اداب انجليزي طنطا

[ميدو14 0]

مساء الخير يا جماعة انا عضو جديد في المنتدي وكان ليا استفسارات

اولا هل فيه اداب انجليزي خاص بالجامعة المفتوحة في طنطا او حتي المنصورة لاني نفسي اقدم بس صعب اوي اروح القاهرة وكدا

ارجو الرد

[yassmin 0]

مساء النور ايوه في المنصوره ممكن تقدم ف المنصوره بس مفيش حضور الا بجامعة القاهره

[ميدو14 0]

yassmina كتب:

مساء النور ايوه في المنصوره ممكن تقدم ف المنصوره بس مفيش حضور الا بجامعة القاهره

طب ايه لزوم التقديم في المنصورة بأي مادام الحضور اساسا في القاهرة ؟

طب وهل الامتحانات في المنصورة ولا في القاهرة ؟ اصل هيبأي صعب اوي اني اسافر القاهرة وكدا عشان شغلي بس انا بحب الانجليزي جدا ومن زمان الحمد لله وانا متفوق فيه بس نفسي ادرسه واخد ليسانس في اللغة وكدا

[ميدو14 0]

ارجو الرد بليز

[yassmin 0]

بص يا استاذ ميدو والله انا من المنصوره بس مقدمه من القاهره وحولت امتحاناتي للمنصوره بس مافيش حضور ف المنصوره دا ال متاكده منه وممكن لو عايز تحضر تروح القاهره عادي تحضر والرسوم انا دفعت 805 جنيه ف الخمس مواد ترم اول والمذاكره سهله وبسيطه لو مش هتحضر في ليك صفحه شخصيه عل موقع الجامعه تدخل عليها وتشوف كل محاضراتك وكل شي من عالموقع ولو عايز تحضر بتروح القاهره تحضر واان شاء الله بالتوفيق وييسرلك الحاال

[ATOMIX 0]

أهلآ بيك زى ماقلتلك الاخت الفاضله ياسمين

إنت ممكن تقدم فى المنصوره وتمتحن برده فى المنصوره....

بس لو ناوى تحضر يبقى لازم تيجى القاهره

أو تعتمد على نفسك فى المذاكره بالمجهود الشخصى زى كل الطلبه

وتذاكر من المواد اللى بتنزلك على صفحتك الشخصيه على موقع الجامعه

وعمومآ لو عاوز زيادة تأكيد على موضوع الإمتحان ممكن تتصل بالجامعه على الارقام دى

[size=25][size=21]

[center]

[center] الشراكة بين

[center]

مركز جامعة القاهرة للتعليم المفتوح

و جامعة المنصورة

العنوان	الموظف المسئول	التليفون
كلية الطب البيطري	أ/خلود ابراهيم	01119171460
	أ/نجوى سمير محمد	0502377060

إدارة الأقاليم (مواعيد الاتصال من 9 صباحاً إلى 4 مساءاً)
إدارة الأقاليم	أ/ وائل أحمد متولي	01223387100	33332819
ــــــــــــــ	ــــــــــــــــــــــــــــــــ	ـــــــــــــــــــــــــ	ـــــــــــــــــ
إدارة الأقاليم	أ/ محمد جبر عبد الفتاح	01003485569	01278516869
مدير إدارة الأقاليم	أ/ سعيد هاشم	01222846728	33332819

[/center]



[/size][/size][/center][/center]

[ميدو14 0]

انا بشكركم جدا يا جماعة علي اهتمامكم

كنت بس عايز اسأل اي رقم تليفون مكتوب اتصل عليه واسأل اصل مكتوب كلية الطب البيطري وجنبها تلبفون الاستاذه خلود ابراهيم وبعد كدا ادارة الاقاليم فمش فاهم الموضوع اوي؟

ثانيا هل المقابلة الشخصية لما اقدم في قسم انجليزي بتكون في المنصورة ولا لازم اروح القاهرة

[ميدو14 0]

معلش اسألتي كتير بس الموضوع فعلا مهم جدا بالنسبالي

[yassmin 0]

ولايهمك استاذ ميدو والله المقابله ف القاهره مره عشان امتحاني تحريري ولو نجحت فيها تروح مقابله مع الدكتور بيسالك سؤال ولو نجحت بتقدم فورا اوراقك اما موضوع الاتصال التليفوني دا معنديش فكره ممكن المشرف العام يرد عليك يفهمك تتصل بمين وربنا يوفقك ان شاء الله

[ميدو14 0]

طب هي المقابلة في جامعة القاهر نفسها ؟ ولما اجي اقدم هل اقدم بشهادة التخرج بتاعي لاني معايا تربية قسم لغة عربية ولا اقدم بشهادة الثانوية العامة الي انا مش عارف اجيبها منين بعد العمر دا كله؟

[ATOMIX 0]

جرب أرقام الاقاليم دى الاول

01003485569

01278516869

33332819

01222846728

ودول ارقام مركزالقاهره



فى حاجه مهمه لازم تتأكد منها من المركز قبل اى حاجه ... وهى إن التقديم لسه مفتوح ولا .......لا

لأنهم كانو بيقولو التقديم اخر معاد ليه يوم 14-11

المقابله بتكون فى القاهره... وبالنسبه للشهاده ممكن تقدم بالثانويه

وبعد ما تسجل فى الجامعه قدم طلب رفع مواد عنك بما انك دارس لغه عربيه

هيشلولك مادتين من المقرر

[yassmin 0]

ههه بالثانوي صح ومعاه البكالوريوس عشان يمكن يشيلو كمان من عليك مواد زي النحو العربي مثلا ع حسب باه ماهيقولو لحضرتك المقابله ف حي الدقي شارع زويل ف القاهره امام مبني كلية تجاره مبني التعليم المفتوح مقابل الجامعه مكان لحاله يعني بس امام الجامعه ومش عارفه هل باب التقديم لسه مفتوح ولا ايه لو هتقدم معانا الترم دا من رايي تروح بنفسك اذا مهتم تقدم الترم دا وبالتوفيق ان شاء الله

[ميدو14 0]

متشكر ليكم اوي يا جماعة انا هكلمهم ان شاء الله بس سؤال لو التقديم اتقفل مثلا هل فيه تقديم في شهر 2 مثلا ولا لازم استني للسنة الجديدة؟

وهل لو قدمت طلب رفع لمواد اللغة العربية ممكن يشيلو مادتين من السنه ولا من مواد الاربع سنين؟

[ATOMIX 0]

بص هو انا اتاكدتلك ان التقديم اتقفل فعلآ ...ممكن تقدم فى شهر مارس او سبتمبر اللى جاى

ان شاء الله

أما بالنسبه لرفع المواد ففالغالب بيشيلوا النحوا من ترم اول وثانى وبالتوفيق والنجاح

[yassmin 0]

اكيد هيفتح التقديم بس بعد امتحانات الترم دا لما تكلمهم هيقولو لحضرتك ورفع المواد هيقولو ليك عليه بردو لما تيجي تقدم هتفهم بس الاكيد ان التقديم هيبقي ف شهر 1 او 2 وممكن تتصل وتستفسر اكتر

[ميدو14 0]

مش مشكلة ممكن اقدم في شهر مارس انا اصلا من زمان ونفسي ادرس انجليزي وكنت اول ما اتخرجت وكدا كنت واخد كورس في الجامعة الامريكية محادثة لان الجامعة الامريكية فاتحة فرع خاص بالكورسات عندنا في طنطا في كلية التجارة ولما رحت سألت من فتره وكدا لقيت ان اسعار الكورسات غاليه بشكل مبالغ فيه اوي ففكرة انك ممكن تاخد ليسانس في حاجة انت بتحبها دي حاجه كويسه جدا

هي بس مشكلتي الوقت عشان كدا الحاجة الوحيدة الي قلقان منها اني ممكن اسافر القاهرة حتي ولو للحضور بس لاني موقتي قليل اوي

[ATOMIX 0]

هو الحضور مفيش منه مشكله كل اللى انت هتتعب نفسك فيه يومين عشان تسجل فيهم
اما بالنسبه لليسانس فدى فكره كويسه وان شاء الله توفق فيها

[ميدو14 0]

متشكر ليكم جدا يا جماعة واله انتم ناس محترمين

نسيت اعرفكم بنفسي بما اني عضو جديد هنا

انا اسمي احمد سمير من قرية شبرابابل مركز المحلة محافظة الغربية عندي 27 سنه حاصل علي ليسانس تربية قسم لغة عربية وبشتغل بعقد مؤقت في مدرسة حكومي(ملحوظة خطيرة بناخد 125 جنيه في الهشر) واخر النهار بنزل بشتغل علي تاكسي بتاع اخويا في مدينة طنطا

[ميدو14 0]

احب اتعرف عليكم يا جماعة

[yassmin 0]

انا ياسمين اداب انجليزي ترم اول من المنصوره وتشرفنا بحضرتك