عاوز تنجح في اعلام

[shahnda 0]

السلام عليكم جميعا
انا سعيده بوجودي وسطكم واني مريت بالترم الاول من اعلام علي خير
بفضل الله وفضل مجهودي
-------
وبتمني ربنا يكملها علي خير في كل ترم ان شاء الله
الموضوع هنا انا عملته عشان: نتعلم من بعض ازاي نذاكر وازاي نقدر نكون جاهزين لآي امتحان
وانا اللي بقدملكم النصائح دي وكتبهالكم واتمني تساعدكم جميعا

،،،
خطوات المذاكره :
~~~~~~~~~~
~~~~~~~~~~~~~~

1-

لو انت بتحضر محاضرات يبقي التركيز مطلوب منك جدا في كل النقاط اللي استاذ الماده بيذكرها
ولو مش بتحضر يبقي عليك بمحاضرات الفيديو اللي هتسهل عليك فهم الماده تحملها من صفحتك الشخصيه
ملآحظه:كل ماده بتكون لها مالا يقل عن 8 محاضرات فيديو وكل محاضره بتكون ساعه
يبقي لازم تبتدي تحميلهم من بدري تقريبا شهرين قبل امتحاناتك عشان تلحق تشوفهم كلهم

2-

بعد ماتحضر المحاضره او تشوفها علي الفيديو
لازم تبتدي تقراها لان القرايه بتثبت المعلومه

3-

المذاكره مش بس قرايه لا تكرار
يبقي لو عاوز تكون ممتاز في الماده يبقي تقرأها وتذاكرها اكتر من مره
دا غير طبعا مراجعتك ليها اللي هتكون قبل الامتحان
وبكد هتضمن انك تستوعب الماده بشكل كبير جدا

4-

اشتري الامتحانات السابقه  
هي فادتني كتير جدا وخلت عندي ثقه بنفسي لما كنت بزاكر لاني كنت مجمعه في تفكيري شكل الاسئله
ودايما مع مزاكره كل جزء بحس اني متطمنه ومش خايقه يجيلي سؤال فيه

5-

اهم نصيحه هي انك تذاكر من الكتاب
لانه بيكون مرتب جدا  ولو عودت نفسك علي مذاكره الكتاب هتعرف ان المنهج بسيط وكمان اسهل من الملخصات اللي بتشرتيها من بره وللاسف ممكن تكون اسئلتها من الشرق والغرب ومش منظمه واحيانا بتكون فيها اخطاء املائيه او اخطاء في المعلومات اللي بتقدمهالك
يبقي الافضل تضمن سلامه مذاكرتك وتذاكر من كتابك

6-

اخيرا بقي المذاكره بتاع اخر ساعه قبل الامتحان دي بالذات متسيبهاش
لان دايما بيكون تركيزك عالي جدا وغالبا بتجمع قدر كبير من المعلومات وحصلتلي كتير جدا ادخل والاقي اسئله لسه كنت براجعها

7-

خليك علي تواصل دائم بزملائك سواء بالجامعه او علي الانترنت
زي هنا في موقعنا علشان تقدر تتابع الاخبار وتعرف المحذوف والملغي وتقدر تعرف الاسئله المتوقعه
وغيرها وغيرها
ودا هيساعدك كتير جدا عشان تكون ناجح في دراستك

~~~~~~~~~~~~
~~~~~~~~~~~~~~~~~~

شكرا لكل من شرفني هنا واتمني اكون افادت الطلاب الجدد او اي زملاء لينا
ولو اي حد حابب يضيف شئ يتفضل
~~~~~~~~~
سلآمي

///
شاهنده

[ebn_elshady 0]

[sara199 0]

[shahnda 0]

[salem attia 0]

بارك الله فيكى وفى انتظار المزيد

[ماجده 0]

كلام مفيد جدا جدا وانا على فكره طبقت كل الكلام اللي انتي قلتيه وفعلا كلامك صحيح وتسلمي

[lole adel 0]

شكرا شاهنده

[shahnda 0]

ميرسي لولي نورتيني

[shahnda 0]

ماجده كتب:

كلام مفيد جدا جدا وانا على فكره طبقت كل الكلام اللي انتي قلتيه وفعلا كلامك صحيح وتسلمي

ميرسي لمرورك ماجده
بالتوفيق يارب دايما

[shahnda 0]

salem attia كتب:

بارك الله فيكى وفى انتظار المزيد

شكرا سالم نورتني

[Soli1 0]

شكرا على النصائح الطيبه

[mor 0]

[Khaled Fekry 0]

وشكرا على الاهتمام بتقديم النصائح الغالية ويسلمو ع هالخطواط السلسة المرتبة لوتسمحي اضيف شي اعتقد انه لايقل اهمية. بعض الاحيان الواحد يقرأ وتمر عليه جزئية معينة ما فهمها ممكن تخليه يعيد الفقرة مرة ومرات ..... من واقع التجارب ذا مرت عليك فقرة من هالنوع الاحسن تقراها وتتعداها وبعدين اذا خلصت من المحاضرة كامل ترجع تقرا مرة تانية لما توصل عند هالفقرة هتلاقيها صارت اسهل وانشالله تفهمها بسهولة

واتمنى التوفيق لي ولك وللجميع

خالد

[shahnda 0]

ميرسي خالد فكره حلوة فعلا لما شئ بيقف قدام الطالب وهو بيزاكر وميفهموش بيعكر مزاجه
وممكن يخليه يقفل الكتاب خالص بس لو حس ان تعداه وفهم غيرو هيقدر يرجعله وعقله مفتح اكتر
ميرسي ليك واانا عن نفسي هعمل بنصحتك ان شاء الله
منور واهلا بيك معانا

[shahnda 0]

mor كتب:

شكرا عمرو

[shahnda 0]

Soli كتب:

شكرا على النصائح الطيبه

بشكرك علي مرورك

[محمد احمد عبدالله عنان 0]

[shahnda 0]

شكراآآ

[Hidaya52875 0]

شاهندة,,لكي كل الاحترام والتقدير 

[shahnda 0]

الله يخليكى تسلمى

[Khaled Fekry 0]

[shahnda 0]

ميرسي ،،

[M7mdTaheri 0]

اشكرك اختي شاهندة واخي خالد فعلاً كلامكم ونصائحكم مفيدة..

[shahnda 0]

العفووُ بتمني النجآح للجميع ، : )

[galal elmadny 0]

شكرا شهنده على هذه النصائح وندعوا الله ان تكون فى ميزان حسناتك 

  

[shahnda 0]

آمين ، شكرآ جلآل : ) العفوو