المذاكره من الكتب، الملازم...الخ

[sara199 0]

السلام عليكم ورحمة الله وبركاته



انا عندي كم سؤال ياريت تجاوبوني عليهم

دلوقتي انا بديت ازاكر للفاينل من خلال ملازم المنقذ اللي نزلوهم الزملاء
بس لاحظت حاجه ان السؤال مكون من كلمتين والجواب حوالي مية سطر! وفيه رغي كتير ومش قادره اركبو كلو واحفظو!
يعني سؤالي هوا انا اقدر الخص الاجوبه من عندي واكتب المفيد ولا لازم زي اللي هما كاتبينو؟؟ واللهي كلام كتير اوي لكل سؤال ومش عارفه احفظ كل الكلام لسؤال واحد بس..



وسؤالي التاني، انا لاحظت كمان ان كل اسئلة الامتحانات السابقه لمادة الانلش تبقى فراغات وصح وخطأ يعني احنا كمان حيجينا كده ولا ممكن يجينا سؤال مقالي؟


انا عارفه اني طولت عليكم بس بجد محتاره

وشكرا مقدما

[princess sarah 0]

ياروحي مفيش حاجة اسمها حفظ اكتبي الي انتي فاهماه مش مهم عدد السطور المهم تجيبي الفكرة المطلوبة يعني انا ممكن اشرح ف صفحة كاملة بس عمالة الف وادور على الفكرة المطلوبة بكده مش هاخد الدرجة فالسؤال وممكن اشرح ب اختصار واجابتي تكون شاملة كل حاجة تخص المسؤال
وعلى فكرة سمعت كلام من طلاب في منتدى تاني بيقولو ان الطالب لو كتب بالنص من الملازم مش بياخد درجة السؤال وممكن يعتبر غش الافضل بالفهم

بالنسبة للانجلش في الامتحانات المحلولة او التطبيقات كان في سؤالين او تلاتة مقالي بس كلهم عن نفس فكرة الاسئلة الي فالفراغات والصح وخطأ

اتمنى اكون قدرت اساعدك ولو حد شايف ان كلامي غلط ينورني

[shahnda 0]

اعلاميه معاها حق
اهم شئ في اجابه اي سؤال تعرف النقط الاساسيه فيه
وشرحها يكون بأسلوبك انتي
ومش تشتتي نفسك
انا مثلا زاكرت من الكتاب يبقي كل اسلوب مزاكرتي يكون واحد
بالاضافه اني ابص في الاسئله المحتمله او السابقه للامتحانات
واجيب حلها من الكتاب زي ما زكرتها
عشان لو اتشتتي عوضك علي الله
صاحب بالين كداب
بالتوفيق حبيبتي

[sara199 0]

شكرا اوي يااعلاميه وشاهنده بجد افدتوني والله يجعلها في ميزان حسناتكم

[ebn_elshady 0]

[sara199 0]

ياجماعة في حاجة تعباني اوي

انا مش عارفه ازاكر اسئلة مادة الصحافة اللي بتحكي عن تاريخ الصحافة في مصر وعن ابراهيم باشا ومحمد علي والخديوي وفرنسا ومش عارفه ايه
انا مابحبش التاريخ واجوبة الاسئلة دي مش راضية تخش دماغي :hang:

ياريت حد فيكو يعطيني طريقه معينه ازا كان عندو وحكون متشكره اوي

[NanY 0]

sara199 كتب:

ياجماعة في حاجة تعباني اوي

انا مش عارفه ازاكر اسئلة مادة الصحافة اللي بتحكي عن تاريخ الصحافة في مصر وعن ابراهيم باشا ومحمد علي والخديوي وفرنسا ومش عارفه ايه
انا مابحبش التاريخ واجوبة الاسئلة دي مش راضية تخش دماغي :hang:

ياريت حد فيكو يعطيني طريقه معينه ازا كان عندو وحكون متشكره اوي

انا لسه مش بدات مذاكره يا ساره والله بس اقرى الكلام ع انها قصه او حدوته مش تاخديه ع انه كلام يتحفظ افهميه واقريه كانك بتقرى قصه هيثبت فى دماغك ان شاء الله السؤال ال مش حاباه ده ممكن كل يوم قبل ما تبتدى مذاكره تبتدى بيه قرايه بس من غير حفظ هتلاقي نفسك حفظتيه تلقائى

[sara199 0]

شكرا ليكي ياناني الله يسعدك على الفكره دي وان شاءالله من بكرا حبدى ازاكر الملزمه وانتي كمان ابدي معايا عشان نشجع بعض
وشكرا مره تانيه

[shahnda 0]

انا هبدء صحافه من يوم الجمعه باذن الله
ربنا معاكم ان شاء الله

[princess sarah 0]

حد حاسس ب الي انا حاسه بيه
الامتحااان بعد اسبووووع

[sara199 0]

اعلامية قيد التنفيذ كتب:

حد حاسس ب الي انا حاسه بيه
الامتحااان بعد اسبووووع

انا مش مستوعبه صراحه وللحين مبديتش ازاكر الصحافه كويس
وشايله هم الامتحانات التانيه لان انا معتمده اني ازاكرهم فاليومين اللي حينزلو فيها الملازم


وقاعده افكر لو فالامتحان معرفتش اجاوب هما حيسعدوني ولا اموت ولا اعمل ايه!

[princess sarah 0]

واناا كماان كل الي شاغل بالي المواد الي هنزاكرهم في يومين
وموضوع لو معرفتش اجاوب بيجي على بالي كتيييييير وبقول ياترى حد هيساعدني هيغششونا يعني
وارجع اقول استغفر الله مش هفكر في الغش عشان ربنا يوفقنا

[sara199 0]

هههههههههههه ماتفكريش فيها على انها غش يااعلامية فكري فيها على انها مساعده بس

[princess sarah 0]

نفكر اننا هنحل كل حاجة احسن هههه

[sara199 0]

ايوا معاكي حق انا بس كنت بهزر الله يوفقنا وينجحنا كلنا

[maspero2000 0]

نصيحة اخ مينفعشى نلخص الاجاباب وبلاخص فى مادة الاعلان الدكتور صفوت العالم بيحب الاجابة النموزجية الاكادمية
وفى بعض الحاجات لازم نشرحها مش ينفع نلاخصها فى كلمتين

[sara199 0]

بس يااستاذ ماسبيرو ينفع لو شرحتها من فهمي يعني مش زي ماهما كاتبتها فالملازم بطريقه تانيه وبنفس المفهوم؟؟