حلقه دراسيه ترم ثالث أداب E دور يناير 2013

[abo nooh 0]

آآآمين يارب

[abo nooh 0]

هل بكرة فيه محاضرات بالجامعه ؟

أم أنه في شيء بسبب عطلة رأس السنه الهجريه ؟

اليوم عندنا عطله بسبب رأس السنه الهجريه

[m.abdalla 0]

يا جماعة حد عنده تطبيقات قراءة وفهم .. هي مش موجودة علي صفحتي الشخصية؟؟

[المشتاقة للجنة 0]

السلام عليكم ورحمة الله وبركاته

إخوتي وأخواتي ترم تالت ,, أتمنى للجميع التفوق بجدارة

مواد الترم ده أعتقد إنها سهله نوعا ما عن الترمات اللي فاتت,, بس مشكلتي الترجمة,, مش عارفه ليه مش عارفه أحبها,, مع اني اما بذاكرها بلاقيها مستساغة بس اما اجي اترجم حاجة لوحدي بلخبط الدنيا,, وخايفة أوي منها,, لأني بحس اني معنديش قدر كافي من المفرادات الانجليزية,, ياريت حد يديني نصائح عملية "مش عاوزة كلام نظري" يعني مثلا في مفردات لها أولوية في الحفظ,, وبردو مثلا أهم الأزمنة اللي بنترجم بيها القطع السياسية ,, نستخدم الزمن البسيط أو المستمر,,حاجات زي كده



وربنا يوفقكم كلكم

[Marsil 0]

ازيك مشتاق

بصي اهم حاجة تحفظي كلمات كتير لان الترجمه معتمده عليها بنسبة كبيرة اوي
اما بالنسب للزمن لازم تاخدي بالك وانتي بترجمي يكون الزمن واحد في القطعه كلها
يعني مش ينفعش تترجمي جمله مضاري بسيط وبعدين تترجمي جمله اي ماضي مثلا
لازم يكون الزمن واحد في القطعه كلها

[Noni 0]

ازيكوا يا جماعة وحشتوني اووي الامتحانات قربت ربنا يوفقنا كلنا .. ممكن حد يقولي منهج العربي بالتفصيل والامتحان بيكون ازاي و سهل ولا ايييه

[mahinoor 0]

بليز ممكن حد ينزل إمتحنات 215 علم الترجمة 2011 + 2012
وهل نذاكر الكمرهنشن 212 من الكتاب
وماهي المواضيع المطالبين بها في مادة العربي 211

[محبة نور الإيمان 0]

السلام عليكم ورحمة الله وبركاته...
عاملين ايه في المذاكرة والله أنا لسه بدأت مذاكرة من أسبوع وربي يسهلي إن شاء الله
حابة أعرف عن مادة قراءة وفهم المواضيع اللي بيشرحها الدكتور ازاي اأذاكرها أحفظ الدرس كله ولا ايه وكيف راح يكون الأسئلة على هذه المادة وأكيد طبعا النحو معانا
والكمبرهنشن الدكتور بيشرح قطع القطع دي مش في الكتاب ولا في المحاضرات المكتوبة أذاكر من فين قولولي ؟؟

[محبة نور الإيمان 0]

فينكم طلاب ترم تالت ليه مختفيين أدخلوا
قولولي عاملين ايه في المذاكرة

[abdou978 0]

هاى ؛؛؛ انا كمان محبط من عدم المشاركة والتعاون بين الاعضاء وده بياثر عليا سلبيا كتييير انا حضرت اول محاضره فى الترم وعملتلها شير هنا وبعدين ظروفى ما سمحتش بالحضور تانى اما بالنسه للمذاكره فانا طبعت كل المحاضرات والتطبيقات بالنسبه للمواد الخمسه ولسه ناوى ابدأ يا مسهل اتمنى المحافظه على تقدير التيرم اللى فات على الاقل واتمنى عودة المشاركه مع زملائنا الاعضاء خاصة اللى بيحضروا عشان نستفيد جميعا وربنا معاااااااااااااااااااااااااااااانا كلنا

[mor 0]

اتقدم بشكري لجميع الاخوة والاخوات اعضاء المنتدي القائمين علي مساعدة جميع زملائهم لتقديم لهم كل ما هوه مفيد وحافذا معنويا لطب العلم ، لذا نحسكم علي التعاون المشترك المتبادل بالايجابية ليصب هذا في مصلحة جميع الدارسين ويتوج بالنجاح الباهر باذن الله وان يجعل الله هذا العمل في ميزان حسناتنا جميعا وشكر خاص لإدارة المنتدي مع خالص تحياتي اخيكم عمرو

[اميرة امرالله نافذ 0]

لو سمحتو ياجماعة حد يرد عليا في موضوع القراءة والفهم لان الدكتور بيقول ان القطع من الكتاب بس هي مش موجوده ولا في لكتاب ولا المحاضرات

[اميرة امرالله نافذ 0]

ارجوكم حد يرد عليا ويقلي ازاكر منين

[محبة نور الإيمان 0]

أميرة أمر الله نافذ أنا زيك مش عارفه أعمل إيه مع المادة دي

[محبة نور الإيمان 0]

اتمنى من طلاب ترم تالت انهم يدخلوا و يتفاعلوا ويشاركونا بالمعلومات حيث انني ماأداوم ف الجامعة لإني خارج مصر وانتم املي الوحيد لإنكم ما شاء الله تعرفوا معلومات مهمه و كتيرمفيده وخاصة اللي بيداوم ف الجامعة

أتمنى إنكم تدخلوا ف أقرب وقت

[اميرة امرالله نافذ 0]

ازيك ياقمر عملة اية والله وحشاني بس انا ذيك محتاسة بالماده دي ربنا يستر

[اميرة امرالله نافذ 0]

بس انا سبتها وبدات في مادة تانية علشان مضيعش وقت

[اميرة امرالله نافذ 0]

انا زعلانة جدا ان المنتدي مبقاش مفيد ذي الاول ومبقاش في تفاعل خالص

[اميرة امرالله نافذ 0]

ونفسي اعرف صفحت اداب انجليزي علي القيس بوك

[محبة نور الإيمان 0]

انا بخير والحمد لله انا كمان زيك زعلانه المنتدى مبقاش مفيد زي اول بس قوليلي عاملة ايه ف المذاكرة

[محبة نور الإيمان 0]

ان شاء الله اشوفك ف الامتحان

[محبة نور الإيمان 0]

يا جماعه احد يقولي ف مادة قراءه هل احنا مطالبين ف الإمتحان باسماء المعاجم القديمه والحديثه لانها بصراحه اسماء كتيره وتخلبط

[محبة نور الإيمان 0]

اتمنى احد يرد عليه ف اقرب وقت

[محبة نور الإيمان 0]

ونفسي اعرف فين طلاب ترم تالت فينهم اختفوا؟؟

[fulla 0]

ياجماعة ازى اذاكر مادة المقال انا مش فاهمة حاجة

[محبة نور الإيمان 0]

كان نفسي اساعدك بس انا أجلت مادة المقال

[محبة نور الإيمان 0]

لو حد يعرف يا ريت تقولولها ازاي تذاكرها

[المشتاقة للجنة 0]

السلام عليكم

حبيباتي اللي بيسألوا على مادة comprehention بتذاكري من المحاضرات والتطبيقات فقط ومهم جدا الأسئلة اللي بيركز عليها,,

*الأفكار الرئيسية

*نبرة الكاتب في الموضوع

*رأيك في فقرة معينه من الموضوع

معرفش إذا كان فيه فقرة ترجمه ولا لأ,,, بس انا سمعت ان الدكتور اللي بيشرح في المحاضرات مش نفسه اللي بيدي الطلبة في الجامعة

أنا مش بحضر في الجامعة,, وأتمنى حد من الطلبة يفيدك لكن المادة دي بسيطة إن شاء الله ما تخفوش منها

ومادة المقال هيا فيها قواعد أقرب للجرامر والدكتورة رانيا شرحها جميل وواضح

المحاضرات والتطبيقات كلها موجوده على الصفحة الشخصية

أنا كل ترم مش بحضر وبذاكر من المحاضرات والحمد لله تقديراتي كويسة

[المشتاقة للجنة 0]

marsil شكرا جزيلا ع الرد ربنــــا يوفق الجميع

[اميرة امرالله نافذ 0]

مفيش حد يرد علينا في موضوع ال comprehension

[besho 0]

fulla كتب:

ياجماعة ازى اذاكر مادة المقال انا مش فاهمة حاجة

دى مادة المقال مشروحه باور بوينت منقوله عن أحد الزملاء

وشرحها مبسط وكويس

4shared.com/office/AzHZmO8t/essay_213_L1.html

4shared.com/office/nxcU9tlq/essay_213_L1_2.html

4shared.com/office/OKQ3LLnQ/essay_213_L3.html

4shared.com/office/lemZ1DmU/essay_213_L4.html

4shared.com/office/HtgArmgv/essay_213_L5.html

4shared.com/office/lkcrd_Jb/essay_213_L7.html

[أماني محمد 0]

thanks

[besho 0]

U R WELCOME

[Noni 0]

منهج العربي ايييييييييييييييه حد يرد

[besho 0]

Noni كتب:

منهج العربي ايييييييييييييييه حد يرد

منقول عن أحد الزملاء

المحاضرة الاولى مقدمة مفيهاش موضوع قراءة من 2,3,4,5,6,7 مواضيع قراءة + ثقافة معجمية + نحو . المحاضرات 8,9,10 مراجعات

كل دوووول مقررين

[besho 0]

دى المحاضره رقم 6 فى المقال الباور بوينت

4shared.com/office/ZjmhODXQ/essay_213_L6.html

[ATOMIX 0]

شكرآ أستاذ بيشوى ، أسعدنا تواجدك فى المنتدى ، ومساعدتك لزملائك ، وبالتوفيق يارب والنجاح دائمآ .

[besho 0]

العفو يا فندم انا تحت أمرهم فى أى حاجه أنا أعرفها وسيبك من إستاذ دى إحنا كلنا زملاء واللى يقدر يعمل حاجه يقدمها

بس هما مختفييييين شكلهم من البرد

[emy ahmed 0]

هو انتوا ساكتين ليه كده يا جماعه فين الناس اللي بتحضر هو ماحدش بيحضر ولا ايه ؟

[اميرة امرالله نافذ 0]

أستاذ بيشوي لو سمحت انا مش لقية المحاضرات الي بيشرحها دكتور القراءة والفهم والموضيع بيقول انها من الكتاب بس مفيش حاجة في الكتاب تعرف حاجة عن الموضوع ده

[besho 0]

اميرة امرالله نافذ كتب:

أستاذ بيشوي لو سمحت انا مش لقية المحاضرات الي بيشرحها دكتور القراءة والفهم والموضيع بيقول انها من الكتاب بس مفيش حاجة في الكتاب تعرف حاجة عن الموضوع ده

الله يخليكم سيبكم من استاذ دى

بصى هو الدكتور أساسا أتغير

بس للأسف أنا ما بحضرشى بس هعرف من أى حد من الزملاء ولو فى حاجه هرفعها على طووول

وهو غالبا اللى هييجى فى الامتحانات قطعتين un seen

[besho 0]

فيه 6 محاضرات مقال نزلوا جديد على الصفحه بدل اللى كانوا للدكتوره رانيا

هتلاقوها فى محاضرات مكتوبه

[ATOMIX 0]

besho كتب:

العفو يا فندم انا تحت أمرهم فى أى حاجه أنا أعرفها وسيبك من إستاذ دى إحنا كلنا زملاء واللى يقدر يعمل حاجه يقدمها

بس هما مختفييييين شكلهم من البرد

أنا بحترم كل شخص يساعد زملائه ، وهذه منزلته عندى ، "وأنت تستحقها " بالتوفيق والنجاح إن شاء الله .

[محبة نور الإيمان 0]

ياحلوين حد يعرف الكمبرهنشن هنذاكرها من فين لإن الدكتور بيشرح قطع غير واللي مكتوب في المحاضرات المكتوبه حاجه تاني انا احترت خاصة القطع اللي بيشرحها الدكتور ازاي هذاكرها وهي مش مكتوبه لو حد يعرف هنذاكر من فين يا ريت يقولي

[خالد سليمان 0]

أيوه و انا كمان .. حد يساعدنا من اصحاب السوابق او الناجحين ؟ D: !

[fadi1 0]

ازيكواااااااااااااا ياجماااعه عاملييييييييييييييييين ايه
هاي بيشوووووووووو عامل ايه واخبار الترم المواااد ايه مععععاك
معلش لو هتقل عليك يابيشووو
احنا نزااكر كل ماااده من محاضرات مكتوبه للطباعه وتدريبات صح
وبالنسبه للمقال فيه محاضرات مكتوبه ومحاضرات مكتوبه للطاباعه مختلفين كله هيتزااكر ولا ايه
وشكرررا ليكم

[اميرة امرالله نافذ 0]

الف شكر يابيشو والله مش عرفة اقلك اية ربنا يوفقك

[somya 0]

ألف شكر لكل المساهمين في المنتدى هنا
و اعتذر أني مش بدخل كتير معلش عندي ظروف جامدة و مش عارفة حتى اذاكر خالص
ادعولي يا جماعة انا محتاجة دعائكم

اشوفكم علي خير

[سما سيف 0]

يا جماعة انا نرم ثانى وقرات الحلقة الدراسية ليكوا للترم الثانى عشان استفيد وعرفت مشكلة امتحان الجرامر عايزة اعرف انتو تقديراتكم كانت كويسة والا لا بعد الامتحان الخرافى اللى انا شوفته وهوا فعلا مالوش علاقة بالمحاضرات ولا التطبيقات وهل الجامعة ما خدتش مع الدكتور اى اجراء عشان تعدل اسلوب الامتحان الترم دا ارجوكم افيدونى لان الجرامر كدة بقى عقدة عندى انك تفضل تذاكر حاجة وتلاقى الامتحان حاجة تانية خالص شئ محبط

[besho 0]

fadi كتب:

ازيكواااااااااااااا ياجماااعه عاملييييييييييييييييين ايه
هاي بيشوووووووووو عامل ايه واخبار الترم المواااد ايه مععععاك
معلش لو هتقل عليك يابيشووو
احنا نزااكر كل ماااده من محاضرات مكتوبه للطباعه وتدريبات صح
وبالنسبه للمقال فيه محاضرات مكتوبه ومحاضرات مكتوبه للطاباعه مختلفين كله هيتزااكر ولا ايه
وشكرررا ليكم

إذيك يا فادى ايه الاخبار وايه الاختفاء ده انتوا بردانين ولا ايه

بص هى بالنسبه للقراءه والتعبير كله مقرر 7 محاضرات وده منقول عن أحد الزملاء وهى ماده رخمه وعايزه حفظ والمعجميات مهمه ولو تراجع ع السريع نحو الترم اللى فات

المقال المحاضرات الجديده اللى نزلتها الدكتوره هما 6 فى محاضرات مكتوبه وانا كنت نزلتهم باور بوينت قبل كده وده اللى بتشرح منه دكتوره رانيا

علم الترجمه من المحاضرات

والترجمه من المحاضرات

والكمبرهنشن الدكتور مش هو اللى بيدى نفس الماده بس كل اللى أعرفه ان القطعتين هيكونوا un seen

ولو عرفت فيها أى محاضرات من حد بيحضر هرفعها على طووووول