جو الامتحانات

[sara199 0]

زملائي وزميلاتي ازيكو وازاي المزاكره معاكو؟

انا عملت الموضوع دا عشان نحكي فيه عن جو الامتحانات, يعني يوم الامتحان بالاخص للطلاب والطالبات خارج مصر,
اولا فين بيعملو الامتحانات؟ انا سمعت انهم بيستأجرو مدرسه ويقولولنا على عنونها, والسؤال موجه لطلاب الترم الثاني واعلى ياريت يقولولنا عن الجو والحاله النفسيه للطلاب اول مادخلو للمدرسه وعن لجنة الامتحان والمراقبين وكل حاجه

الهدف من الموضوع اننا نريح بعض وخصوصا لطلاب ترم اول اكيد متوترين شويا من الامتحانات..
واخيرا اتمنى المشاركه وشكرا

[سيد المصرى 0]

موضوع جميل والله واحنا فعلا متوترين جدا ونتمنى التواصل ان شاء الله

[princess sarah 0]

ايوه صحيح بيستأجرو مدرسة وبقولو على عنوانها وفسنة من السنين كانو هيعملو الامتحانات في جامعة قطر - للطلاب في قطر طبعا - لان كان العدد كبير

بالنسبة للمراقبين اغلبيتهم بيكونو نفس الناس الي فالمركز هما المراقبين

اما بالنسبة للامتحانات ف الي فالمركز بيقولو متخافوش وبتكون بسيطة بس العلم عند الله وعند الناس الي فالترمات التانية لانهم مجربين

[shahnda 0]

ربنا معاكم جميعا ان شاء الله
ويبعد عنا التوتر والقلق

[Hidaya52875 0]

السلام عليكم ورحمة الله وبركاته،،

انا امتحنت مادتين من الترم الاول، فينفع اجاوب ) ، امتحنت في الكويت وتم تاجير قاعتين في كلية الطب - جامعة الكويت وبيتقسم كل تلات او اربع كليات في قاعة وداخل اقاعة كل مدرج على حسب الترم الدراسي.... والامتحان غالبا من الساعة 5 - 8 وغالبا مسؤولي مكتب الوكيل بيكونوا متواجدين والامتحان وبيكون في دكاترة من مصر لتوزيع الامتحان، اما اذا كان في خطا في السؤال او مش مفهوم ، يتصل الدكتور فورا على المحاضر او الدكتور واضع الامتحان ويستفسر منه...جو الامتحان هادي ومريح كان ، بس كان معايا السنة اللي فاتت طلبة حقوق مش فاكرة اي سنة وكان امتحانهم صعب جدا وكانوا بيشتكوا كل شوية

عن نفسي الامتحان انا استستسهلت فيه وما درستش، اولا لانها اول سنة دراسة ذاتية وما كنتش عاملة خطة ولا حضرت نفسي، فاجلت تلات مواد ودخلت الاتنين اللي كنت معتبراهم سهلين عشان اشوف (صحافة وMass Communication ) بس لا احد يستهين بهيبة الامتحان ولا يشوف نفسه انه يفهم كل شيء الدراسة الدراسة ثم المراكعة مهم جدا جدا
وطبعا اقرؤا الاسئلة مرة واتنين وتلاتة قبل الاجابة، وما تخرجوش من القاعة الا وانتم مراجعين الاجابات.
شاهندة* انا لقيت الامتحانين وحنزلهم ان شاء الله بكرة.

[princess sarah 0]

ايه ده امتحنتي امتى ؟؟
مش الامتحانات لسه ف 26 ؟؟

[Hidaya52875 0]

انا امتحنت في الترم الاول مادتين فقط وضميت الثلاثة الباقيين مع مادتين الترم التاني،يعني حمتحن معاكم اعلان وعلاقات عامة وسمع بصرية

[princess sarah 0]

هو انتي ف اي ترم ؟؟

[Hidaya52875 0]

المفروض التاني، بس بمتحن تلات مواد اجلتهم من الترم الاول للتاني

[ebn_elshady 0]