Hana09

وحتي لو ينفع !! صاحب بالين كداب !! نصيحتي ان التركيز في برنامج واحد افضل بكثير من التشتت في كذا برنامج !!

مصر تنحدر نحو منعطف خطير جداً ندفع نحن من ابناء مصر الثمن ونتحمل العواقب الكاملة ، عدد القتلي والضحايا يرتفع يوم عن الاخر !! ارجو ان تدعوا لمصر والمصريين في صلواتكم وقيامكم وقعودكم !! اللهم اضرب الظالمين بالظالمين واخرجنا منهم سالمين اللهم امين !!

اللي برة مصر اعتقد انهم يتصلوا بالوكيل الخاص بهم !! والله المستعان

[b]صباح الخير !! أكيد الكل قلقان وزهقان زي كدة تمام لان العد التنازلي بدأ والامتحان خلاص كلها أيام وساعات معدودة !! انا حبيت ارسل الرساله دي عشان اتشجع واشجعكم شوية في المذاكرة !! وبسأل هو في حد هنا ترم رابع ترجمة انجلش؟! عشان يقولي ماشي ازاي في المذاكرة وخصوصاً مادة الترجمة من وإلي العربية . ربنا يوفق الجميع وبالنجاح ان شاء الله.

k]]كيفكم ياجماعة ؟! علي فكرة انا بعت رسالة للادارة جامعة التعليم المفتوح رداً علي هذة رسالى التنبيهات هذة لانة قعلاً انا اعاني من المراقبين وبعض الطلاب اللي بيفضلوا الغش وياريت لو حد لة تعليق يبعتها للادراة الجامعة عشان الطالب كمان يضمن حقة ولا يكون فريسة للمراقبية او اي طرف اخر . [/b] نص الرسالة كالتالي وبعتها بالفعل (( السلام عليكم ورحمة الله وبركاتة اتقدم بخالص الشكر للسادة الافاضل المشرفين علي سير عملية الامتحانات في التعليم المفتوح علي اكمل وجة. ولكن حضراتكم اشرتم ما علي الطالب ولم تشيروا إلي ما علي المراقبين في الامتحانات ، وساتحدث عن جامعة جنوب الواداي فرع قنا حيث نواجة معاملة رديئة من بعض المراقبين علاوة علي عدم توزيع ورق الامتحان في وقتة حيث يتاخر المراقبين في توزيع الاوراق في مدة تزيد احياناً علي عشر دقائق ويتم سحب ورق الاجابة مننا احياناً قبل ميعادة واذا تحدثت مع المراقب في ان الوقت من حقي ادخل معة في نقاش وجدل يتم فية اضاعة الوقت من دون فائدة. بالنسبة لموضوع الغش يوجد البعض من المراقبين ممن يسمحوا للطلاب بالغش مما ينتج عنة حالة هرج ومرج في اللجنة مما يعرقل البعض من الحل ومنهم من يضيق الخناق علي الطالب لدرجة انة لو وجدوا ورقة ملاقاه تحت الطلاب وهي ليست له يتم عمل مشكلة مع الطالب وطردة من اللجنة وربما تكون الورقة ليست لها علاقة بالمادة او تكون قد تم القائها من الخلف او ماشابة . كل ما ارجوه هو المعاملة الحسنة من المراقبين والحزم فيما هو فية صالح الطالب ومنع الغش او السماح للطلاب بالتعاون مع بعضهم البعض للغش. والسؤال لحضراتكم ماذا افعل مع معاملة المراقب الرديئة ؟، وماذا افعل لو ان المراقب سمح للطلاب بالغش مما يعيق تركيز البعض في الحل ؟ شكراً جزيلاً ))) انتهت الرسالة بالتوفيق للجميع ان شاء الله

السلام عليكم ،، وصلتني هذة الرسالة ونصها ((الرسالة بخصوص:مادة225 معاجم عنوان الرسالة:بدون عنوان نرجو افادتكم بأن هناك محاضرة إضافية يوم السبت 29/1/2012 من الساعة 8 إلى الساعة 9.30 فى مبنى تعليمى 2)) ياجماعة في رسالة اتبعت لي عن محاضرة اضافية كما هو موضح ارجو ممن حضر هذة المحاضرة في الجامعة ان يفيدنا بها لانني لم احضر وذلك لبعد المسافة . وقد ارسلت رسالة نصية للدكتور المادة ولكن دون جدوي ولم يتم الرد علي اذا ما تم اضافة هذة المحاضرة للصفحة الخاصة بالطالب من عدمة في مادة معاجم 225 لكم مني جزيل الشكر،،

ياريت ياجماعة فعلاً لو حد بيحضر من ترم رابع يرفع لنا المحاضرات لان بجد الفيديوهات اللي منزلينها مش اد كدة والشرح اللهم احفظنا وخصوصاً في مادة الترجمة الدكتورة بتقول في الفيديو انها مش بتعرف تكتب عربي !!! هل يعقل هذا ياااخواني ؟!! بجد ربنا معانا لاننا بنبذل مجهود كبير في الاعتماد علي انفسنا !! اتمني لو اللي بيحضروا يقولولنا اي حاجة في مواد تر رابع ترجمة انجلش دُمت في رعاية الله وامنة

شكراً ياماريان علي الرد وارجو ان لو في حد بيحضر ويكتب المحاضرات اللي بتتاخد في الجامعة يضعها علي الصفحة هنا !! لاني انا لا استطيع الذهاب للجامعة وذلك لبعد المسافة من قنا الي القاهرة جزاكم الله خيراً

انا في ترم رابع ياجماعة ونفسي اعرف هو اللي بيتاخد في جامعة القاهرة للتعليم المفتوح يومي السبت والجمعة من محاضرات شبة اللي بترفع علي الموقع ولا مختلفة وهل الدكتور المدرج اسمة علي المحاضرات هو هو اللي بيعطي المادة في الجامعة ؟؟؟ ياريت لو حد بيحضر يكتب اللي بياخدة ويرفعة لينا هنا علي الصفحة ويجزية الله خيراً علي حسن صنيعة

الحمد لله ان الوفاق والتفاهم بدات بوادرة تظهر وربنا يكرمك استاذ هاني ويوفقنا كلنا في طريق الكفاح !! لم نسمع بعد ماهي المطالب من قبلك ممكن نضمنها في صيغة الشكوي التي ان شاء الله سوف نرسلها جميعاً لوزير التعليم العالي ومسئولي التعليم المفتوح !! طبعاً استاذ khaled38 ذكر ان احقية الدرسات العليا لطلاب التعليم المفتوح ومسمي الشهادة من اهم المطالب و اود ان اضيف عليها لماذا لايكون للمتفوقين منا احقية في التعيين كمعييدين في الجامعة مثل التعليم النظامي وطالما ان الكفائة والتفوق هو اللي يحكم اية اللي يمنع ( علي فكرة انا بعت رسالة للمركز بكدة وردوا عليا انة لم يتم تفعيل هذة الخدمة )) ياجماعة لو حد من المتفوقين فينا اتعين معييد اكيد هتتغيير النظرية الاجتماعية الظالمة لينا شوية!! لو حد عندة مطالب تانية ياريت يعرضها ونجمعها ونبعتها ونحاول لعل وعسي نري مجيب لمطالينا وياريت تكون واقعية ومهمة حتي يمكن تحقيقها!!! ياريت الكل يشارك لانة امر يهمنا كلنا !!!

إلي الاخ khaled38 والاخ هاني أحمد ياريت يجماعة تستهدوا بالله احنا محتاجين لكل رائ وفكر بناء ومش محتاجين للمناوشات دي اللي لا تودي ولا تجيب غير وجع الدماغ وضياع الوقت مش لازم نمسك علي كل كلمة لبعض !! اتمني الوفاق يعم علينا وياريتنا نتحد بجد فكر لنا كدة يااستاذ هاني انت والاستاذ khaled38 في الصيغة اللي ممكن نبعتها كلنا لوزير التعليم العالي وجزاكم الله خيراً ان اقدمتم علي ذلك وشكراً

فكرة مبدئية للتغير ================ اية رايكم ياجماعة نتفق علي صيغة رسالة نحدد فيها مطالبنا ومن اهمها تغير مسمي الشهادة لان كلمة تعليم مفتوح لاتلقي استحسان من المجتمع وثانيها موضع الدرسات العليا من ان يكون لنا الحق لاستكمال درساتنا العليا في اي كلية ولا يتم استبعادنا كما حدث في هذة السنة والسنين الماضية الرسالة هتكون عبارة عن شكوي هيبعتها كل واحد علي الايميل بتاعة وياريت لو نقدر نجمع ايملات بعض عشان النسخة اللي تبعتها لوزير التعليم العالي تبعتها كمان لزماليك عشان كلنا نتشجع ونرفع من الروح المعنوية والحماسية ويبقي بعتنا نفس الحاجة بنفس المطالب وفي نفس الوقت !! ممكن نبعتها فاكس او ايميل اللي يقدر يبعت فاكس ممكن يبعت بس هنركز علي الايمل لانة الوسيلة الرخيصة والمضمونة وعشان يشارك في نفس واحد !!! اية رايكم في الفكرة دي وياريت لو في حد عندة مطالب بتسين التعليم المفتوح يقول عشان نكتبها في الشكوي اللي هتتبعت !!! في انتظار ردكم ومشوار الالف ميل دائماً يبداً بخطوة وتعلوا نخطوا مع بعض في جسر من التواصل والمساعدة

مش لازم نيأس !! ونحاول واكيد فية تغير هيحصل ان شاء الله !!!

تعليقات اليوم السابع عن الخبر فيها الكثير من الامل وكما قال الاخ khaled38 ان احنا لازم نركز علي موضوع الدرسات العيا دا اكثر لاننا فعلاً نفسنا نكمل للوصول لدرجة الدكتوراة والمشاركة في اعتصام او تظاهر خاص بالتعليم المفتوح من ناحية تحسينة مش لازم كلنا نروح ونقف لان فعلاً في ناس مش تقدر تاجي لظروف ما ، لكن يمكننا المشاركة بالكلمة والقول ، يعني ممكن رسالة جماعية من طلبة التعليم المفتوح لوزير التعليم العالي او مسئولي التعليم المفتوح او انشاء صفحات علي الفيس وجروبات ومنتديات تنادي بالمطالب في اكثر من طريقة ممكن نساعد بيها لكن لو اتحدنا مع بعض !!! ولو حد عند فكرة ياريت يعرضها واحنا معاهة وان شاء الله ربنا يوفقنا كلنا

صباح الخير ياجماعة والله انا صدمت لما شوفت التعليقات الخاصة بخبر وقفة احتجاجية لطلاب التعليم المفتوح أمام "العالى" اليوم علي جريدة اليوم السابع الالكتروينة وحاسة اننا بنواجه عنصرية كبيرة من بتوع التعليم النظامي وغيرهم واللي لم يخجلوا بوصفنا بالفشلة وان ليس لنا حق في استكمال تعليمنا وان نظام فاشل وعايزني يلغوا هذا النظام . فهل يعقل هذا لكلام ولماذا كل هذا الحقد علينا ، ارجو ان نتكاتف يد واحدة للرد علي هذة التعليقات وابراز اهمية التعليم المفتوح لنا !!! تابعوا الخبر هنا !! http://www.youm7.com//News.asp?NewsID=802390

السلام عليكم ياجماعة والله موضوع جيد ومشجع علي استكمال الدراسة ، وبشكر كل الاعضاء اللي شاركو بالاراء والتي اظن انها مفيدة جداً لكل لطلبة واتمني ان تتغير نظرة الناس للتعليم المفتوح واللي بتسبب ظلم كتير لينا يعني شهادتنا ممكن نكمل بها خارج بلدنا واظن انها هتكون معترف بيها في اي مكان ، اتمني يجي اليوم نتساوي بباقي الشهادات الجامعية لان والله العظيم بجد بنتعب ونفسنا نكمل وبجد احنا ناس طموحة جداً لكن القدر اللي وضعنا في سكة التعلم المفتوح بسبب ظروفك كل واحد فينا اتفائل خيراً في المستقبل للتعلم المفتوح ولكل الدراسين فيه

انا تقديراتي الاتي:- 211 جيد 212 جيد جداً 213 جيد 214 جيد 215 جيد وبالتوفيق للجميع ان شاء الله

النتيجة ظهرت علي الموبايل الحمد للة نجحت عقبالكم كلكم يارب واتمني تكون السنة دي سعيدة علينا ونفسي اتعرف بزملاء في اداب ترجمة انجلش ترم رابع كل عاام وانتم بخير والف مبروك لكل الناجحين

السلام عليكم ورحمة الله وبركاتة اتمني من الله التوفيق والنجاح للجميع ان شاء الله بالفعل نشعر بضغط نفسي من الانتظار ولقد قمت بإرسال رسالة عبر البريد التعليم استفسر علي ميعاد النتيجة الفعلي والله المستعان وفي انتظار ردهم بالنسبة للاخت التي تسال عن ارسال النتيجة عبر الموبايل خطواتها كالاتي [4 سبتمبر 2012] SMS على الدارسين الراغبين في استلام النتيجة على الموبايل قبل ظهورها على موقع التعليم المفتوح ادخال رقم الموبايل الخاص به أو تعديل الرقم الموجود و التأكد من صحة ادخاله بعد زيادة ارقام الموبايلات: حيث ستزداد كل ارقام فودافون 0 بعد الكود 10 لتصبح : (100 - 106 - 109- 101) بدلا (10-16-19-151) وستزداد كل ارقام موبينيل 2 بعد الكود 12 لتصبح: (122 - 128 - 127 - 120) بدلا (12-18-17-150) وستزداد كل ارقام اتصالات 1 بعد الكود 11 لتصبح : (111 - 114 - 112 ) بدلا (11 - 14 - 152 ) من خلال خدمة ارسال رسائل الموبايل : http://ou.cu.edu.eg/StudentMobiles.aspx و ادخال الرقم بهذه الطريقة : ثم الضغط على زر حفظ و التأكد من ادخال الرقم بشكل صحيح من خلال مشاهدته في أعلى الصفحة وفقنا الله واياكم الي صالح الاعمال

ياجماعة انا قرأت الخبر لكني مش فاهماة كويس ممكن لو حد فم الخبر يفهمني هو مككن يعني شهادة التخرج بتاعتنا يتكتب عليها انتساب بدال تعليم مفتوح وعشان يتكتب كده لازم نحول ولا نعمل ايه فهموني بالله عليكم ودا لينك الخبر كلة وافق مجلس شئون التعليم والطلاب بجامعة الإسكندرية برئاسة الدكتور رشدي زهران، نائب رئيس الجامعة لشئون التعليم والطلاب، على بدء تحويل طلاب التعليم المفتوح المقبولين عن طريق مكتب التنسيق خلال العامين الجامعيين 2011، و2012. وذلك بكليات الحقوق، والتجارة والآداب إلى نظام الانتساب الموجه بشرط حصولهم على تقدير جيد. أشار المجلس إلى أن ذلك النظام يتيح الاستفادة من الخدمات الطبية، والأنظمة الطلابية وصندوق التكافل الاجتماعي، والأنشطة الطلابية بذات القواعد التي تطبق على جميع الطلاب مع تقديم منح دراسية للمتفوقين منهم. أكد المجلس قراره السابق بتعديل مسمى شهادات التخرج التخصصية لبرامج التعليم المفتوح لتتوافق مع مسمياتها في التخصصات المناظرة في ذات الكلية، كما وافق على قبول طلبات تحويل الطلاب بين الكليات المناظرة للطلاب القدامى والمستجدين اعتبارًا من السبت المقبل، وذلك وفقًا للشروط التي أعلنها المجلس الأعلى للجامعات. وشكراً .

الف شكر ليكم ياجماعة علي هذة النصائح وان شاء الله احاول اشوف ارشيف المكتبة

يامسهل يارب والتوفيق والنجاح للجميع ببركة شهر رمضان الكريم ربنا يساعدنا ونستعد من دلوقتي لترم الجديد عشان يبقي الاستفادة اكتر اداب ترجمة انجلش

السلام عليكم اعضاء المنتدي الكرام انا عندي مشكلة في الترجمة ونفسي اصبح مترجمة جيدة لكن الترجمة تحتاج تدريب بس معرفش ازاي اعتمد علي نفسي واتدرب بمفردي ، من رائ انة لازم في حد يراجع اللي بترجمة والا مش هستفيد خالص ، حد عنده فكرة ازي انمي قدرتي في الترجمة من خلال الاعتماد علي نفسي في انتظار ردكم انا في المستوي الثاني كلية الاداب برنامج الترجمة انجلش ورمضان كريم عليكم جميعاً

شكراً علي الرد ونفسي يكون التعليم لمفتوح لة مستقبل مبشر ومضيعش تعبنا علي الفاضي