االي زملائي طلبة ترم اول

[Tarek salah 0]

السلام عليكم
اسمي طارق صلاح انا ترم ثالث و ليا شوية نصائح لو تحبوا تأخدوا بها اول حاجه طريقة المذاكرة اني امسك المنهج باب باب هيبقي صعب الدكاترة سهلوا عليكوا الموضوع شوية و ادوا مجموعة اسئلة في أخر محاضرة لكل دكتور الاسئلة ده موجوده بحلولها في المكاتب وبردوا الاسئلة الزيادة اللي موجوده في ملازم المكاتب متذكروهاش الامتحان مبيجيش من بره السئلة بتاعة الدكتور ده اللي هما 10 او 11 سؤال انا الحمد لله تقديري العام جيد جدا و الفضل بعد ربنا لواحد زميلي نصحني بنفس طريقة المذاكره ده انا هسيبلكم رقم تليفوني و لو حد عايزني اشرح له اي حاجه انا معنديش مشكله انا المنهج الحمد لله بقي سهل بالنسبه لي و خصوصا الcommunication انا ان شاء الله رايح الجامعه يوم الجمعه و لو حد عايزني في اي يوم تاني انا شغلي قريب من الجامعه
***********
بالتوفيق ان شاء الله
و ادعولي الاقي حد يوقف جنبي في الايام الصعبه ده

[salama2000 0]

ممكن تولي ازاي اذاكر الكومنيكشن وان ضعيق في الانجليزي وكمان ما بحفظش بالسهل ولك مني وافر التقدير والاحترام

[Tarek salah 0]

هو بالنسبه لحفظ الكلمات انت لازم تحفظ بص هقولك انا ممكن اشرحلك المنهج بالعربي و من فهمك هتعرف اغلب معاني الكلمات فالموضوع هيبقي اسهل

[mmuslam 0]

طيب لو عندك فيس بوك ضفنى عليه .. هبعتلك الاكونت بتاعي فى رسالة

[sara199 0]

اخي طارق نشكرك على نصايحك القيمه، انا حابه اسألك سؤال عن الصحافه بس مش حتقدر ترد على الرسائل، ازاي ممكن اتواصل معاك؟

[سيد المصرى 0]

جزاك الله خيرا يا اخ طارق بجد نصيحه جميله

[sara199 0]

فين القى الاسئله اللي بتقول عنها يااخ طارق وخصوصا اسئلة الصحافه لانها اول امتحان وملزمه المنقذ فيها اسئلة كتيره مظننش هيا اللي بتقصدها؟

[Tarek salah 0]

انا تحت امركم ممكن نتواصل اكتر علي الفيس بوك اسمي عليه tarek salah و الايميل elharbanl(( ممنوع وضع البريد الالكتروني ))

[maspero2000 0]

اسئلة الدكترة بتاعت كل محاضرة انا كتبتها على المنتدى بعد كل يوم جمعة بلنسبة لكل مادة
وبلنسبة للغة فعلا دى افضل طريقة
وبلتوفيق بامر لله للجميع بس نزاكر

[Tarek salah 0]

تمام ماسبيرو لكن الاسئله غير ان الدكتور بيدي في ااخر كل محاضره سؤال فهو بيدي الاسئله كلها في اخر محاضره

[maspero2000 0]

كلهم لو راجعى الى كتبتة اول باول بفضل الله كنت بكتب كل حاجة فى المحاضرات من اسئلة مهم وبلنسبة لاخر محاضر لكل دكتور نزلتها انا فاهم قصدك يا اخى العزيز انا كنت بقول بلنسبة لل بيسئلو عن الاسئلة فين

[sara199 0]

ماسبيرو وطارق هيا الاسئله دي تغني عن الملازم؟
لان عدد الاسئله اقل بكتير على كلام الاخ طارق(10-11سؤال)،

يعني ينفع نزاكر الاسئله دي بس للامتحان؟؟

[Tarek salah 0]

12سؤال ذاكرتهم كلهم تجيب امتياز

[sara199 0]

ياريت تحطهم هنا ياطارق وتخلصنا من مزاكرة الكتب والملازم!!
حط الصحافه اهم حاجه

[ayonah2020 0]

اوكي انا عندي سؤال ال communication اخر وحدة مش مشروحة ومش موجودة ايه الحل اذاكرها منين؟؟؟

[sara199 0]

اتوقع اخر وحده ملغيه ياايونه بس ابقي تأكدي من زملائنا

[ayonah2020 0]

سألت قالوا لا

[Tarek salah 0]

عرفيني اللي بتتكلم عن ايه و انا اقولك

[ayonah2020 0]

شوف اخوي طارق احنا capter 5 في communication مش في المحاضرات والي بيروحوا قالوا انها متشرحتش والدكتورة قالت مش ملغي

[Tarek salah 0]

عرفيني اللي بتتكلم عن ايه و انا اقولك

[princess sarah 0]

بجد شكرا جداااا يا طارق ارتحت نوعا ما بعد ماعرفت ان المهم الاسئلة الي الدكتور بيقول عنها
بس ياريت لو حد يجمع اسئلة الصحافة ويحطها لان اللاب توب بتاعي بيفصل كل شوية ومش هلحق ادور في المواضيع

[Tarek salah 0]

قوليلي اي عنوان و انا هعرف

[princess sarah 0]

هما اكتر من موضوع اتوقع الي بيكون عنوانهم يوم الجمعه والتاريخ

[ayonah2020 0]

ياريت ينزلوا كل المواد مش بس الصحافة

[princess sarah 0]

المهم دلوقتي الصحافة
شكله محدش يعرف الموضوع الي اتكتبت الاسئلة فيه

[ayonah2020 0]

ليه هما نزلوا باقي المواد ؟؟

[Tarek salah 0]

يا جماعه انا معنديش مشكله لو عايزني اشرح لكم اي حاجه انا تحت امركم
العفو يا اعلاميه و بالتوفيق ان شاء الله

[Tarek salah 0]

هبعتلوكوا اسئلة صحافه و اعلان و علاقات من واحد اعرفه في ترم اول

[Tarek salah 0]

الساعه 9

[ayonah2020 0]

في ميزان حسناتك

[Tarek salah 0]

الساعه 9هبعتهم لاني كل اللي انا كاتبه من الموبايل

[ayonah2020 0]

اوكي بتوقيت مصر صح ؟

[Tarek salah 0]

ان شاء الله

[sara199 0]

اخ طارق ايونه بتقصد الوحده الخامسه الي عنوانها basics of effective communication في مادة الانجلش

[shahnda 0]

شكرا ليك بس الطريقه دي افضل للي هيبدأ مزاكره لسه
انا صعب عليا لاني مشيت علي طريقه خايفه الخبط واشتت نفسي
انا هعمل زي مبتقول اخد الاسئله المهمه دي اركز عليها بس هكمل كله مع بعضه
ان شاء الله الترم الجاي يكون الواحد فهم شويه الكليه ويبدأ يحسن من طريقه مزاكرته
وتكون افضل واسهل واسرع
شكرا لنصيحتك الجميله