خواطر من القلب

[*maryam 0]

خواطر من القلب



على فكرة مكانتش صدفة

لما قابلت فلان اللى قالك على ندوة بتتكلم عن ربنا
وانت روحتها فسمعت كلمة دخلت قلبك فغيرت حياتك


مكانتش صدفة

لما سمعت آية (ألم يأن للذين ءامنوا ان تخشع قلوبهم لذكر الله )
وحسيتها بقلبك


مكانتش صدفة

لما موقف جمعك بحد واتعرفت عليه وكان سبب فى تغيير حياتك للاحسن وانك تتعلم حاجات كتير وتتعرف على امكانياتك


مكانتش صدفة

لما فى عز ضيقك لقيت حد جاى يطبطب عليك ويخفف عنك ويقولك (لعــــــــــــــــــله خيــــــــــــــــر )


مكانتش صدفة

لما حد كان محتاج نصيحة او حتى محتاج يفضفض وجالك انت فخففت عنه او كنت دليل ليه على فعل خير


مكانتش صدفة

لما جالك ابتلاء كشف لك كتير من اللى حواليك وكان سبب فى تصحيح مسارك


مكانتش صدفة

لما فتحت التلفزيون وسمعت فى البرنامج بيقول (ارض بما قسمه الله لك تكن اغنى الناس )
فى وقت كان معدل قناعتك مش تمام


مكانتش صدفة

لما اول ما فتحت الفيس لقيت قدام عينيك (فاذكرونى اذكركم )


مكانتش صدفة

لما بعدت عن ربنا انك سمعت خبر وفاة حد فتذكرت الموت وتبت ليه
(العاقل من اتعظ بغيره )


مكانتش صدفة

لما كل الناس كانت نايمة وانت كنت قايم بتناجيه وبتدعيه وبتيكى بين ايديه


ومواقف كتـــــــــــــــــــــــــــير اوى مكانتش صدفة

دى كنت رسالة من ربنا كان بيوجهلك فيها العلاج لحالتك وكان بيدلك على الطرريق

كان بيقربك منه وبيبنلك صفاته واسماؤه الحسنى

كان بيخفف عنك فى عز ضيقك وبيقولك (ومن يتق الله يجعل له مخرجا )


ومكانتش صدفة برده انى انقل الكلام ده ولا ان حضرتك تقرأ الكلام ده فتفتكر كذا موقف

وتقوووووووووووووول ااااااااااه

فهمت يارب وهاركز فى رسايلك اوى وهاكون معاك فى كل موقف فى حياتى

ربنا ينور بصيرتنا جميعا ويهدى قلوبنا عشان نفهم رسايله ♥

منقول من على الفيس بوك


انا هكون مريم وانت هتكون يوسف

[ATOMIX 0]

شكرآ يا مريم على الموضوع الجميل ..... وأحب أضيف حاجه بسيطه موجوده كتير أوى

فى مجتمعنا اليومين دول ..... الآ وهى الغفله..... ودى مصيبه كبيره جدآ

وأصحابها بيتواكلوا على الله وبيقولو بكره هنعمل مهما أتوجهتلهم رسايل كتير فى حياتهم

والخلاصه إن كل رساله فى حياة بنى أدم هى حجه عليه أمام المولى سبحانه وتعالى

لكى لا يقول ماجائنا من بشير ولا نذير .

[khaled38 0]

الف شكر يامريم على موضوعك الرائع



والف شكر ليك يامحمود على اضافتك

[*maryam 0]

الشكر لله اخي خالد
عندك حق اخي محمود يارب منكونش منهم اللهم لا تجعلنا من الغافلين انا الحمد الله كل مصيبة بتحصلي بتهدني وتقربني لربنا اكتر من الاول وبخاف قوي اخرج من الدنيا وربنا ميكونش راضي عني عشان كدا بدعي دايما ( اللهم لا تخرجني من هذه الدنيا الا وانت راضي عني ) المهم ربنا يثبتنا جميعا ويزدنا ايمان

والف شكر ليك يا محمود على اضافتك وبارك الله فيكم جميعا

[Shaima 0]

شكرآ جزيلآ يامريم علي كلامك المهم ،وشكرآ يا محمود علي إضافتك الرائعه ،«اللهم إجعلنا من التوابين وأرزقنا الجنه» آمين.

[*maryam 0]

Shaima كتب:

شكرآ جزيلآ يامريم علي كلامك المهم ،وشكرآ يا محمود علي إضافتك الرائعه ،«اللهم إجعلنا من التوابين وأرزقنا الجنه» آمين.

الشكر لله يا شيماء اللهم امين يارب العالمين