حلقة دراسية ترم أول أداب E دور يناير 2013 (الجزء الثانى)

[khaled38 0]

اولا الحمد لله على سلامتكم جميعًا واتمنى لكم التفوق في النحو والتوفيق في باقي الامتحانات.

وثانيَا انا هحاول احللكم الامتحان هنا دلوقتي ولو في حاجة غلط ياريت تصوبوهالي.

[khaled38 0]

وعاء:خبر مرفوع وعلامة رفعه الضمة الظاهرة.

المعرفة:معطوف مجرور وعلامة جره الكسرة الظاهرة.

فوائد:مبتدأ مؤخر مرفوع وعلامة رفعه الضمة الظاهرة.

يبخل:فعل مضارع مرفوع وعلامة رفعه الضمة الظاهرة.

فاهمًا:حال منصوبة وعلامة نصبها الفتحة الظاهرة.

الخير:مفعول به منصوب وعلامة نصبه الفتحة الظاهرة.

العمر:فاعل مرفوع وعلامة رفعه الضمة الظاهرة.

[عطر الجنة 0]

khaled38 كتب:

وعاء:خبر مرفوع وعلامة رفعه الضمة الظاهرة.

المعرفة:معطوف مجرور وعلامة جره الكسرة الظاهرة.

فوائد:مبتدأ مؤخر مرفوع وعلامة رفعه الضمة الظاهرة.

يبخل:فعل مضارع مرفوع وعلامة رفعه الضمة الظاهرة.

فاهمًا:حال منصوبة وعلامة نصبها الفتحة الظاهرة.

الخير:مفعول به منصوب وعلامة نصبه الفتحة الظاهرة.

العمر:فاعل مرفوع وعلامة رفعه الضمة الظاهرة.

اولا
ثانيا لا يبخل مش ده فعل مضارع مجزوم بلا الناهية؟

[khaled38 0]

لا هنا ياعطر مش ناهية لكنها عبرت عن النفي مش النهي.

لا الناهية تعبر عن النهي عن فعل معين.

[khaled38 0]

لو في مناقشة في السؤال ده كملوا عشان ندخل على اللي بعده.

[عطر الجنة 0]

تيب اول واحدة غلط اللى بعده

[سيد عبد الصمد 0]

يا جماعة السؤال (3) حلة أية

[khaled38 0]

حال جملة:لايبخل:جملة فعلية في محل نصب حال للمبتدأ الكتاب.

نعت مرفوع:ثمين:نعت مرفوع وعلامة رفعه الضمة الظاهرة.

توكيد:الزم الكتاب:توكيد لفظي.

[عطر الجنة 0]

تب ويفيض بالفؤائد مش برضو حال جملة ولا دى تانى غلطة؟

[khaled38 0]

يفيض بالفوائد جملة صلة الموصول لا محل لها من الاعراب ياعطر.

[khaled38 0]

لو في سؤال كملوا عشان اكتب اجابة السؤال التاني.

[عطر الجنة 0]

[khaled38 0]

العالمُ كلُهُ يحبُ السلامَ لا الحربَ،وكلُ المنصفينَ يسعون إلى تحقيقِ سلامٍ يعدلُ بينَ بني البشريةِ أجمعين،وكم من دولةٍ اغترَت بقوتِها فطغَت ولم تستفِد من التاريخِ فزالت،والمصريونَ حريصونَ على السلامِ العادلِ ليعمَ الأمنُ والاستقرارُ.

[khaled38 0]

دي اجابة السؤال التاني ومنتظر اي سؤال فيه.

[عطر الجنة 0]

انا صح

[khaled38 0]

ملاحظة:في بعض الكلمات الكسرة مش ظاهرة اوي زي تحقيق والتاريخ والسلام والعادل لكن انا كاتبها. وكمان انا مش بعرف اكتب السكون فلازم تتكتب على الدال في تستفد وعلى التاء في اغترت وطغت وزالت.

[khaled38 0]

السؤال التالت:
1-فضلهم كبير:نعت.

2-كلَه بفتح اللام.

3-جملة فعلية.

4-الامتحاناتِ بكسر التاء.

5-كلاهما.

6-نائب فاعل.

7-نائب عن المفعول المطلق.

8-صواب.

9-مفعول لأجله.

10-سبعة عشر.

11-أدبَها بفتح الباء.

12-الحكمان.

13-تمييز.

14-واو الحال.

15-الكتابان مفيدين.

16-أبيك.

[medhate 0]

السلام عليكم ؟؟
الحمد لله إجابتي ف السؤال الثاني صحيحة ؟؟؟

[قمر شاهين 0]

4-الامتحاناتِ بكسر التاء.

ليه بكسر التاء ؟

[عطر الجنة 0]

قمر شاهين كتب:

4-الامتحاناتِ بكسر التاء.

ليه بكسر التاء ؟

لانها جمع مؤنث سالم وجمع المؤنث ينصب بالكسرة

[عطر الجنة 0]

اجابتى صح

[قمر شاهين 0]

هي جمع مؤثن سالم ازاي ومفردها امتحان مذكر ؟

[khaled38 0]

الامتحانات:اسم لعل منصوب وعلامة نصبه الكسرة الظاهرة لأنه جمع مؤنث سالم.

[عطر الجنة 0]

قمر شاهين كتب:

هي جمع مؤثن سالم ازاي ومفردها امتحان مذكر ؟

جمع المؤنث السالم ما دل على اثنتين بزيادة الف وتاء

[khaled38 0]

كل اسم مفرد أضيفت إليه ألف وتاء للدلالة على الجمع يبقى جمع مؤنث سالم وعلى فكرة جمع المؤنث السالم والمذكر السالم اسمهم سالم لأنهم بيحافظوا على كيان الكلمة من ناحية عدد حروفها ونوعها وترتيبها اما لما الكلمة عدد حروفها او نوعها او ترتيبها بيتغير بيبقى اسمه جمع تكسير.

[قمر شاهين 0]

جزاكم الله خيرااا

طارت مني درجة السؤال والحمدلله

بس الحمدلله في المجمل جميل عقبال الباقي ياااااااارب لينا كلنا

[khaled38 0]

عطر الجنة كتب:

قمر شاهين كتب:

هي جمع مؤثن سالم ازاي ومفردها امتحان مذكر ؟

جمع المؤنث السالم ما دل على اثنتين بزيادة الف وتاء

اثنتين يبقى مثنى ياعطر.

[عطر الجنة 0]

khaled38 كتب:

عطر الجنة كتب:

قمر شاهين كتب:

هي جمع مؤثن سالم ازاي ومفردها امتحان مذكر ؟

جمع المؤنث السالم ما دل على اثنتين بزيادة الف وتاء

اثنتين يبقى مثنى ياعطر.

اقصد زاد على اثنتين معلش وقعت منى

[عطر الجنة 0]

khaled38 كتب:

كل اسم مفرد أضيفت إليه ألف وتاء للدلالة على الجمع يبقى جمع مؤنث سالم وعلى فكرة جمع المؤنث السالم والمذكر السالم اسمهم سالم لأنهم بيحافظوا على كيان الكلمة من ناحية عدد حروفها ونوعها وترتيبها اما لما الكلمة عدد حروفها او نوعها او ترتيبها بيتغير بيبقى اسمه جمع تكسير.

[عطر الجنة 0]

الحمد لله كدة هاجيب امتياز ان شاء الله عقبال الباقى

[khaled38 0]

ربنا يخليكي ياعطر وان شاء الله كلكم تجيبوا تقديرات عالية.

[hend....hamdy 0]

السلام عليكم اولا بالتوفيق ليكم جميعا وسلامى لكم وعطر والاستاذ خالد ومتشكرين ليكم ولك استاذ خالد على الاجابات ربنا يزيدك من علمة
ثانيا انا بقى مشكلتى كبيرة انى فى الاختيارات حلة صح ولكن ماخدتش بالى انة عايز التعليل مع انى عارفة التعليل كويس جدا بس مخدتش بالى انة عاوز التعليل وخايفة انقص كتير وزعلانة انى هنقص على حاجة انا عارفاها كويس جدا بجد اصدمت جداااااااااااااااااااااااااااااااااااااا

[عطر الجنة 0]

hend....hamdy كتب:

السلام عليكم اولا بالتوفيق ليكم جميعا وسلامى لكم وعطر والاستاذ خالد ومتشكرين ليكم ولك استاذ خالد على الاجابات ربنا يزيدك من علمة
ثانيا انا بقى مشكلتى كبيرة انى فى الاختيارات حلة صح ولكن ماخدتش بالى انة عايز التعليل مع انى عارفة التعليل كويس جدا بس مخدتش بالى انة عاوز التعليل وخايفة انقص كتير وزعلانة انى هنقص على حاجة انا عارفاها كويس جدا بجد اصدمت جداااااااااااااااااااااااااااااااااااااا

ناس كتير مخدتش بالها من التعليل يمكن لما الدكتور يلاقى كدة مش ينقص حد
متزعليش قدر الله وما شاء فعل
خلى بالك من الجاى بقى وبالتوفيق ان شاء الله

[khaled38 0]

عطر الجنة كتب:

الحمد لله كدة هاجيب امتياز ان شاء الله عقبال الباقى

يارب يارب تجيبي امتياز بس عايز انبهكم لحاجة مهمة وهي السؤال التاني أي غلطة فيه ممكن تخسر الطالب درجات من غير مايحس يعني لازم الاعراب والتشكيل يكون دقيق جدا.وباذن الله ربنا معاكم ومعانا في كل الامتحانات.

[Laura easa 0]

Hello, I am your new colleague .My name is Laura, can any one tell me where to find the Comperhention lectures. W gazakom allh 5yran 3ala maghodkom

[عطر الجنة 0]

متقلقش خير ان شاء الله وربنا معاك ويوفقك وتجيب امتياز ف كل المواد عشان اعرف انق عليك براحتى هههههههههههههههه

[hend....hamdy 0]

اللهم امين ياعطر وبالتوفيق ليكى حبيبتى انتى كمان ومتشكرة ليكى حبيبت قلبى
واية رأى حضرتك ياستاذ خالد تفتكر لو نقصنا ممكن ينقص اد اية هو السؤال التالت عبارة عن 16 سؤال عليهم 8 درجات يعنى كل سؤال نصف درجة مش عارفة بقى ممكن يحسبها ازاى بجد الموضوع دة مزعلنى اوى الحمد لله على كل حال

[عطر الجنة 0]

Laura easa كتب:

Hello, I am your new colleague .My name is Laura, can any one tell me where to find the Comperhention lectures. W gazakom allh 5yran 3ala maghodkom

you can find it in this link
/t8960-topic
w gazana w eyaky

[khaled38 0]

اظن ياهند ان التعليل عليه نص الدرجة.
انا جاوبتلكم الاجابات بس لاني متخيل انكم كاتبين التعليل فاللي هايشوف الاجابة هايعرف انه كتبها صح هي وتعليلها.
لو عايزين اكتبلكم كل اجابة ليه انا موجود.

[hend....hamdy 0]

المشكلة اللى انا عارفة كل اجابة لية وبالنص بس مخدتش بالى من كلمة مع التعليل ومتشكرة على ردك استاذ خالد وربنا يستر بقى

[hend....hamdy 0]

بس يقول لحضرتك السؤال التانى هو مطلبشى مننا الضبط والاعراب هو قال اعد كتابة النص مع مراعاة تصويب ما بة من اخطاء

[*maryam 0]

يارب يكون الامتحان كان سهل على الجميع

[khaled38 0]

بصي في الترم الاول ممكن يحاسبك على التصويب بس والله اعلم.لكن انا بقول تشكلوا الجملة كلها لانه ممكن يحاسبكم على الاعراب كله.وعودوا نفسكم على كده من دلوقتي لان في ترمات متقدمة الطالب بيتحاسب على الاعراب والتشكيل كله.

[عطر الجنة 0]

*maryam كتب:

يارب يكون الامتحان كان سهل على الجميع

كان سهل اوى يا مريم عقبال النحو بتاعكم

[*maryam 0]

طيب الحمد الله ده شكله متغير خالص عن امتحان الترم اللي فات حظكم حلوووووو

بالتوفيق ان شاء الله

[medhate 0]

السلام عليكم ؟؟؟
في السؤال الثاني طلب إعادة كتابة النص مع مرعاة تويب الأخطاء ولم يطلب (( مع التشكيل )))
وشكراً

[عطر الجنة 0]

يا جماعة انا اكتشفت ان ملزمة الكومبيرهنشن موجودة ف التدريبات والتطبيقات المكتوبة اللى على الصفحة بتاعتنا رقم 12 ومتجاوب عليها بشكل منسق ومرتب للى يحب يطلع عليها وهى هى اللى صورتهالنا الدكتورة

[dodyrefaie 0]

تنبـــــــــــــــــه هــــــــــــــــــــام
تأسف جامعة القاهرة _ مركز التعليم المفتوح للأحداث في محافظة بورسعيد وتأمل من الجميع النظر إلى مصلحة مصرنا الغالية . و نظراً للأحداث الجارية بالمحافظة قرر مركز التعليم المفتوح إعتبار إمتحانات دور يـناير 2013م عــذر بسبب لمـن يرغب من الدارسين بمــحافظـــة بورسعيد حتى بعد إنتهاء الأحداث على أن يقدم الدارس ما يفيد أنه من أبناء المحافظة

[نهى مجدى 0]

ياربى انا كمان لسه واخدة بالى لما بشوف حلكوا للاسئلة ان السؤال التالت طالب التعليل
ربنا يستر يارب لان عندى كذا غلطة مش عارفة ازاى مخدتش بالى

[nader refaat 0]

[]1- اقرأ النص التالي واجب عما بعده من اسئلة:
" الاطفال زهرة حياتنا, وعطر دنيانا, من اجل ذلك اصبحت الدولة ترعاهم, وتعدهم لمستفبل افضل, ولغد مشرق, والمعلمون المخلصون من ابناء الوطن يبذلون الجهد رغبة في نهضة التعليم, فما اعظم ما تؤديه الامه لأطفالها في جميع المجالات"

ا) اعرب ما تحته خط
ب) استخرج من القطعة السابقة: حال جملة-نعت مجرور -خبر جملة فعلية

2- انقل النص التالي في كراسة اجابتك مع تصحيح ما فيه من اخطاء:
" ان الانتماء لوطننا مصر ليس كلام يقال بي عمل يءدى فالانتماء الحقيقي للوطن يتمثل في جودة العمل وتفاني المصريون في العمل لتحقيق التنمية الشامله لوطنهم, فيا شباب الكنانة تسلحوا بعلم ينفع واثبتو للعالم ان المصري ذي همة عالية وقادرا على ان يعمل مجتهد تحت اي ظرف وفي اي موقع وفاء لمصرنا الحبيبة."


ده السؤال الاول من الامتحان اللي كان في الامارات ياريت يا جماعة لو حد يجاوب على الاسئلة علشان انا حاسس اني غلطت كتير