حد فاهم اساسيات الرياضة

[amera1 0]

بسم الله الرحمن الرحيم

لو حد فاهم اساسيات الرياضة للتجاريين يفهمنى
ا انا تيرم اول ومش بقدر احضر محاضرات فى الجامعة
واكتر حاجة واقفة قدامى هى الرياضة لانى مبحبهاش اصلا
ومش فاهمة الخطوات الى فى الكتاب والمحاضرات

استفسار:

مفيش مكان زى الدروس الخصوصية كدا بيشرح بطريقة مبسطة؟؟

ولكم جزيل الشكر

[elbeksh 0]

ممكن تذاكري مع اصدقائك علشان دروس الجامعة مكلفة جداا
انا اسمع انا المادة ب 400 دة للانتظام
ومشكلة كلية التجارة انها معظمها رياضة وحسابات

[man_reda 0]

amera كتب:

بسم الله الرحمن الرحيم

لو حد فاهم اساسيات الرياضة للتجاريين يفهمنى
ا انا تيرم اول ومش بقدر احضر محاضرات فى الجامعة
واكتر حاجة واقفة قدامى هى الرياضة لانى مبحبهاش اصلا
ومش فاهمة الخطوات الى فى الكتاب والمحاضرات

استفسار:

مفيش مكان زى الدروس الخصوصية كدا بيشرح بطريقة مبسطة؟؟

ولكم جزيل الشكر

فى مراكز فيها دروس زى الجامعه

أنتى ممكن تذاكرى من السى دى وعلى فكره أنتى عندك اللى بيديكى رياضه الدكتور مصطفى عبد الغنى وده دكتور لا يعلى عليه دكتور عشره على عشره أحسن من أى مكان بره وشرحه فى السى دى كويس جدا

وبعدين كليه تجاره تعتمد على الرياضه والمحاسبه

ولو أحتجتى حاجه حددى اللى مش فهماه بالظبط وأكتبيه فى تعالو نراجع النهارده مادة الرياضه ( ونحل تطبيقات الجزء الاول الي ذاكرناه)
وإن شاء الله هتلاقى اللى يساعدك من الاخوه الاعضاء

[amera1 0]

هحاول اذاكر من السى دى هات الى عندى وربنا يسهل بس ادعولى اعدى التيرم ده على خير
ومتشكرة جدا عالاهتمام بسؤالى والرد عليه
لكم منى جزيل الشكر والتقدير

[استاذ توفيق 0]

انا كنت زيك يا اختى اكره الرضيات  ايام المرحلة الابتدائية والاعدادية ولم اصدق انى اجتزت الصف الاول الثانوى حتى اخترت اشعبة الادبية ثم الى اداب الاسكندرية تخصص لغة عربية

 ومن عجيب امرى انى احسست حنينا الى مادة الرياضيات فجعلت اذاكرها من البدايات الاولى مثل تعريف المجموعات وانواعها والاعداد النسبية وشيىء من الاعداد الحقبقية والاسس الى اخره

 وتحليت بالصبر والمثابرة حتى لقد اقرأ فى كتاب ابنتى وهو خاص بعمليات التمويل والفوائد وفهمت منه قدرا لا باس به

 وكنت اذا استعصت عليه مسأله او نظرية اعاود الرجوع اليها مرة ومرات او استفسر عنها من صديق او حتى من طالب لى به صله قرابه او جوار
 واريد ان اؤكد لك ان الصبر وكثرة المحاولة والاستمرارية فى العمل هى اجنحة تحقيق الهدف  واعلمى أن معرفة شىء يعينك على معرفة شىء اخر  لأن العلم بعضه مبنى على بعض  .  وبعد كل هذا ستحصلين على البكالوريوس ولكن اين الوظيفة ؟ ؟؟؟  هذا هدف حير طوابير الخريجين

[استاذ توفيق 0]

والان انا اتصفح مواقع تقدم الغاز رياضية . لا يفهمها الا من لديه قدر جيد من معرفة المعادلات ذات مجهول واحد و مجهولين ومن لديه معرفة بدرس النسبة والتناسب
 فمثلا : اذا كان لدينا حوض ماء يصب فيه  صنبور ماء فيملؤه فى 3 ساعات  وحنفية اخرى تفرغه فى 4 ساعات فاذا  فتحنا الصنبورين معا فكم يلزم من الوقت لملء الحوض اذا كان فارغا ؟
 الاجابة :  12  ساعة
 اما خطوات الحل فهى :
 1- مقدار ما يملا فى ساعة واحدة = ثلث الحوض
2- مقدار ما يفرغ فى ساعة واحدة =ربع الحوض
3- الفرق بينهما = 1/3 -1/4 = 1/12 من حجم الحوض خلال ساعة واحدة
و بما انه خلال ساعة واحدة يمكن ملء الحوض الى واحد على 12 من حجمه
اذن  نحتاج الى 12 ساعة لملئه كاملا وهو المطلوب
 الذى اردت ان اوصله اليك انى رغم تخصصى لغة عربية  تمكنت بعون الله من فهم شىء كثير من علم الرياضيات . حتى كنت قد قرات فى درس الفوائد البسيطة والمركبة وتعرفت على شرح قانون الربح او الفائدة المركبة ونسيتها لانى اهملتها ثم رجعت اليها ثم تركتها فنسيتها الا قليلا