جرب كدا تقول أنا ...............

[*maryam 0]

جرب كده تقُول " أنا أسف "

لـِ اي حد بينك و بينه مُشكلة ..

لـِ مامتك علَى كُل مرّه زعلتهَا فيهَا ..

لـِ باباك لمَا طلب منك تعمل حاجة وقولتله " لأ " !!

مُش مهم مِين غلطَان ..

مُش مهم مِين اسَاس المُشكله ..

قُول بس " أنا أسف " وأنت علَى وشّك " ضحكه " صافيه :")

صدقنِي حتى لو اللِي قدامك شايل منك , هيضحك ويسامح ~


ممممم, طب بص ..

جرب كده تروح لـِ حبيبتك لو مزعلهَا وجبلهَا " ورده " وجنبهَا " ورقة " مكتُوب فيها " أنا اسف .. بحبك " ♥

دي هتنسيِها هي كَانت زعلاَنه ليه اصلاً

رُوح لـِ صاحبك اللي ضيعت الخرُوجه معاه , وعوضه بواحده تانِيه وقوله حقك عليا ^^


ممممم, طب بُصي ..

روحِي اقفي جنب مامتك , وقوليلها " حقك عليَا " .. هتلاقيها دعت ليكي دعُوه ..

هتبقى بالدُنيا واللي فيهَا وهتنسيكي أي هم

رُوحي قابلِي صاحباتك اللي مشوفتهيومش من سنين , وقوليلهم " أنا اسفه " على انشغالِي عنكم ^^


جرب تقول " أنا أسف " لـِ " نفسك "

على كُل مرة اتضايقت فيهَا ومفرحتش نفسك ..

على كُل مرة قصرت فـِ حق نفسك ..

على كُل مرة نزلت دمعه من عِينك على حد باعك ..


قُول " أنا أسف " لـِ " ربنَا "

على كُل مرة انشغلت بالدنيا عن ربك ..

اطلب السماح واستغفره ..

" إن الله غفُورٌ رحِيم "

صفِي حساباتك مع كُل النَاس ..

قولهَا وهتحس براحه ..


" محدش داري اللي مكتُوب ليه بُكرة

مما راق لي

[mor 0]

[yassmin 0]

مبعرفش اتاسف انا لحد

[*maryam 0]

مممممممممم ليه كدا يا ياسميناااااا حتى لو كنتى واثقة ان انتي اللي غلطاااااانة في زعل حد منك برضه مش هتتأسفيله

طيب لو حتى مش انتي اللي غلطانة ياياسمينا نصيحة من اختك انسي وسامحي عشان خاطر ربنا مش عشان الناس وتحسي كدا ان ربنا راضي وخصوصا الاب والام

طبعا انا بقول الكلام ده لنفسي كمان مش ليكي بس

طيب لو انتي زعلتيني بكلمة كدا طلعت منك وعرفتي ان انا زعلت مش هتتأسفيلي هههههههه

[mor 0]

[yassmin 0]

مش اي حد اتاسف له يا مريم بس الاب والام اكيد اه بس ال بيسئ ليا مش بنساها ولو غلطانه بعترف طبعا بغلطي واحنا مش ملايكه يا مريومه ولا ااااااااايه

[*maryam 0]

طبعااااااااااااا حبيبتي ملايكة ايه كلنا بنغلط ومفيش بني ادم مبيغلطش ياياسمينا يا جميلة

[عطر الجنة 0]

كلام جميل يا مريم ويا ريت فعلا نسامح ونقول انا اسف حتى لو مش غلطانين بجد هتفرق كتييير مع اى حد بينه وبينا مشكلة
وانا بقول اسفة لكل حد زعل منى وتبعا لربنا قبل الكل لما قصرت غصب عنى ف حقه
يا رب سامحنى

[mor 0]

[*maryam 0]

ربنا يسامحك حبيبتي عطر ويسامحنا كلنااااااااااا يارب

شكرا يا اخ عمرو على مرورك

[mor 0]

العفوووووو مررررريم