تعارف طلبة كلية الزراعه

[ATOMIX 0]

أهلآ بكل طلبة زراعه  

يمكنكم التعارف هنا... نرجوا التفاعل والمشاركه

[ahmed.sef 0]

وعليكم السلام
اخيرااااااااااا لقيت منتدى عن الكلية
انا مستوى الاول الفصل الاول دور 2013
ياريت يبقى فى تفااااااعل عشانا انا فى حاجات كتير معرفهاش

[ATOMIX 0]

أهلآ بيك أستاذ أحمد نورت المنتدى

وإن شاء الله هتلاقى فى تفاعل من باقى زملائك

[ahmed.sef 0]

اهلا بيك هو مفيش حد دور يناير مستوى اول هنا

[ATOMIX 0]

متقلقش إن الله مع الصابرين وإحنا معاك ...وممكن نسعدك على قدر المستطاع

[mohamed4636 0]

وعليكم السلام
انا محمد ترم ثالث

منتدى جميل ربنا ينفع به

[ATOMIX 0]

أهلآ بيك يا أستاذ محمد وأهلآ بكل طلبة الترم الثالث

[ahmed.sef 0]

طيب بمناسبة المساعدة انا عاوز اعرف حاجتين اول حاجه هل التطبيقات والتدريبات اللى فى ملفى الشخصى لكل ماده وعددهم تقريبا 8 تغنى عن الملازم ؟؟ وهل فى ملازم اصلا ممكن اشتريها من مكان معين جانب الجامعة ,, وتانى حاجه فى تدريبات للعملى قبل امتحان العملى وبيبقى امتى

[ahmed.sef 0]

وشكرا جدا جدا

[ATOMIX 0]

المواد المرفوعه على صفحتك الشخصيه دى اللى مفروض تركز عليها عشااان دى اللى بيحطها الدكتور

اللى بيديك المحاضرات وبالنسبه للملازم ممكن أنك تحاول تحضر يوم فى الجامعه وتعرف تصورها

وتسأل عن تدريبات العملى ..... وخلاصة المناهج وهتذاكر أيه

[marina 0]

اخى العزيز

حاول تحضر حتى اولاسبوع من المحاضرات علشان تعرف الدكتور حيشرح من الكتاب بس ولا حيشرح من المحاضرات

ولا اية نظامة ولا موزع ورق عليهم مهم جدا حضور اول محاضرات او حاول تتعرف على حد بيحضر وتاخد تلفونة ويقوالك اية النظام

مفيش بيكون فى مكتبة الجامعة غير المحاضرات والتطبيقات الا فى صفحتك الشخصية
امالو عايز تشترى المحاضرات الا بيشرحها الدكتور فى الجامعة ممكن تسال زملائك او تسال فى المكتبات المنتشرة حول الجامعةزى الكابتن وغيرها

[ATOMIX 0]

[ahmed.sef 0]

ATOMIX تمام يا باشا

[ahmed.sef 0]

marina تمام يا فندم

[gaan10 0]

السلام عليكم

انا طالب جديد فى كلية زراعة بس عندى مشكلة لعدم حضورى بسبب شغلى وطبعا مافيش وقت اذاكر من الكتب الكبيرة دى ولا عارف ايه اللى اتحذف وايه اللى ماتحذفش فهل فيه ملخصات بتنزل قبل الامتحان وامتى وفين واذا كانت موجودة فهى تكفى ام لا الرجاء الرد لأن الوقت بيجرى وانا مش عارف اذاكر ازاى وعندى قلق جامد بسبب الموضوع ده

[ATOMIX 0]

أهلآ بيك gaan10 معانا فى المنتدى

اقتباس :

عندى مشكلة لعدم حضورى بسبب شغلى

كان الله فى عونك ... بس حاول تخصص كل يوم نص ساعه تذاكر فيها عشان الموضوع يبقى سهل عليك

اقتباس :

وطبعا مافيش وقت اذاكر من الكتب الكبيرة دى ولا عارف ايه اللى اتحذف وايه اللى ماتحذفش

حاول تحضر على فترات ... ممكن فى الشهر مره عشان تعرف هما خدوا أيه وتابع مع زميلك

وقبل الإمتحانات حاول تحضر عشااان فى الوقت ده الدكتور بيحدد أيه الملغى من المنهج

وكمان صفحتك الشخصيه الموجوده على النت ممكن تذاكر منها ... المحاضرات المكتوبه والسيديهيات

وكمان فى تطبيقااات وفى نماذج للإمتحانات السابقه

وبالتوفيق والنجاح

[gaan10 0]

شكرا على الافادة

[gaan10 0]

لو سمح احد الاصدقاء بالفرقة الاولى من اللى بيحضروا المحاضرات اعطائى رقم تليفونه بس علشان كل فترة اعرف منه ايه الجديد يكون له كل الشكر

[ahmed.sef 0]

وعليكم السلام
اهلا بيك
بص اولا زي مانت شوفت تعليقاتى انا مكنتش عارف حاجه خالص بس حضرت المحاضرات وعرفة النظام ماشى ازاى ,, فى محاضرات على حسابك الشخصى ودى هى الى بتتشرح من الدكاترة بس بيبقى فيها شوية اختصارا بسيط اثناء الشرح وانا عشان التكاليف متبقاش كبيره مصورتهاش من النت اشتاريتها من كلية الزراعة من المكتبة أستاذ شريف , للوهلة الاولى هتبص فى المحاضرات المطبوعه هتقول مفيش فرق بينها وبين الكتب عشان كتيره حبتين بس هي مختصره موجود دلوقتى 5 مواد "110 ج" ومادة الفسيولجيا بعد العيد هتنزل ممكن حضرتك تروح مره وحده تحضر المحاضرات وفى نفس الوقت تشترى المحاضرات وكل محاضرة ممكن تذاكرها فى تقريبا ساعتين ولما تخلصهم ممكن تدخل فى التدريبات والتطبيقات بتاعت كل مادة او الملخصات اللى بتتصور من الطلاب اللى بيكتبو ورا الدكاتره انا عندى بردو مشكلة فى الحضور لانى من محافظة تانيه وحتى لو سافرة القاهرة بدخل نص المحاضرة التانية

[gaan10 0]

الف شكر يا استاذ احمد على الافادة وانشاء الله نتواصل مع بعض وبالتوفيق

[ahmed.sef 0]

العفو ياباشا : ) ان شاء الله

[taha farouk 0]

اهلا بيكم جميعا ....
انا تيرم اول يناير 2013 ... لسة جديد
شكرا على اسالتكم وردودكم الشاملة
والمفيدة

[ATOMIX 0]

أهلآ بيك يا أستاذ taha farouk نورت المنتدى

وإن شاء الله تستفيد من المنتدى وكمان تفيد باقى زملائك

[AHMED M AHMED 0]

السلام عليكم ورحمة الله وبركاتة
اخوكم احمد محمد منتسب جديد واود ان اتعرف عليكم

[ATOMIX 0]

أهلآ بيك يا أستاذ محمد نورت المنتدى

[AHMED M AHMED 0]

انا مقيم في الخارج وارجو معرفة الاتي
هل في اشياء انحذفت من المنهج ام لا
وخصوصا مادة طبيعة الارض والهندسة الزراعية
ولكم الشكر والتحية

[AHMED M AHMED 0]

يا شباب بقول انا طالب جديد اين انتم

[ATOMIX 0]

أهلآ بيك يا أستاذ أحمد نورت المنتدى

[AHMED M AHMED 0]

بسم الله الرحمن الرحيم
انا احوكم جديد في الترم الاول وعاوز اعرف هل في مناهج حذفة من المقررات ام ماذ
وكمان انا حاسس ان الصفحة الخاصة بي لم تتغير باي جديد
وبراسل الادارة من علي الصفحة ومحدش بيرد علية
نرجو الافادة وذالك لكوني مقيم خارج مصر
برجاء من كان عندة اجابة لايبخل علية بها ولكم جزيل الشكر
[img][/img]

[ATOMIX 0]

أهلآ بيك

فى الغالب المحذوف لا يكون فى أول الترم ... بل قبل وقت الأمتحانات

وبالتوفيق والنجاح

[AHMED M AHMED 0]

انا شاكر جدا علي الاهتمام
وشكرا

[moelgendy78 0]

[ايمن نور 0]

السلام عليكم ورحمه الله وبركاته

[ايمن نور 0]

فى حد متابع

[هيثم حمدى 0]

يارب يعدى الترم دا على خير[b]

[hany89 0]

السلام عليكم ياشباب انا لسة اول ترم انا تيرم اول اكتوبر 2013 ... لسة جديد وعايز اعرف منكم هل المزاكرة فى البيت كفاية ولا لازم الحضور علما بان شغلى لايسمح لحضور المحاضرات حتى يوم الجمعة والتدريب العملى بيبقى كام يوم وكام مرة فى السنة ارجوا الافادة من اصدقائ الاعزاء....

[حواس 0]

hany89 كتب:

السلام عليكم ياشباب انا لسة اول ترم انا تيرم اول اكتوبر 2013 ... لسة جديد وعايز اعرف منكم هل المزاكرة فى البيت كفاية ولا لازم الحضور علما بان شغلى لايسمح لحضور المحاضرات حتى يوم الجمعة والتدريب العملى بيبقى كام يوم وكام مرة فى السنة ارجوا الافادة من اصدقائ الاعزاء....

 
مرحبا بك أخي هاني صديقا جديدا لمنتديات المنار التعليمية .

الهدف من التعليم المفتوح لمن هو في مثل حالتك بالأساس ، بمعني يكفي جدا ويمكنك متابعة المحاضرات على قناة  UNIV2 على النايل سات ، فضلا عن الموجود على صفحتك الشخصية .

بالنسبة للتدريب العملي : المدة من 3 : 5 أيام .

العدد : 4 مرات خلال ال4 سنوات ( قسم نفسك كل سنة مره ) .
     
     الأولى - مزرعة الكلية بالجيزة .
      الثانية - مزرعة الكلية في وادي النطرون بالبحيرة .
      الثالثة - محطة البحوث الإقليمية بالنوبارية
     الرابعة - مركز البحوث الزراعية بسخا ( كفر الشيخ )

وللتوضيح يمكنك زيارة الرابط التالي :-

http://www.ou.cu.edu.eg/NewsDetails.aspx?NewNumber=196


مع خالص أمنياتنا لك بالتوفيق والنجاح .

[hany89 0]

انا بشكركم جزيل الشكر على سرعة الرد وهذا ما تعودناة منكم

[hany89 0]

سؤال ثانى لو تكرمت هل الفترة الدراسية المحددة للدارس كفيلة باتمام مراجعة جميع المقررات ولا ابدء بعدد اقل من المقررات لضيق الوقت ولو عايز اعتمد استمارة بطاقة من المركز هل يتيح ذلك وشكرا جذيلا.....

[حواس 0]

hany89 كتب:

سؤال ثانى لو تكرمت هل الفترة الدراسية المحددة للدارس كفيلة باتمام مراجعة جميع المقررات ولا ابدء بعدد اقل من المقررات لضيق الوقت ولو عايز اعتمد استمارة بطاقة من المركز هل يتيح ذلك وشكرا جذيلا.....

نعم الفترة تكفي ، بشرط المذاكرة الجيدة ، وخصوصا كلية الزراعة بالذات تحتاج لمجهود مضاعف ..

أما بخصوص الإعتماد ممكن أحد الأخوة يفيدك في هذا أو يمكنك الإتصال المباشر على المركز للإستفسار .

[hany89 0]

سؤال لو تكرمتم هل لكلية الزراعة وظائف ممكن اتقدم لها بعد التخرج وهل الوظائف متاحة لانى فى ناس بتقول انى زراعة مجرد شهادة فقط ارجوا من سيادتكم التكرم بالتوضيح وشكرا.........

[hany89 0]

السلام عليكم كنت عايز اعرف الحاضرات هتكون فين بالضبط فى المركز ولا كلية زراعة وهل الدراسة يوم الجمعة فقط وشكرا

[حواس 0]

hany89 كتب:

السلام عليكم كنت عايز اعرف الحاضرات هتكون فين بالضبط فى المركز ولا كلية زراعة وهل الدراسة يوم الجمعة فقط وشكرا

http://www.ou.cu.edu.eg/NewsDetails.aspx?NewNumber=168 تابع هذا اللينك

[hany89 0]

السلام عليكم لية مفيش اى تفاعل من السادة الاعضاء فى كلية زراعة والادمن لكى تكون فى مناقشات وفوائد تعم على الكل

[حواس 0]

hany89 كتب:

سؤال لو تكرمتم هل لكلية الزراعة وظائف ممكن اتقدم لها بعد التخرج وهل الوظائف متاحة لانى فى ناس بتقول انى زراعة مجرد شهادة فقط ارجوا من سيادتكم التكرم بالتوضيح وشكرا.........

1-                معيداً بالكلية وذلك مرتبط بتفوقه وتقديره العام واحتياج الكلية.
2-                أخصائي زراعي بوزارة الزراعة.
 3-                مساعد باحث في المراكز البحثية بوزارة الزراعة.
 4-                الشركات الزراعية (شركات قطاع الأعمال).
 5-                مدرس زراعي في المدارس التابعة لوزارة التربية والتعليم أو المدارس الخاصة.
 6-                مرشد زراعي في وزارة الزراعة وكذلك الهيئات الزراعية.
 7-                أخصائي إعلام زراعي بالمؤسسات الإعلامية.
 8-                خبير زراعي في التخصصات المختلفة بوزارة العدل.
 9-                أخصائي بوزارة التخطيط ووزارة التنمية والتجارة الخارجية.
 10-           العمل بالهيئة العامة للرقابة على الصادرات والواردات.
 11-           العمل بالحجر الزراعي الجمركي .
 12-           العمل بوزارات الري ومشروعات استصلاح الأراضي والمشروعات القومية الكبرى (مثال توشكى).
 13-           أخصائي ببنوك الائتمان الزراعي والبنوك التجارية.
 14-           مرشد اقتصاد منزلي بوزارة الزراعة والشئون الاجتماعية والصحة والسكان والقرى السياحية والفنادق.
 15-           العمل في مشاريع التشجير بالأراضي الجديدة والقرى السياحية.
 16-           العمل بمصانع إنتاج الورق وتصنيع الأخشاب ومنتجاتها.
 17-           أخصائي ملابس ونسيج في مصانع الغزل والنسيج وإعداد الملابس.
 18-           العمل في مصانع الألبان والأغذية.
 19-           العمل في المشاتل الحكومية والخاصة وتصميم وتنسيق الحدائق.
 20-           أخصائي في مجال تصنيع الأغذية وتحليلها ومراقبة جودتها في المصانع والهيئات التي تعمل في هذا المجال 
21-           أخصائي تسويق زراعي.
 22-           مجالات العمل الخاصة المعروفة بأسم المشروعات الصغيرة في المجالات الزراعية المختلفة.
 23-           أخصائي في مكافحة الحشرات الزراعية والحبوب المخزنة والحشرات المنزلية.
 24-           الفرص المتاحة للعمل بالدول العربية والأجنبية.

[mor 0]

 

[المهندس يحى الحميدى 0]

السلام عليكم ورحمة الله وبركاته
أخيكم ومحبكم المهندس / يحى الحميدى
مدينة دسوق / محافظة كفر الشيخ
حاصل على دبلوم الزراعة لسنة 1976
وأود التعرف على الاخوة الأفاضل فى الموقع وكذلك الاخوة الدارسين بكلية زراعة كفر الشيخ
والتواصل سويا ويكون ليا عظيم الشرف الذى أعتز وأفخر به وبكم جميعا
حيث أننى سوف أتقدم للدراسة بكلية الزراعة ان شاء الله
وتقبلوا منى وافر تحياتى وتقديرى واحترامى

[محمد سمير 0]

انا محمد سمير من محافظه الوادي الجديد وهي تبعد عن جامعه القاهره مسيره 12 ساعه بالأتوبيس لذالك انا لا استطيع ان احضر أي محاضرات في الكليه بسبب المشوار الطويل وظروف شغلي فارجو من أعضاء المنتدي الكرام أن يتواصلو معي ويساعدوني بارك الله فيكم مع العلم أني في الترم الخامس وجزاكم الله عني خير الجزاء