sara199

بجد حسيت ان السؤال دا مهم
وشكرا ليكو

فرعونية كتب:

مساء الخير عليكم جميعا
حصل خير وراح اعتذر تانى من العزيزة سارة اسفه والله
لخروجى عن ثياق موضوعك الحيوى

والاخت اعلاميه انا لا اعرفك انا ناقشت كلامك وانتِ قولتى عندنا سؤ فهم فى توصيلك لنا وانا اعتذرتلك
اما عن محتوى ردك الاخير عزيزتى انتِ اكيد مسؤله فـ الكلام لغة المتكلم وهذا حتما يرجعلك
وطبعا لست امتلك جريده فانا مجرد صحفيه تحت التمرين للحين ولكن مترجمه وصدقينى هو حلم حياتى من ايام ماكنت فى كليه الالسن ولذلك دخلت اعلام بعد انتهاء دراستى لكى ادرس بشكل اكاديمى
وادعيلى احقق حلمى انا والجميع يارب نتخرج بسلام ونمتلك قوة وصول الرساله
للجميع بالحق ونكون جميعا اعلامين ومحررين ذات مسؤليه هادفه بمجتماعنا يارب
ونقدر نحقق مفهوم الاعلام كما هو رسالته وكما درسنا بمقدمة الصحافه
ومن خلال هذه الماده اكيد تعلمنا جميعا ان ازاى مدير التحرير بيختار اسس جريدته
فشكرا ليكِ
وزى ما بنقول بمصر المسامح كريم وصافى ياللبن

الاخت شهنده والله مافى حاجه وممكن اكون فعلا استفزيت الاخت اعلاميه بجرئتى بالرد وهى كانت بعيده عنه
بس الى حصل وتعرفى الدم المصرى مابيتحمل كلمه مصر باى خندق
بس ماتزعلو واتمنى نكون اخوات جميعا
وطولت عليكم
بالنسبه الى الامتحان الاول عدى بسلام لكنه كان طويل وحسيت فيه بملل بس كان متوقع
وبصراحه كنت اخدت من هنا مجموعة اسئله وذكرتها والامتحان ماخلى منها
فشكرا لكم يارب
والامتحان التانى كان حلو جدا وبسيط ومريح
حليت اول سؤال اهميه التعليم والسؤال الثانى دور الاخراج والمنتج ......الخ
ويارب الثالث يجى بنفس مستوى الاختبار الثانى
وتحياتى لكم جميعا واسفه لو سببت اى ازعاج ووجعت حد وخاصه الاخت اعلاميه
اسفه كتير لو ازعجتك

ايه اللي شهرين يعني شكلهم كدا حيدونا النتيجه مع الامتحانات الجايه
اه صحيح الاجازه بعد الامتحانات دب كم مدتها؟ ومتى يبدى الترم التاني؟

Soli كتب:

كنت مقرر اول اللجنه حوالى ساعه بدرى, علشان اتعرف على الزملاء..فعلا خرجت من البيت (على ما كنت اظن)حوالى 12 ظهرا , واللجنه لا تبعد عنا إلا حوالى 10 دقايق بتاكسى...ماشى مع احد الاقرباء اللى قرر مصاحبتى لانه بيدرس فى الكليه اللى همتحن فيها و انا مش عارف مكانها من الاساس.
ماشى بكل هدوء وهو بيستعجلنى رغم ان الساعه تقريبا 12.10.!!! لقيته بيقولى بسرعه هتتأخر! وكررها كتير! فقلت له بهدوء محتاجين 5 دقايق مشى واحده واحده و هنوصل للجنه لانى شايف اسم الكليه قدامى بوضوح.
قالى الساعه 1.10 !!! قلت له : أيه؟؟؟؟! احنا لسه 12..قالى لا الساعه داخله على 1.15!!!!
يانهاااااااارى
انا نسيت اغير التوقيت!!! وصلت بالليل من مكان اقامتى بره وفاكر ان التوقيت واحد !!!!
جرينا على المكان وطلعنا كام دور ونسأل عن اللجنه اللى بتمتحن اعلام قالوا لنا فى مبنى تانى!!!!
جرينا على المبنى و اتوصف لنا الدور غلط , فطلعنا و نزلنا و نزلنا وطلعنا !!!
المهم وصلت حوالى واحده وتلت!!!
سالت عن المكان اللى هقعد فيه ما لقيت , فقالوا لى اقعد جنب اللى بيمتحنوا دار العلوم !
المدرج كبير نسبيا وفيه زراعه واعلام وحقوق و دار العلوم..قعدت قصدى وقفت لغاية ماجابوا لى كرسى
وبعد 10 دقايق ورقة الاسئله!!!
الساعه بقت واحده ونص...وانا لسه حتى ما قلت بسم الله
بصيت فى ورقة الاسئله اطمنت شويه لانى كنت بذاكرها فى الطياره وجزء منها لما صحت بدرى يوم الامتحان يعنى لسه فاكر (اصلى انا نساى اوى)
المهم حليت فى جور كويس بالنسبه لى مشدود شويه لبعض الزملاء اللى 5 منهم اتعمل لهم محضر غش!
البكاء والاعتراض والرفض والنقاش مع المراقبين منهم ومن غيرهم
خرجت قبل نهاية الامتحان بتلت ساعه
كان يوم صعب فى بدايته بسبب الشد العصبى لكن نهايته كانت مرضيه
ده اللى كان واللى جاى اتمناه افضل لى وللجميع ان شاء الله