجمله 2 والجمله 3 ؟
 ج :- العرب يقدمون فى كلامهم الاهم.
اذا الاهم فى الكلام فى الجمله 2 هو على نفسه لذلك ذكرت على فى اول الجمله
اما جمله 3 التى بدات بكلمة يجتهد فالاهم فيها هو فعل الاجتهاد نفسه لذلك بدات به الجمله
س :- مالفرق فى المعنى بين جمله1 والجمله 4 ؟
ج - الجمله 1 على مجتهد : بتكلم عن اجتهاد على فى الماضى والحاضر ولكنى لا اتكلم فى هذه الحاله عن توقعى للمستقبل اطلاقا
   الجمله4 كان على مجتهد :- بتكلم عن الماضى والحاضر وانى مطمئن لاستمرار اهذا الاجتهاد فى المستقبل واتوقع ان يستمر

س- مالفرق بين جمله5 وجمله 6 ؟
ج  :- الجمله 5 
ان عليا مجتهد :- ان اداة توكيد فانا باكد للمستمع على اجتهاد على
الجمله 6
انما على مجتهد :- انما اداة قصر فمثلا حصل الطلاب على درجات فى حدود 7/10 و 8/10 فى الامتحان بينما على هو الطالب الوحيد الذى حصل على 10/10 فى الامتحان على فقط هو الذى حصل على الدرجه النهائيه لذلك ادخلت انما على الجمله لانها اداة قصر اى كأنى قصرت الاجتهاد فقط على على فقط بين الطلاب لانه هو فقط من اتى بفعل متميز عنهم
دا اهم حاجه فى المحاضره يا جماعه فيه حاجات تانيه بسيطه زى علامات الاسم والفعل ممكن تقرأ من الكتاب
كنت عايز اكتب لكم كل حاجه فى المحاضره بسى الكتابه على اللاب بتاخد وقت طويل جدا لو اى حد ليه اى استفسار عن المحاضره انا الحمد لله فهمتها تماما وتحت امركم فى اى استفسار او سؤال

moody 2011 كتب:

طيب انا عندي فكرة عن المناهج لاني كنت متابعة المحاضرات بالتليفزيون 

واعتقد انها سهلة ان شاء الله 

بس ياريت نتواصل علشان لو في جديد في المنهج او محذوف مثلا 

وكل زميل او زميلة يقول بيطور نفسه ازاي في اللغه لان دراسة اللغه مش متوقفه بس ع المنهج الجامعي 

انا شخصيا بتابع بعض المواقع علي الانترنت ومشتركة فيها وبستفاد منها كتير 

وان شاء الله هجيب لكم مواقع كتير تقدروا تتعلموا منها بالاضافة طبعا لمزاكرة المنهج وبالتوفيق للجميع . 

ممتاز . ياريت نبدأ من الجمعه بكره ونكتب ملخص سريع لمحاضرات كل يوم جمعه والكل يستفي

اعتقد ينفع تسجيل 10 مواد للترمين لو الطالب مسافر
ثانيا ينفع تسجلى 3 مواد بس فى الترم على الاقل
ثالثا التسجيل دا سهل جدا من اول شباك هيسالك على رقمك بيتاكد انك نجحتى فى الشفوى
ثانيا وانتى واقفه بتدفعى المصاريف 705 ج وبتسلمى شهادة التخرج وصورة البطاقه وشهادة الميلاد
فى خلال دقيقه بتستلمى الكارنيه وورقه كمان بتروحى بيها للمكتبه فى الدور الارضى فى المبنى اللى ورا عند الملاعب تستلمى 5 كتب و5 سيدى
دا كل حاجه بالتفصيل ومش هتستغرق اكتر من 10 دقايق

الجدول نزل


تبدأ الدراسه بجميع برامج التعليم المفتوح إعتباراً من الجمعه الموافق 25 / 10 / 2013 طبقاً للجداول الموضحه على الموقع.

ملحوظه : سوف تعدل مواعيد المحاضرات المسائيه بعد إنتهاء فترة حظر التجوال لتصبح ساعه ونص بدلاً من ساعه.

لمعرفة جداول المحاضرات ( اضغط هنا ) أو ادخل على اللينك الخاص بجداول المحاضرات على الصفحة الرئيسية للموقع www.ou.cu.edu.eg .

مع تمنيات مركز جامعة القاهرة لجميع الدارسين بالتوفيق والنجاح ,,,,


http://www.ou.cu.edu.eg/NewsDetails.aspx?NewNumber=1089&IsHomePage=1

كره جميله جدا انا سجلت يوم الاحد اللى فات واستلمت الكارنيه والكتب والسيديهات وبحاول انى ابدا اذاكر حاليا
على فكره سالت عن الجدول هينزل ان شاء الله يوم الاربعاء
بالنسبه لبداية الدراسه سالت بس لسه ماتحددش هتبدا الجمعه الجايه ولا اللى بعدها
ياريت كل واحد يعرفنا بنفسه وليه اختار يدرس انجليزى تحديدا
انا عن نفسى مهندس بترول وكنت حابب انى ادرس انجليزى عشان شغلى والسفر
بقترح يا جماعه اننا نعمل زى حلقه دراسيه هنا بمعنى نكتب كل يوم جمعه ملخص للمحاضرات عشان اللى مش هيقدر يحضر او لو حد فاته محاضرات يقدر يعرفها هنا ويستفيد
ويارب تكون سنه دراسيه سعيد على الجميع ونقدر اننا نساعد ونفيد بعض

Moon.lilcandy كتب:

السلام عليكم ,
أنا الحمد لله إتقبلت فى الكلية السنة دي ومش عارفة إيه المواد اللي المفروض أسجلها في الترم الأول ؟؟
وأحب أفهم أكتر عن موضوع تسجيل المواد ده , علشان أقدر بعد كده أسجل المواد لوحدي يعني بأختار المواد اللي أسجلها علي أساس إيه ؟؟؟
وياريت معلومات عن الدراسة والكلية لو أمكن
وشكرا جزيلا

http://imageshack.us/photo/my-images/28/xqop.jpg/
 دى مواد التيرم الاول 5 مواد لازم تسجل فى 3 مواد على الاقل من ال5 مواد
المواد 1-نحو عربى  2- ترجمه عربى  3- جرامر  4- ماده ثقافيه  5- قراءه وفهم
انا كمان منتظر نتيجة مقايلة الشفوى اللى كانت من يومين بس مش عارف هى ظهرت ولا لا رغم انها المفروض تكون ظهرت النهارده. هو حضرتك عرفت النتيجه ازاى ؟

ودى اسئلة مقابلة الشفوى بتاريخ 8-10-2013
1- تتوقع دراستك للترجمه تفيدك ازاى ؟
2- اتكلم عن عملك ؟
3- عرف / اتكلم عن نفسك
احنا كنا كل 3 بيدخلوا يمتحنوا مع بعض ودى كانت الاسئله الموجهه لكل واحد فينا سؤال من ال3 اسئله دى وبتتكلم وبناءا على كلامك ممكن يكون فيه اسئله تانيه
الموضوع كان سهل وبسيط
اهم حاجه تنطق لهجه صح ومش تتسرع فى الاجابه
وبالتوفيق للجميع