اعتصام امام وزارة التعليم العالي - هاااام

[princess sarah 0]

بسم الله الرحمن الرحيم
أما بعد
الاخوه الكرام فى المنتدى (اهم حدث لطلبة التعليم المفتوح)
سواء كنت كلية (تجاره-زراعه-دار علوم -خدمه اجتماعيه -حقوق -اداب -اعلام- او اى شئ ) او حتى غير منتسب للتعليم المفتوح ولكنك تحب الحق وتقف معه

شـــــــــــــــــــــــــــــــــــــارك معــــــــــــــــــــانا

اعتصام مفتوح امام وزاره التعليم العالي يوم الاثنين 1 اكتوبر 2012 الساعه 10 الصبح سيشارك فيه كافه وفود ائتلاف طلاب مصر من كافه المحافظات بمشاركه اعضائه وطلاب التعليم المفتوح بجميع دفعاتها وجميع اعمارهم سواء ثانوي او دبلوم او معهد او ايأ كان هنتجمع عند وزاره التعليم العالي بشارع القصر العيني ومعانا الخيام بتاعتنا وفود من كل محافظات الجمهوريه جايه من كل الجامعات عشان تقول لا لنظام الفساد ومش هنسكت لحد ما نجيب حقنا .

مطالبنا تتلخص في ما يلي :-

1) تحويل جميع الحاصلين علي الثانوية العامة بغض النظر عن سنة الحصول عليها الي نظام الانتساب بدون شروط .

2 ) مساواة نظام التعليم المفتوح بنظامي الانتساب والانتظام لجميع طلاب الثانوية العامة دفعات (2009 ، 2010 ، 2011) وجميع طلاب الثانوية العامة في الكليات التي لم يطبق بها نظام الانتساب مثل اعلام واداب وزراعة .

• تعديل مسمي شهادات التعليم المفتوح لتتساوي مع مسمي شهادات التعليم النظامي حيث أن المسميات الحالية تضر وتعوق الطلاب والخريجين بعد تخرجهم من الالتحاق بكافة المؤسسات الحكومية والخاصة لذلك نرجو تعديل شهادات التعليم المفتوح بما يتناسب مع سوق العمل مع ضروره حذف عبارة " بنظام التعليم المفتوح " وكلمة " مركز " من شهادات التخرج واعتمادها من الكلية وادارة الجامعة فنحن طلاب منتسبه للجامعة وتخرجنا من كليات هذة الجامعة وليس لمركز منشق عن الجامعة .

• تعديل مناهج التعليم المفتوح لتتساوي مع مناهج التعليم النظامي .

• تخفيض المصروفات الدراسية 50 % .

هذا الاعتصام يعتبر اهم حدث هيحدث ان شاء الله وهو اللي هيحدد مصيرينا وهيحدد مصير اهدافنا ومطالبنا فنرجو مشاركتنا .

كل واحد عايز يشارك يدخل يقول هشارك معاكم ويكتب اسم جامعتة عشان كل منسق من الائتلاف هيجي مع الاعضاء اللي تابعين للجامعة بتاعته عشان التجمع يكون منظم وشكرا

::::::::::::::::::::::::::::::::::::::::::::::::::::

للتواصل

شهاب صلاح الدين 01000457763

محمود 01110498628

محمد يوسف 01008603809

تابعونا على فيس بوك من خلال (جروب صوت التعليم المفتوح)




مطالبنا عادله وللجميع مستقبلك فى خطر انزل وشارك وكن معانا

[khaled38 0]

ياريت اضافة مطلب مهم جدا الى باقي المطالب وهو:

السماح لخريجي التعليم المفتوح بجميع الكليات بتكملة الدراسات العليا من ماجستير ودكتوراه بجميع الكليات في مصر زي خريجي الكليات النظامية بالظبط.

[هاني أحمد 0]

جزاكم الله كل الخير
نحن معكم ..واظن ان مفيش حد مش هيستفيد من تلك المطالب
يعني كلنا في مركب واحد ...وعلشان صوتنا يكون مسموع لازم نكون ايد واحدة
لنهدم لوائح وقرارات ..افسدت على الكثير منا .في مجال فرص العمل .. حيث اصبح خريج التعليم المفتوح ...منبوذ في سوق العمل والوظائف.
ادعو الجميع ..للتكاتف ليصل صوتنا وتتحق مطالبنا في أسرع وقت ... خصوصا ان مطالبنا مشروعة .مش هتكلفهم حاجه زي باقي المطالب ..هي قرارات جائرة هتتغير فقط ...يعني مش هتكلف الوزير حاجه ..ولو عمل فيها عبيط ..ودن من طين والتانيه من عجين .. وقتها هنصعد الموقف لرئيس الوزراء ونطالب بإقالة هذا الزير.
واضم صوتي لصوت الأخ /خالد

[reda mostafa 0]

غريبه حضرتكم لم تنوهوا عن طلبه الدبلومات او المعاهد فوق المتوسطه الملتحقين بالتعليم المفتوح خير ان شاء الله هما بتوع ثانويه عامه بس هما اللى من حقهم مطالبكم دى

طالب العلم لاتفريق بينهما وواضح ان فزوره الثانويه العامه المصريه ماذالت فى عقول المصريين

اذا كان اعتصامكم اعتصام حقوق واحترام للعلم فلاداعى للتمييز الغير منطقى خصوصا فى التعليم المفتوح

اعتقد من التحضر ان تتكلمون بلسان طالب العلم ثانوى عام او دبلوم او معهد فوق المتوسط او معهد عالى او كليه

مش اكذوبه ثانوى عام فقط ضموا جميع اكذوبات التعليم فى القطر المصرى الملتحق بالجامعه المفتوحه

وذيدوا على طلباتكم بعد تنقيتها من العنصريه الجاهله والتمييز السطحى

حق طلبه العلم فى التعليم المفتوح بعمل دراسات عليا فى الجامعه ووصوله الى اعلى درجات ومسميات العلم فى تخصصه لانه ببساطه طالب علم بارادته وفلوسه ووقته

هما دول طلاب علم الجامعه المفتوحه اللى يقدروا يخدموا العلم وبلدهم لانهم داخلين حبا فى العلم

واسف لو كنت حكيت فى العنصريه والتمييز اللى ماله اى اساس او ركن بين الحاصلين على الثانويه العامه والحاصلين على دبلومات فنيه

[princess sarah 0]

استاذ خالد اشكر حضرتك للاهتمام بالموضوع
واوعدك اني هكلم صاحب الاعتصام انو يضيف المطلب الي حضرتك طلبتو

اشكر حضرتك اشتاذ هاني والله الموفق ان شاء الله ويااارب يكون في نتيجه من الاعتصام

[princess sarah 0]

استاذ**

[princess sarah 0]

استاذ رضا
بشكر حضرتك لانك رديت على الموضوع
في حاجات كتير مفهمتهاش يمكن لان اان معرفش حاجة من الي قلته بحكم اني عممري ماعشت ف مصر ولا درست فيها ف حاجه طبيعيه معرفش حاجه عن الدبلوم والفوق المتوسط والحاجات دي
اكتر حاجه فهمتها الاهانة الي وصلتني من حضرتك والي حسيت بيها جدااا وكانت اهانة لعقليتي او تفكيري قبل ماتكون لي شخصيا
عالعموم صاحب الاعتصام مشترك معي في منتدى اخر ومن باب المشاركة انا عرضت الموضوع في هذا المنتدى وغيره من المنتديات لو حضرتك اخدت رقم التواصل وعرضت كلامك كان ممكن يفهمك احسن مني ومكنتش هتقول كلام جارح
اتمنى اكوون فهمت حضرتك غلط واكون حساسة زياده عن اللزووم وتأكد اني برفض العنصرية بكل اشكالها
وبشكر حضرتك مرة تانية

[reda mostafa 0]

الرد كان على محتوى الموضوع وليس على شخص كاتب الموضوع حاشى لله ان اتطاول على زميله او زميل

لكن محتوى الموضوع بيتلخص فى مطلب فئوى بحت قاصر على فئه معينه وشريحه معينه من طلاب العلم الافاضل فى التعليم المفتوح

وكما اوضحتى انك غير مولمه بنظام التعليم فى القطر المصرى فانى التمس لك العذر

وبما انك متواصله فى منتديات اخرى مع من يقودون هذا الاعتصام فارجوا ان توصلى اليهم جمله فقط

طلاب العلم سواسيه فى الحقوق فاذا اردت ان تقوم باعتصام لمطالب تخص طلاب التعليم المفتوح فتكون المطالب عامه تشمل كل طلاب العلم فى التعليم المفتوح ولاتقصر المطالب على خريجى الثانويه العامه دفعه مانوهتى عنه فى موضوعك

وانا اجزم انكم وانك طلاب علم فلتكن مطالبكم بالمساواه بين طلاب انتظام وطلاب التعليم المفتوح

فى الدراسات العليا وفى مسمى شهادات التخرج وفى المقررات فى كل تخصص

ليس من المعقول التفريق بين طلاب العلم سوى بالعلم نفسه

واتمنى انى اكون محوت سؤ التفاهم الذى حدث فى ردى الاول

اما عن شخصك الكريم فبالتاكيد لك منى كل الاحترام والتقدير

[princess sarah 0]

انا نقلت مطلبك لصاحب الاعتصام

[خطاب العرب 0]

شكرا لكى اختى (اعلاميه فيد التنفيذ ) والاخت كانت ناقله الكلام (عنى) من منتدى أخر فشكر ا لها
اما الاخ reda mostafa لو حضرتك قرأت إلى انا كتبه كويس كنت فهمت ما أعنيه انا كاتب سواء كنت (دبلوم او معهد او ثانويه او اى كان ) دا معناه ان مسبتش حد ملتحق فى التعليم المفتوح إلى وقلت عليه
ثانيا نرجو من حضرتك التكرم ومشاركتنا فى الاعتصام بدل ما نخش فى معارك كلاميه نسبنا من الكلام وننتقل إلى الفعل

دى اخر فرصه علشان نتخرج بشهاده محترمه ياريت نشارك كلنا مطالبنا للجميع وليس لفئه من طلاب التعليم المفتوح دون فئه .......

[reda mostafa 0]

صباح الخير مستر خطاب العرب

مرحبا بك فى المنتدى باختصار انا المداخله من قبلى كانت عن المطالب المحدده فى الاعتصام

وعامه no harm done يالحبيب

بالتوفيق ان شاء الله صباحك معطر بالورد والياسمين

مستر خطاب العرب

[froh 0]

طيب انا لى راى يا جماعه لو سمحتوا لى .. انا شايفه ان مطالبكم لا تتعدى 3 مطالب لاغير وذلك طبقا لاهميتها وتعدد المطالب بيضر قبل ما يفيد يعنى غلى سبيل المثال مطلب تخفيض الرسوم للنصف ممكن تاجيله حتى لا يقتصر ردهم عليكم بان الناحيه الاقتصاديه للجامعه لا تسمح بهذا الان ... وتفضيل طلب محو مصطلح التعليم المفتوح من الشهاده هو الاهم والاوقع حاليا .. ليتمكن الشباب من الحصول على فرص عمل افضل ... وقبولهم لطالب التعليم المفتوح لنيل درجات الماجستير والدكتوراه من اى جامعه داخل وخارج مصر مساواة بطالب الانتظام وهذا طلب هام جدا ايضا له الاولويه ايضا..

[reda mostafa 0]

froh

مداخله جميله وراى سديد اتفق معك تماما

[fadi1 0]

فعلا ممكن تلخيص المطالب في مطلبين
الغاء مصطلح مركز تعليم مفتوح
او تعديلها لانتساب
والطلب التاني امكانيتهم من عمل الماجستير والدكتوراه
دول اهم مطلبين دلوووقتي
وشكرا

[khaled38 0]

برافو عليكي يافروح..راي سديد وانا بايده لان فعلا موضوع الرسوم ده من وجهة نظري انا كمان صعب يتقبل والمفروض المطالب تركز على الاهم ثم المهم واهم مطلبين فعلا هما الدراسات العليا ومسمى الشهادة..ونتمنى يكون في استجابة من المسئولين ونتيجة فعلية.

[princess sarah 0]

good luck all