تعارف طلبة آداب علم الاجتماع التطبيقي دور يناير 2013

[mor 0]

مرحبا لرجوعك مرة ثانيه يا اخ ابراهيم ويارب نشوفك باستمرار عشان نحفذ بعض ونعمل علي رفع روحنا المعنويه بوجودنا هنا وانا بذاكر نفس الماده الي بتذاكرها حاليا والله ولي التوفيق .... عمرو

[mor 0]

اتمني من الله عز وجل ان يكون زمايلنا الي معانا في المنتدي وعلي موضوع تعارف طلبة اداب علم الاجتماع الي مش بيتواصلوا معانا باستمرار يكونوا بخير ويطمنونا عليهم ويسعدنا لو ظروفهم تسمح نشوف مشاركاتهم وارائهم علي المذاكرة واتمني للجميع حظ سعيد مع خالص تحياتي عمرو

[Dalia Fawzy 0]

اهلاً بحضراتكم استاذ ابراهيم واستاذ عمرو فتحتوا نفسى االأنثربولوجى ويارب يكون جميل ... انا معاكم اننا ياريت نذاكر سوا ونسأل بعض وأدينا يا استاذ عمرو كلنا بدأنا فى علم الاجتماع وةالأنثربولوجى ياريت نمسك باب باب ونسأل بعض حوله

[mor 0]

ان شاء الله يا أ / داليا بس الاول نخلص مذاكرة المادة وبعدها هنحط الاسئلة والاجوبة المختصرة علي اهم الموضوعات الموجودة في المادة بس المطلوب حاليا التركيز والفهم ومناخ وجو المذاكرة يكون في جو هادي والدماغ صافيه عشان الاستيعاب يكون سريع وربنا معانا..............

[dalia_mohamed 0]

جزاكم الله ألف خير يأستاذه / داليا واستاذ/ عمرو وأستاذ/إبراهيم
علي المجهود الرائع اللي بتعملوه وسامحوني ع التقصير لان ابني تعبان وياريت تدعولو بالشفاء وأنا معاكم بذاكر بس قليل جداً وان شاء الله المراجعات النهائية هتجيلي بعد أسبوع وابقي احملهلكم
وبالتوفيق للجميع

[mor 0]

في البدايه نشكر حضرتك يا مدام داليا علي رجوعك مره اخري للمنتدي والف سلامه لابنك وما يشوف شر ابدا يارب وربنا يشفيه ويعفو عنه وشكرا لاهتمامك بس متخليش الوقت يسرقك وادي المذاكرة وقت كافي عشان متضغطيش نفسك ايام الامتحان وربنا معاكي ومعانا جميعا ونسأل الله العافية للمسلمين جميعا

[Dalia Fawzy 0]

ان شاء الله استاذ عمرو الله المستعان ويار ادعيلى يارب الاقى مناخ مناسب للمذاكرة

[Dalia Fawzy 0]

استاذة داليا شفى الله ابنك وعافاه يارب ياريت تطمنينا عليه

[mor 0]

ان شاء الله يا أ / داليا تلاقي المناخ الهادي والاوقات المناسبة للمذكرة وربنا يعطيكي العافيه والصبر على عناء التركيز والمذاكرة انتي وجميع الاخوة الاعضاء ......

[dalia_mohamed 0]

[url][/url].
السلام عليكم
ماده البناء الاجتماعي نزلت علي الصفحة الشخصيه هي والتطبيقات بتاعتها

[mor 0]

شكرااااااااااااااا يا اخت داليا علي المعلومة وبالتوفيق ان شاء الله

[ebrahim 0]

مرحبا برجوعك للمنتدى مدام/ داليا محمد واسال الله العظيم رب العرش العظيم ان يشفى ابنك ويديم عليه الصحةواشكر الاخ/عمرو والاخت داليا فوزى والاخت داليا محمد على روح الجماعة والتشجيع المستمر وانا متاسف مشاركاتى قليلة لظروف عملى والوقت ضيق جدا لكن باحاول اكون معاكم دائما ونتعاون للمفيد والصالح العام مع تمنياتى بالتوفيق والنجاح للجميع

[mor 0]

الله يكون بعونك يا اخ / ابراهيم ويسهل امورك ودايما نشوف مشاركاتك باذن الله وطمنى علي المذاكره معاك وصلت لحد فين وابقي حاول تسال لينا عن السيديهات توفرت في الجامعه ولا لسه وجذاك الله خير الجذاء اخي الفاضل

[ebrahim 0]

الاخ / عمرو انا احتمال اسافر القاهرة الاسبوع القادم ولكن انت عارف الوضع فى البلد عامل ايه ومتتصورش منطقة الجامعة بتكون ازاى ايام الجمعه بالذات عموما ربنا يسهل انشاء الله واىجديد انا معاكم فى المنتدى والمذاكرة الحمدلله ماشى الحال طمنى عن احوالك واحوال الاخوات اعضاء المندى فين باقى الاعضاء الله يوفق الجميع يارب مع تحياتى اخوكم ابراهيم

[mor 0]

شكرا جزيلا يا ابراهيم وجزاك الله كل خير ولو الموضوع فيه قلق عليك بلاش تروح بس اتصل عليهم لو فيه مجال وعرفنا اخر الاوضاع خلصت السيدهات ولا لسه ، وانا الحمد لله بخير وشكرا علي سؤالك عني وعن الاخوة الاعضاء وبالنسبه للاعضاء مشاركاتهم قلت بطريقة ملحوظة جدا بس احنا عاوزين التفاعل ونطمن عليهم وعلي احوال المذاكره اخوكم عمرو

[mor 0]

مادة الانثروبولوجيا الفصل السادس ( بعض نظم البناء الاجتماعي ) الفصل المشار اليه ده ياجماعه مش موجود ضمن المحاضرات الي نزلت علي موقع الجامعه ، وسبق ونوهت علي أنه لتطبيق رقم 2 والتطبيق رقم 3 متشابهين وبيحملوا نفس التطبيق الاسئله الموجوده بتطبيق 2 في مادة مدخل الي علم الاجتماع فارجو منكم التاكد والرد شاكرين حسن تعاونكم والي يقدر يراسل الجامعه في تصحيح الخطأ بعد التاكد يبقي جزاه الله خيرا

[Dalia Fawzy 0]

أتمنى تكونوا جميعاً بخير ... معلش لتقصيرى معاكم سامحونى

[Dalia Fawzy 0]

استاذ عمرو حااراجع محاضرات الأنثربولوجى واقول لحضرتك ويارب يكون ملغى

[mor 0]

حمد لله بالسلامه لرجعوك المنتدي يا أ / داليا وشكرا علي اهتمامك بالموضوع وجزاكي الله كل خير ونتمني يكون ملغي بس علي فكرة انا شفت الفصل ده في الكتاب جميل وسهل يعني موضوعه اي حد بعد قرأته يحل فيه بسهوله

[mor 0]

الاخوة الاعضاء ابقوا اتاكدوا من خبر تغيير موعد الامتحانات لربما يكون حد منكم مش متابع اخبار الجامعة
خلوها 26 / 1 بدل 19 / 1 بس مش عارف لكل الكليات باقسامها الترم الاول ارجو منكم التأكد والمشاركة بالرد ولكم مني اجمل الامنيات بالتقدم الباهر في حياتكم العلميه عمرووووووووووووووووووووووو

[ebrahim 0]

السلام عليكم ورحمة الله وبركاته تحياتى للجميع ويارب تكونوا بخير وبالنسبة للمذاكرة فيه تقصير منى شوية لان الوضع فى البلد مش كويس وانا تعبان نفسيا من الاحداث اللى بتحصل وادعوا ربنا جميعا ان الازمة دى تعدى على خير يارب واشكرك ياعمرو على مجهودك معلش انا بارفع التكليف لانك فعلا اخ وتحياتى للجميع ويارب يكون عدم الشاركات خير انشاء الله

[mor 0]

احنا اخوات يا ابراهيم ومفيش بينا تكليف وشكرا علي ردك وربنا يخرج مصر من ازمتها ان شاء الله وتتعدل الاحوال الي احسن حال وازمه وتعدي بعون الله وشد حيلك في المذاكره الوقت الباقي قليل وشكرا

[Dalia Fawzy 0]

السلام عليكم اصدقائى

هذا ملخص الفصل الأول علم نفس اجتماعى ... من مكتبة الكابتن التى بجوار مركز اتعليم المفتوح بالقاهرة وهى تعتد على تلخيص كل ما يأتى بالمحاضرات بجانب الكاتب ...


4shared.com/file/C6_KfCWs/_____1_.html?


وجارى رفع الفصل الثانى

[Dalia Fawzy 0]

الفصل الثانى

4shared.com/file/biiN3uqF/______.html?

[ebrahim 0]

شكرا لمجهوداتك استاذة /داليا وجعل الله جهدك هذا فى ميزان حسناتك مع تمنياتى لحضرتك وجميع الزملاء بالتوفيق والنجا ح

[mor 0]

داليا بجد لكي كل الشكر والتقدير علي الشغل الهايل ده ويارب في ميزان حسناتك بس الفصل التاني مش فتح معايه للاسف عمومااااااااااااا ميرسي خالص

[mor 0]

نورتنا يا ابراهيم ايوه كده عاوزين نشوفك علي طول يارجل ده احنا مكترناش علي بعض وزي ما انته عارف قسمنا الموجودين فيه يتعدوا علي الصوابع ووجودك والاخوة الاعضاء عامل نفسي وحافذ كبير لينا

[mor 0]

اشكر اداره المنتدي علي منحي وسام النشاط وعلي مجهودهم الكبير في انجاز وعمل المنتدي الرائع هذا والذي جمعنا علي الخير وفي طلب العلم ولعل وعسي ان يكون في ميزان حسناتنا جميعا واتمني ان اكون دائما عند حسن ظنكم بي ولكم مني خالص الشكر والعرفان اخوكم عمرو

[dalia_mohamed 0]

شكرا جدا يا استاذه /داليا على مجهود وتعبك ومساعدتك للجميع ويارب في ميزان حسناتك وبالنجاح بتفوق
ان شاء الله
وسمحوني على التقصير

:flower
:

[dalia_mohamed 0]

استاذ عمر
الف مبروك على منحك وسام النشاط وبجد انت تستهله على تعبك معانا وسؤالك المستمر وتفاعلك مع جميع الاعضاء ونتمناك كل خير.

[mor 0]

شكرا ليكي مدام داليا علي ذوق حضرتك ومشاركتك وروجعوك بالسلامه وانا عارف انه انتي عندك عذرك وويارب يكون ابن حضرتك خف وبقي كويس ابقي طمنينا عليه ونتمني نشوف مشاركاتك دايما معانا وطمنيني عامله ايه في المذاكره وربنا يسهل الامور لينا يارب كلنا

[mor 0]

اتقدم بشكري لجميع الاخوة والاخوات اعضاء المنتدي القائمين علي مساعدة جميع زملائهم لتقديم لهم كل ما هوه مفيد وحافذا معنويا لطب العلم ، لذا نحسكم علي التعاون المشترك المتبادل بالايجابية ليصب هذا في مصلحة جميع الدارسين ويتوج بالنجاح الباهر باذن الله وان يجعل الله هذا العمل في ميزان حسناتنا جميعا وشكر خاص لإدارة المنتدي مع خالص تحياتي اخيكم عمرو

[Dalia Fawzy 0]

شكرا ليكم كلكم ...

شكرا حبيبتى داليا وبليز طمنينى على ابنك

شكرا استاذ ابراهيم

شكرا استاذ عمرو

كتير مبسوطة وممتنة ليكم ولأدارة المنتدى

[Dalia Fawzy 0]

أخواتى واخوانى

ان شاء الله نازلة دلوقتى رايحة امركز وان شاء الله ارجعلكم باخبار كويسة

[mor 0]

تستاهلي كل خير يا داليا ومبروك لوسام النشاط

[Dalia Fawzy 0]

الأمتحان 26 يناير ربنا معانا ياااارب

[mor 0]

[mor 0]

الحمد لله كل تاخيره وفيها خيره لمصلحتنا برضه عشان نلحق نلم بالمواد ف المذاكرة والله يعينا جميعا

[Dalia Fawzy 0]

الشكر كل الشكر لحضرتك

[mor 0]

اخبار الملخصات ايه ياداليا ؟؟؟؟؟؟؟؟؟؟؟؟؟؟

[dalia_mohamed 0]

السلام عليكم ياجماعه
أنا حبه أخد رأيكم في حاجه وعارفه انكم تقدرو تفيدوني الأستاذ عمر وأستاذه داليا وأستاذ إبراهيم وجميع طلبة اجتماع
أنا ظروف وقتي وظروف ابني متسمحش أني أقد اذاكر كل المواد فعايزه ادخل 3 مواد ياريت تساعدوني وتقوليلي أسهل 3 اقدر ادخلهم

وجزاكم الله ألف خير

[ebrahim 0]

اشكركم كتيرا/داليا فوزىوكل الشكر للاستاذ /عمرو ومدام داليا محمد ومبروك وسام النشاط للاستاذة داليا والاستاذعمرو وكل الشكر لادارة المنتدى والشرفين على جهودكم وتحفيزكم لناويارب التوفيق للجميع صحيح مجموعه صغيرة لكن كلكم ذوق جزاكم الله كل الخير

[ebrahim 0]

مدام داليا/اعانك الله على ظروفك وحاولىتدخلى التيرم كامل انا شايف المواد كويسه وانا عن نفسى اعتبر باابدا لسه وحاولى وربنا معاكى واعانك الله والف سلامه على ابنك وطمنبنا علبه

[mor 0]

السلام عليكم ،،،، مدام داليا محمد في البدايه طمنينا عن ابنك واخباركم ؟؟؟ وبالنسبه لرأي الشخصي في موضوع تدخلي بتلات مواد عشان ظروف ابنك وربنا يشفيه ، من وجهة نظري تدخلي بالخمس مواد وربنا هيوفقك وتنجحي بعونه ولو مفيش نصيب ولاسمح الله ورسبتي في مادتين مثلا طيب مهي هي الي هتأجليهم زي كأنك رسبتي فيهم لقدر الله وعليكي عليكي الي هتأجليه من المواد فأنتي توكلي علي الله وحاولي وربنا هيعينك وعالم بظروفك واتمني جميع الاخوه والاخوات التعقيب علي هذا الرأي لاستفاده الاخت داليا وطمئنتها
وارجو من كل اعضاء المنتدي الاعزاء الي يشوف مشاركتي دي يدعوا الله بقلب خالص وبظهر الغيب لشفاء ابن الاخت داليا محمد وصلي اللهم وسلم علي سيدنا محمد ....

[mor 0]

شكرااااا ليك ابراااااااهيم ويااااارب نكوووون عند حسن ظنكم بيناااااا ولك مني خااااااالص تحيااااااتي

[mor 0]

اخي العزيززززززززز ابرااااااااااااااااااااااااهيم ارفع التكليف انا عمرو وانته اخ اكبر بلاش استاذيه لما نطلع بس من السنه ديااااااااااااااااااااااااااا

[mor 0]

داليا فوزي اخدتك غياب انهرده النهار كله ومش هيتشال الغياب غير لما تنزلي لينا شيء مفيد من الملخصات بتاعتك الي عودتينا عليها وربنا يعينك ويساعدك

[Dalia Fawzy 0]

حبيبتى مدام دااليا ربنا يشفى ابنك يارب يارب يارب

حبيبة قلبى رأيى تدخلى بالخمس مواد مش تأجلى

واوعدك كل الملخصات حاانقلها وارفعها لكم ونذاكروا سوا

حبيبتى حانشجعوكى وان شاء الله ننجحوا سوا

سلمى لى على ابنك وبلغيه سلامى

حبيبتى كلنا ظروفنا ملخبطة لكن بالعزيمة حانتحدى نفسنا وظروفنا وان شاء الله حاننجح سوا

[Dalia Fawzy 0]

استاذ ابراهيم ربنا معاك يارب

طيب كويس حضرتك لسة بتبدأ تعال يللا سوا احنا فى بدايات علم النفس الاجتماعى واستاذ عمرو فى بدايات البناء المجتمع المصرى يللا نشجعوا بعض وربنا معانا يااااارب

[Dalia Fawzy 0]

استاذ عمرو حالا وكلى أمل نندجز علم النفس الاجتماعى النهاردة أوعدك بفصلين او تلاتة ان شاء الله على الأقل النهاردة