النحو و الترجمة

[sweet_love 0]

ياريت من اللى فى الترم التانى حاليا أو أى حد عنده حل تدريبات النحو يحاول إنه نتناقش فيها أو حد يعرف طريقة علشان نقدر نعر اللى بنحله صح او غلط لأنه التمارين فى التطبيقات و الكتاب مش محلولة ودى مشكلة كبيرة لى وكمان بالنسبة للترجمة التطبيق رقم 5 معظمه غير مترجم مع إمتحانات الترجمة فلو حد عنده الترجمة أو حاول يترجمها ياريت برده نبقى نتناقش فيها و شكرا لأى حد يقدم أى خدمة مقدما جعلها الله فى ميزان حسناته

[مريم محمد 0]

وانا كمان عندى نفس المشكلة
ياريت فعلا اللى يقدر يساعد يقول نعمل ايه
لانى مش عارفه انا اللى بعمله ده صح ولا غلط

[sweet_love 0]

ياريت من اللى بيحضروا المحاضرات لو فى أى تغيير فى المنهج عن المحاضرات و التطبيقات اللى موجودة فى الموقع أو حتى بالنسبة لشكل الإمتحان يبلغنا لأنه ظروفنا لا تمكنا من الحضور و ذلك بسبب عدم وجودنا فى مصر و شكرا مقدما

[msmsz 0]

السلام عليكم

ممكن تراسليني علي الايميل الخاص

msmsz< يمنع وضع البريد الالكتروني >
انا حضرت كلم محاضرات المراجعه في الجامعه

[sweet_love 0]

وعليكم السلام ورحمة الله و بركاته أتمنى من حضرتك تقول خلاصة كل مادة و المقصود شكل الإمتحان و الملغى و المقرر هنا أو فى منتدى الجامعة لتعم الفائدة على الجميع مثلما فعل طلبة الترم اللى فات و شكرا لتعاونك معنا مقدما

[msmsz 0]

الاخت sweet_love

الحمد لله قدرت احضر كل محاضرات المراجعه النهائيه لكل المواد

1- ماده 121 كلها مقرره ولا يوجد بها محذوفات
2- ماده 122 المقرر فيها
ِProblems of Sentence Structure
verbals
Reduction of clauses into phrases
الامتحان ان شاء الله (كما ذكرت الدكتوره نهله في المراجعه) سيكون عباره عن
اربعة اسئله فقط, كل سؤال خمس فقرات
3- الماده 123 المقرر فيها
Cairo
Family Etiquette
Facts About Food
Kids' Country
4- الماده 124 كلها مقرره ولا يوجد بها محذوفات
5- الماده 125 المقرر فيها
INVENTIONS
COMPUTERS
20TH-CENTURY MEDICINE
ANTIBIOTIC DISCOVERIES
REASSESSMENTS OF TECHNOLOGY
THE MESSAGE
THE CALIPHATE
THE UMAYYAD CALIPHS
THE BEGINNINGS OF ARABIC LITERATURE
MODERN ARABIC LITERATURE
THE ARAB-ISRAELI CONFLICT
THE IRAQI INVASION OF KUWAIT

[sweet_love 0]

شكرا لحضرتك على الرد لكن حضرتك لما تقصد كله مقرر علينا تقصد الكتاب ولا المحاضرات و التطبيقات فقط و بالنسبة لإمتحان الجرامر هتكون الأسئلة إختارى ولا شكلها إيه وبارك الله فيك وجزاك خيرا عنا جميعا

[sweet_love 0]

أنا بستأذن حضرتك إنى هحط المقرر ده فى منتدى الجامعة لتعم الفائدة و يستفيد الجميع وربنا يجعله فى ميزان حسناتك

[msmsz 0]

الاخت sweet_love

1- الماده 121 كلها مقرره يعني الكتاب الجامعي + المحاضرات و التطبيقات المكتوبه
وبالذات المحاضرات والتطبيقات (ركزي عليها جيدا)
2- الماده 122 المقرر بها ما ذكرته عاليا
ايضا ركزي جيدا علي التطبيقات والمحاضرات المكتوبه جيدا
انا عندي نموذج من الامتحان اللي ناقشته الدكتوره نهله حلمي في آخر محاضره
هوه ملف PDF بس مش عارف ارفعه علي المنتدي !!!
الاسئله كلها اجباري (لا يوجد اختياري)
3- الماده 123 المقرر بها ما ذكرته عاليا
ايضا ركزي علي التطبيقات والمحاضرات المكتوبه جيدا
4- الماده 124 ركزي علي الكتاب الجامعي + المحاضرات والتطبيقات المكتوبه
لكن ركزي اكثر في اسلوب الترجمه من والي العربيه وكذلك الكلمات الجديده عليكي
يعني اقرائي كل قطعه جيدا واستخرجي الكلمات الجديده عليكي وافهمي جيدا اسلوب الترجمه
السليم والنحو ايضا اثناء الترجمه
5- الماده 125 ركزي علي الكتاب الجامعي + المحاضرات و التطبيقات المكتوبه
يعني اقرائي كل قطعه جيد جدا وافهمي ايه الاساسيات المهمه فيها وجاوبي علي الاسئله الموجوده في نهايه كل قطعه
ازاي ممكن ابعث لك الملف الPDF الخاص بالماده 122 ؟؟
حيكون مفيد ليكي جدا جدا
كمان الامتحانات بتكون كلماتها واسلوبها مختلفه اختلاف بسيط داخل مصر عن خارج مصر
لكن المضمون واحد
و

[msmsz 0]

بالنسبه للمحاضرات التليفزيونيه لكل المواد بصراحه مش مؤثره ولا مهمه جدا
بصراحه في الترم الاول حملت محاضرات الخمس مواد كلها من موقع الجامعه
وسمعتها كلها وقارنتها بالمحاضرات المكتوبه
هيا هيا !!!
مافيش فرق كبير !!!
ايضا في الترم الثاني حملت محاضرات الخمس مواد كلها من موقع الجامعه وسمعتها كلها
هيا هيا المحاضرات المكتوبه !!!
يعني تقريبا ضيعت وقتي علي الفاضي في التحميل و الاستماع (شهرين كاملين)
المحاضرات التليفزيونيه اللي استلمتها مع الكتب الجامعيه اكثر فائده (نوعا ما)
النصيحه دي ليكي ولكل الاخوه الزملاء اللي عندهم مشكله في تحميل المحاضرات التليفزيونيه من
موقع الجامعه
ملحوظه هامه جدا
الماده 121 الدكتور سعد عبد الرحيم ذكر في آخر محاضره
1-الاسلوب الصحيح لحل الامتحان
2- لازم تكون ورقة الاجابه نظيفه بدون تشطيبات كثيره
3- يكون الخط واضح, ويشار الي الاجابه برقم سؤالها, يعني ما تكتبيش السؤال في ورقة الاجابه وبعدين تكتبي الاجابه هيا الاجابه علي طول
4- خلي بالك من طريقة ضبط الجمله (هو عايز طريقه معينه في ضبط الجمله)
5- لن يوجد في امتحان هذا العام اكتب مقالا في احد الموضوعات التاليه
ولن يكون في امتحان هذا العام اشرح الابيات التاليه
فقط اعرب ما تحته خط, او استخرج من الجمله, او اضبط الجمله او صحح الجمله
والله الموفق ليكي وللجميع
السلام عليكم

[sweet_love 0]

انا مش عرفه أشكر حضرتك إزاى على الشرح المفيد و الإستفاضة دى كلها بس هو فى مشكلة حاليا فى فكرة الكتاب الجامعى يعنى بالنسبة للترجمة حاليا مفيش وقت الواحد يلحق يترجم الكتاب الجزء الأول منه لكن بالنسبة للنحو تقريبا اللى فى الكتاب هو اللى فى المحاضرات و التطبيقات لكن المشكلة إنه التطبيقات كلها مش محلولة وكمان مفيش نماذج للإعراب فى الكتاب خالص و بالنسبة للإمتحان PDF فده حضرتك ممكن ترفعه على اى موقع من مواقع الرفع وتحط الرابط هنا وطريقة الرفع هتلاقيها فى القسم الخاص بالكمبيوتر هو عامة الموضوع سهل جدا تشترك فى الموقع و نفترض إنه 4Shared وبعدين هتلاقى كلمة upload وتحدد مكان الإمتحان من على جهازك فين و بعد لما يترفع هتلاقى رابط تنسخه وتحطه هنا ده لو طبعا الإمتحان عندك على الجهاز معلش هنتعبك معانا بس ربنا يجازيك عننا خير إن شاء الله

[msmsz 0]

الاخت sweet_love
انا رفعت الملف الPDF الخاص بالماده 122 علي هذا الموقع

4shared.com/file/82966818/81779b96/122_exam.html
ده مهم جدا جدا لان هيا دي ان شاء الله نموذج الامتحان اللي ناقشته الدكتوره نهله حلمي في محاضرة المراجعه

[sweet_love 0]

طبعا مفيش كلمة شكر تقدر توصف مجهودك لكن للأسف الملف مش راضى يحمل لكن هحاول تانى هو عامة 4shared or zshared لإيهم مشاكل فى التحميل حاليا علشان كده ياريت أى حد يرفع أى حاجة يستخدم mediafire or midh ربنا يوفقك فى الإمتحانات و يجازيك عننا جميعا خير

[sweet_love 0]

معلش أنا تعباك معايا بس تقصد إيه بضبط الجملة ضبط خاص

خلي بالك من طريقة ضبط الجمله (هو عايز طريقه معينه في ضبط الجمله)

[محمد حمدي 0]

ياريت اللي حضر اخر محاضره في المده 123 يقولنا اذا كان في سؤال اكتب براجراف و لا لا

[sweet_love 0]

فعلا يا ريت لأنه من الحاجات المملة فى الترم ده