thepart85

اللى عايز يقدم تيرم أول فى اداب انجليزى ترجمة سمعت ان التقديم اتفتح وصاحبتى عايزة تقدم ياترى تروح فى اى يوم ولا فى ايام محددة ؟ وتاخد معاها من الاوراق وهى رايحة تقدم أول مرة ولا هى مش عرفت تروح ينفع اروح انا مثلا اقدملها ؟ وجزاكم الله خيرا

طيب كويس قوى أنا هدور على الدردشة دى وابعتلكم عليها اللينك بتاع الفيس

السلام عليكم ورحمة الله وبركاته الاخوة والأخوات الكرام اللى حضر واللى لم يتمكن من الحضور أنا أفضل إننا كلنا نشترك فى الصفحة اللى عملها أحد الزملاء على الفيس بوك عشان التواصل هناك هيبقى أفضل وأسهل من المنتدى عشان موضوع عدد الاشتراكات وانه مش ينفع نحط اى لينك هنا والحاجات دى والزميل ده اسمه أحمد عوض أما بالنسبة للمحاضرة بتاعت القراءة والفهم فالخلاصة بتاعتها اننا نصور الملزمة وهى دى المنهج بتاعنا وبس من الآخر يعنى وحسب كلام الدكتورة واللى حابب يقرأ قطع أكتر فالكتاب موجود وهى قالت هناخد منها على حسب وقتنا مايكفى يعنى ممكن مش ناخد كل القطع اللى في الملزمة واللى عددهم 12 قطعة فى ناس طبعا قدرت تصور الملزمة وفى ناس مش لحقت مش عايزاكم تقلقوا اللى مش لحق المرة دى المرة الجاية ممكن يصور من اى حد لان ناس كتير صورتها حوالى 60 واحد وبالنسبة للناس اللى مسافرة او فى محافظات او ساكنة بعيد ومش بتيجى ان شاء الله نقدر نرفعهالكم على النت وبإذن الله يكون فيه وسيلة أفضل للتواصل أو فيه حل تانى إن حد من الموجودين معانا يكون عدد مشاركاته يسمحله انه يرسل رسائل خاصة للاعضاء يتبرع معلش بشوية وقت ويبعت اللينك ليكم على الخاص بتاع كل واحد وبالنسبة لمادة الثقافة فالخلاصة اننا هندرسها على قسمين قسم تاريخى صرف هندرس فيه تاريخ انجلترا من اول عصور ماقبل التاريخ وقسم تانى هندرس فيه بعض الشخصيات والكتاب فى المادة دى مهم على عكس مادة القراءة لانه هو المنهج والدكتورة قالت اننا مطالبين بس باللى فى الكتاب لان كلامه مختصر اما اللى هى هتقوله فى المحاضرة فده شرح منها للكتاب مش اكتر وهى بتفضل اننا نقرأ شوية عن اللى هندرسه حتى من باب اننا ناخد فكرة عشان نبقى فاهمين اللى بنخده ومهم جدا اننا نعرف الموقع الجغرافى لانجلترا ومكانها فين على الخريطة ومين الدول اللى حواليها وخاصة العلاقة بنها وبين فرنسا جغرافيا وتاريخيا أرجو انى اكون ساهمت بجزء بسيط فى مساعدة اى حد وانا فى الخدمة

شكرا جدا على سرعة الرد يعنى كده لما هو يقدم الورقة دى هيشيلوا مادة العربى لحد سنة 3 صح كده ؟ طيب هيدونى ورق او حاجة تفيد انهم حذفوا المواد دى ولا هو هيبقى متسجل عندهم على الكمبيوتر واتوماتيك هتتشال كل تيرم؟ وكده يبقى عندى 4 مواد بس صح؟ وينفع اخد حاجة من التيرم التانى ؟

ياجماعة معلش سؤال هو لازم اروح بنفسى ادفع المصاريف ولا ينفع اخويا يروح يدفعهالى ويجبلى الكتب والكارنيه مع العلم انى هديلى كل الورق المطلوب والصور كمان ؟ وسؤال كمان معلش احنا بندى الورق كله لموظف واحد وهو اللى بيعمل كل حاجة ولا ايه ؟ والشهادة بتاعة التقديرات فعلا لو قدمتها هيشيلوا مواد او على الاقل مادة واحدة ولا ايه؟ مع العلم انى خريجة تربية لغة عربية وجزاكم الله خيرا

thank you maryam, I received the link but it doesn't working and i don't know why

If you please i need any one send me the facebook link in a private message

thank you Deta for helping us

أنا أمانى معاكم التيرم ده إن شاء الله وياريت فعلا حد يقولنا كل مرة ايه اللى بيحصل اثناء اليوم الدراسى عشان أنا محضرتش امبارح وشكلى مش هحضر الجمعة الجاية كمان وربنا يجازيكم خير

طيب دلوقتى فيه نتيجة ظاهرة على الموقع ومكتوب عليها نتيجة الامتحان التحريرى المنعقد يوم الثلاثاء 25 سبتمبر ولقيت اسمى فيها السؤال دلوقتى هى دى نتيجة الشفوى اللى كان يوم الثلاثاء وهم غلطوا وهم بيكتبوا ولا دى نتيجة ايه بالظبط ؟ ياريت لو حد فاهم حاجة يعرفنا وربنا يكرمكم

الدكتورة قالت يوم الخميس هتظهرعلى النت إن شاء الله

أنا نجحت الحمدلله عقبال الشفوى

أنا النهاردة امتحنت الحمدلله والامتحان كان سهل قوى وكان عبارة عن سؤالين الاول براجراف فيما لايقل عن خمس جمل عن الوظيفة اللى بتحلم بيها وليه والثانى قطعة ترجمة وكانت واحدة بتتكلم عن غرفة معيشتها وقد ايه هى أهم مكان بالنسبة ليها فى البيت الحمدلله امتحنت وربنا ييسر بالنتيجة وسنوافيكم لاحقا بآخر التطورات لعلنا نفيد أحدا

السلام عليكم ورحمة الله وبركاته أنا بس كان ليا سؤال عن الدبلومة الخاصة بتأهيل معلمى العربية لغير الناطقين بها هى بجد مفيدة فى مجال التدريس للاجانب ام ماذا ؟