تعارف طلبة آداب علم الاجتماع التطبيقي دور يناير 2013

[mor 0]

اشكرك ... علي التواصل يا استاذ / ابراهيم ، ونتمني نشوفك دايما معانا وبالتوفيق والنجاح .

[هبة الله صلاح 0]

السلامعليكم عاملين ايه يارب تكونوا بخير كنت عاوزه اعرف امتي نسجل في الترم التاني وياتري مفيش جديد عن النتيجه

[mor 0]

وعليكم السلام ،،،،،، الرابط ده فيه البيانات الي حضرتك عاوزاها
/t10167-topic?highlight=%C7%E1%E4%CA%ED%CC%C9

[هاله منصور 0]

سلام عليكم انا هاله من كفر الشيخ في كلييه الاداب قسم اجتماع ياريت تفيدونا بكل جديد

[mor 0]

اهلا وسهلا هاله منصور

شرفتينا ونورتي المنتدي ونتمني تقضي معانا وقت مفيد

وان شاء الله نفيد حضرتك في اي شيء حابه تستفسري عنه

وبالتوفيق والنجاح

[هاله منصور 0]

الشرف ليا يمكن ربنا يكون بعتكم ليا نجده انا لسه مقدمه من كام يوم وامتحاناتى في يوليو ان شاء الرحمن وبصرراحه شايفه كل حاجه صعبه خصوصا ان الدراسه على النت يعنى صعب انى الاقي حد يشرح لى اسفه بتكلم كتير بس فعلا انا بحاول والله المستعان بقي

[mor 0]

الاخت هــالـــــــــــــــــه
كل شيء بيكون صعب في بدايته عشان عدم التعرف عليه وعشان ده شيء جديد علينا
بس لما بندخل فيه ونتعرف عليه اكتر ومن قرب حجات كتير بتتفتح لينا والامور بتكون افضل بكتير
احنا كنا زيكم كده بالظبط لما قدمنا وامتحنا الترم الي فات
والحمد لله علي كل حال مرينا بظروف صعبه جدا الترم جديد واحنا كنا اول دفعه فيه واتاخروا كتير لما نزلوا لينا الكتب والمحاضرات والفيديهوات بس ف الاخر ربما يسر الامور والحمد لله
المطلوب منك انه متقلقيش من اي شيء ان كان انتوا وضعكم افضل بكتير المواد هتلقوها نازله بعد دفع المصروفات باسبوع وفيه دفعه قبلكم هتفيدكم بكل شيء شافوه في الدراسه
ولو عاوزة اي شيء سيبي سؤالك هنا وعلي الله توكلي ونحن في الخدمه دائما وانا اسف علي الاطالــــــــــــــــــــــــه

[هاله منصور 0]

انا متشكرة جدا جدا وجزاك الله ةعنى كل خير انا بس مشكلتى انى بشتغل ((محفظه قران كريم))والشغل مع الدراسه صعبه وكمان بصراحه قلقانه جدا لانى نفسي انجح واجيب تقدير

واسعد ابي وامى في قبورهم
وانا والله بحاول وكمان معرفش اى حد ولا عارفه نظام الامتحانت ولا الملغى ولا اى حاجه وخايفه جدا اسفه
على الاطاله

[mor 0]

هتعرفي كل شيء عن الملغي والمهم من الدكاتره لما تحضري المحاضرات في الجامعه او عن طريق الفيديو الي بينزل ع صفحتك الشخصيه او هنا في المنتدي فيه بعض الطلبه الي بيحضروا بيحطو المهم والملغي ده في حال لو حضرتك مش هتحضري ف الجامعه خلاف ذلك كله موجود علي صفحتك حتي الملغي بيقولوه الدكاتره في المحاضرات الفيديو والتطبيقات الفيدو برضه .
وربنا يرزقك ان شاء الله بالتقديرات الي تتمنيها وترضي والديكي عنكي باذن الله تعالي .
وبالنسبه لعملك كتير جدا بيشتغل وبيدرس معظم الدارسين كده وربنا بيعين طالب العلم وانتي ماشاء الله محفظه قرآن يعني ربنا هيوفقك اكيد في شغلك وعملك .
والامتحانات انا كنت منزل امتحانين هنا في المنتدي تقدري تشوفيهم ،،، وبالنسيه انه مش بتعرفي حد هتلاقي ناس كتير معاكي يدخلوا بعد التسجيل والامور هتبقي افضل وبلاش خوف وقلق الموضوع سهل وزي الفل

[هاله منصور 0]

معلش انا عارفه انى بسال كتير واكيد حضرتك هتخنقنى معلش انا مخى على قده حضرتك بتقول الفيديو اللى على صفحتى في فيديوهات بتنزل على صفحتى الشخصيه الخاصه بموقع الجامعه؟ وفين بيكون تحديدا انا يدوبك لقيت في الصفحه الرئيسيه محاضلاات مكتوبه لكل ماده وحملتها وتطبيقات لكل ماده وبرده حملتها معلش سامحنى انا اكيد زهقتك بس انا مح\تاجه افهم لانى معنديش حد اساله وكمان هيكون صعب بالنسبه انى اسافر القاهرة عشان احضر

[mor 0]

مفيش زهق ولا شيء ربنا يجعلنا دائما في خدمة الجميع ( خير الناس انفعهم للناس )
الفيديوهات بتكون موجوده تحت التطبيقات والمحضارات الممكتوبه اسمها (محاضرات تلفزيونيه )
يعني في ضمن مجموعة الاختيارات الي بتكون تحت الماده .
ومش لازم تسافري ربنا يكرمك وتلاقي حد يكون بيحضر في الجامعه هنا في المنتدي هيفيدكم كلكم ويعرفكم المهم والملغي ولو عرفتي تروحي اخر محاضرات يبقي كويس ليكي

[هاله منصور 0]

انا فتحت اللى حضرتك بتقول عليها محاضرات تليفزيونيه ا\لقيت مكتوب لا توجد ملفات للتحميل وبعدين اعرف مواعيد اخر محاضرات ازاى عن طريق الصفحه الشخصيه ومليون اسفه لحضرتك ومتشكرة جدا انك بتقدرنى وبترد عليا

[mor 0]

هتتاخر شويه المحاضرات التلفزيونيه علما ينزلوها ليكم متقلتقيش
وتعرفي اخر مواعيد المحاضرات هما بيكونو كاتبين تاريخ اخر تحديث نزل فيه المحاضرة التلفزيوينه او المحاضرات العاديه او التطبيقات
لا تتردي عن اي سؤال لعل وعسي ربنا يرزقنا بسببك التوفيق والنجاح ويزقنا من فضله ورضاه

[*maryam 0]

بارك الله فيكم جميعااااااااااااا على حسن تعاونكم

[mor 0]

جزاكي الله خير يا مريم نورتينا وشكرا لمرورك العطر

[ebrahim 0]

السلام عليكم ورحمة الله وبركاته اهلا بيكى استاذة هالة واهلا للاخ الغالى استاذ عمرو وحشتنا والله وايه اخبار النتيجة كانوا بيقولوا 14/3 لكن مفيش حاجة وعلى فكرة استاذة هالة انا من كفر الشيخ واهلا بحضرتك فى المنتدى وعلى فكرة المنتدى اكثر من رائع وكان للاساتذة المشاركين كل الفضل فى المساعدة على المذاكرة وتقديم المواد العلمية والفضل الكبير لله والاستاذ عمرو والاستاذة داليا وكل الاعضاء ونتمنى التوفيق والنجاح انشاء الله

[mor 0]

وعليكم السلام استاذ / ابراهيم وحضرتك ليك وحشه برضه وربنا يديم المعروف

والنتيجه كمان اسبوع ان شاء الله

وشكرا لذوقك وكلامك الطيب

وجزاك الله خير

[medo1983 0]

الســـــــــــلام عليـــــــــــــكم ورحمـــــــــــــــــــة اللــــــــــــه وبركاتــــــــــــة

ياجماعه انــــا عـــــــــــاوز ادخــــــــــــل علـــــــــــم اجتماع ياريت حد يســـــــــــعدنى وجزاء الله كل خير

[mor 0]

اهلا وسهلا ميدو
نورت المنتدي ونتمني تقضي معانا وقت مفيد
وبالنسبه لاستفسارك عن دخولك اجتماع
هوه قسم جميل ومواده افضل بكتير من اقسام اخري
وده حسب رغبتك الشخصيه وطموحك
تمنياتي لحضرتك بالتوفيق ان شاء الله

[هاله منصور 0]

سلام عليكم اخى ابراهيم انا بس قلقانه جدا لان كل حاجه جديده عليا وبحس انى مش فاهمه وخايفه ومش عارفه ابدا منين ولا ازاى معلش انا طالبه مساعدتكم بعد فضل الله عز وجل

[mor 0]

كل الي تعمليه تتوكلي علي الله وتقري المحاضرات بتمعن
وبعد ما تخلصيها اقري التطبيقات
وبعد كده تكون نزلت محاضرات الفيديو تشوفيها هتثبت المعلومات عندك
بعد كده تركزي اوي علي التطبيقات لانه الامتحانات كلها بتيجي من التطبيقات الي هي بتكون اسئله
وكلنا كنا زي حضرتك واكتر صدقيني اهدي الموضوع مش بالقدر الي متخيلاه حضرتك
وشكرا

[هاله منصور 0]

انا حاسه انى وترت المنتدى كله

[mor 0]

لا لا لا مفيش اي شيء ولا توتر ولا حاجه ،،، يا هاله انتي اختنا

وكنا زيك والله بس انا بهديكي وبقولك بعد ربنا احنا كلنا جنبك ومش هنسيبك واي شيء واقف معاكي اسالي فيه وباذن الله هنرد عليكي والموضوع بسيط وربنا هيسير الامور

[هاله منصور 0]

يارب ومتشكرة جدا جدا

[mor 0]

العفــــــــــو

[ebrahim 0]

الاخت هالة اطمنى خالص المواد كلها جميلة ويمكن حضرتك عندكم الفرصة احسن مننا لان احنا المواد ماكانش عندنا فكرة عنها قبل الامتحان الابايام قليلة واحنا كلنا جنبك فى اى شىء تحت امركوكلنا فى المنتدى اسرة متعاونة والفضل للاستاذ عمرو ونتمنى التواصل دائما

[mor 0]

جزاك الله خير يا استاذ / ابراهيم الفضل لله ثم لكم ولتعاونكم وتواصلكم الي ان شاء الله يكلل بالنجاح

[هاله منصور 0]

ربنا يطمنك يااستاذ ابراهيم

[mor 0]

اشكرك اخت / هاله علي التواصل والتفاعل المستمر

[هاله منصور 0]

الشكر لله بس يارب استفيد

[mor 0]

ان شاء الله خير وهتسفيدي وهتنجحي باذن الله

[هاله منصور 0]

يــــــــــــــــــــــــــــــــــــــــــــــــــــــــــــارب

[mor 0]

العفـــــــــــــــــــــــــــــــــــــــــــــــــو

[هاله منصور 0]

حضرتك كنت وعدتنى انك هتنزل فيديوهات صح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[mor 0]

للاسف حاولت كتير ومنزلوش ، انا مستني زميله لينا في القسم تدخل المنتدي اوعشان اكلمها لانها هي مشتركه علي موقع تحميل ملفات ونزلت قبل كده ملفات عاديه فهقولها تنزلهم هنا عشان الكل يستفيد منهم

[هاله منصور 0]

متشكرة جدا ليكم وجزاكم الله خيرا

[mor 0]

لا شكر علي واجب ،،، وجزاكي الله بمثله

[هاله منصور 0]

سلام عليكم
ياجماعه موقع الجامعه مش بيفتح من امبارح وهو بايظ ولا ايه ياريت تفيدونى لو سمحتم

[mor 0]

فعلا موقع الجامعة مش بيفتح حاليا ،،، بس عادي بيحصل كده في بعض الاحيان ويرجع يشتغل تاني .

[هاله منصور 0]

صباح الخير يااستاذ عمرو ومتشكرة جدا لاستجاباتك السريعه
جزاك الله كل خير

[mor 0]

صباح النور يا اخت / هاله العفو تحت امرك في اي وقت وجزاكي الله بمثله

[نورهان الملاك 0]

هاى ياجماعه انا نور اول تيرم اداب اجتماع عايزه اعرف النتيجه ظهرت ولا لا انا خايفه جدا ياريت حد يقولى وبالتوفيق للجميع

[mor 0]

اهـــــــــــــــــــــلا وسهــــــــــــــــــــــلا

نــــــــــــــــــــــــــــــــــــور

نورتي المنتدي وان شاء الله تقضي وقت مفيد معانا

وباذنه الله النتيجة اخر الاسبوع الحالي تقريبا ولو تاخرت الاسبوع القادم

لكي خاص تحياتي وبالتوفيق والنجاح

[ebrahim 0]

مســــــــاء الخير ان شاء الله النتيجه اخر الاسبوع حسب معلوماتى مع خالص تحياتى واتمنى للجميع التوفيق والنجاح

[mor 0]

[دينا مجدي 0]

السلام عليكم ورحمة الله وبركاته ... الاخوة والاخوات اعضاء المنتدى طمنوني عليكم .. النتيجة ظهرت ولا لسه .. ربنا يوفقكم جميعا .. أتمنى لكم النجاح والتوفيق الدائم ان شاء الله

[Hussein1974 0]

عليكم السلام ورحمة الله وبركاته.قيل إن النتيجة إن شاء الله يوم الخميس،أرق أمنياتنا للجميع بالتفوق.

[mor 0]

دينا مجدي كتب:

السلام عليكم ورحمة الله وبركاته ... الاخوة والاخوات اعضاء المنتدى طمنوني عليكم .. النتيجة ظهرت ولا لسه .. ربنا يوفقكم جميعا .. أتمنى لكم النجاح والتوفيق الدائم ان شاء الله

وعليكم السلام ورحمة الله وبركاته

أخر ميعاد للنتيجة على لسان إستعلامات

مركز القاهره للتعليم المفتوح ، يإن النتيجة ستظهر فى الفترة من 31 مارس الى

4 إبريل .... وذلك كما وضح الاستاذ / محمود في مساهمته بهذا الشأن

وبالتوفيق والنجاح للجميع

[mor 0]

Hussein1974 كتب:

عليكم السلام ورحمة الله وبركاته.قيل إن النتيجة إن شاء الله يوم الخميس،أرق أمنياتنا للجميع بالتفوق.

اشكر مرورك الطيب يا حسين وجزاك الله كل خير

وتمنياتي لك بالنجاح ان شاء الله

[هاله منصور 0]

سلام عليكم ازاى حضراتكم