زاكرت ايه انهارده

[shahnda 0]

sara199 كتب:

ياجماعه انا خلصت كل الكتب ودرستهم من المحاضرات وخططت على كلام الدكاتره
وعاوزه ابدى ادرس للفاينل بس مش عارفه منين؟؟ مش معئول ندرس كل الكلام اللي يشرحوه ونحفظ كتاب كامل

ساعدوني وقولولي اركز على ايه بالزبط

شوفي الامتحانات السابقه هتسهلك وتخليكى تاخدي على فكره الامتحان
وممكن كمان يجي منها اسئله في الامتحانات بتاعتنا
وربنا معاكى

[shahnda 0]

سبحا ن الله الاستاذ عتران
هيخلص الفصل الرابع علاقات عامه
في اكتر من تلات محاضرات كل محاضره ساعه
ماشاء الله عليه
كل نقطه في محاضره
وانا اللي هيجيلي نقطه والله

[shahnda 0]

بس علي فكره العلاقات العامه فعلا سهله
يعني اصعب فصل هو التالت لانه طوووويل ومليان
رغي بس هي علي حسب فهمي لشرح الاساتذه في المحاضرات اللي شفتها
مش صعبه بس عاوزه رغي كتير
ربنا معاانا

[shahnda 0]

لسه خلصه محاضره كمان
والفصل الرابع مازال لم يتنهي
وباقي محاضره واحده فقط فيه
ويكون انتهي ويتبقي الفصل الخامس
وكل دا وانا مزاكرتش بس
بتفرج علي المحاضرات الفيديو بس
لما اخلصها كلها هزاكر ان شا ء الله


اروح اعمل كوبايه شاي بقي
اعملكم معايا

[shahnda 0]

اناعيانه اوي وبرد ونيله
مش زاكرت حاجه انهارده
بكره ان شاء الله اعوض كله
وابشركم اني تقريبا قربت اخلص الفيديوهات كلها
وابقي خدت فكره عن كل منهج من المواد
وربنا يسهل
واراجع وازاكر خلاص الاسبوعين الجايين قبل
بدئ مزاكره اول ماده
دعواتكم بقي ليا

[sara199 0]

انا زيك ياشاهنده قريت اخلص كل الفيديوهات باقيلي كم فيديو بس فالعلاقات العاقه ومن بداية الاسبوع الجاي ان شاءالله حبدى ازاكر للامتحانات
طمنتيني بكلامك لان عرفت ان في حد زيي لان كنت محسبه كل الناس بدت تزاكر للفاينل وانا لساني اخلص الكتب
الله يوفقنا ويسهل علينا جميعا يارب

[shahnda 0]

تمام ياساره لا انا هفتح المواد قريب ان شاء الله عندي خليفه حلوة عنها

لاني كان صعب اوي ازاكر من غير مكون اتفرجت علي المحاضرات

وسهلت عليا كتير اوي

ان شاء الله كلها كم يوم وابدء امسك كل ماده يومين كد عشان الحق اخلص مزاكرتها

انامعاكي ياساره وتابعي معاايا ياقلبي عشان نشجع بعض

[princess sarah 0]

انا خلصت لحد صفحة 111 في الفنون هبدء كمان شوية من صفحة 145 الى 225 وكده اكون خلصت الماده

[shahnda 0]

ربنامعاكي ياقمر وانا هفتح اخر محاضرتين اشوفهم في العلاقات العامه
وان شاء الله من بكره هبدء مزاكره
ربنا معاكم جميعا
يلا اشوفكم بعد ساعتين اكون خلصت

[shahnda 0]

انا جيييييييت خلاص انتهت محاضرات العلاقات العامه
ومن بكره ان شاء الله بدايه المزاكره
بس في حاجه مهمه لاحظتها بالنسبه للاسئله اللي قالو ان دكتور العلاقات العامه نزلها

يعني مثلا في سؤال:
كيف يمكن للعلاقات العامه تطبق الاتصال ذو اتجاهين؟
مكتوب الحل صفحه 181 : 194
بس لما بصيت في الكتاب في الصفح لاقيتها المفروض تكون
صفحه 145
وسؤال تاني

اسس نجاح برامج العلاقات العامه الموجهه للجمهور الداخلي
؟
مكتوب الحل صفحه 145: 151
وهي في الكتاب صفحه 139: 141

ياريت تبصو وتقولولي ايه الدنيا معاكم للناس اللي كتبت اسئله الدكتور اللي قال مش هيخرج منها المنهج
وجايز اكون لما نقلتهم كتبت انا غلط
بس اتاكدو انتو كمان عشان تقولولي لو في شئ انا غلطانه فيه قبل مزاكر

[sara199 0]

شاهنده هوا الدكتةر قال زاكرو الاسئله بس ؟

[shahnda 0]

دكتور العلاقات العامه هو اللى قال على كلام اصدقاءنا اللى بيحضرو
المحاضرات هما قالو كد
وانا نقلتها
ياساره

[maspero2000 0]

[shahnda 0]

انا بدأت مزاكره في العلاقات العامه
بس هتاخد اكتر من 3 ايام معايا بيتهيألي
لاني عيانه وكمان مليانه رغي
ربنا معاكم
اشوفكم قريبا

[sara199 0]

الله يوفقك ياشاهنده
بس قوليلي انتي حتزاكري بس الاسئله اللي قال عليها الدكتور ولا الكتاب؟

[shahnda 0]

انا هزاكر اسئله اللى قالها الدكتور بس هزاكرها من الكتاب
ياقمر لانه سهل عليا
وكمان ببص في اسئله الامتحانات السابقه
جايز في سؤال مكرر كتير وازاكره بردو

[shahnda 0]

اللهم إني أستودعك ما قرأت و ما حفظت و ما تعلمت،
فرده عند حاجتي إليه، إنك على كل شيء قدير،

[shahnda 0]

اللهم إني أسألك فهم النبيين، و حفظ المرسلين، و الملائكة المقربين،
اللهم اجعل ألسنتنا عامرة بذكرك، و قلوبنا بخشيتك،
و أسرارنا بطاعتك، إنك على كل شيء قدير،

[سيد المصرى 0]

سؤال مهم فى السمع بصريه
اذكر مع الشرح مراحل الانتاج التلفزيونى

[سيد المصرى 0]

سمع بصريه
اذكر مع الشرح المعدات الموجوده فى الاستوديو الازاعى وغرفة المراقبه

[shahnda 0]

شكرا سيد ربنا يوفقك

[shahnda 0]

عاملين ايه جميعا
انا هبدأ مزاكره ماده تانيه غير العلاقات العامه
هرجعلها تاني بصه اخيره
بس هغير بقي بس مش عرفه ابدء بأيه بفكر اهو

[omar alkashef 0]

[shahnda 0]

[maspero2000 0]

[princess sarah 0]

يالهوووي يا هيما عدييت شاهنده وبقت تنااام

[shahnda 0]

ههههههه مصحصحه اهو اهو

قررت ازاكر سمعبصريه وربنا يتولانا

[mmuslam 0]

بشوف التطبيقات فيديو فى مادة مقدمة فى الاعلان .. وامبارح كنت بذاكر مقدمة فى الصحافة قربت انتهى منها وغدا علاقات عامة ان شاء الله

[shahnda 0]

بالتوفيق ان شاء الله
انا حاليا في سمعبصريه ولسه بقول ياهادي
ربنا معانا كلنا
الوقت بيمر بسرعه

مفيش وقت للعب

[princess sarah 0]

هههههههههه ايوا كده صحصحي وربنا يوفقك مادة الفنون مش وحشه اوي يعني حلوة شووية

[shahnda 0]

هي مش وحشه هي رحمه صراحه بس بايخه

خاصتا اول تلات فصول بايخين جدا
الجزء اللي قبل التلفزيون
رزل
ماعلينا
يارب معانا ويسهلنا
وانتو كمان ربنا معاكم
شدو حيلكم

[mmuslam 0]

المفروض ان فى واحد صحبي بيجى يذاكر معايا يومياً .. بس من ساعه ما موبيلى باظ واحنا مش عارفين نذاكر مع بعض .. بحاول اذاكر لوحدي مش عارف

[shahnda 0]

رتب نفسك وعمل جدول مزاكره وربنا معاك
منا بزاكر لوحدى وبزهق بس بضغط على نفسي عشان
مبقاش وقت

ربنا معاكم اشوفكم بليل واروح اكمل
سمعبصريه

[mmuslam 0]

اهو صحبي جه ومعايا دلوقتى وبنذاكر ..

[princess sarah 0]

متلعبووش زاكروو مااشي

[ayonah2020 0]

انا خلصت الحمد لله تلات مواد وختمتهم بكرا هبدا commoncation وربنا يوفقني واخلصه

[mmuslam 0]

بنحاول نذاكر اهو .. دخلت على جروب الفيس بوك ويارتنى ما دخلته كنت فاكر فى ناس مستقبلها هيكونوا اعلامين .. لكن بصراحة ما حستش ده خالص .. يلا فاقد الشئ لا يعطيه !

ayonah2020

ربنا يوفقك ويعينك .. ياريت بقى لو تبعتلنا ملخصات المواد اللى خلصتيها ينوبك ثواب ^__^

[shahnda 0]

ربنا معاكم جميعا موفقين وانا لسه في سمعبصريه
ولما اخلصها هبدء يا الماده الانجلش عشان مش فتحتها خالص وربنا يسهلها بقي

[shahnda 0]

اعلامية قيد التنفيذ كتب:

متلعبووش زاكروو مااشي

ياسمح الله ال نلعب ال احنا وش ذلك
هههههه

[shahnda 0]

ayonah2020 كتب:

انا خلصت الحمد لله تلات مواد وختمتهم بكرا هبدا commoncation وربنا يوفقني واخلصه

جميل ياقمر ربنا معاكي ويوفقك
وتيجي الامتحانات سهله علينا كلنا
وانا هبدء بردو الكومينكشن اول مخلص اللي معايا دي
بالتوفيق

[shahnda 0]

احب اقولكم اني زاكرت انهارده في السمعبصريه
جزء التلفزيون والقنوات الفضائيه
وبايخ طبعا
لسه فاضل كتير فيها ربنا معايا بقي السقعه مخليني زهقانه ومش مركزه اوي

دعواتكم ليا بقي

[maspero2000 0]

[princess sarah 0]

اه والله مش وش لعب هههه

ربنا يوفقكو كلكووو ويديكو على قد تعبكم ومجهودكم

بس كنت عايزة اسأل عن حاجة

فالاعلان لازم احفظ الحاجات بالنص ولا عادي اكتب الي انا فهمته ؟

[shahnda 0]

بيتهيالي كل المواد مش عاوزه حفظ بالنص لا فهم
وربنا يتولانا بقي
انا دماغي ضربت من الفهم


علي فكره فتحت الماده الانجلش ومش متفائله

[shahnda 0]

سؤالين امتحان في السمعبصريه:
الامتحانات السابقه/

اشرح المعدات والاجهزه الضروريه في الاستوديو التلفزيوني وغرفه المراقبه الملحقه به؟-

-اشرح الفرق بين عمليتي العزل الصوتي والمعالجه الصوتيه؟

بالتوفيق للكل وربنا معانا جميعا

[shahnda 0]

سؤال مكرر تقريبا في كل الامتحانات السابقه:
سمعبصريه

اشرح مراحل الانتاج الاذاعي والتلفزيوني المختلفه.؟بالتفصيل؟

[shahnda 0]

هقوم ازاكر شويه كد اخر جزء في السمعبصريه
هبص بصه وارجع تااني اتابع واقولكم الاخبار
مع اني مش طايقه نفسي ولا نفسي ازاكر بس امري لله

استنو رجعالكم

[princess sarah 0]

في حاجة غريبة كل الناس خايفة من الانجلش وبتقول عنه صعب الا انااا مع اني خلصت مزاكرتو من زمااان

هو انا بزاكر منهج غير ولا ايه قلقتووني

[shahnda 0]

لا ياحبي الانجلش مش صعب وماده صغيره
بس المشكله اني المحاضرات اللي حملتها من الموقع صفحتي الشخصيه علي مركز التعليم المفتوح
طلعت مش كلها مترجمه مش عجباني وهتاخد وقت لحد مفهما كويس
بس انا شيفاه مش صعب بس احتمال ياخد وقت معايا اكتر متوقعت

[shahnda 0]

قريب اوي خلال يوم او اتنين انتظروني هبدء مزاكره
الاعلان وماده الانجلش اخر شئ قبل مبدء صحافه
ربنا معاكم
وشد حيلكم كلنا لها