-
مجموع الأنشطة
177 -
تاريخ الانضمام
-
آخر نشاط
المشاركات كُتبت بواسطة سما سيف
-
-
الحمد لله يا حبيبتى الامتحان كان حلو الدور بقى على الامتحان اللى جاى اللى موش عارفة هاكتب فيه ايه لو عندك امتحان محلول يا ريت تنزليه -
noha awad كتب:تسلمي يا مريم تعبتك معايا بس للاسف بردة هي الورقة الوحيدة اللي مش واضحة حتى بعد ما سيفتها على الجهاز وكبرتها الكلام مش واضح خال
موجود ملخص لكل القطع وبخط واضح على الجروب اللى على الفيس ادخلى وهاتلاقيهم -
ح
حطيتلك كل ايموشن المنتدى عشان انتى تستاهليه يا احلى واطيب مريومة فى الدنيا -
*maryam كتب:لا يا استاذ احمد انا متواصلة معاكم متقلقش بس انا حبيت تدخلوا الجروب عشان كل الناس فيه متعاونة وفيه ملخصات وكداوفيه تواصل اكتر
ومفيش داعي ان اسمع من حضرتك تقول بقت حاجة تقرف انا بعمل كل ده ابتغاء وجه الله وانا الوحيدة اللي منسحبتش من المنتدى وكل المشرفين انسحبو وراحو الفيس وكل ده وكمان اسمع الكلمة دي عشان ايه يعني
خلاص يا جماعة هنزلكم الملخصات هنا مفيش مشكلة في اقرب وقت ان شاء الله
ادعولي في الشهر الكريم ده
عزيزتى واختى وحبيبتى مريم احب اقولك حاجة لو حد ليه الفضل بعد الله سبحانه وتعالى فى نجاحى السنتين اللى فاتو واكمالى هذه الكلية بالرغم من مسؤلياتى واولادى وعدم مقدرتى على حضور المحاضرات هى انتى كنتى بتنقلى لينا كل ما يقال فى المحاضرات كاننا هناك بكل اخلاص وحب دون انتظار مقابل ولكى منى كل تقدير واحترام ولا يمكن لاى سبب من الاسباب بسبب مشاغلك الجديدة التى ربنا يعينك عليها ان ننسى لكى كل مجهوداتك معنا طول الفترة اللى فاتت فلا احد من حقه ان يرغمك على فعل شئ لاتريدين فعله فانتى كما قلتى تفعلين هذا ابتغاء لوجه الله تعالى فاذا اردتى ان تكملى معنا وان نتوج هذا المجهود بالشهادة التى نتمناها اكملتى وان لم تريدى فلك كل الحق فلك اتخاذ القرار الذى يناسبك دون حساب من احد وايضا سنظل شاكرين لكى كل ما قدمتيه لنا فانا لم اراكى ولكن يعلم الله انك بخلقك وادبك وكرم اخلاقك وايثارك لكى مكانه كبيرة فى قلبى وليجمعنا الله ان شاء الله فى يوم لا ظل الا ظله -
معلش يا مريم انتى كنتى تقصدى انهى قطعة فى مصطلحات علمية اللى الدكتور قالت هاتيجى اكيد فى الامتحان لان الورقة اللى نازلة موش واضح فيها الكلام -
شكرا يا مريم الرسالة وصلت جزاكى الله كل خير وربنا يقويكى على شغلك وعلى المذاكرة وييسرلك امتحاناتك زى ما بتيسرى علينا -
اخيرا ظهرتى يا مريم انا كنت بدات يجيلى احباط ما تتاخريش تانى ارجوكى دا الامتحان خلاص على الابواب وشوفى كام واحد مستنيكى واكتبلنا اسم الجروب هوا على الفيس والا تبع المنتدى هنا ولو معاكى نموذج اجابة لامتحان استماع E يا ريت تنزليه ولكى منى كل دعواتى بالنجاح والتوفيق -
يا مريم ارجوكى ما تتاخريش علينا يحسن الوقت ضيق جدا انا عارفة مشاغلك والله وربنا يعينك بس انتى عارفة اننا من غيرك نضيع وانتى كنتى قلتى انك هاتنزلى محاضرات السبت اللى هيا بتاريخ 21-6 واللى هيا فيها طريقة حل امتحان مادة الاستماع E وما تنسيش امتحانات البينى بليييييييييييييز -
انتى موش قولتى يا مريم قبل كدة فى نصوص ادبية ان الشخصيات المهمة هما الدوق وشيلوك وانطونيو ايه اللى دخل الرغاية بورشيا فى الموضوع دى رغاية جدا هانذاكر ايه بس والا ايه يا ربى والا الشعر كمان هوا احنا بنعرف نعبر بالعربى لما نطلع صور شعرية انجليش
-
ممكن يا مريم لو معاكى امتحانات البينى تنزليهم معلش انا عارفة انى بتقل عليكى -
-
يا مريومة وحاولى تجيبلنا محاضرات السبت او على الاقل لو حاجة مهمة اتقالت ولكى جزيل الشكر -
اللهم احفظنا جميعا من كل الامراض وخاصة انتى يا حبيبتى اللى رغم مشاغلك بتجيبلبنا المحاضرات حتى لو ما حضرتيش ما تعرفيش المحاضرات دى مهمة ليا اد ايه طول الاسبوع بدخل كل شوية على المنتدى عشان اشوفك نزلتيها والا لا انا موش عارفة من غيرك كنت هاعمل ايه ربنا يخليكى لينا وما تقلقيش من موضوع الولادة دا خالص ههههههه كله دلوقتى قيصرى والحمد لله تاخدى البنج وتفوقى تلاقى جنبك البيبى يالها من معجزة ههههه مجرباها 3 مرات ما تخافيش وربنا يعدى الترم دا على خير هاتبقى المذاكرة كلها فى شهر رمضان ربنا يسامحهم هايضيعو الشهر اللى بنستناه من السنة للسنه -
tamaraahmed كتب:please should we memorize the poetry in the lectures or only we apply the rules on it
I think we should not memorize the poetry we just apply the rules on it and you can see last exam to be sure -
*maryam كتب:انا اسفة جدا يا سما غصب عني والله فعلا انا بقيت مشغولة جدا بس بحاول على قد مااقدر مبعتش عنكم دعواتك حبيبتي
محاضرة نصوص ادبية
المحاضرة 4 من ورق المحاضرات
====================
الدراما في الاساس بتكون مكتوبة الا ان تمثل على المسرح والدراما مش لازم تكون قصة مأساوية لا دي ممكن تكون كوميدي او ترايجدي كمان وممكن تقرأ فقط دون تمثيلها والعناصر الاساسية في المسرحية هي:
الصراع، الحبكة، الشخصيات، الأفكار، المكان والزمان، الارشادات المسرحية، اللغة، الادوات المستخدمة على المسرح
والمفاجأة بقى ان الكلام ده مش هييجي في الامتحان اللي هو بعد ما خلص نص الوقت فيه اللي هو عااااااااااااااا هجووووووووووووم يللا احصل خير ان شاء الله المهم خدنا مسرحية ((The Merchant of Venice تاجر البندقية لويليام شكسبير وده لينك المسرحية مكتوبة بالترجمة لان في ورق المحاضرات مش مترجمة ومترجمة كمان في اخر الكتاب
http://www.ar-science.com/2013/02/merchant-of-venice-by-william.html
وده الفيديو http://www.ar-science.com/2013/02/merchant-of-venice-by-william.html
وقالت ناخد بالنا من حوار Antonio و Duke، Shylock
وقالت هييجي سؤال تحليل شخصية الكاتب وده بيكون عن طريق name, clothes, action, word
ههههههههههههههه نعم بعد كل الشرح دا وموش هايجى منه الامتحان الناس دى هاتجننا هوا احنا عندنا وقت اصلا يالا ربنا يصبرنا وربنا يعينك يا حبيبتى على مشاغلك وعلينا انا بس لما بتغيبى عن المنتدى بحب اطمن عليكى موش اكتر -
السبت فات والحد فات وانتى يا مريومة اخلفتى الميعاد ههههههههههههههه فين باقى المحاضرات انتى شكلك بقيتى مشغولة علينا خالص عساه خير يا حبيبتى وجزاكى الله خير على مجهودك -
ازيك يا سما الموضوعات موجودة فى الكتاب ص 15 و ص117 و ربنا يستر
الحمد لله كله تمام جزاكى الله خيرا وربنا يسترها معانا كلنا ان شاء الله -
جزاكى الله خيرا يا مريم وجزاكى الله خيرا يا نيفين ابراهيم وربنا يوفقكم بس انهى فايل اللى بتقولى عليه يا مريم انا ما شفتهوش -
ايه كل المعلومات عن الولادة الطبيعية دى ههههههههههههههههه حاجات والله اول مرة اعرفها لا وايه اول مرة اعرفها اعرفها بالانجليش يا سلام دا انتى يا مريومة والله منوعلنا وموش مخليانا نفسنا فى حاجة خالص ربنا يستر عالترم دا وجزاكى الله خيرا على تعبك يا حبيبتى وعلى فكرة ادونى المحاضرات والتطبيقات فى الجامعة اخيرا استجابوا لشكوانا عقبال ما ينفذوا باقى الطلبات -
بالنسبة للترجمة التتبعية كنتى يا مريم قلتى ان الدكتور قال انه هايجيب قطعة سين بس موش متاكدة احب انا ااكد المعلومة انه لوهايجيب
الامتحان زى الترم اللى فات يبقى فعلا هايجيب سؤال كامل عليه 6 درجات من المحاضرات لانه عمل كدة فى امتحان الترم اللى فات جاب سؤال مكون من 3 قطع انجليزى نترجمها لعربى من ورق المحاضرات بالنص فارجو من كل الزملاء حفظ القطع الصغيرة فى ورق المحاضرات وكدةنضمن ان شاء الله 6 دراجات كفاية السؤال اللى هانترجمه فورى وربنا يستر -
شكرا يا حبيبتى موش عارفة من غيرك يا مريومة كنت عملت ايه -
ممكن يا مريم لو معاكى امتحانات الترم اللى فات ترم خامس تنزليهم عشان نعرف بس نركز على ايه فى المذاكرة وجزاكى الله كل خير يحسن شكل الترم دا جامد شوية ومحتاج مذاكرة بدرى بدرى -
شكرا حبيبتى ربنا يخليكى لينا
-
لا طالما منزلين كدة على السايت يبقى اخد بكلامهم واسجل قبل يوم 15 وخلينى فى الامان اضمن وبالنسبة للمحاضرات ربنا يخليكى انا منزلة المحاضرات عندى على اللاب بس انا بحب اذاكر فى الورق بيبقى ليه طعمه الخاص هههه وبكسل انزله على فلاشة واروح اطبعه بقى وافضل انظم فى الورق والاقيه ناقص حاجات طب وعلى ايه الغلبة دى كلها ما اجيبه جاهز احسن بس انا موش عارفة اسم المكتبة اللى بتبيعه انا سالت مرة فى المكتبات اللى جنب المركز قالو موش عندهم لو فيه مكتبة محددة قوليلى اسمها وهيا فين بالظبط وانا اروح ليها
الحلقة الدراسية ترم خامس 2014
في الترم الخامس
كُتب في