سؤال عن الترجمه

[noura83 0]

السلام غليكم انا طالبه جديده معاكو وسجلت الخمس مواد تيره اول واول ما ابتديت المزاكره زاكرت كتاب القراءه والفهم وكنت فاكره انى لما اترجم الكلمات كلمه كلمه فى الاخر هفهم القطعه بتقول ايه لكنى بترجم القطعه لكن فى الاخر ببقى مش فاهمه القطعه بحس ان الكلام المترجم مش ماشى مع بعضه بشكل عام مش عارفه اعمل ايه وبعد ما كنت متحمسه ومتفائله جالى احباط ومش عارفه اعمل ايه معلش طولت عليكوا

[marina 0]

اهلا بيكى

الكتاب ملغى الدكتورة فى قراءة وفهم 1 ترم اول بتشرح من ملزمة بتصورها

[khaled38 0]

يانورا لما بترجمي الكلمة من القاموس بتلاقي الكلمة الواحدة ليها معاني كتير لكن بتختاري المعنى اللي بيناسب السياق اللي الكلمة فيه..يمكن تكوني بترجمي الكلمات حسب ذاكرتك ومش بالمعنى المطلوب في السياق عشان كده لازم ترجعي للقاموس لما تلاقي المعنى مش متركب زي مانتي بتقولي...ومفيش داعي للاحباط بالعكس مع الاستمرار هتلاقي مذاكرة اللغة شيقة جدا وكل ماهتفهمي حاجة هتلاقي الاحباط ده اتحول للعكس.

[reda mostafa 0]

الموضوع بسيط جدا بس حضرتك شاركى زميلاتك بعد كل محاضره الصعوبات اللى بتوجهيها لانى الحقيقه

الامر ده مش شايف له صوره صعوبه

المواضيع كلها عاديه بس حضرتك شاركى زميلاتك هتلاقى منهم الكتير الامر عندهم محلول وممكن يقراءه لك درس درس ويفهموا لك بالعربى

اما الترجمه الحرفيه مش تنفع اطلاقا

[reda mostafa 0]

صباح الخير



marina

كتاب القراءه والفهم ملغى الله يبشرك بالخير

عامه يوم الجمعه علينا المحاضره دى وان شاء الله المعلومات عن الغائه تظل كما هيه

شكرا

[khaled38 0]

الترجمة الحرفية مش بتنفع اطلاقا؟ امال حضرتك بترجم ازاي؟
اللي اعرفه ان الترجمة الحرفية مش بتستخدم في الجمل الاصطلاحية لكن في اي ترجمة بنترجمها ترجمة حرفية والاختلاف بيكون في اسلوب المترجم نفسه.

[noura83 0]

شكرا ياجماعه ليكو جميعا على ردكو واهتمامكو بس ازاى الكتاب ملغى وده اللى انا استلمته واجيب منين ورق المحاضرات مع العلم انى صعب جدا اروح الكليه

[khaled38 0]

بصي يانورا ذاكري من صفحتك الشخصية الأتي:
المحاضرات التليفزيونية+التطبيقات التليفزيونية+المحاضرات المكتوبة+التطبيقات المكتوبة+الامتحانات
الاول بتحمليهم على جهازك وبعدين وقت ماتحتاجي تذاكريهم بتلاقيهم عندك.

[noura83 0]

شكرا ياخالد ليك جدا انت ومارينا ورضا وربنا ينجحنا جمعيا ان شاء الله

[marina 0]

نصيحة اتواصلى مع صحابك

فى حلقة دراسية ترم اول

دا عادى ان الدكتور يلغى

الكتاب وعادى جدا تلاقى الى بيشرح على سى دى غير دكتور المادة لابد تتعودى على كدة

وانت حتلاقى ممكن تحت تطبيقات وممكن تحت محاضرات من صفحتك حتلاقى قطع للدكتورة شاهيناز هى المقررة اما المحاضرات التلفزيونية لدكتور هانى ملغية

[noura83 0]

ده ايه اللخبطه دى هو احنا ناقصين انا حسا انى توهت انا كنت ابتديت اظبط نفسى واركز على الكتب بس واضح انه مش هينفع ربنا معانا باه هى كل حاجه فى الاول بتبقى صعبه بس بتعاونكوا معانا هتبقى اسهل ان شاء الله

[khaled38 0]

شوفي يانورا لو انتي قدرتي تذاكري الكتب نفسها تبقى خطوة ممتازة منك لان الكتب تعتبر ملمة بمعلومات قيمة جدا في جميع المواد...اما موضوع الملغي والمقرر وايه اللي هايجي في الامتحان فده امر سهل جدا وبتعرفيه من المحاضرات اللي على صفحتك ومن زمايلك اللي بيحضروا..وبانصحك تاني لو قدرتي تذاكري محاضراتك والمقرر من المواد وبعد كده تذاكري الكتاب نفسه تبقى خطوة ممتازة وهتفيدك في المستقبل لان الكتب تعتبر مراجع ممتازة.