تعارف طلبة آداب علم الاجتماع التطبيقي دور يناير 2013

[ATOMIX 0]

Dalia Fawzy كتب:

الجزء النظرى هنا

4shared.com/file/IPGqtmky/__1.html?

نقراه بتمعن وتركيز يا زملائى وننتقل للجزء العملى ... واى سؤال فيه انا تحت أمركم

شكرآ ... وبالتوفيق والنجاح

[mor 0]

استاذ / محمووووووووووووود مروووووووورك اسعدنا وشرفنااااااااااااااااااااااااا

[dalia_mohamed 0]

بعد إذنكم الملف مش بيفتح معايا لوحد يقدر يبعتهولي يبقي جزاه ألف خير

[ATOMIX 0]

الملف مفهوش مشكله ... كل ما فى الموضوع إنك تتخطى الأعلانات فى الصفحه الأولى

من خلال كلمة SKIP ADD موجوده أعلى الصفحه على اليمين

[ATOMIX 0]

mor كتب:

استاذ / محمووووووووووووود مروووووووورك اسعدنا وشرفنااااااااااااااااااااااااا

بارك الله فيك يا عمرو... وبعدين أيه أستاذ دى ؟ إحنا كلنا هنا أخوات ...

وكمان حابب أشكر نشاطك الملحوظ فى المنتدى ... وبالتوفيق والنجاح

[mor 0]

شكرا بجد ليك يا محمود علي تواضعك وذوقك والله واسعدني جدا رأيك في نشاطي بس يارب يكون مثمر بالافاده للجميع ونتمنى تواجدك معانا بشكل دائم ان شاء الله وتمنياتي ليك ولإدارة المنتدي والقائمين عليه بالتقدم الباهر دايما لأنه خدمنا وساعدنا وكمان عرفنا علي ناس محترمه مثلك ومثل كل الاخوه الاعضاء
مع خالص تحياتي

[dalia_mohamed 0]

أنا متشكره جداً علي المعلومة أنا عملت كده فعلاً وفتح معايا الملف





شكرًا أستاذ atomix

[Dalia Fawzy 0]

ارجوكم طمنونى نكمل فى الاحصاء ولا مش عرفت اوصل المعلومة فأتوقف

[Dalia Fawzy 0]

دة اول جزء عملى عبارة عن الجداول التكرارية للمتغيرات الوصفية

4shared.com /office/QbOUecr0/___.html?

وتحت أمركم وبعمل الجداول التكرارية للمتغيرات المتصلة او الكمية

[mor 0]

مين قال كده يا اخت داليا ده حضرتك زي الفل في الاحصاء استمري وكلنا هندعيلك علي مجهوداتك الكبيرة وربنا يقدرنا علي رد جمايلك الكتيرة دي

[Dalia Fawzy 0]

بالله عليك مش تقول جمايل احنا بنذاكر سوا وانا بستفيد لما بقعد اكتب معاكم ... وتعالوا نبدأوا باقى المواد كمان سوا لازم نشجع بعض ...

واى حد يقف فى حاجة فى الاحصاء ارجوكم يقوللى

[mor 0]

يا استاذه داليا بالنسبه للمساهمه الاخيره بتاعاتك الي هي دة اول جزء عملى عبارة عن الجداول التكرارية للمتغيرات الوصفية اللينك بتاع الفورشيرد الي حطيتيه مش مفعل ومش شغال حاولي تنزليه زي اللينك بتاع المرة الي قبله وشكرااااااااااااااااااااااااااااااااااااااااااااااااااااااااااااااااااااااااا مني ومن كل اسرة المنتدي

[mor 0]

احنا كلنا واقفين في كل المواد متقلقيش هتساعدينا كتير بس يارب تتحملينا وربنا يجذاكي الف خير علي شغلك الهايل ده

[dalia_mohamed 0]

ياجماعه في حد نزله ع صفحته الشخصيه مواد تانيه ياريت يبلغني


شكراً

[mor 0]

اخت داليا لسه منزلتش محاضرات ولا تطبيقات علي موقع الجامعه لحد النهارده من سعة مادة علم الاجتماع وعندي استفسار للجميع عاوزكم تتاكدوا من التطبيقات الي نزلتوها التطبيق رقم 2 والتطبيق رقم 3 متشابهين وبيحملوا نفس التطبيق الاسئله الموجوده بتطبيق 2 والي عنده غير كده يعرفني ؟؟؟؟ ولو ثبت كلامي صح عندكم يبقي هما غلطانين ومكررين التطبيقين وبكده يكون التطبيق رقم 3 مش موجود وشكرا لحضراتكم

[ebrahim 0]

بسم الله الرحمن الرحيم تحياتى وشكرى وتقديرى للاخوة والاخوات اعضاء المنتدى على كل مابذلوه من جهد وانا متاسف كنت بعيد شويه لان كان عندى ظروف والحمد لله انالسه بادىء مذاكرة وهاكون موجود معاكم باستمرار انشاء اللهمع تمنياتى بالتوفيق للجميع وشكرا يااخ عمرو على النصائح الرائعه وجعلها الله فى ميزان حسناتك

[mor 0]

حمد لله بسلامتك يا اخ / ابراهيم ونورت المنتدي برجوعك مرة تانيه وياريت متنقطعش كتير وربنا يسهلك امورك وبالتوفيق بداية المذاكرة والنجاج ان شاء الله مع خالص تحياتي

[dalia_mohamed 0]

فعلاً كلامك مظبوط بأستاذ/ عمرو التطبيق رقم 2 متكرر صح


بالتوفيق للجميع

[mor 0]

شكرا للإفادة يا اخت / داليا واتمني باقي الاخوه اعضاء المنتدي المشاركة في الاستفسار والرد عشان نتاكد ونحاول مخاطبة الجامعة لتعديل الوضع وتنزيل التطبيق رقم : 3 ولكم مني جذيل

[ebrahim 0]

بسم الله الرحمن الرحيم

فعلا انا عندى التطبيق رقم 2 ورقم 3 مكررين واخبار المذاكرة معاكم ايه المعلومات كتير وبتتبخر بسرعه يعنى زى الاخت داليا ماقالت احسن مادة فعلا هى الاحصاء عموما ربنا يسهل ويوفق الجميع يارب

[دينا مجدي 0]

السلام عليكم ورحمة الله وبركاته فعلا زي ما قلتم التطبيق 2 و 3 زي بعض و بالنسبة التطبيق 6 و 7 منزلش و باقي المحاضرات لم تنزل حتى الان بالنسبه للمذاكره ماشى الحال بالتوفيق للجميع

[mor 0]

شكرا للاخ / ابراهيم والاخت / دينا علي مشاركاتهم الاخيره والافاده وبالنسبه للمعلومات يا اخ ابرهيم مش هتثبت غير بتكرار القراءة مره واتنين ومع التكرار هيجي الفهم وده الي لازم تركز عليه الفهم قبل الحفظ لانه لو فهمت هتحل الي فهمته حتي لو مش نفس الكلام الي في المحاضرات بس نفس المعني وموصل للاجابه بس باسلوبك وقريب منها ومع خالص تحياتي للجميع بحظ سعيد عمرووووووووووو

[Dalia Fawzy 0]

اتفضلوا واسفة جدا لو الرابط مش فتح قبل كدة


4shared.com/office/QbOUecr0/___.html?

[Dalia Fawzy 0]

حقيقى متضايقة جداً ومش عارفة اعمل ايه انا بدأت اذاكر علم الاجتماع من التطبيقات متهيألى كدة افضل ... وبكرة ان شاء الله حايجيلى الورق المستنياه من القاهرة لو لقيته مفيد حااصوره وارفعهولكم ان شاء الله ... خايفة يجيلى احباط خايفة بجد والله المستعان

[dalia_mohamed 0]

ياجماعه أنا نزل ع صفحتي الشخصية محاضرات ماده علم النفس والأنثروبولوجيا
أنا خايفه جداً ومش عارفه ابتدي ازاي

ربنا يوفقك الجميع

[mor 0]

في البداية اشكرك ياداليا فوزي الينك فتح واشتغل ومجهودك كبير بجد ثانيا مش ده كلامك ياداليا لينا احنا لازم نتعاون ونشجع بعض ونذاكر سوا يبقي ليه مضايقه وليه الاحباط وفين النصايح الي نزلتها ليكم مش بتقريها ليه قبل المذاكره ثالثا مينفعش تذاكري من التطبيقات لازم تقري المحاضرات والتبطيقات ف الاخر لان هي اسئله ومش من كل المحاضره يعني لازم تلمي بالمحاضرة كلها الي بتذاكري تطبيقها ورابعا واخيرا الروح المعنويه الي بحسكم عليها هي المقاوم الاساسي للمساعده علي اجتياذ العوامل النفسيه الي هتمر بينا فتره ما قبل الامتحانات وارجوا الهدوء مع تحياتي عمرو

[mor 0]

الاخت / داليا محمد اشكرك بجد عشان عرفتينا نزول اخر محضرات ومتابعه الصفحه الشخصيه للجامعه بس كلامك ده أنا خايفه جداً ومش عارفه ابتدي ازاي ارجعي للنصايح الي سبق نوهنا عنها ونزلناها ده بالنسبه للخوف والتوتر والمطلوب مننا انه نهدى علي قد ما نقدر ونركز ويكون في قلوبنا طمئنينة عشان يتوفر لينا الاستيعاب المطلوب امسكي المحاضرات وكانك بتقري جريده متحاوليش تبصي علي كتر الكلام ابدي بس باول كلمه وسيبي نفسك تقري عشان عقلك يتفتح وتتنوري مش عشان الامتحان واوعي تحفظي افهمي بس ولما هتعرفي انه انتي بتقري عشان تتثقفي وتعرفي تتعاملي مع مجتمعنا وتفهميه كويس هتحبي المواد واسف للإطالة

[Dalia Fawzy 0]

تسلم يارب استاذ عمرو ... ان شاء الله حااعمل بكلام حضرتك

والله المستعان

[ebrahim 0]

تحياتى لجميع الاخوة الاعضاء واشكر حضراتكم جميعا على مشاركاتكم الفعالة والمفيدة ونصائحك المفيدة والكلام الجميل يا استاذ عمرووجزاكم الله جميعا خير على كل ماقدمتموه وكل مساهماتكم وفعلا مش مهم الواحد يفهم من اول مرة ولكن التكرار مهم جدا وفعلا المذاكرة بعد صلاة الفجر جميلة وبتكون نسبة التحصيل عالية تمنياتى للجميع بالتوفيق والنجاح وشكرا جزيلا للاستاذة داليا والاستاذة دينا والاستاذة داليا واخونا الفاضل ا/عمرو وجزاكم الله خير جميعاوتمنياتى لكل اعضاء المنتدى وللجميع بالتوفيق والنجاح

[mor 0]

عاوزين نشوفك كتير هنا بالمنتدي ان شاء الله يا اخ / ابراهيم و علي مشاركتك ويارب التوفيق للجميع

[mor 0]

سلام عليكم ،،، فين ياجماعة التفاعل وجودكم بالمشاركات عامل نفسي ومعنوي كبير لرفع الروح المعنوية علي المذاكرة طمونوني عليكم اخبار المذاكره معاكم أيه ؟؟؟ ؟؟؟ ؟؟؟

[mor 0]

الاخت الفاضلة / داليا فوزي يارب تكوني ابتديتي في تلخيص مادة مدخل علم الاجتماع وتنزليها لينا زي ما عملتي في الاحصاء وشاكرين حسن تعاونك ولكي مني ومن اسرة المنتدى خالص تحياتنا بالتوقيق

[Dalia Fawzy 0]

عيونى حاضر ... والله حضرتك كدة شجعتنى ... انا قلت مش مفيد اللى نزلته فوقفت لكن عيونى حانكمل الاحصاء نذاكروها سوا ... ونذاكروا علم الاجتماع سوا .. يارب ننجحوا يااااااااااااااااااارب

[mor 0]

تسلمي يا اخت / داليا علي الاهتمام وعلي استجابتك السريعه لطلبنا ويارب دايما روحك المعنويه مرتفعه ويبعد عننا الاحباط ونذاكر مع بعض وشاكرين حسن تعاونك معانا

[Dalia Fawzy 0]

الشكر كله لحضرتك ولتشجعيك المستمر ....

[mor 0]

بالعكس الشكر ليكي عشان انتي الي افتتحتي المشاركة بموضوع علم الاجتماع في البدايه وده الي عرفنا علي بعض والشكر الخالص برضه لإدارة المنتدي الي عملوا لينا المنتدي الرائع ده

[mor 0]

الاخت داليا شكرا جذيلا علي المجهودات المتواصلة دايما في البحث والنشر لمادة الاحصاء بس لي رجاء عندك حاولي تنشري مشاركاتك في موضوع: تعارف طلبة آداب علم الاجتماع التطبيقي دور يناير 2013 عشان دي الصفحه الي معظم الاعضاء عارفينها وانا بالصدفه عثرت علي فيديوهات الاحصاء الي نزلتيها ومحدش يعرف عنها شيء من باقي الاعضاء ولكي منا خالص الامنيات بالنجاح

[mor 0]

تنويه لجميع الاعضاء الي معانا في فيديوهات علي اليوتويب لمادة الاحصاء نزلتهم الاخت داليا فوزي بس علي موضوع اخر اسم الموضوع الاحصاء الاجتماعي تعالو نذاكرو سوا ده اسم الموضوع اكتبوه في البحث وهتوصلوا ليهم وهيفيدوكم ان شاء الله وده للاعضاء الي مشفوش الفيديوهات ولا تنسوا الاخت الفاضله داليا بالدعاااااااااااااااااااااااااااء مع تحياتي عمرو

[ATOMIX 0]

شكرآ يا عمرو وده رابط مادة الإحصاء

/t9087-topic

[Dalia Fawzy 0]

عثرت على تلك الفيديوهات لعلم الاحصاء تعالوا نتفرجوا عليها سوا يا اصدقائى

زملائى الكرام ياريت نتواصلوا دايماً سوا وشكرا لاستاذ عمرو ولاستاذ محمود

[mor 0]

شكرا ليك يامحمود نقلت لينا الرابط ومرورك وتواجدك دايما بيسعدنا فيك الخير

[mor 0]

شكرا ليكي أ / داليا علي اهتمامك بالموضوع واستجابتك السريعه والتفاعل الجاد بالمنتدي لكي من كل التقدير

[Dalia Fawzy 0]

الوسط الحسابى

[Dalia Fawzy 0]

/t9132-topic#86725


يللا بيننا شدوا الهمة الايام بتجرى واحنا ان شاء الله حانسبقوها

[mor 0]

بمساعدتك لينا ووجودك معانا هنعدي الصعاب ومدام انتي هتشجعينا كلنا هنذاكر سوا وهنخلي حملتنا هنا في المنتدي باسم موضوعك ( تعالوا نذاكر سوا )

[Dalia Fawzy 0]

تسلم يارب استاذ عمرو

ويللا نذاكروا سوا

امبارح الحمد لله خلصت المحاضرة الاولى علم اجتماع وداخلة على المحاضرة التانية

مشاء الله جميل لما ناخده كدة بالراحة ان شاء الله

ويللا شجعنا ندخل علم النفس الاجتماعى سوا

[mor 0]

ربنا يوفقك انا خلصت انهرده علم الاجتماع وبذاكر حاليا الانثروبولوجيا ومن ناحيه الروح المعنويه مش هنلاقيها غير مع بعض عشان نقدر منيأسش وتدينا دافع لما نذاكروا سوا مع تحياتي عمرووووووووو

[Dalia Fawzy 0]

مشاء الله الله اكبر

تماااااااام ان شاء الله حااركز الليلة وبكرة فى علم الاجتماع عشان انتهى من ال 7 محاضرات اللى نزلتهم من على الصفحة وياريت حضرتك وانت بتذاكر الأنثربولوجى تطمنا ايه اخباره سهل صعب

تحياتى لحضرتك

[ebrahim 0]

شكرا على المجهود الجبار والتشجيع المستمر من الاستاذ عمرو ومن الاستاذة داليا ومع حضراتكم فى حملة يلا نذاكر سوا وانا الحمد لله ذاكرت اكتر من 50% فى علم الاجتماع وبدات فى الانثروبولوجيا ودى مادة حلوة ومعلوماتها جميلة انشاء الله الامور هاتكون تمام بامر الله وتوجيهات حضراتكم وجزاكم الله خير الجزاء مع خالص تحياتى

[mor 0]

ربنا يقويكي يا اخت داليا وبالنسبه للانثروبولوجيا بس اذاكر فيها شويه وهتبان معايه اذا سهله ولا معقدة وبتسهيل ربنا مفيش صعوبات والحمد لله موادنا للفهم ، بس كنا عاوزين نكون بنذاكر مادة واحده كلنا مع بعض عشان نعرف نطرح اسئلة علي بعض ونحط حلولها من واقع فهمنا وعموما ربنا يعينا جميعا