استفسار

[نودى الديب 0]

لو سمحتم انا اسفة لتطفلى انا بس عاوزة استفسر عن كلية الاداب وعندى اسئلة كتير بتدور جوايا وعاوزة افهم انا مخلصة معهد فنى صناعى من حوالى 6 سنين وعاوزة اقدم ف كلية الاداب لانى نفسى اكمل تعليمى ولانى بحب اللغة الانجليزية قوى وكمان عشان بنتى ف مدرسة تجريبى ونفسى ابقى متابعة معاها بس عاوزة اعرف انا ممكن اكمل والا ايه وازاى اعرف انى كويسة ف الانجليزى انا بحس انى بفهمه كويس وبعرف اتجرم برضه بنسبة كويسة بس بحس ان مش النسبة دى اللى تأهلنى انى اكمل ف كلية هى تخصصها اصلا لغة وعاوزة اعرف اختبار التقديم صعب والا سهل وكمان هل هيكون لازم انى احضر محضراتها باستمرار والا ايه ارجوكم افيدونى

[عطر الجنة 0]

السلام عليكم ورحمة الله وبركاته
طبعا تقدرى تقدمى واهم حاجة حبك للغة هتلاقى كل حاجة سهلة وبالنسبة لاختبار التقديم سهل متقلقيش وبالنسبة للمحاضرات مش لازم تحضريها لو ظروفك مش تسمح لكن لو تسمح فالاحسن ليكى تحضرى لان الحضور فيه فايدة كبيرة وحتى لو محضرتيش متقلقيش برضو احنا هنا كلنا بنساعد بعض واللى بيحضر بيجى يقولنا اخدنا ايه ف المحاضرات
اما بقى انى تحسى انك مش بالنسبة اللى تاهلك انك تكملى دى ده احساس غلط طالما عندك عزيمة تكملى لازم تتحدى اى حاجة والانجلش تبعا استحالة تلاقى واحد ملم بكل كلماته او قواعده لكن واحدة واحدة تقدرى وتتفوقى ان شاء الله
انا مش عارفة كلامى ده غلط ولا صح بس انا بكلمك من خلال حبى للغة برضو

[sahar ellialy 0]

انا كمان يا نودى زيك بالظبط وكان عندى نفس الاستفسار

[al3omda 0]

السلام عليكم ورحمة الله وبركاته اسمحولي اضيف مشاركة

الاخت الفاضلة صاحبة الموضوع

حضرتك عاوزة تكملي تعليم جامعى لغرض انك تفيدي بنتك ولا عشان انتى حابه اساسا الانجليزي؟؟؟

السؤال ده له اكتر من جواب وله اكتر من طريق ممكن نمشي فيه



اولا: حضرتك لو شايفه ان الانجليزي صعب عليكي وانا بقول لحضرتك انه صعب طالما مش متعوده عليه ومش عارفه قواعده لان الكلية مدتها 4 سنوات اختى الفاضلة ومن الواضح انك متزوجه وعليكي مسؤلية بيت واولاد ..انا بتكلم على اساس حضرتك مش متاسسة كويس فى الانجليزي بالتالي هيكون مجهود كبير اوى على حضرتك عشان تكوني قويه فى الانجليزي وبعدين تدخلي فى مود الكلية والمواد وتندمجى مع التخصص..

ثانيا:ممكن حضرتك تدخلي اى كلية دراستها باللغه العربية ولنفترض تجارة اداب اجتماع حقوق اعلام..الخ

وفى نفس الوقت تاخدى كورسات انجليزي فى معهد او مدرس انجليزي شاطر يبدء مع حضرتك وبالطريقه دى تبقي ضمنتي المؤهل العالي والقوة فى الانجليزي..ولو حضرتك مستعده تضحى بفلوس كتير فى سبيل تعليم الانجليزي بقواعده السليمة يبقي قدامك المعهد البريطانى هو غالي جدا لكن هتتخرجي بروفيسور انجليزي..وان شاء الله بالتوفيق

[mor 0]

al3omda