تعارف طلبة آداب فلسفة دور يناير 2013

[نداوى 0]

أهلآ بكل طلبة آداب فلسفة ترم أول دور يناير 2013

نرجو التفاعل والمشاركة

السلام عليكم


انا عضوه جديده هنا ومبسوطه اوى انه فيه منتدى مختص بالتعليم المفتوح وجميل اوى شكرا لمجهودكم
بس ملاحظه مفيش فسم لاداب فلسفه
انا لسى مقدمه جديد ومفيش ولا كتاب نزل والصفحه بتاعتى على الموقع فاضيه كمان
وبصراحه مش عارفه حاجه

فاتمنى حد يفيدنى ويدلنى على
ويقولى مواعيد البث التليفزيونى لاداب
وكمان هل بتنزل ملخصات او مذكرات للكتب

وبشكركم كتير
انا اسمى ندى من السويس
وياريت لو فيه صديق فى قسمى يدلنى

[ATOMIX 0]

أهلآ بيكى أستاذه ندى فى المنتدى

أداب فلسفه قسم جديد وده أول دور ليه 2013

بالنسبه للبث التلفزيونى للأداب فلسفه وجميع الكليات .... لسه منزلش جدول مواعيد البث لدور يناير

2013 اللى موجود الأن فقط هو جدول دور يوليو2012

بينزلك على صفحتك محاضرات ممكن تذاكرى منهم بس زى ما قلت القسم لسه جديد ومفيش حاجه

نزلوها .... ممكن حضرتك تتابعى مع زملائك اللى هيحضروا عن كل اللى هيخدوه جديد

وده جدول المحاضرات بجامعة القاهره



وبالتوفيق والنجاح...

[marina 0]

حاولوا تشتروا المحاضرات من مكتبة الكابتن

وللعلم بالنسبة للمحافظات لما بيحجزوا المحاضرات بتنزل على صفحتكم خلال 10 ايام مش اول ماتسجلوا بتزل

[Shaima 0]

أنا مبسوطه جدآ إن في حد مسجل في قسم الفلسفه ،أنا من عشاق الفلسفه ،ولو أي حد محتاج أي حاجها في الدزاسه أنافي الخدمه.

[نداوى 0]

تسلموا للرد

هى صفحتى فاضيه حتى الان كله فاضي هنتظر اكيد
ATOMIX
تسلم لجدول المحاضرات بس انا مش هقدر احضر محاضرات انا هكتفي بالدروس التليفزيونيه والكتاب شكرا للاهتمام والرد
marina

شكرا لردك بالنسبه للمحاضرات يعنى نشتريها من مكتبه هناك دى نهايه التيرم ولا تباه موجوده

اهلا اختى شيماء تسلمى لوجودك الجميل وبتمنى استفاد من وجودك الجميل

تحياتى

[ATOMIX 0]

بما إنك هتركزى مع المحاضرات التلفزيونيه دول ترددات قناتى التعليم المفتوح

( 1CairoUNIV)

Freq: 12435 , Vertical , SR:27500, FEC:3/4



قناة ( UNIV 2)


Freq : 11919
Polarization : Verfical


Symbol Rate : 27500


FEC : 5/6

[Shaima 0]

أهلآ بيك يانداوي ،ولا شكر علي واجب.

[marina 0]

المحاضرات الاسبوعية الا بتبقى فى الجامعة اشتريها من مكتبة الكابتن فى ناس بتحضر وتسجل كل كلمة ورا الدكتور وبيدوها لمكتبة الكاتبن وممكن تشتريها من هناك

[abo nooh 0]

هل يتوفر عند مكتبه الكابتن آداب انجليش أيضا

ولو ما فيش

فين تكون المكتبه اللي فيها آداب انجليش ؟

وشكرا محمود ومارينا

[ATOMIX 0]

برنامج التعليم المفتوح في تخصص

الفلسفة النظرية والتطبيقية

يهدف
هذا البرنامج إلى إتاحة دراسة الفلسفة بشقيها النظري والتطبيقي مع التركيز
على الجانب التطبيقي لمن يرغبون من الطلاب في التعليم الجامعي المفتوح
سواء لمستوى الثانوية العامة وما يعادلها أو لخريجي الجامعات الذين يرغبون
في مواصلة دراستهم عبر هذا البرنامج الذي يطور قدراتهم البحثية وينمي
مهاراتهم الإبداعية .



أولاً: مميزات البرنامج:

1.
أنه ليس برنامجاً تقليدياً في الدرس الفلسفي لأنه يركز على الجانب
التطبيقي من الفلسفة لأول مرة في مصر والعالم العربي وربما في الشرق
الأوسط, مما يجعلها فلسفة للممارسة وأداة للمساعدة في حل مشكلات
حياتناالعملية في كل جوانبها في كل الأوقات وكل الأماكن.

2.
أنه برنامج يعمق العلاقة البينية بين الفلسفة والدراسات التطبيقية في
العلوم الأخرى , حيث يفيد منه الدارس أيا كان نوع دراسته العلمية –
الأكاديمية السابقة .

ثانياً: أهداف البرنامج:

1.
يستهدف إكساب الدارس إلماماً بمعالم تاريخ الفلسفة وإتجاهاتها قديماً
وحديثاً بصورة بانورامية وغير تقليدية تهتم بالمعالم الرئيسية وليس
بالتفاصيل غير الضرورية.

2. يستهدف تنمية مهارات التفكير
الفلسفي والنقدي, والمنطق التطبيقي لدى الدارس بحيث يكون قادراً على
التعامل مع معطيات العصر الفكرية والعلمية بعقلية متفتحه وبرؤية موضوعيه.

3.
يحقق طموح الدارس ويكسبه القدرة على مواجهة مشكلات العصر العلمية
والحياتية , ويعطيه طرقاً متنوعه لحلها مستخدماً مناهج البحث العلمي
والتفكير العقلاني – النقدي – الواعي والمنظم.

ثالثاً: الخريجون ومجالات العمل:

بعد
أربعة أعوام دراسية وبعد ثمانية فصول متتابعه يستكمل الدارس برنامجاً
دراسياً يؤهله للعمل في أي مجال نظراً لكونه قد أمتلك ثقافه رفيعة تعلم من
خلالها مهارات التفكير العقلاني والنقدي فضلاً عن معرفته لكافة القضايا
الأخلاقية والسياسية والإجتماعية والفنية التي تعالجها الفلاسفة وهي كلها
قضايا ترتبط بكل مافي العصر من مشكلات علمية وحياتية وسياسية كانت أو
أخلاقية أو جمالية . وإن كانت مجالات العمل الأفضل لخريجي هذا البرنامج هي
مجالات الإعلام والصحافه ومجال التدريس والإستشارات الفلسفية فضلاً عن
مجالات العلاقات العامه والخارجية ومنظمات المجتمع المدني العاملة في
مجالات حقوق الإنسان والحوار بين الحضارات والثقافات .

[نداوى 0]

لو سمحتم دلوقتى بقالى 11 يوم مقدمه وصفحتى على الموقع مفيهاش حاجه خالص

هى رمزيه ولا فعلا بينزل عليها حاجات

وهل انا بشتري باقي الحاجات اللى موجود لها اسامى فى صفحتى ولا هتنزل عليها عادي

زى محاضرات تليفزيونيه
وبوربوينت

[marina 0]

كل بينزل على صفحتك لان لان القسم جديد حياخد وقت شوية

محاضرات وتطبيقات وومحاضرات مكتوبة وتلفزيونية

[نداوى 0]

تسلمى اختى للرد

اتمنى ينزل فى اقرب وقت

لانه كمان يوجد لينكات لامتحانات محلوله ومحاضرات ودروس بوربوينت وحاجات كتير

[locindaa 0]

السلام عليكم
هل يوجد شروط لتسجيل فى قسم فلسفه ومتى التسجيل ؟ وشكرااااااااا

[ATOMIX 0]

التسجيل فى شهر مارس أو يوليو.... ولا يوجد شروط

[locindaa 0]

شكرا جزيلا وجزاك الله خيرا

[Sama Queen 0]

لوسمحتو حد يفدنى ويقولى على الملغى فى المواد ايه علشان انا مش عارفه ازاكر ايه

[ỂSläm11 0]

السلام عليكم ورحمة الله وبركاته

أنا اسلام طالب بكلية اداب قسم فلسفة ومش عارف اذاكر اي حاجه

امتحاني يوم 26 يناير

ياريت حد يقولي اذاكر المواد دي ازاي وايه المهم فيها

[نداوى 0]

اخيرا فيه حد معايا فى القسم

للاسف انا دخلت متاخر للرد

اخى ذاكر من الكتاب والمحاضرت الملتيميديا

لان الامتحان جه من الكتاب واسئلته مجاش من حاجه تاني

انا امتحنت 3 مواد واجلت الباقي لان انا ضايعه فى الانجليزي والنحو


بالنسبه للملغى


انا مش بحضر بس محاضرات الملتيميديا هتلاقوا الدكتور فوت اجزاء ومجبش سيرتها نهائى انا عرفت الملغي من كده

[vena sam 0]

مساء الخير انا عضوة جديدة هنا
انا اسمى فيولا
من السويس
كنت عايزة اعرف منك ياندى انتى قدمتى فى القاهرة ولا فى السويس
انا عايزة اقدم ومش عارفة التقديم امتى
وياريت لو تقوليلى المواد عاملة معاكى ايه يعنى حلوة ولا صعبة
علشان انا نفسى ادرس فلسفة
اتمنى اتعرف عليكى

[vena sam 0]

وياريت لو تقوليلى بتمتحنى فى السويس ولا هناك فى القاهرة

[ATOMIX 0]

أهلآ بيكى أستاذه فيولا نورتى المنتدى

[vena sam 0]

ميرسى جدا
وارجو الافادة من أى شخص اقدر اقدم وامتحن فى السويس قسم فلسفة أم لا
وامتى

[vena sam 0]

امتى التقديم

[vena sam 0]

thanx

[نداوى 0]

violette sam كتب:

مساء الخير انا عضوة جديدة هنا
انا اسمى فيولا
من السويس
كنت عايزة اعرف منك ياندى انتى قدمتى فى القاهرة ولا فى السويس
انا عايزة اقدم ومش عارفة التقديم امتى
وياريت لو تقوليلى المواد عاملة معاكى ايه يعنى حلوة ولا صعبة
علشان انا نفسى ادرس فلسفة
اتمنى اتعرف عليكى

اهلا بيكى اختى اسفه فى التاخير فى الرد

هو انا قدمت فى القاهره ولكن بمتحن فى السويس فى كليه التجاره

كل الاقسام بتمتحن هناك

وانتى بتقدمي بتحطي مكان الامتحان السويس وبيزود حوالي 20 جنيه على ما اذكر على كل ماده

انا تقريبا مرحتش خالص القاهره غير وقت التقديم

وكل الكتب كمان والسى دي بتنزل على صفحتك على موقع الكليه

وانا اتشرف بصداقتك اكيد

[vena sam 0]

ميرسى خالص يا ندى ومتكرة على الرد والافادة وتشرفت بصداقتك

[نداوى 0]

تسلمى ياحبيبتى انا هرفعلك الكتب بتاعه التيرم الاول تتعرفي عليها فى موضوع لوحده

[mor 0]

تمنياتي لكم بالتوفيق والنجاح واشكركم علي التعاون الي بينكم

[vena sam 0]

هو لو انا اخترت 3 مواد من الخمس مواد فى الترم الاول
هاخد فى الترم التانى المادتين اللى فاضلين فقط ولا هاخد معاهم مواد من الترم الجديد التالى

[نداوى 0]

ايوه حسب ما اعرف انه هيباه مع الترم الجديد الخمس مواد + المادتين

[محمد صلاح المصري 0]

سلام عليكم
انا محمد صلاح من الزقازيق مسجلتش لسه
انما اتمني اكون زميلكم ان شاء الله
ــــــــــــــــــــــــــــــــــــــــــــــــــــ
كان عندي استقسار صغير سجلت في المنتدي مخصوص علشانه دلوقتي انا ثانوية عامة 2008 ينفع اسجل ولا لازم استني للسنة الجاية ولو ينفع هل باب التسجيل لسه مفتوح وليه لما دخلت علي موقع التعليم المفتوح بجامعة القاهرة مفيش في البرامج اللي المفروض ان اختار منها مفيش قسم فلسفة ؟؟؟
ياريت حد يفيدني ومتشكر مقدماااااااا (:

[نداوى 0]

اهلا بك

انا انتظرت الاداره ترد لانها ادري بالقوانين

لكن

بالنسبه للى اعرفه انه لازم يمر خمس سنوات ممكن تتصل بالمركز وتتاكد

اما بالنسبه لقسم فلسفه فهو موجود ولكنه جديد دي اول سنه ليه وانا قدمت بدور يناير والتقديم القادم اخر مارس

[mor 0]

اهلا وسهلا بيك يا استاذ / محمد صلاح
ناسف للتاخر في الرد

ده الشرط الي يهمك

شروط الالتحاق
ببرامج التعليم المفتوح بجامعة القاهرة

1. الحصول على الثانوية العامة أو ما يعادلها، أو الدبلومات الفنية، أو الحصول على مؤهل عالى دون التقيد بسنة الحصول عليه، وبشرط مضى فترة خمس سنوات على الأقل على تاريخ الحصول على الثانوية العامة أو الدبلوم المتوسط، وبشرط ألا يقل المجموع فيها عن نسبة 50%.
ويثتثني شرط الخمس سنوات الطلاب الحاصلين علي الثانويه العامه عام 2009 .

دي مواعيد التسجيل

الأولى : التسجيل في الفصل الدراسي مارس وموعد امتحاناتها في شهر يوليو

الثانية : التسجيل في الفصل الدراسي سبتمبر وموعد امتحاناتها في شهر يناير ( من السنة التالية للتسجيل)

دي الاوراق المطلوبه

1- أصل استمارة الثانوية أو الدبلوم الفنى أو مستخرج رسمى منها، وبالنسبة للطلاب غير المصريين تكون موثقة من خارجية الدولة التابعين لها أو من سفارة هذه الدولة من جمهورية مصر العربية.
2- أصل شهادة الميلاد أو مستخرج رسمى منها.
3- عدد 4 صور شخصية.
4- صورة البطاقة الشخصية أو صورة جواز السفر.
5- أصل الموقف من التجنيد بالنسبة للذكور المصريين.
6- شهادة البكالوريوس أو المؤهل فوق المتوسط إذا كان حاصلاً على مؤهل أعلى من الثانوية.
7- بيان بتقديرات المواد التى سبق أن درسها الطالب فى المعهد أو الكلية، حتى يمكن النظر فى إعفائه من المواد السابق دراستها والنجاح فيها، وبحد أقصى عشرة مقررات.
(لايعفى الطالب المفصول بسبب استنفاذ مرات الرسوب من معهد أو كلية من المواد التى سبق له دراستها والنجاح فيها قبل فصله منها وذلك تطبيقا لقرار المجلس الأعلى للجامعات فى هذا الشأن )

ملحوظة: لا يحق للدارس سحب أى مستند تقدم به إلا بعد حصوله على البكالوريوس أو عند انسحابه من البرنامج نهائياً.

اما قسم الفلسفه كما اشارت الاخت الفاضله / نداوي بانه قسم جديد وتم افتتاحه حديثا وتم الالتحاق به من طلبه دور يناير 2013 .

المعلومات من صفحه الجامعه ولحضرتك زياره الموقع والاتصال بهم للتأكد وشكرا

http://www.ou.cu.edu.eg/IndexForOnLine.aspx

[محمد صلاح المصري 0]

انا الحقيقة متشكر جداااا ع الاهتمام جزاكم الله خيرا (:
واضح اني لازم استني لشهر سبعة او بالكتير مارس الجي
وربنا يوفقكم

[mor 0]

استاذ / محمد حاول الاتصال بالمركز او مراجعتهم بنفسك والتاكد من التعليمات واللوائح
لعل وعسى يكون في تعديلات علي اللوائح الخاصة بالقبول